2006 年 10 月 1 日 星期日 【晴】

起身那時...正正就係五點半...
想訓多陣都唔得...因為我知大家一定好慢..
會起唔切身....咁我就叫醒佢o地起身先...
自己就執野啦....而且d 野就hea 曬出營外...
不過佢o地就動作好慢囉....我起左身....去左河邊打水...
再煲完水....入曬d 野....唉..
佢o地都唔知係到攪緊d 咩...
唉....最後先好慢咁整野食同收營...
攪左好得耐...先做好d 野...
收好營....收好天幕....係那時我都知死定啦...
八點一定走唔到...不過好彩...教練都冇點逼我o地...
但是都好唔好囉....佢o地三個人做野咁慢...
而且一d 都唔緊張....雖然我都講左好快會到終點...
但是都唔係咁慢o既....不過算啦....食完野大家都起身啦..
不過就比原定時間慢左四十分鐘先行....都冇計...
大家都hea 住做野....咁我o地先行去荔枝莊...
再去谷埔...再行入鹿頸走...
今次條路...有一大部份都係outwork bound 那時行過o既...
所以我都知點行...而且都好簡單...
不過就時間長小小....而我o地用左一小時左右時間去到荔枝莊..
放底左d 垃圾...去左個好靚o既廁所...換曬d 水...就走啦...
不過之後段路要上山都好辛苦...雖然唔係好斜...
不過行左兩日山...都好疲倦....真係好慘...
用意志力行上去呢....行到上山....係分叉路那時...教練見我o地咁快...
就要求我o地改路啦...雖然我o地極力反對...最後都係要行...
不過行左一陣...見條路太唔明顯...
而且又要穿林...教練就定返行原路走啦...真係好彩...
之後我o地就一路下山去谷埔.....再行左個大圈...
再慢慢行返鹿頸...而且原路都有好多人行入來...
可能因為假期...好多人都入左郊外hea 下休息下..
的確呢到係一個好地方...又唔洗行得咁辛苦...
又有大自然...又有文明....又唔荒涼....又易買野食...
都真係幾好...係行得遠d ....不過呢到都好多野睇o既...
最少都有紅樹林係到丫.....之後我o地幾經辛苦到行到鹿頸...
可以去買可樂....又可以回家啦....上到小巴....夾曬d 錢...
去到粉嶺...大家就各有各閃啦...我就回家...不過要搵一搵巴士先...
攪完回家..買左個飯....就hea 曬d 野出來....
洗好曬d 野...執好d 野放好....洗左衫....睡袋同背包...
攪曬d 野...攪左個幾鐘....就可以食野啦...
食野那時都三點幾啦...攪完d 野都想訓下...
所以就唔去大使館個燒野食啦....太疲倦啦...都頂唔上啦...
而訓醒...夜晚就係家食完野...打左陣機...攪完d 野都訓啦...

>>October 10, 2006 at 10:19:48 AM GMT+8

2006 年 9 月 30 日 星期六 【晴】

起身那時...成個營都還係臭o既...
老實講...一定唔會係我問題囉....唉...
好彩因為太疲倦訓左喳...唔係...成晚都真係幾死...
而且有時...d 組員d 呼吸聲都好大下...唉...
都係一個人camp 好...起身就執好d 野...
大家都唔想開爐攪野食...因為都好煩...
而且環境唔可能...有咩事真係山火...
自己燒死自己就無奈啦....唔...
事但食左d 野算啦....攪完一大輪,....收好d 野...
就閃人啦...不過真係唔係好想著返d 衫行囉...
唉...最慘係著鞋...真係十萬個唔想...
不過都要著...都要行...之後九點就大家一齊行啦...
跟返昨夜條路行.....行到一個山頂...可以睇清楚自己o既地方...
而當中我先發覺自己行錯路...無計啦...一定係咁o既...
夜晚加密林加未行過, 一定會迷路嫁啦...
不過咁都無咩計....而且d 準導師係依家先望到個樣...
個個睇黎都係冇咩料到...唉...有個唔知邊到o既...係到指我錯..
佢就攪笑啦..以為自己係條路上...咩都唔識係到扮曬野...
以為自己好勁...唉...真係可悲....我都冇理佢...
之後知道自己錯左...o米再行返轉頭囉...
浪費左成個小時...又回到營地位...再開始過...
之後都係走回昨天行過o既路...雖然今日係白天行...
睇得好d ...雖然都係難行...又爬低..又坐下...真係好辛苦...
行左成個上午....終於去到一d 正常d o既地方休息...
就係馬料水有個瀑布上d 大石上休息...可以食下野..休息下啦...
而且那到又有水..可以加下水....因為我都冇咩水係身....
攪完休息左成個小時...就可以行啦....不過都係要穿林嫁...
而且都好多路要行...真係好灰....行左成個上午都行唔到3 成o既路...
唉....之後冇啦啦有條水管...而且有個位爆左...我就係咁入水..
因為真係冇曬水啦...去到呢個位...而且最後都改左路...
行左冇耐...到左海灘位...知道自己行錯左...又要上返山...
不過有d 怪...冇啦啦有架直昇機低飛入左黎...真係好怪...
而我o地跟水管行左一大段路之後...有個位就同d 準教練分開左啦...
另到我o地唔洗再受氣....唔洗再比人串...可以自己一班人行啦..
不過那時都近四點啦....我o地就要快d 上到條大路到...
唔洗再穿林啦...因為要穿林就好辛苦啦...因為大家都冇咩力啦...
行左成夜...今日又穿左咁耐..而且又有咁多物資...
四點幾....終於上到一條郊遊徑....可以唔洗再穿林啦...
休息左一陣...就慢慢行啦.....係郊遊徑到行...終於可以行快一點啦...
雖然大家都唔係好多力行...不過都要行....而我o地就係觀音桐開始行...
行返去三椏桐囉.....行到勁灰...因為要係入黑之前要去到camp site..
最後行到七點半..係剛入黑那時就終於入到camp 啦....
好彩我o地早左入去...唔係就冇位啦...因為在我o地之後就有一大班人入左黎..
而且比我o地早o既又有一班人...攪到新來的..都冇位camp 啦..
要係河邊camp...而我o地安頓好之後...我就可以去河邊洗下身啦..
食完野...10點半就即係訓啦....唔訓..聽日又死啦...

>>October 11, 2006 at 9:54:43 AM GMT+8

2006 年 9 月 29 日 星期五 【陰】

一百件衫...

今日起身那時都九點啦...
當然就係因為咁....我都會遲大到啦...
返到公司都近十點啦...
當然就係咁...我都唔洗hea...因為時間已經過左...
要做野啦...回到去...就去返工場度衫...
因為昨天度左白色衫....不過今日就要度黑色衫...
唉...有咩計丫....要比個客報數....
咁我就要度好曬d 衫佢....當然我都唔知可以度到幾時...
那到成十幾箱野...唉...有排攪啦....
成個上午都係坐係工場到度衫....度衫同度衫.....
唉...成日就好似機械人咁.....成個上午都係做呢d 野囉...
之後就同老闆佢o地去飲茶....食下野咁...
雖然有時都唔明佢o地講咩...不過有時佢o地就講下d 貨...算啦..
同大家食野可以了解多d 公司ma....都好o既...
而老闆今日就同我講...大老闆想攪牌子...
就搵左frd 老闆上去傾喎....唉....真係好....
食完野我就回家啦....因為要執野去ayp 金...
o...回到家都三點半啦.....六點要到呢....真係煩啦..
最後呢我執野執到五點九就出門啦,...
不過我o地就係約六點o既....
所以我上到小巴都已經係遲左嫁啦...
最慘係入到大埔都己經係六點九啦...
而且架車又唔到火車站要行囉...
見到大家...最後都係要坐的士...
唉....攪到開波已經冇引啦....我又唔好意思..
因為自己遲左另到大家比的士錢就我比囉...
真係好痛丫....嗚.....而我o地o既的士又比小巴快左到..
我o地三個人就要等o米佢o地先行啦...
係那亭到分好d 野之後就準備開始啦...
不過好怪我o地一路執野o既時候都有個傻佬企係我o地中間又唔出聲..
睇住我o地做喎囉....真係好怪丫....
攪完d 野之後...大家睇曬圖...就行啦...
而我當時身上有o既公家野有....
一個二人營...一個天幕....兩個新大gas...兩個湯...一個菜...
其實都唔係好多野...而且大家個袋都好似好重...
咁只好分d 比我囉...而我o地先係村口停車場入去...
而我o地就由三家村先行去九坦租先....一路行去三椏涌....
我o地就由八點幾開始行....行到三椏涌都十點半啦...
而我o地今夜o既camp 呢就係紅石門那邊o既...
不過行到呢到...因為過唔到河...而且搵唔到路...
就係到到處搵..之後第二隊...ayp 準導師來到...
大家就開始一齊行啦...而我o地就改路上山...
而呢條路就明顯係要穿林o既....唉.....真係好灰丫....而且呢...
大家都知黎緊o既路都好辛苦嫁啦...
不過d 教練又唔比我o地係三椏涌camp 丫...
我就要陪佢o地行囉...又有一班蠢老師跟係後面...真係好煩嫁..
而且我o地四個人又要負責開路...真係好激氣...
大家都夜啦...點解要穿林呢...而且條路好密....
基本上好難行....最後成晚當然行錯左幾次啦...
而且一行就到零晨兩點啦....行到好夜...
最後決定左....搵個位訓左佢算啦...
而且又要起營...真係好鬼煩....
最慘係...起完營...當奴咩都唔理就入左去訓...
真係頂佢丫...成身都臭.....佢就咁入去...
我就換左衫先入去....成晚個營勁臭囉....
頂引到爆.....唉....

>>October 6, 2006 at 6:26:09 AM GMT+8

2006 年 9 月 28 日 星期四 【晴】

今日回到公司都係例遲左半小時..
因為都要去食早餐ma..
唔食野點做野呢..係o米...
不過因為昨天jv d 人黎睇完貨唔比走...
咁今日就要執返好d 雞野啦...
唉....咁我就要係工場那到坐係到...
一件一件白色衫睇下有咩雞野...
之後等培哥做囉....唉...
不過一件一件睇都幾浪費精神...
又怕睇唔到d 問題...比人查貨那時睇到...
唉....慢慢做啦....一件件聞住睇囉...
真係睇到眼突丫...D位又難睇喎...
唉...真係惡攪...睇左成日呢....
到放工都睇唔到四十件...更慘係...
知道聽日回公司...要度衫...
那到唔少野...成二百幾三百件丫...
可惡....死人咩....放工之後又要回學校上堂...
雖然有時都唔知為咩....返去又學唔到d 咩..
不過都要上嫁啦...唔係蝕比佢呢..
而且又冇咩野...o米返囉...
回到學校...都冇咩同學到左...
阿sir 又未講書...不過人多那時...佢講講下野..我又訓左喎...
o....不過阿sir 平時講野都好詳細..
攪到...一張powerpoint 講左成半小時...
12 張野...講左幾堂...真係頂佢唔順..
我咕佢一份note 可以教一個學期呢....
`上完堂就回家啦...又要等架好耐都唔到o既264m ...
有時都幾無奈呢...

>>October 4, 2006 at 3:41:06 AM GMT+8

2006 年 9 月 27 日 星期三 【晴】

今日回公司那時...因為慢左出門口..
所以基本上都遲左好多...
所以都冇係公司樓下食野啦....
咁都唔緊要啦....早d 回公司做野...
雖然開始都唔係做公司野...
都係check email 同睇下d 資訊...
做完呢d 先做野啦...因為今日回公司...
一睇個台面都知上午多野做嫁啦...
星輝成袋野要攪....好似攪到收禮物咁...
雖然我真係唔多想做...不過當中又有雞仔o既...裝箱表..
咁我上午有些時間都係打單比那邊...
不過當然會有問題啦....冇啦啦小左數...
又要上面攪好我先有得出比佢o地的...
唔理咁多做左幾多就幾多啦...攪攪下..
老闆就叫我十二點出去荃灣;...佢有野過去那邊..
我就坐佢車去那邊...做領...
去到...我就比anna 攪先...自己就係到無所事事...
等佢食野我先做...做完就即走啦...
o....回公司...整野食...食完野...又要幫美寶剪布...
再幫阿邦去旺角拿co...再去深水步買野...
買完野回公司附近食左個tea 先回公司做野..
不過那時都5點啦...攪多陣就可以走...
而今日阿keep搵我講左d 貨o既問題....
今次佢就好唔滿意....不過都要走左先...
希望下次我o地做好d ...不過我都唔知有冇下次啦...
回到公司...知道左jv有d 貨唔走得囉...
唉...因為d 呎碼問題....唉...由佢啦...
聽日我又要頂上啦.....大把野做....o....so 灰..
放工之後...就係元朗行下....順便去左工聯會報名...
攪左一陣...去曬相...再去馬會買六合彩...
因為今次開六千萬...先去睇一睇呢...
今次都係人生第一次入馬會呢...之後就去左老麥食野..
之後就回家啦....o...

>>September 30, 2006 at 4:29:33 AM GMT+8

2006 年 9 月 26 日 星期二 【晴】

今日呢...本來就好早出門口嫁啦...
雖然只係比平時早十分鐘....不過都係早左丫...
我以為早出門口就可以早d 回到公司啦...
點知...又係大欖那到塞車....唉....一塞就十幾分鐘..
雖然都唔係好耐....不過足夠令到我遲到啦...
唉....最後都係參唔多時間回到公司...
咁就係附近食完野先回公司啦....
唉....想早o既時侯都係遲...早知唔早起啦....
訓多陣都好ma...回公司之後...
放好曬昨天拿回公司o既野....就諗下做咩啦...
而開數都係最重要o既一環....
執好曬今日要做o既野之後....就睇下email...
攪好曬d野就出去啦....先去銀行...
開左個人民幣戶口....攪左好耐囉.....雖然我就唔洗排隊..
而今日先知...會有人幫公司入票....一入就成百幾張....
一共比佢o地hold左成三個櫃檯...攪到幾百人係到o曹..
都冇計啦...咁多張支票....真係有排攪...
好彩我唔洗排隊...唔係就唔開戶口啦...
攪完野...去雞仔...比返d 野佢o地..and 傾返d 野...
再睇下可以點...因為大家都想係十一之前走貨ma...
傾完野...我就去左政府合署交表...點知係走廊...
比個人叫住左....而我真係唔認得佢..佢講名我先知...
佢係邊個....講左幾句...交左表就閃啦....
佢中學那時...明明就係一個大肥婆來的.....成班最肥係佢...
點知...依家點睇...都似..百幾磅身型...真係唔知,.咩事啦...
由激肥變激瘦囉....之後我就去荃灣印野....
因為都唔係好多野...咁就...好快做完好快走啦...
都係做三條...而且都係老闆d 野....and 我就做左件衫比自己囉...
完左回公司....再整野食....因為都晚了點...
食完野都兩點啦...hea左陣又要做野啦...而主要都傾返...雞仔走貨d 野..
不過上面d 物料又用多左...我就要問佢o地拿返...
唉....之後佢o地雞仔那面又叫我o地改呢樣那樣..
我就同唔到佢o地講啦...老闆同佢o地講到好似就來打交咁...
唉....依家點丫....一件衫...改足七次咁多...
唉....老闆最後講左佢....咁樣都唔洗上佛山啦...

>>September 27, 2006 at 7:37:50 AM GMT+8

2006 年 9 月 25 日 星期一 【晴】

今日又要上內地...係今個月o既第三次..
而今次上去o既目的...都係陪雞仔o既黃師傅睇下...
可以有咩位點化上面o既廠...做好一點...
而今次就係上水等...我就剛剛好...九點半就到...
真係一到..見到黃師傅...就上車見到老闆..
真係好彩....如果唔係...要兩個大粒等我呢個細粒咩..
而我o地就係車到吹左一陣...下車就各自走...
邊個快就邊個買飛...so...今次係我快...
唔洗大家等...不過因為人多...而我o地就十點半車..
就係到等....等足一個小時....
唉.....等到勁悶...上到車...又係勁悶...
佢o地兩老就係到吹水...我想訓一陣都唔得..
唉.....去到廣州...又要坐地鐵..更悶...
攪左好耐...先到坑口...
講真..三個人都悶...又唔知講咩好...而架地鐵又o曹..
去到坑口...就見到司機...就慢慢游去食野....
唉...去到就即刻食野..又係開房食...
不過當然d 野都係我唔o岩食嫁啦...次次都係咁嫁啦...
又魚又雞...樣樣都唔o岩食...
最o岩都係食豆腐囉...正丫...另外d蛙蛙菜都幾好...
唉...我都係食d 粗野好...食完野就去廠睇野啦...
而我恰其實上來都係陪下雞仔d 人...
我又冇咩好做...行行企企...到處睇下...
都唔知攪咩...得閒就搵d 人傾下計...
無所事事...但係唔上又唔得...
責任上又要招呼佢o地....冇計....
不過用左個幾鐘時間....黃師傅點化完佢o地之後...
知道點做啦...就肯改...咁我o地就可以安心走啦..
那時都係四點左右呢....之後梁生就搵車比我o地...
今日又搵到架白牌車...四十蚊呢...真係抵到爆....
上到火車那時都係六點喳....不過架車就好快...
o.....去到深圳都七點半啦...咁我見咁早...就係東門行下...
再睇下...想睇下漫畫...點知間野唔見左喎...縮到冇咩好買...
唔....咁就係附近行左一陣....食左個老麥...就回去啦...
最後都係係羅湖城野漫畫...回到家都係十點...
今次好早呢...好野....回家.攪左陣野..都訓啦...

>>September 27, 2006 at 8:29:02 AM GMT+8

2006 年 9 月 24 日 星期日 【晴】

今日回公司都係慢左小小...
而今日培哥就回左大陸...咁frd d 貨就只好我自己執啦..
唉...培哥放左十幾箱野出來...
我就只好...慢慢執啦...
而frd 那到又要分d 貨上大陸...咁我就要慢慢每箱執d 野出來...
唉...都不知幾灰....成個上午...
將d 野搬來搬去...又要做箱....又要計數...
唉...真係小d 精神都出錯...因此箱箱野..封好左都一樣..
唔寫真係唔知呢...唔通次次開來睇下咩...
原來培哥個位都唔易做...唉...
攪完呢d 野....就放係門口...等frd比票我o地就出貨比佢o地囉...
而之後就做下文件...而又食唔到飯...
見個個同事係到食野...我就要再等都幾灰嫁..
因為老闆今日約左見客...要我係到...
咁我就要陪佢一同去....唉...就要等到兩點先有得食野啦..
勁慘丫....唉.....終於等到差唔多時間...就出去搵個客...
而今日約左星輝那邊個阿姐傾下....唔知可唔可能夾到...
做到呢d 生意...唔.....不過佢o地係到曬命多...
唉....我就只係係到陪坐咩都唔洗做...
一路都係聽...一路都係食....最後...
都係唔知傾左d 咩...拿左d 版...佢又冇比布..
依家咩都唔洗理..咩都唔洗做住...
最後今日傾完都係冇咩成果....好似..
回到公司...就要攪o米聽日睇貨o既野...
今次睇o米就第三次嫁啦....唉...真係拿我黎攪...
睇完那日我又多野攪啦....唉....不過唔上又唔得...
而之後做完野就回家啦....回家都係想訓...冇訓..
等食野....食完野就睇下"以一敵百"
都真係幾好睇...唔....夜晚都係做差唔多o既野囉...o...

>>September 27, 2006 at 8:44:27 AM GMT+8

2006 年 9 月 23 日 星期六 【晴】

今日係要去ayp 金章o既camp o既...
不過約定時間就係十一點...
咁個時間上就多d 做自己野...
當然最重要o既都係訓啦...
而且我咕今日都唔會行得好遠...
所以就更加hea 啦....
去到西貢...剛好有時間多...就去左老麥等下午野食...
拿左先慢慢行去集口....
今日見到教練先知今日得三個人出...
而當中阿楊就決定唔玩....o...又小一個人...
依家三男三女...就更加灰啦...唉....
不過今日行o既地方呢就係第三段....
不過呢唔知係唔係昨天夜晚踢完波...又夜左小小訓...
又腳痛....就一路上一路好辛苦呢...
唉...真係行左好耐...我記得好耐之前行同一段路都冇咁慘....
今日就勁灰囉...唉...幾經辛苦先上到許林士多飲可樂...
之後又要搵路啦....條路教練都知唔見嫁啦..
都叫我o地慢慢搵....我那時真係會想...
會唔會成晚都出唔到去....唉...
好彩最後都冇野....搵到路去郊遊徑...
之後都好快行啦....因為阿東要打波...
所以我o地五點唔到就走啦.....好野..
大家都可以早收工....夜晚我就回家再做其他野...

>>September 30, 2006 at 5:19:40 AM GMT+8

2006 年 9 月 22 日 星期五 【晴】

回到公司...都係hea 下咁...
做o既野都係唔多....主要都係解決上面o既問題..
另外睇下frd d 野有冇問題...因為今日eric 會黎睇尾期...
所以要攪好d ..唔....不過之前都係做雞仔野多...
做完就十二點等eric 黎睇野...
而我就要招呼佢睇....雖然佢就唔係好qc 嫁啦..
都係黎睇下d 衫....有冇問題...
睇上靚唔靚.....係咁依度下...
不過睇完幾十件之後呢...都冇咩野...
就可以出貨比佢o地啦...唔...
佢睇完走之後呢都一點啦....咁我就可以走嫁啦..
不過都係要執好d 野...先可以走啦...
走o既都係去食野......不過老闆佢o地係咁吹水...
我早走又唔好意思.....等到兩點半先回ive...
回去聽下阿sir 想講咩....不過連我在內都係兩個人去左...
真係灰囉...而我問左小小野...等老師搵我份野....
不過最後見佢搵唔到/...我就回家啦...
回家做其他野..那時都四點啦...唉...
之後....執左陣野...就出左去食野啦...
而地點就係...食拉麵....好耐都冇食啦...
勁好食囉...不過d 豬就好弱啦...唉...
食完野就回家啦....打下機...訓下囉...

>>September 27, 2006 at 8:54:18 AM GMT+8