2006 年 8 月 22 日 星期二 【晴】

交流團後

今日回公司...比平時不同...
因為今日老爸打來...叫我坐西鐵...
原因係...葵涌道爆水管....
我聽到之後都唔想太多呢...就去左坐西鐵...
而我去到葵芳都遲左啦....就食完野先回去...
食完野回公司....都係唔知攪咩好...
不過係我想緊要做咩o既時候....至專o既樊生黎左搵我...
講返個雞仔衫o既野.....唉...佢指又冇曬d 毛.....
又要改...而且又唔可以機洗....要改野....
又改洗水嘜...又改多型...so....
又慢多幾日囉.....真係難攪....
之後我只好去一去佢o地那邊同佢o地傾下啦...
講完都閃啦....去左銀行...睇下有冇咩人民幣o既資料....
因為有個人民幣戶口先可以用信用卡ma...
so...睇下要點攪囉....之後都回公司...
扮下做野咁......最慘o既情況就係下午出現了...
就係因為唔知做咩好.....成個下午都不知幾難過...
唔知做咩好....真係好難過...
so....一到了六點就閃啦...
唔係都唔知比咩藉口坐係到....
之後就出去旺角了....去左睇雞仔嘜d 衫先....
而我o地之前幫佢o地做o既衫...都做緊清貨了...
平左一半...依家二百都唔洗....
真係變得快.....而且....做咁少都賣唔到....唔係丫...
之後就去pa 啦....見返大家個感覺...
真係好似返左西藏咁....雖然係好開心...
不過開心o既時間都過左啦....係面前盡做啦....
而我就有機會係呢個時間睇下片...睇下當時o既攪笑野...
人慢慢的多...咁就開始做首播啦....睇返當時o既片...
都幾好丫...不過就係相囉....唔係動態....
完左段片....就做返個分享會....大家交流一下...
當中最想聽到o既都係阿雯o既分享囉.....西藏醫院四日三夜的經過.....佢都堅嫁啦...
完左個分享...大家拿完野...就去食飯...
去o既地方就係旺角o既潮樓...食o既野...我咩都唔知...
因為好多時都係吹水.....見有野係前面行過就會食囉...
不過今日先知.....曼詩係基督徒...而且佢老豆原來都係做五金廠...真係唔知佢有冇計幫下阿mike 呢...
食完野回家...那時都十二點半啦...
最後一班西鐵呢....

>>August 24, 2006 at 3:25:04 AM GMT+8

2006 年 8 月 21 日 星期一 【晴】

大使館....


今日呢....起身...回公司...
成為日常生活...
只係唔知幾多點回到去呢...
因為日日都唔同囉....so...
不過回到公司...通常都係遲到...
係公司坐低都係唔知做咩會自動波咁做自己野...
攪完自己野先做公司野....再睇下有咩可以做...
今日因為太冇野做啦...就決定左出街行下...
目的地係深水步...而我去到先都係食左野先...
不過深水步真係好難唔叫老人區....
真係老人多過年青人....
成個西九....退休人仕多過五成囉...
可能我係返工時間入去關係瓜...
食完野就即閃啦...去南昌街搵野...
搵左幾間行...睇下有冇我要o既絲絨...
又要去做送信.....又要買布....
不過買布o既地方都幾遠...要行到去....太子...
而我又要等佢拿布....就去左球場訓左一陣...
再去搵野....搵完野...拿完布...就回公司....
回公司之前去左雞仔...比左d 野佢o地先...
去雞仔之前都係食左一陣野啦....
比完野佢o地就回公司....回公司即刻就開會...
開完會都就六點啦....我又要做o米d 野..
因為出左去成日都有d 野要做o既...
做完七點半.啦.....又要去旺角....
去雞仔間鋪睇左有冇掛d 衫出來先.....
睇完就直接去pa....搵大家開會...
今日有新成員raymond 黎開會....
而我o地今日都係得六個人....
雖然都算多....以最近會議黎計....
不過我有時都覺得.....有d對唔住pa...
計我o地場地及睇會o既職員人工...
應該每次...pa 都要比出400蚊到o既代價比我o地開會...
而我o地次次都唔夠人....唉.....好似..
有d 對唔住比錢我o地攪呢個會o既pa 呢...
而且我o地開左咁多次會...都好似一d 野都未做到..
完全攪唔到一個叫交流o既情況出來...
就連本身...開會o既人都做唔到...
唉.....算啦...今次個會...講完成個camp ..
要做咩....so....大家都有一定知道做咩...
應該今次camp.....幾好玩呢...
開完會大家就去左朗豪坊那邊食野....
不過到那邊叫野食都2230啦...好多野都冇得食...
最後食左個麵算.....食完野大家吹多一陣...
都各自回家了.....回家計完數 check完email...
就訓啦....又一日...

>>August 23, 2006 at 7:12:38 AM GMT+8

2006 年 8 月 20 日 星期日 【晴】

唔知做咩好呢....

今日起身回公司...當然...
星期一永遠都係唔想返工o既...
又當然唔返工又唔會有錢o既...
所以...都係要返工...不過就遲d 啦..
今日因為長青隧道有五車車禍(當然係回到公司先知啦)
係屯門公路就有一陣陣o既車龍...
不過都係同平時差唔多時間回到公司..
因為今日冇去食早餐ma...
買左d 野食就回公司啦...
回到去都係開頭攪下自己野.,..因為都冇咩攪..
而之後都係冇野做搵野做...
都係睇返上面寄下來o既野...
對返d 野o岩唔o岩...有冇錯...
不過當然就一定會有錯...而上面o既接手又冇返...
想搵人鏟下都唔得添....唉真係冇引...
之後對完d 野就出比雞仔...
就真係可以叫做冇野攪...
放工啦....當然冇咁理想啦.....
好多時都係公司冇咩野做嫁啦....又有時就勁多野做...
好多野真係唔知點解呢....so...
食野那時都係去左買麵包食...
因為快同o米近....而且一個人食飯又冇位坐...
都係買麵包食囉....食完就係公司訓覺....
真係返得著喎......兩點又做野...
不過真係唔知做咩.....成日就走去廁所...
扮下野....唔比人見到...
比人感覺成日去左工場....扮忙囉...
唔係可以點丫...點知係我唔知做咩好o既時候出現左個救星...
就係冇啦啦有個客上左黎...
佢係evisu o既代表...黎睇我o地廠...
o.....同佢咁講....應該會有單係我呢到做...
所以應該好快又有野做啦....不過當然...
我只係陪老闆招呼佢啦....明顯佢只係黎吹水囉...
一路都係同老闆講以前睇貨o既經驗...
可能呢d 野...就係重要野呢....不過佢黎到都好..
因為我都冇野做嫁啦...都係陪下佢...聽下野啦....
佢走左之後...我又開始唔知做咩啦.....等到六點就回家啦..
回到去...唔係回家先...係去拿左相先...
而之後都係順便行下元朗..因為都冇咩時間睇下野...
之後先回家...回家都食飯啦...
食完野又去左井水到..幫佢做個網頁....又係有汗出冇糧出囉,.,..\
真係要搵d 位唔同佢做呢...
回家都十一點到啦....打左陣機都訓啦..

>>August 22, 2006 at 11:19:06 AM GMT+8

2006 年 8 月 19 日 星期六 【溫暖】

係家中hea

今日起身那時又係十一點幾....
依家個個星期日都好似差唔多時間.....
而今日就冇掰餅....只係出嶺南...
咁我就唔去啦.....因為都遲左咁多啦....
咁我就起身打下機.....閒時....就食下野....
下午見餓餓地就去左老麥食野.....
食住野睇住雜誌都幾好....
之後就行左一陣元朗.....順路就左去曬相...
而我行行下元朗..又比我撞到好耐冇見o既阿玲...
佢都係咁高咁大呢....住左元朗咁耐都唔搵我...
曬完相我又要回家啦...
因為志成要拿野...咁我就回家...比d 野佢..
佢又好丫...搵左個弟兄幫佢攪....拿到車...
而我比左個雪櫃同比架電視佢....
目送佢走左之後....就行左去睇書.....
睇完就回家啦....跟住就開始執野.....
執返d 文件...因為好多野都out 左....就睇左有咩可以唔要...
咁就放返出來.....執完呢樣...就執返d 相啦....
真係唔執唔知....有咁多相簿.....唉.....
執下執下...就執到一點幾啦.....而且...
都唔係全部執好.....今夜都做左好多平時好想做...
又唔做o既野.....聽日應該都要買多幾本相簿呢....

P.s. 星期日先黎落雨.....而且還係雷雨添....
周中就放晴......唉....

>>August 21, 2006 at 8:19:17 AM GMT+8

2006 年 8 月 18 日 星期五 【晴】

星期六啦.....放假....

一早回到公司....當然都係回去之前食左d 野先啦...
食完野先回公司開工....唔係都唔會咁遲啦...
回到去...起先都唔係做野o既...
都係攪自己野...
做完先開始做公司野....今日成日就係睇住個鐘...
睇住要係十二點之前做左個製單出來...
因為又有新單啦...都好嫁啦...
唔係遲下真係冇野好做...唔知點算....
so...上午都係用心做製單....
做完剛好十二點幾....
之後就再攪小小野....一點三到就閃啦...
因為個個都閃曬....最後我同老闆係公司...
而且今日阿邦就唔係公司....去唔到飲茶呢....
回家就係元朗買左小小野食....十蚊都唔洗...
真係抵到爆...回到家都係兩點....
就打左陣機...再訓一訓....
點知攪左個鐘....聽唔到...訓到五點添...
又忘了去聚會..啦...o....
算啦...都冇計啦....夜晚都係打機囉...
唔係都唔知做咩好...

>>August 21, 2006 at 4:00:44 AM GMT+8

2006 年 8 月 17 日 星期四 【晴】

悶

今日起身回到公司...都係遲啦...
因為都習慣左....係公司都唔知做咩好...
好多野都攪曬...而且新o既野又未做得...
so...唔知攪咩...只係盡量係慢慢跟返d 野...
睇下d 貨攪成點....久唔久就打上大陸問下...
跟緊一點....而我食野都唔係行得好遠...
係公司附近買左d 野食就算啦...
下午都係做返好d 野....而老闆又彈左d 單比我...
不過都係咁啦....聽日先攪啦...
有時間都唔攪住....要做曬自己野先...
回家...都係打機...再訓囉...
放工先有時間hea呢....生活真係辛苦呢...

>>August 23, 2006 at 6:31:08 AM GMT+8

2006 年 8 月 16 日 星期三 【晴】

老闆請食下午....

起身那時...見七點幾....
不過大家都好似未起身...咁就慢慢咁執野走啦...
因為都要返工....所以呢就要一早走啦...
出到營門口.....又要行一大段路.....不過我就一路行...
一路影下相...都幾好丫.....閒時入黎hea 下...
都幾開心....唔洗成日都精神緊張ma....
人都好d 丫......不過因為去到碼頭......只係得七分鐘就開船...
咁我只好入去啦.....雖然都想搵野食...不過冇時間去買野了....
而今次呢個係快船....就好貴囉....成22蚊..唉...
好彩唔係住係呢到呢......唔係都幾甘.....
回到中環都係八點半.....咁就可以準時回到公司啦....
返到去都唔過鐘....不過今日就要早左成個小時起身囉....
而且車錢貴左成倍囉.......回到公司....
就攪下雞仔d 野....昨天d 洗水版.....出左問題...
就要攪返好去.....不過都係出左個問題....
依家都解決唔到嫁啦......睇下點啦.......下次做好d 啦....
而我上午就度好d 版...睇下幾時比返佢o地睇....
就食午餐那時...老闆就叫左我出去同佢食野...
順便就係見下frd 個客...因為老闆要同佢o地過荃灣....
睇下印花廠......而我食完野就自己一個回公司.....
幾日冇聽黃金少年.....今日又可以聽返啦....好野....
做完野就放工去旺角....因為做好左ayp report.....
去到旺角...交低左d 野就走啦....去左熟食市場....
食晚餐....食完野就即回家啦...回家就打左陣機...都訓啦.

>>August 18, 2006 at 9:43:55 AM GMT+8

2006 年 8 月 15 日 星期二 【晴】

早走...去camp

今日回到公司...當然都係遲左啦...
食完野先回公司....而我今日都係攪雞仔出貨o既野...
原來想早d 走...返半日算...不過...
阿邦就唔比我走住....又怕趕唔切去拿急救證書...
真係難攪.....其實出貨d 野...好多都攪左...
但係要做文件....我要係食完野先做....
算啦......都要做嫁啦....
而我今日都冇出去食野....食左早幾日買左o既鬆餅囉...
都幾好味喎.......而下午做好曬d 文件都走啦....
先要去香港站再行上去....雖然我知道有車可以上到去...
不過我又唔想等車....而且唔知架車幾時到...我行上去都係半小時到..
就行算啦.....可以運動一下ma....
雖然行山都真係幾辛苦下....上到去辦事處勁多汗囉...
拿完野就走啦....去百佳買野先......主要都係幫winnie 買野囉...
買完野....就拿住d 野下山....當中一路行一路飲下奶咁...
都幾好丫...難得咁早放工.....去到碼頭都唔洗六點....
一去到又有船...真係幾好....係船到打橫咁訓....就真係勁正囉....
入到梅窩就開始肚痛啦....一路入camp...一路搵廁所呵....
真係灰...最後raymand 搵左架單車來車左我入去.....
之後就一個人去食野......食完野就睇下有咩可以做...
而我被安排左入最細那一組幫手....雖然佢o地個個都好細...
真係個個都細過我那弟弟.....我咕有個妹妹應該都係六歲到....
唉...有時都係到想....我十五歲先一個人入camp....
佢o地依家六歲都入camp啦....我係唔係冇佢o地咁幸福呢....
真係新一代好好多o既...我應該係家中最差那個啦....
不過故事中灰姑娘唔係家中最細嫁咩......
帶住d 小朋友諗動作真係嚇死.....真係好童真囉.....
攪完個動作就去左運動場跳舞.....雖然好多都識...
不過真係好辛苦....跳左個幾鐘丫......死火.....
跳完野就以為可以休息下啦....點知又玩左兩個team work 遊戲...
唔......雖然最後大家因為年齡細.......可以係坦克車到拿到個第二...
都叫做唔洗捧蛋.....完左個game 就可以各自閃去訓啦....
好野收工啦.....不過又要開大使館個會....
歡迎兩個新加入人仕....今日出現o既..一定會係活躍份子....
唔係都唔會係個camp到啦....而大家依家好多都係返學....
係呢個時間唔做多d 野.....返工那時...想做都冇心力做呢...
好似我咁....而我希望keep 住好似返學咁o既心態...
如果唔係好快比個社會食左個心....日日好似機械咁返工放工....
冇曬自己.....由佢啦...開完會就出去食野....而今夜唔洗自己比錢,,..
就緊係去啦....其實pa 都好抵....比五百出來....請左十幾個義工...
真係人工都唔止....如果用商業角度睇....
算啦.....今日食左三碟同樣o既...野...因為大廚請ma...
好開心呢......食完野大家都回去啦.....
而我一點多都訓左啦...明天又要返工...
真係灰.....其實我想玩囉....

>>August 18, 2006 at 10:07:20 AM GMT+8

2006 年 8 月 14 日 星期一 【晴】

上大陸睇貨

又要上去佛山啦...so.....又要早起身啦...
今日又要十點上到廣州...所以呢...
我又要七點鐘起身走啦....
離開屋企都係七點半.....平時八點半先起身嫁ma...
今日早左成個小時呢....去到上水...等左一陣師傅...
就一同上去啦....不過係羅湖...行下行下又唔見左師傅...
真係好難攪......去到火車站又見到佢喎.....
o....e 道真係快好多呢....
我就真係慢呢....之後上到火車...九點.....
去到廣州....剛好十點鐘......攪左一陣.....十點十分就上地鐵啦...
去到坑口又要搵的士去廠....搵左都好耐...
而且唔係架架車都入到去....所以我o地就等囉.....
入到去廠都十一點四十五分啦....
傾左一陣就開始做野.....不過唔係我同師傅做...
而係客人那邊個qc 係到做...
我都係行行企企.....攪左一大輪......不過我都可以睇下d 貨..
睇下出來有咩問題....真係多到您唔信...
又冇掛牌...又冇洗水....嘜頭又車得唔靚....
條領又打閘....衫腳又唔平.....又久唔久有d 污點.....
真係好多野唔得....攪左好耐......睇完第一款之後....
就去食野先....地方都係附近的酒家...
不過其實真係唔洗去酒樓囉...食快餐o米幾好...
大佬叫到去....唔通唔去咩....
so....坐左好耐....最慘係佢o地d 貴野我又唔食...
最多都係食下包....飲下可樂咁.....
so....好野同我基本上係絕緣o既.....
食完野回去...我就搵那邊個跟單講左一輪...
之後都冇咩攪啦....上去睇住佢o地睇貨....
一款一款睇....成個下午就睇左四款....
可能係我o地睇住佢啦....佢做得十分之認真....
唉...攪到成六點先可以走.....其實有d 野....
由佢啦之後就可以回廣州...而我o地坐o既的士...
係一架新車....而且係超新....應該係呢個月先落地...
因為連膠紙都未清.......去到廣州買左個大快活就上車食...
不過呢到o既大快活都非常之貴....
我o地幾個就係火車上搵個位食野....
食完野就訓囉...之後自己回家啦....
回家都係打下機...就十二點訓啦...

>>August 16, 2006 at 5:29:23 AM GMT+8

2006 年 8 月 13 日 星期日 【晴】

今日起身....唉.....又一個星期啦...
雖然係好開心好快會出人工....
不過唔知點解成日d 錢都好似唔係好夠...
真係有時唔明....點解會咁....
回到公司....都唔係好晚,....食完早餐先啦...
因為都冇咩野攪.....都唔洗咁早回公司...
係公司就係度返好d 衫同o米睇返d 印花片...
再行過去比d 野佢o地....so..回公司之後都冇咩野攪..
食野那時都係出去買左小小野食....
回公司食完野之後.....就成個下午冇野做啦...
而我主要都係做ayp 個plan ....
成日都係冇咩野攪...老闆又唔係公司...
咁我就更加唔知攪咩好.....so.....準備一下聽日上內地d 野...
基本上真係冇咩攪...六點半就回去啦....
回家之後都係做自己野多.....冇咩野攪啦..

>>August 16, 2006 at 5:31:01 AM GMT+8