2006 年 8 月 12 日 星期六 【晴】

足球比賽...

今日起身都係係元朗聚會....而我一起身...
都係比阿mike 叫醒左......咁就出去啦.....
而今日主要都係企係到聚會....其實唔係遲左..
而係陪阿mike 企...因為佢指佢一坐就會訓...
雖然我都知....不過我都真係想坐....
佢又唔坐只好陪佢企下啦.......完左聚會...
我o地去食左個麵....各自回家....而穎祺又指...
下午家族踢波.....咁就叫我o地去....
不過我就同阿mike 分別回家先......之後再出去...
我因為聽唔到電話....阿mike到左山景先....我就再搵佢...
見到佢就去左食d 野...再等d 弟兄下來踢波.....
到左四點幾我同阿mike 食野回來...就見到佢o地啦...
佢o地踢左一陣都換左我o地去.......我就因為冇啦啦....
撞到個鼻出蛟飯離場...阿mike 就狀態太差...離場...
唉......今日大家都好比力......最後都win 5 :3....
好彩而阿mike 同我就等左一陣d 阿叔踢波之後...就走啦..
因為都知拿唔返個場....唉.......回家啦....
就做下自己野.......不過夜晚想去阿嬸到攪電腦...
點知佢o地攪好左啦...唔洗去...我就浪費左d 心機同時間啦...
唉......

>>August 16, 2006 at 5:48:11 AM GMT+8

2006 年 8 月 11 日 星期五 【晴】

新大陸書店

今日起身都係要返工, 不過唔同o既係...
今日唔係坐巴士返工,而係坐西鐵...因為知道今日要行出行入好幾次..
so...就買左張日通啦.....回公司...
當然時間上易就好多啦....只係行多左好多路囉...
呢個就係西鐵唔好o既地方....
回到公司...做完自己野...就出左去荃灣印野...
因為雞仔有d 野要補返上去要印....
so......又要走過去啦....不過好快就回公司...
攪o米d 野就閃啦...因為要去屯門買野...
因為阿田指出有間書店快唔做...所以d 書就半價...
就係咁..所以我好快做完公司野...就去屯門...
搵阿田帶我去買野......去到真係好平...
不過好多書都比人買左...而我只係執到唔係好多...
都係買左幾十本...so....買完野就要拿d 野...回家...
放低左之後就要出旺角....去開會...
因為今日又要開大使館會議.....so.......去到旺角...
見到大家...都係針返個camp做d 咩...
雖然好多野都唔清楚....所以.....要一個一個點咁傾...
傾到十點左右就去食野....而今次又係去上次那一間野食返...
不過今日就有得睇香港小姐囉......
睇住食...食完野大家都各自回家呢....今夜唔係好多人開會...
都係得四個人囉....好灰...

>>August 22, 2006 at 4:43:56 PM GMT+8

2006 年 8 月 10 日 星期四 【晴】

今日一早比阿媽叫醒...點解佢會叫我呢...
因為我真係訓到好晚...一睇鐘都九點啦...
起身拿拿聲就起身返工啦.....唉...
當然今日會更遲啦....回到公司都十點啦...
唉比人扣左一小時人工丫....好灰呢...
當啦回到公司就執返好d 野...因為昨天係雞仔拿左d 野回來~
執好d 野就寫曬d detail比上面跟返好先...
唔係又怕佢o地做錯野....同時又執好d 制單....
其實最近都冇咩野攪.....因為好多野上左去做...
我都冇咩野跟......唉.....
久唔久就做下d 小事囉.....悶到唔知攪咩好....
食野那時...就去左ive 還書....再食老麥....
食完野先回公司....回公司都係做下d 小事....
而且老闆出左去....就更加唔知攪咩好....
有時唔知要攪d 咩...係公司都幾慘下.....唉...
放工之後....夜晚就去荃灣搵d 舊同事食野...
去到都係等囉...因為未齊人...而我又想換書....
不過又冇曬換唔到....咁只好搵佢o地食野先啦...
點知阿sam未到...我o地就係門口睇住電視等囉...
唔係都唔知點......不過真係太耐冇睇電視...
有個睇猩猩同隻狗去買野....真係幾攪野喎...
隻猩猩都幾得意......到最後阿sam 係七點半終於出場...
人齊就可以開位食野......不過因為我都唔知食咩好....
就佢o地叫啦....點知佢o地叫o既有d 我都唔食....
不過就算係咁....呢到食o既野真係碟碟精品.....真係
食極都唔飽......都唔知想點.......食完野大家又提議飲野...
可能早左d 啦大家都唔想回家....其實我好想回家訓嫁...
不過....都係...飲野.....我o地入去那時得一台客...
走那時....台台都係客......可能真係越夜越多人.....
而那到個女侍應....真係好似那d 日本小說o既雪妖咁嫁...
真係好驚丫....回家都十二點啦.....都訓啦..

>>August 16, 2006 at 5:41:17 AM GMT+8

2006 年 8 月 9 日 星期三 【晴】

開會....比人鏟....

起身返工....照舊都係遲....
回到公司....都係做那d 野...
睇下有咩未攪....攪下d呢樣那樣....
都唔知有咩野攪....因為好多野都清左...
最多都係攪返雞仔d 野.....因為昨天睇完廠都要做返好d 野...
攪返睇下有咩問題...睇下有咩錯左...攪返好佢..
而我之後都執好d 野去荃灣......因為要補返d 野上面做...
印完好快都走啦......咁回公司之前都去左老麥食野....
食完野就回公司啦......一回到去就訓啦~~訓醒先做其他野....
其實我都唔知攪咩...只係扮下睇雞仔d 野....
到左四點就同老闆去左雞仔開會....
唉.....開會那時....好多時都比人暗串囉....
明顯係指我做野唔得....雖然佢o地都係講下...
不過我就係咁做事嫁啦...好多野都係咁嫁啦...so....
由佢啦.....今日成個會都係傾返d 貨係點做....
由第一款.....傾到最後那款.....傾左足足三小時...
回到公司.....d 人都唔見曬啦...因為....大家都閃左...
我放低d 野都回家啦.....本來係想去屯門買書o既...
不過因為太晚了所以都冇去到...
回到家就睇下漫畫....同家人食野...
再做下自己野.....其實咁都幾好丫....如果日日都唔洗點ot 就好了....
雖然ot 有錢收....

>>August 11, 2006 at 9:59:35 AM GMT+8

2006 年 8 月 8 日 星期二 【晴】

上大陸睇貨...

唔係講笑...因為個客約左我o地十點係廣州等...
我同老闆只好早一點上內地...
佢又慘...我又慘....攪咁多野做咩丫...唉....
去到上水....剛好夾到老闆.....遲小小都唔得....
過關那時...因為我都係舊證好多野都好煩....
等好耐囉.....唉....老闆就係買飛地方等我....
我們就係九點上火車....去到廣州都係用左一個小時....
都算快啦.....不過我o地就要等囉...
雖然雞仔d 人就指十點到....不過我o地又忘了佢o地原來係要過關o既...
結果足足等左半小時....那時先知...原來雞仔只係出左一個人來...
而另一個就係內地o既qc....唉....四個人...
坐地鐵....去到坑口....等到黃生接我o地去....
so.......不過因為下午要做野...so...就食左野先...
不過都坐左好耐車....先搵到間大家樂食野....食完野再入廠睇...
到廠那時都十二點半啦...剛好佢o地食飯....
咁我o地只好開左會先...到左點半先睇貨.....
而我都唔知係那到做咩好...因為好多野都睇左...傾完...
我就變左行行企企唔知做咩啦...
好彩佢o地睇完貨都冇咩野......因為一款我做錯野......攪到好多散口...
一款我都唔知....點解上面會印花印成咁....唉....
好多野都唔知點解..冇事就算啦....so......之後佢o地睇完野...
就帶左佢o地去另一間野到睇.....老闆就留左我係間房到...
同那邊o既跟單傾完d 野.....都好快攪完...
咁我就廠長楊生傾下計....等佢o地回來.......
再去食野.......都係食廣寶.....
其實我都唔想食....不過都冇計啦....
唔跟住老闆都唔知點走.....呢個咁山卡拉o既地方.....
算啦.....食完野....我o地就同老闆一同走...
四個人沿路走......回到香港...上到火車都十一點啦...
唉....回到家都唔知可以做咩......都十一點半啦...
唉....上內地....辛苦啦.....

>>August 11, 2006 at 9:21:12 AM GMT+8

2006 年 8 月 7 日 星期一 【晴】

成日都唔知做咩好...

今日起身....都係唔想起身呢...
洗頭那時又忘了d 洗頭水用曬...
搵左勁耐囉....bad....之後回到公司...
又唔想食早餐...回到公司食餅....
而d 大佬去左飲茶...咁我就先做自己野啦...
睇下報紙, check 下email 咁...都幾好丫...
之後十點到就攪下d 雞仔野....對返d 色...
會唔會有出入...雖然都見到有d 有問題...
攪完呢個又要對付星輝那班人...佢o地又比左d版我o既攪..
唉...又係有汗出冇糧出那d 囉...
收得少...比出大....唉...唔知幾時先有收成...
之後攪多一陣都食野啦...今日我就冇出去買野食...
食包喳....咁就算啦....睇下漫畫咁都幾好丫...
午餐過後就回到工作狀態...不過都好似冇咩野攪咁...
咁我就只好攪下星輝d 野....做完就比師傅攪啦...
及攪下其他野囉....不過其實都冇咩野好攪...
所以成日都唔知做咩好.....都唔知係好事or 壞事...
聽日又要上內地...又要一早上....唉...
真係慘過返工丫....唉....

>>August 8, 2006 at 9:48:56 AM GMT+8

2006 年 8 月 6 日 星期日 【晴】

又星期一啦....


唉.....一個星期最唔開心o既都係今日...
點解呢....緊係因為要返工啦....呢個真係好灰嫁...
我咕應該唔會只係得我有呢個心情....
應該有好多人都同我一樣.....
講真邊個想返工丫....最想只係想出糧喳ma...
不過又唔會有唔做野又有錢收咁理想喎...
唔通真係要問政府拿咩...咁樣衰...點出來行丫...
一早回到公司就緊係要食左野先嫁啦...
唔係有咩好做丫....食完野先回公司攪野...
先就緊係hea 啦...唔通一早就做野咩...
之後就執野過雞仔啦....因為有野return 比佢o地...
同o米要拿d 新版比佢o地睇....去到吹左陣水...
傾完野就回公司啦..回公司之前都想睇下有咩新雜誌..
就去左七仔...再回公司....
不過今日收到上面寄來o既貨前版...唉...一睇就知死定了...
唉....我一定係死緊那個...因為呢d 野都係我做先o既...
依家出黎件衫...真係死火....唉....我咕我都係辭定工好了...
唉....到時都係拿住個獲嫁啦....如果個客彈貨...
我一定死緊.....就算個客ok...都死啦...良心又唔舒服...
唉....死火了....一定比人升上天花版...
o......算啦...食野那時我都係食左小小野就算啦...
回公司食魚蛋囉.....
下午o既工作主要都係度衫....而且係hea 住咁度...
因為都冇咩野攪...所以就hea 住攪...好似有野攪緊咁...
唔好比人知道我冇野做ma...唔係我就`好慘嫁啦...
唉....成日都擔心款衫....唉....唔知點呢...
放工之後就回家了,因為都沒有什麼事好做,
回到家只係不停的winning, 因為家中沒有人,
失落感更大,因為都唔知做咩好..唉....
晚餐只係簡單o既通心粉.....

>>August 7, 2006 at 4:21:20 PM GMT+8

2006 年 8 月 5 日 星期六 【晴】

成日winning

今日一早起身....係床上爬起身都真係十二點半啦...
唉....又遲左....見遲左太多都唔返聚會啦...
返到去都冇咩意思了...所以都冇去到啦...
成日都係家中...食左野之後...
就出左去行下啦....去左百佳睇下野...
睇睇下又買左d 野食...雖然佢都好多野買...
不過我又一次用理智....控制左自己啦..
因為想想下買左回家都冇咩用....平又點丫...
睇完野就回家啦....回家就係咁打winning...
之後訓左一陣....六點起身就去左井水家...
幫佢攪個網頁....唉...佢又係咁囉...
基本上佢都係浪費我時間呢...
成日都唔知自己想做咩...我叫佢send email比我...
講做咩又唔send....次次都要去佢家攪...
唉...佢又唔知佢d software唔攪我用...
好簡單o既野都要攪左好耐....又要習慣佢個電腦...
真係浪費左我好多時間...到左八點..都唔幫佢攪啦...
回家做自己野....九點就去老麥食野...
睇住雜誌....聽住音樂...食住野...
都不知幾好....真係hea....幾開心..
咩都唔洗想....咩都唔洗做....勁free囉...
食完野回家都係打winning...打到訓....囉...

>>August 8, 2006 at 9:13:15 AM GMT+8

2006 年 8 月 4 日 星期五 【晴】

今日起身回公司又要做野...
雖然日日都唔想返工, 不過最後都係返左工...
有時責任同義務真係會推到個人做野...
而我就係本住呢個心態回公司啦...
好多野攪....又收左人錢...就要做啦...
唉...日日如事....今日好一點...
因為返半日ma...可能做少好多野...
而我今日都冇咩野好攪...因為主要o既客人今日都冇返工..
所以好好多,最多都係做下自己野同o米同上面聯絡一下...
有時我覺得...一樣野...經咁多人...
一來煩....二來多錢....三來難管理...
不過唔知點解都係好多公司係咁做o既....so....
放工之後就回家啦......係元朗行左一陣...
睇左好多之前冇咩時間去睇o既野....睇左vcd鋪...
睇左cd鋪, 睇左家具, 睇左電器, 睇左衫...
最後都係冇咩買野o既...因為好多野都有啦...
而且冇咩野令我想買囉....想買o既野...
諗多幾諗就唔想買了....真你好怪...
只有書可以另我想都唔想就買左...因為我都知自己係咁...
所以今日冇行書店囉....夜晚去左紅樹林食野...
唉...想想下又好耐冇休息下....
好hea 咁樣食一餐....真係幾好....回家之後...
做左一陣就上床訓啦...

>>August 8, 2006 at 4:21:07 AM GMT+8

2006 年 8 月 3 日 星期四 【驟雨】

唔見左野丫...


今日因為怕好似昨天咁下大雨....就拿左把傘出街...
不過唔知點解...堂弟比我更早起身....
為的只是打機囉.....真係好野.....
依家大左...真係冇佢o地d 細o既咁精力...因為真係辛苦ma...
返工.....咁早起身真係慘嫁啦...
佢都可以一早起身打機....後生真係好.....
上到巴士都冇咩野都係去左荃灣轉車....
係愉景新城上左另一架巴士...
見時間都差唔多.....就去左食完早餐先回公司...
唉...回到公司想想下先知道....唔知把遮去左邊....
依家點諗都唔知留左係邊.....真係唔知....
把遮都舊啦.....不過佢就陪左我五年啦.....依家先唔見左...
而且都唔知係係巴士唔見丫...or 係餐廳....
算啦........回到公司今日主要o既工作...
都係做返d 數...入返六月o既數...
睇返有冇咩問題......入落簿到.....同等食野....
食完野....做o米手上o既野之後, 就去左荃灣拿野...
因為今日唔係有野做...只係去拿野...
就唔食野啦...而且都唔想浪費太多金錢....
拿完野就回公司啦......去之前去睇睇今日食早餐的地方...
看看我的雨傘會唔會係到...點知又係到呢...
比我搵返佢了...好開心呢....回到公司再扮多陣野...
就回家啦.....

>>August 7, 2006 at 4:23:28 PM GMT+8