2006 年 6 月 25 日 星期日 【晴】

去印花廠hea.....

今日星期一...係一個打工仔...
最唔開心o既一日....因為都係要返工...
唉.....算啦...不過今日都唔係好多野攪.....
咁就去左印花廠印野.......不過就要去食左早餐先,,....'
食完野先去囉.....去到...要攪張圖....因為要幫美寶做個jamie...初版...
而且睇住張手指咁細o既圖....又要放大....
足足攪左我成個上午......攪完都三點啦.....
而佢o地又叫我坐下先....唔好返去住...
咁我就係印花廠hea 囉.....不過都好o既.....又學多左幾個功能...
可以做好木photo 囉......而我一路係印花廠hea到四點半先回公司....
回到公司就做返其他野....攪攪下都六點...可以回家啦....
唉....返工真係好慘囉.......做d 野都唔知為咩....
真係為人工囉.....唉...

>>June 28, 2006 at 1:00:45 PM GMT+8

2006 年 6 月 24 日 星期六 【晴】

架機死左呢....

今日呢起身睇睇個鐘12點.....
就以為過左聚會時間...就再訓多陣啦....
點知訓訓下又收到阿mike 電話...叫我返聚會....
咁先知那時係十點....就起身回聚會地方啦...
不過今日唔係返山景....係去元朗....因為近d ma...
而且又唔洗比車錢呢....開心好多呢.....去聚會地方之前就同阿mike 去食下野先...
食完野先再上去聽信息.....那時志光先開始講左冇耐....搵到位就坐低聽啦......
今日講提後.....不過講左成個幾鐘...都係第二章講左幾句聖經....到完左都係講左十三節...
可能長老講野係長氣d 啦.....不過都重要o既...
而我係元朗完左聚會....就別了阿mike 回家啦...
回家之後...就燒o米d 碟做backup....就format 架機啦...
不過install window 先記得 d email 未back up 喎...冇曬囉....
算啦....攪完架機都四點啦...就係家附近行下.....
係大快活食下野.......再睇下書....再回家.......攪o米個電腦...
install 返d software先....咁就攪左我成日啦..
之後係家食完飯...老井又係叫我幫佢攪網頁呢.....
到尾...佢都係唔知自己想做咩o既......
由佢啦....到佢知先搵我啦.....次次都浪費我d 時間呢....因為佢準備不足....
回家...就開始睇波啦....厄瓜多爾對英國o既十六強比賽...
唔知...最後邊個出呢....因為厄瓜多爾都唔係好差....
睇到佢o地好多時間都會有攻勢..雖然最後都係英國以一球勝出...
不過佢o地真係打得唔好....而且好多時間都係拖囉....
等別係保羅羅賓信o既......扮傷....真係不君子囉....

>>June 27, 2006 at 4:27:39 PM GMT+8

2006 年 6 月 23 日 星期五 【晴】

星期六....要返學呢...

今日起身....真係呆呆地咁....
都唔知自己做咩...可能係昨天做功課攪到傻下傻下...
好多事都未攪清.....就合住眼返工啦.....
點知今日架巴士勁耐喎....
攪到我足足等左十二分鐘....所以...攪到我上到車都冇位坐囉...
勁灰....回到公司都係剛剛好唔叫遲....
今日要做咩呢....因為個客係返5DAY....我就少左好多野做...
可以HEA 下....所以.....我就決定只係執圖算....
見餓餓地...就搵個藉口出去食野......再去荔枝角拿野....
不過今日好曬.....熱到傻丫.......所以都唔係見得咁好...
去到那到又要搵...而且佢個名都唔O岩O既...攪到我以為行錯左呢...
拿完野就回公司.....再攪其他野.....而老闆就同師傅出左去...
攪染色....我就再去震歐拿野.......去7仔買野飲那時...
見到成班順豐人....佢O地真係HEA 囉.....而佢O地HEA 曬D 文件係條街到...
自己就係到食野.....真係幾好做喎....回到公司...都剛好食野...
我就PRINT 好份功課...就準備回學校啦...
回到學校...見到老師....佢其實都冇睇我o地d 咩...
而且group work 個個人都問d 野....其實我都唔係問左好多...
最多都係問左十分鐘到....其他時間都係聽.....
好似浪費時間咁....又唔好意思走.....
最後足足坐左兩個半鐘.....唉.....又勁眼訓....都唔走得....
去到青衣城...行左一陣就回家啦.....
回家訓覺.......到八點食完野.....就再做其他野啦...
而夜晚主要都係燒碟囉......

>>June 25, 2006 at 3:37:01 PM GMT+8

2006 年 6 月 22 日 星期四 【晴】

開會開到傻....

今日回到公司...因為D 物料好多都彈左比ANNA 訂...
我就好多時都唔知攪咩啦....
久唔久扮下睇文件....對下野咁囉.....
有時都幾好丫......可以咩都唔洗攪....
雖然好多位都要理.........而可能阿邦見我咁HEA冇咩攪啦...
就叫我去幫佢拿CO....我就要去旺角...好丫...
又可以去行下....不過佢就要上午一點前要...
SO...今日就冇得搵位食野啦....因為我去到唔夠時間....
去到攪好個CO...就有小小時間可以去睇下書....
再回公司.....之前就買左個飯食.......回到公司....等多半小時...
食完野...就訓左一陣.....下午....美寶彈左三件版我做....
不過係執圖......死火啦...點執丫大佬.....
算啦....攪左一陣...都要同老闆去雞仔開會啦....
去到一坐又坐左兩小時....先一小時...係交代下D 貨攪成點....
物料攪成點.....再睇下個期會唔會有問題....
最後一小時係佢O地又彈D 新單比我O地做...
睇下有冇計做好D .....而且想控制成本係低位.....
攪完...傾完...清左個問題之後...我就同老闆回公司啦....
而我就執返今日開會傾過O既野...就執野放工啦...
因為夜晚要去旺角聽野........去到PA...點知一個人都冇....
咁我見呢個情況...就走左去食野....
食完野先上返去.....不過上到去都係見到十幾個人...
應該都唔齊人.....不過算啦.....今日主要都係聽下西藏D 野...
而個醫生就會講下要留意D 咩野....我O地又要做D 咩咁...
雖然聽完...知道我應該係最高危O既....不過好多時我咕放鬆D 冇野啦...
之後就坐車回家做功課.......而今夜就係主要係打字....
將阿田畫左書O既位...打返上去.....所以好易做...
就係咁...打字打到兩點到就訓啦......

P.S. 今日超熱囉...

>>June 24, 2006 at 5:48:18 AM GMT+8

2006 年 6 月 21 日 星期三 【晴】

又係雷雨囉....

今日唔知點解又係雷景警告.....
明明就好好天....而且真係唔知點解囉....
都冇咩事囉.....回到公司....當然都係遲左啦...
因為今日出門口那時...洗左白白ma...
雖然用左唔係好多時間....不過都係耐左....
回到公司....就要做野啦.....d 大佬們就係到hea...
我呢就比人踢左去剪布,.....又要度衫....
真係鬼死咁多件....成20 件呢....真係度都度到傻....
而且我又要攪返綠色底那d 衫....又要度...又要出...
真係好煩囉....又要理o米frd 出貨o既野....唉....
多野做到傻.....好彩老闆唔係到....冇野久唔久彈比我...
之後就出去搵野食...行行下....諗全買雜誌o既....
咁o米行去買叉燒飯囉...回公司食囉....
係公司食住野...睇住雜誌都幾開心....
兩點之後....又回到現實......唉.....工作囉....
而下午主要都係要清曬d 物料比anna 訂....
好多野都要攪好曬佢囉....
過左今日之後.....都彈得七七八八啦.....好野....
放工就回家啦...

>>June 24, 2006 at 5:38:34 AM GMT+8

2006 年 6 月 20 日 星期二 【晴】

分手吧, 我們分手吧

今日一早起身...用左五分鐘時間...係床上直到出門口...
回到公司...當然唔洗遲啦....
咁都遲....真係好唔開心啦...
係公司....就要做野啦....
因為有好多野都未做好....而且要訂好d 物料...
先搵返好雞仔o既撞釘...好彩都搵到...
不過就要等囉.....係呢個時間...
先知道原來老闆已經係公司啦...因為有客係到...
老闆就比我更早o既時間回公司....呢個情況係...
上班到依家...第一次....而個客又係比我更來到囉...
真係奇囉...咁勤力都有o既....而我都少理啦...
叫anna 訂完d 野...我就執好d 絲絨帶sample 出去啦...
先去食野先....好彩原來間野都有早餐食...
如果唔係咁早....午餐點食丫...(雖然到那時都係十點五十五分)..
食完個通粉...就去坐車去荃灣...印野....
去到可能因為當奴太悶...而且抄屎又冇返....
佢就係咁同我講波....咁證明...佢都真係好冇野做囉...
我印完d 野都走啦....再去深水步搵野....
去之前....先去交通....取消個戶口....
取消一個用左好多年o既戶口...應該係我入hw 那時申請o既...
那時係想拿政府資助所以申請o既..
不過依家因為佢成日收我手續費.....決定...解決佢....
咁我同佢...就結束左關係啦~
去到龍門...搵到要o既野.....再行去另外兩間野睇...
見佢o地都冇要o既野....都返龍門...買左個白色...
諗住print 算....之後見時間都早....就去西九睇下...
不過就係時裝鋪睇衫.....試衫.....買衫...
見玩左成個小時..就決定回公司啦~~
回到公司都三點啦....見悶悶地都唔知做咩好...
就睇下有咩物料未攪.....計好要幾多就...彈曬比anna 訂就算啦...
不過有d 時間都冇咩野攪....

>>June 22, 2006 at 4:59:33 AM GMT+8

2006 年 6 月 19 日 星期一 【晴】

Long Time No See

今日回公司...係巴士到見到王志喎.....
真係long time no see 啦....好似軟硬天師咁....
見到佢又想起當年中學o既情況....不過佢就好似見我唔到呢...
回到公司....就食樓下食左野先.....再回公司做野...
不過今日好多時間都係跟個新客d 版....因為好多唔明佢想做咩囉...
問那個merchandis 又好似咩都唔知....要彈比其他人囉....
最後.....決定左點做我就唔理了....
食野之前....美寶又要我攪label...攪到我遲左走....
去食野那時都點半啦......就去左食老麥....
睇住書食囉....其實咁都幾好丫.....一個人都係要hea 下...
回公司...下午主要都係要攪d 物料.....
攪到比雞仔d 人插左一獲....係唔係我問得太多野呢...
攪到佢o地好煩呢.....由佢啦....唔理啦...
訂左d 可以訂先....彈左比anna 就算....
攪到八點到就放工閃啦.....回元朗....
阿mike又搵我食野....吹水....食完野就回家睇波啦...
睇德國囉...對厄瓜多爾......爭首名.....
不過又係一面倒...真係唔開心.....最後做o米功課...
一點到就訓啦...

>>June 22, 2006 at 4:51:05 AM GMT+8

2006 年 6 月 18 日 星期日 【晴】

星期一, 運輸日

今日一早回公司....當然係遲啦....
不過今日可以屈巴士....因為佢o地今日工會發起....
按章工作....希望加人工喎......
如果咁都可以加人工.....我都想試下.....不過細公司....
算啦....大公司就指可以有幾千人罷工啦....
細公司....比人炒曬都似.......回到公司....
本來係想去食完野先回去.....不過算啦....
樓下間野都唔好食....而且咁趕就唔啦...
回公司算......放低d 野都要開始做野.....
久唔久做呢d ....又久唔久做下其他......
有時真係...如果一日唔打日記....就會好快忘了今日做咩呢...
特別係...我成日都係公司....今日唔打...
聽日打返就唔記得今日做咩呢.....
今日好神奇....阿君問我d 投資野.....其實我好多野都唔識呢...
只係可能係比其他同年紀o既朋友行先小小.....
老實...我咩都唔識o既....而且都唔係一定有利潤....
我依家都未搵返之前輸左那d 呢.....唉.....
算啦...食飯之前去左雞仔...比返兩件衫比佢o地...
再回公司就出去啦....去左ive 借書....再買野回公司食...
係公司食完野...又要出去啦....目的地係觀塘....
搵一間公司囉......因為d 野好急...就搵我去啦....
都好o既...係呢d 時間...我咩都唔洗諗....
只係睇住幾時下車......最後搵到間野...就回公司...
途中...只係得"相約星期二:"呢本書陪我呢.....
睇左四十版...都未入肉...都已經覺得好好睇啦....
回公司....執好坐位附近d 野......再度好d 版....
就做返個product 數....計返好......再等ot 完放工....
回到家就係到睇世杯啦....而今日將會完左第二輪小組賽....
當然有d 組已經知道係邊兩隊出賽....又有好多都唔知要踢都幾多年先有得出線囉...
而今日就有沙地對烏克蘭.....不過就好悶囉...一面倒...
睇到3:0 都訓啦....

>>June 22, 2006 at 4:50:12 AM GMT+8

2006 年 6 月 17 日 星期六 【晴】

父親節

今日係一年一度o既父親節....
而我就一訓就訓到十二點啦.....點解呢...
因為昨夜又走左去睇波ma....
睇完捷克那場...就訓左啦....本想睇o米意大利先訓o既...
不過都算啦....太夜啦.....我咕意大利對美國應該都冇問題啦....
點知起身那時先知......打和喎....攪到依家四隊都有機會出線....
當然......依家美國最被動囉..........而且下一場....
大家都係非勝不可.....起身之後.....都唔返聚會啦...留係家中...
做功課...因為下星期都交啦.....最後呢都係覺得悶悶地...
去左行下街o既...其實係去食野囉想.....
不過就去左買書先....買左本叫做"相約星期二"的書....
其實係唔知講咩嫁....不過個名幾好....就買左啦...
買完就去左大快活睇.....一路睇一路食野...
都不知幾好....最好就係可以有時間hea 下....
而我睇睇下都知本書講咩啦....原來係講老師與學生o既關係...
不過.......主要講咩...要慢慢睇啦.....
食完野....再行左一陣就回家啦....
本來今日係應該出街食野o既....不過老爸又指唔洗....
佢指今日多人喎....就係家食算啦.....
咁我就用小一筆囉....而夜晚主要都係睇世界杯囉....
好野....

>>June 22, 2006 at 4:58:06 AM GMT+8

2006 年 6 月 16 日 星期五 【晴】

第八組

今日起身...回公司都知道自己遲左小小....
不過今日就坐西鐵....因為知道自己放工之後都要出旺角...
要坐幾次車去市區....
而我回到公司附近...知道自己遲左....就食完早餐先算啦....
食完野回公司...又肚呵....真係灰爆.....
回到自己位...就要做野啦.....
最近真係好多時間都冇得做自己野....攪到都唔係成日可以打到日記...
要回家打囉...真係好唔開心.....
因為上面廠冇巴黎線...我又要幫佢o地對色.....不過我都唔知自己有冇對錯...
差唔多就算啦....而frd 那到就因為問價錢呢個問題...都攪左我好耐....
唉......而且其實我有好多野都未做好....不過阿田走左黎搵我食野...
我就逼住要走......唉....搵佢食野....因為佢比返d 交流團o既野我...
食完野..我就回家啦.....雖然都想過回公司做野....不過最後都冇做到...
回到家..訓左一陣....就出去旺角搵第八組o既朋友啦.....
搵到佢o地都未齊人....大家都係到了解緊阿權o既傷口囉...
而今夜應該都得七個人...其他人都唔知去左邊....
有helen, 村姑, family, freda, 阿權, jack 同我....咁多個囉...
最後係去左唱k 嫁.......不過今夜大家都係吹水囉.....
而大家都好似唔係好好唱k 咁.....so....而我就更明顯...只係為左睇波啦...
不過夜晚好快比佢踢走囉.....n 字那間野...真係好差.....
算啦.....之後我o地改去食糖水...又吹多左個鐘.....
點知趕唔到西鐵...就同frade 坐巴士入元朗....
回家睇o米捷克對加納....真係咕唔到捷克咁屎....
睇完就訓啦....

p.s. 阿權被飛...依家又搵到一個...真係好野...而且好柏拉圖囉...

>>June 18, 2006 at 7:51:09 AM GMT+8