2006 年 10 月 21 日 星期六 【晴】

今日又要上那個英國老師堂...唔係講笑...
今日更慘....成日都要上...足足上成八個幾鐘..
都唔係小野...而且又要一早起身呢...呢個係最灰o既..
真係攪到好多時咩都唔想做....起身...
又要返學....回到學校都係遲到嫁...
不過都係遲左20 多分鐘...不過去到只係剛剛好講書...
第一張powerpoint 都未講完...我就搵位坐低聽啦...
而且今日一早都冇咩幾多個同學返...可能個個都唔想咁早起身瓜..
不過我又唔想白比學費囉....就一早返左...
而老師成個上午都係到講書...
係咁講係咁講...有好多時都唔知佢係到講緊咩...
而佢一講就講左幾個leture....唉...我聽都覺得慘...
唔好講佢企係到講....上完上午...
我都唔知食咩好...到處都好似冇咩好食...唉...
好灰之前係百佳買左d 包食....係ive 裡面搵左個位...
坐係到食...食完就訓算啦....攪到咁上下...
先回課室上堂啦....而下午...可能係因為d 同學都訓醒左...
多左勁多同學囉...之不過...佢o地就聽小左野囉...
不過其實我真係有d 想走堂嫁....因為真係好悶...
不過我又想唔到會去邊喎..咁就係到上左堂先啦...
最後聽到尾...不過...就好辛苦囉....
上完堂...就回家啦....唉....大好假期就冇左啦...

>>November 3, 2006 at 6:50:33 AM GMT+8

2006 年 10 月 20 日 星期五 【晴】

起身那時...真係百感交集...
日日都會想...不如請病假啦...
不過我又會想...."咁o米又係要做返八小時..."
我又會想..."之後那日o米又勁多野做..."
又會想...."咁不如遲到算啦..."
之後都係會想...."o米又係要補鐘...."
最後都係算數啦.....回 公司算啦...
咁我就起身回公司啦....唉...
回到公司...好彩都冇遲到....都可以唔洗扣人工...
不過今日anna又好似痴左彩咁....
指我冇比洗水內容佢....係唔係錯左佢咩...
都痴o既佢...明明我就比左張圖佢跟...
又指我咩都冇講....都痴o既...您唔識問嫁咩...
下下要講....喂o米您食野丫...真係頂佢唔順...
如果我可以出訂貨單....我一早自己做返啦..
洗睇您口面....真係好想用粗口鬧爆佢丫...
之後我就自己做返d 野啦...包括做圖啦...
唔做唔得...冇人做ma....其實主要都係等一點放工...
放工之後就同同事去食野先...食完野先慢慢回學校上堂...
因為今日又要上鬼婆堂...有時都覺得幾灰...
佢又多野講...我又要係咁聽....又唔係聽得幾多...
都係盡量做嫁喳...唉......不過今日又要上足七個小時...
有時都幾灰...太多時間上堂...都唔知記得幾多野...
而佢上左幾個鐘lectuer之後...就上左去玩電腦..
因為我坐左係一個好難知道老師做緊咩o既位...
而且老師o既支援...而且d 野又好易...之後就走左出去搵野食啦...
不過都係決定左唔食...回學校...之但係...一返到去...
佢o地就食野啦....我就係課室訓...
等佢o地食完野回學校再上o米最後那堂...
最後上到九點幾...overtime 先有得走...呢個老師真係好多口水...
回家都十點半有多啦...唉...聽日又要上...

>>November 1, 2006 at 2:26:30 AM GMT+8

2006 年 10 月 19 日 星期四 【晴】

起身那時真係好唔想返工....
不過日日都要返工...有時都幾唔想返...
唔返又冇錢...都冇咩計...之後呢...
係家中搵左個兩蚊就出去啦...因為知道自己係要食早餐嫁啦...
而且又唔夠銀仔...就搵左兩蚊返工又食早餐...
食完野先再回公司啦...
回公司就要做野啦...hea左一陣...
就好似咩都要做d 咁...雖然好多野都好小事...
不過太多小事...就好多野做嫁啦...
想快都快唔到....而且老闆回公司之後....又要我改返個logo..
又要我做返個evisu ...寄野上去...
咁我又要彈d 野比anna 訂野..唉....佢態度真係好差...
有時我都真係唔係好明....我基本上都唔同佢講野嫁啦...
都冇咩機會得罪佢....真係好唔明...做咩佢下下都咁串...
而我又費事串佢啦...講到尾日日都要對住佢....
不過佢真係一個怪人....之後午餐食野...
間office d 人唔見曬..攪到我同老闆係office...
我就食野...食食下野...又覺得...
真係好難食....唔...下次都係唔係麥片啦...最近都食得太多了..
下午...又開始多野做...
因為老闆要我寄d 野上內地...咁我就要好快攪好d 野..
改好d 野...比佢睇完...執好就寄啦...
而之後又要去荃灣印野...都好難攪...
攪完都五點半啦.....唉..又要回公司做其他野...
不過回去之前..就去左老麥食個tea 先...
食完野回公司...放好d 野...又要走啦...
因為今日冇啦啦又要上堂...咁就回學校上堂啦...
今個星期...又有lecter 上...其實有堂上係好...
不過一連上幾日...真係好慘...平時返工都慘嫁啦...
依家又要日日上堂...而且係上全日...都幾灰...
算啦...不過今日個老師教o既野...其實我好多都識嫁啦..
其實真係好想訓下...不過又好似唔係咁好...因為我又坐第一行...
由佢啦...聽多次囉....database....識就識...唔識就唔識嫁啦...
之後九點幾我都走啦...回家做自己野...
不過....回到家都十點幾啦...唔攪太多野啦...
睇左d vcd 都訓啦....睇那套" 無人地帶" 都幾得意..

>>October 21, 2006 at 3:18:49 AM GMT+8

2006 年 10 月 18 日 星期三 【晴】

今日起身....唉....左右為難咁...
再訓多幾個字...再回公司...
而且又可以唔洗遲到喎...真係神奇喎...
今日老闆又唔係到....所以冇咁大壓力...
不過呢...因為昨天美寶叫我執野囉...
而我就要係一大堆布那到搵返d 要用o既布黎做...
唉....那到幾百款布到搵野....唉...
睇見都唔想做....d 布堆積如山...放到高過個人...
而我就要一個個拿下來...再搬走....再搵返有用o既...
又要回返好個數....總知就多野攪啦...
唉....要我做完一堆..搵曬d貨布出來之後...
就想扮曬野唔搵d 版布啦....同美寶講搵唔到....
最後又比佢搵到出來....唉....我就要攪o米佢啦...
又要係一堆高個人o既布匹山上搵d 布出來啦....
最灰係...呢個比之前那個更多布..又更重....
真係拿我老命.....唉....搬貨都係灰嫁啦...
唉.....讀咁多書都係要搬野....真係冇計...
邊個叫您最細...又係最冇地位丫....冇計...
做完呢d 野...都真係想hea 下....不過都食野啦...
就食完野..訓一陣...下午再攪過..
下午...本來都冇咩野做....
不過阿邦就叫我做o米d stock ...咁我只好用左幾個鐘去...
幫佢攪啦...最後都係是但收尾啦...
總知搬完野就辛苦啦.....好慘呢....

>>October 19, 2006 at 9:37:40 AM GMT+8

2006 年 10 月 17 日 星期二 【晴】

起身回公司...其實都早左嫁....
不過唔知點解回到公司都係遲左小小...
咁我只好食完早餐先返公司啦...
唔係回公司都唔知做咩好...
而上午....我就搵d位攪下evisu o既野...
冇計啦...我都唔知做咩...
o米久唔久搵d 製單o黎改下囉....
再睇下有咩好做啦...而之後老闆就叫我拿d 野去攪...
因為上次個客改野唔洗做住...不過依家改好又要我攪啦...
咁我就要做個紙樣啦....而我...就要去荃灣改...
不過我就食完野先去...去之前又要去三聯睇睇書先...
再去荃灣....慢慢攪下丫...不過因為佢o地那邊...都多野做..
咁就冇人理我啦...我就自己scan 野...cut 野..
印野...不過...有好多野...不過四點先出到第一個圖...
而且有三個未做....最慘係...睇完...印出來效果...
又要改一改.....好彩之後可以係六點之前走...因為叫做好左...
不過呢個時間住小巴都好難...又好彩又有位喎...
幾驚要等成個小時丫....唉...好彩..
回公司之前..就去左老麥買野食...食住回公司...
回公司再做一陣野...七點半就走啦.....回家再食飯...
食完野打下機.....就訓啦.....

>>October 19, 2006 at 9:49:10 AM GMT+8

2006 年 10 月 16 日 星期一 【晴】

一日又一日咁返工...其實都有d 悶...
而且又好唔知為咩....而今日阿田就第二日返pccw..
唔知佢做成點呢...而我今日係公司...
其實都係hea多...攪左好多唔知係咩o既野..
而要做返一d 小問題....日日返工...
有時都唔知係可以寫d 咩...有時工作上o既野...
寫黎又好似冇咩用...因為記得又點丫....
有d 時間工作又真係好悶...唔知做咩...
唔知攪咩...日日都有新野...比人話下...
唔係客話...老闆都會話下我...
雖然....唔係好...金.....不過真係放工...
都係回家啦....做下自己野...休息下..
有時都真係幾好....

>>October 19, 2006 at 10:01:24 AM GMT+8

2006 年 10 月 15 日 星期日 【晴】

今日呢...決定要早起...
不過都係比平時回公司o既時間早左十五分鐘...
但係都夠我唔遲到嫁啦.....回到公司...
冇咩位比人扣錢...算啦...不過今日就唔係咁好..
因為老闆指d polo 領印左係米色到...個樣明顯係黑曬o既...
咁我都冇計...我就要做過曬....我只好去做啦..
不過都差唔多要做過曬...唔做又唔得...
老闆又黑面....咁只好出去走一走頭啦...
咁我出去那時....順便去左老麥食野...
食野那時都唔係幾多人...不過唔知點解...
坐坐下好似比人圍住左咁...想睇多陣書都唔得...
唉...個情況真係好古怪...真係好唔自在...
只好走啦....再去荃灣...印野啦....
兩點做....那時想係四點做完走o既...
不過情況就真係冇咁理想啦....
我輕看左21 條野....攪左前期工作都一個小時啦...
最後要四點半先有得走...唉...
黎荃灣做野...真係好疲倦呢...又要行來行去...
又要企足成程...又要眼力...又要手力...
唉...回公司之前...本來係想係超市睇下有咩買..
不過都冇咩野好買...回公司再做野啦...
回到公司...唉...又多野做.啦..
老闆又要我出個po...攪好張invoice...做好曬d野...
聽日比佢睇呢....好多野攪...
攪完放工都七點半啦...又要入屯門同弟兄姊妹食野...
不過呢都好o既...可以hea 下...
去到屯門搵到弟兄姊妹....不過今日唔係好多人...
又阿汝吹左陣水就閃左啦....今夜有卡文,麗儀,我, 穎祺, 安祖, 子棋..
同九點半近十點先到o既kitty, 雖然大家唔係太熟..
講o既野都真係幾無聊...不過都好...
咩都要開始o既...唔傾下計..點知呢...
最後十一點半大家見酒樓差唔多收都走啦...
我回到家都十二點啦...攪o米d 野...成點先訓呢...

>>October 17, 2006 at 1:56:39 AM GMT+8

2006 年 10 月 14 日 星期六 【晴】

今日星期日...又可以成日訓大覺啦...
不過唔知點解...十一點就起左身...
咁就冇計啦....起身搵野食啦...
點知又咁o岩過左早餐時間..又唔想去食午餐喎...
咁就走左去老麥食左小小野...
就行去元朗聚會處..聚會啦...
去到那時..咁o岩見到巴基...
咁就去同佢o地坐啦....不過係第二行...
好清楚見到個檯...都好好嫁啦....
平時好遠呢....真係冇咩感受...
今日就好近啦...會專心一點呢...
而阿mike 就遲左好多先到....
不過都會係個餅之前到.....
完左聚會...阿mike 就要去葵芳...
而我就去送佢....而阿田就咁o岩想搵我o地食野...
就係新元朗食完野先啦....而我o地就選擇左食日本野..
而且唔係食一件件o既壽司...而係食湯麵...
不過就不時太好囉...因為d 吉豬唔好味囉...
雖然好多都整得唔好食...食完野...吹完水...
就陪阿mike 去搭巴士...而阿田就去cut hair...
我就回家啦...睇下vcd...訓一下...
咁都真係幾好.丫.....夠hea...
呢d 先係放假ma...唔係點叫休息呢....
夜晚都係咁啦...hea 左成日...

>>October 21, 2006 at 3:48:25 AM GMT+8

2006 年 10 月 13 日 星期五 【晴】

今日回公司做野那時...都係遲左小小嫁...
因為昨天未印完d 野就走...
所以今日都會去荃灣印野....不過都要返公司做好d 野先..
而今日去印野都唔係做自己手上d 野..
係局住幫anna 攪d 野....因為老闆彈過來...
之後....我做好公司o既野..就出去啦...唔...
不過就先去左食野先...食完野去...
不過去印o既野都唔多....做左一陣就可以走啦...
咁我就可以快d 回公司啦...因為今日星期六..
一點d 人會走得好快...不過今日我係公司做完野..
都冇陪佢o地去食野...而回左家...
訓左一陣....到左六點就出去陪d 弟兄踢波...
係西鐵到見到李生....佢就希望我日記會出現good new 喎...
我咕都難嫁啦....今夜都冇人出...
有咩好講丫...去到更灰....
今夜要出o米穎祺...霆峰先夠人...
明顯係打少左兩個人....而且因為有呢個情況...打四個後衛都死..
有波那時又要攻...係呢個情況係四個打七個嫁....
唉...唔死又有咩計丫....而且成晚...輸o既都係單刀波...
攻不行...守不行....冇人換....
弟兄唔識踢波唔運動更加會係死證....
唉......場場波都唔夠人....攻那時..後防空虛...
而我踢左半場後衛囉...就比左子琪踢...
我就做龍門囉....都幾冇引...
d 弟兄又攻唔到....緊係啦....3個打人地7 個...
一有波...佢o地就三個打一個....唔死咩...
佢o地有十幾個人....換都換死....我o地又有弟兄唔踢波o既,,,
最後馬少同阿東最後十分鐘先到....後防就更空....
最後本身 3:0 輸緊o既....又比佢o地搵到幾次機會單刀...
冇啦...入得幾多球丫...最後輸...6:1
回家啦....做下自己野啦....灰死...

p.s. 祝tobe 生日快樂.

>>October 17, 2006 at 4:42:36 AM GMT+8

2006 年 10 月 12 日 星期四 【晴】

今日回公司...都冇遲到喎...
真係幾好...不過就冇食早餐囉...
回到去..都係要了解左世界大事先...
睇下有咩新聞...有咩怪事...
見十點幾啦...就開始執下野...
睇下有咩好做...攪下野...唔好好似咩都唔做..
因為今日決定左上午出荃灣印野...
不過因為美寶冇啦啦彈左個樣比我...
叫我做....不過我真係唔識點做...
又唔知點做好...又唔知做唔做得靚...
之後知道點做...不過都要出去....
先去左食早餐先...因為都係十點未到十一點..
都有早餐食...不過一坐低叫左野做...
老闆就打來...叫我回公司開會...
死啦...o岩o岩先叫野食...又唔想未食比錢走...
就食o米野先走.啦...好彩佢o地d 野都出得快..
我就可以好快食完走啦...入去餐廳到走...
都係十分鐘左右o既時間...真係極快食通粉...
食完野....以最快o既時間回公司...
點知老闆就同大家講十一點半開會...死未..
早講丫...還有20分鐘....唔洗食得咁辛苦ma...
之後開會...多數都唔係講我d 野..
成個幾鐘都係聽多....開完會...執一陣野...
剪完d 布比美寶...就出去啦...因為午餐時間..
就去商場行左一陣...再去荃灣...
去到都兩點半....以最快時間攪野....
不過因為都好多工序..所以都要攪好耐...
所以我真係好唔like 入荃灣印野...
因為樣樣野都要自己做...真係冇得停...
雖然黎之前同走都可以食下野...不過真係要做好多野囉..
做完自己野...想再print anna d 野那時...
部腦又死左...我想做都做唔到...
所以就回左公司先.....食完老麥就回公司做o米d 野啦...
攪好d .領....再做下其他野...就閃啦...
之後又要回ive 上堂...真係好多野攪囉....
回到學校...勁多人囉...唔知係唔係個個都返左黎...
攪到下一堂...真係應該都冇咩人上...o...
都冇計啦...聽日我都想放下假....由佢啦...
不過我聽完老師講書就閃啦...都唔留係學校傾project啦...
都唔知講咩...攪完之後...就坐車回家啦....
回家都係做平時做o既野囉....

>>October 14, 2006 at 1:57:52 AM GMT+8