2007 年 1 月 6 日 星期六 【晴】

今日係星期日放假o既日子...而且今日又係龜媽大喜日子...
咁我就咩都唔理..起身...去左大快活買早餐食...
食完就慢慢回教會聚會...
因為今日係07年第一個主日...而且今日係同其他家族夾o既日子...
不過我下午join 唔到佢o地啦..要走先...
完左聚會就閃回家....再出去買西褲...
因為冇褲出席呢....而我去左g2000睇...
點知又見到佢o地咁o岩做特價...
就想都唔想買完回家...裝好身就出去啦...
上到錦繡車...先見到好多弟兄姊妹都係到...
一同慢慢行入去教堂...而當中..見到好多姊妹個look都好唔同..
有d 天寒地凍著好少衫啦...
有d 化行裝啦...有d完全認唔到啦...
總之個樣就少見啦.....不過今日見到龜媽結婚..都好開心...
不過我真係比佢出場隻手臂嚇左一嚇....
好似減左成年都係冇減呢....o....
完左行禮...我就夾左幾個弟兄坐的士回元朗啦..
我就可以回家休息一陣...再出去...因為都有一個小時時間比我呢...
咁我就係大快活食左個tea...同阿mike 吹左陣水..
睇左陣野...再上元朗聚會地方...等龜媽個感恩茶會...
而我覺得...龜媽d 親戚朋友就好似好悶咁...
成台人坐左係到勁悶囉...又唔知做咩...
唉....唔通比佢o地係到打牌咩....
而我就可斷搵d 弟兄姊妹傾下計...
唔係我自己都會好悶...而我不停update弟兄姊妹最近情況..
燕南依家都做老闆啦...我要努力d 先得....唔可以比佢差呢...
要做小小突破先得....完左個晚會...
就同弟兄姊妹去食糖水...當中有d 識...有d 好熟..又有d 唔熟...
又有d 係唔識o既....攪到我同阿mike 勁悶...早知..唔食好過.
食完野就回家做其他野啦...

>>January 13, 2007 at 5:58:17 PM GMT+8

2007 年 1 月 5 日 星期五 【晴】

今日呢...又會選擇入左荃灣印花廠先...
因為我有d 野都要係那邊印...
主要都係做o米d 雞仔橡筋及會展那d 印花領...
唉.....雖然可以遲d 去到荃灣...
不過係荃灣做完d 野...回到公司又有排做呢...
呢下真係好灰....唉...
係荃灣都唔敢做太耐...做完d 野...
快手快腳回公司...再做o米d散野...
就好快閃啦...都冇時間同d 同事食野...
我就去左kfc 買左d 野食...回學校啦..
因為小巴時間都唔係好多...食唔曬個餐..
就係課室門口...本想食完野入去上堂o既..
點知係那到比我見到古遠強...
傾下傾下都半個鐘啦...
入到課室都成三點啦....就搵左個位聽書啦...
而老師今日都搵左d 時間講project...
而且老師講書講到超左時都唔知...
之後上完堂就回家啦....因為有買日通o既關係...
就回家先....hea左一陣...見時間都差唔多就出去啦...
出旺角啦...因為今日pa 開會...而佢o地因為約左點o既關係..
所以傾o既野都唔會太多....講o既都主要係個網頁...
而今日都好齊人...只係冇左阿田囉...
而我走那時就同興文坐西鐵回家...
返到去都好夜啦...唉...好彩聽日星期日呢..

>>January 15, 2007 at 4:35:53 PM GMT+8

2007 年 1 月 4 日 星期四 【晴】

今日因為有野係荃灣做...就直接入左荃灣印野啦...
而今日又知道冇咩地方好去...都冇去買全日通...
直接坐西鐵算啦....雖然比平時貴左三蚊....
不過都係要坐......最多都係買公司比返囉....
去到荃灣....就開始做野啦.....
做好曬d 公司野....印好之後...就搵左d 自己野印下啦...
又印左件衫比自己.....hehe.....
之後就走左去新都會食野.....
不過今日入左kfc 食野.....順便入o米kfc 會藉.....
好似睇落幾著數....食完野就慢慢行返公司....
再做其他野......而因為唔想係公司做太耐野...
就好早就放工回家啦...回到家就去左行一陣元朗...
叫做hea下啦....

>>January 22, 2007 at 11:58:39 AM GMT+8

2007 年 1 月 3 日 星期三 【晴】

今日同平時一樣咁返工....
因為太多雜亂無章o既事要做啦....
都唔知做得邊樣....
有時都想真係放下假....而且日子真係好難頂...做完呢樣野...
下一樣野又要做....做得越耐...
就越多野做...日日都係咁做...
而我昨夜終於寫好曬d 咭...
放工那時行過郵局...順手寄左佢...
再入荃灣上堂...
有時都幾辛苦呢...又返工又上堂...
不過都好o既就係...讀呢d 唔洗做功課囉.....

>>January 22, 2007 at 11:54:26 AM GMT+8

2007 年 1 月 2 日 星期二 【晴】

今日起身回公司那時又係遲左...
不過我知道今日老闆唔會咁早回公司...
所以都係慢慢先回公司.....
回到公司都唔知做咩好....
好多野都攪曬......其實都冇咩攪....
而阿邦就比左d stock list 比我攪....攪完就等食野...
而食完野之後...下午就要打飛...
打完就等師傅教我扎衫.....唉...
不過因為時間唔夠.....七點半都末攪好....
就回家啦...回家睇左陣漫畫...打左陣機....
就冇咩野攪啦...

>>January 3, 2007 at 4:01:17 PM GMT+8

2007 年 1 月 1 日 星期一 【晴】

新年啦....今日係新一年第一日開工o既日子...
雖然係放左幾日假...不過都係唔想返工...
其實日日都唔想返.....依家好多時間都係唔想做野...
可能係打工仔心態啦.....
日日返工好似冇咩自己生活咁.....
有時真係想搵一份可以冇咩壓力o既工作做...
不過都係難o既....
今日回到公司....諗下有咩可以做啦...
而當中因為perry ellis d 版...訂錯左拉鍊....
攪到d 野真係好煩...個客又好似好想改返好去先出版...
不過工場那到知道錯左版...d 野好快做曬..
因為唔想個客想太多野....除左呢個之外...
evisu d 貨冇布裁小左都係好煩o既...
最後個客都比....好彩冇野....不過d 裁片就煩啦...
上面攪錯曬...唉....我想聽日我有排攪啦....
不過聽日先算啦....放工就回家...
睇下漫畫....食完飯...訓左一陣...再起身做其他野啦..

>>January 2, 2007 at 4:13:25 PM GMT+8

2006 年 12 月 31 日 星期日 【晴】

今日一早比方生o曹醒左...
因為應承左佢去幫佢做d 野....
佢就指係兩個鐘...不過因為我遲左小小起身...
佢就白痴到叫我坐的士去....唉...佢都真係傻o既..
最後我去到荃灣先轉的士再搵佢...
不過佢d 野...真係唔洗用個腦去做o既...
但係我真係唔明佢點解會唔識做....
佢講就講係想學...不過佢永遠都係冇用個心學...
我都真係費事教佢啦.....最後做完一個小時就閃啦...
之後自己一個入左青衣行....去到青衣村就下車....
到處走走....行返長發....由海旁慢慢行返去青衣城...
我記得好多年前係行唔到o既...依家忽然行下...又行到喎...
不過其實已經建成好耐....只係我冇行過呢...
行到咁上下...因為約左winnie 佢o地飲茶...
只係我唔知佢o地搵左d 咩人呢....而當中最吸引o既..
就係funny 入左去做空姐囉..真係鄧佢開心呢...
雖然我就做唔到囉....而我o地最後去左青宏苑那到那間酒樓....
因為好似好多人等位咁.....不過大檯就好快有位...
咁大家就可以去食野....開年第一日...成班人係到吹吹水..
都幾好丫..幾開心...食完野...別了大家...就同阿田去左工展會啦..
因為今日工展會最後一日.....去到都入黑啦....點知好多展位..都開始執野..
好彩之前睇過一次...今次只係補飛呢...
不過都買左好多野...回家....就訓啦...

>>January 2, 2007 at 4:26:36 PM GMT+8

2006 年 12 月 30 日 星期六 【晴】

今日教會一年一度o既大團聚....
不過我就慢左好耐...因為阿汝都吹我拿左營比佢o地...
而我都少理...食完個早餐就搵車去啦...
其實成架小巴都好多弟兄姊妹係到...
因為可能好多弟兄姊妹都係好似我咁....唔想準時坐旅遊車啦...
又可能好多人遲左起身....被迫都要坐小巴....
而我就去到搵左阿汝比左d 野佢...
就搵返d 弟兄姊妹搵個位坐下....而我一路坐...
都真係唔係好知余生講d 咩....而完左上半場...
食左一塊比薩之後...就同穎祺去搵其他弟兄姊妹影相...
而不過我就見唔到朱展丫....佢又冇黎...唉...
以為可以同佢吹吹水添...之後搵左一d 小見o既bs 影下相...
而家族好多bs 就係三點鐘車早走左啦...
而我就足足坐到最後....夜晚九點先走....
今日我又冇約咩人去倒數....走那時就同阿mike 同seven 走啦...
去到元朗回到家....十二點到都訓啦....
倒數....都係留比d 後生o既做啦..

>>January 2, 2007 at 4:54:33 PM GMT+8

2006 年 12 月 29 日 星期五 【晴】

今日因為昨天anna 想要多d 領比上面做後補...
所以我就講左比阿邦知...我會去左荃灣印花廠先...
而我起身之後....去左大快活食完野...
先去西鐵站坐車去荃灣...再慢慢行去印花廠...
點知行行下肚又痛呢....攪到要搵廁所..
上到印花廠都就十點啦....之後就開始做野...
不過發覺原來一個人做野...真係可以好慢...
一個人做二十條領...攪左成兩個小時....
攪到十二點幾先可以走....回到公司就做其他野...
攪曬d 野一點幾先可以走....再去搵同事食野...
因為老闆次次都請我o地食野呢...不過今日就係漢福食囉...
食完野我就回家啦....
本來係想剪頭髮先....不過又趕住聚會...去左嶺南先...
完左聚會..回家先剪.....
剪完個頭就回家...好快就寫好曬d 咭比d 朋友仔...就出去旺角啦...
因為今夜約左過江龍o既朋友仔....今夜除左成日見o既幾個之外...
多左個特別小出現o既niki...好彩我個個都有寫...
唔係都唔知點下台.......打完邊爐...吹完水都回家啦...
我就同winnie 同阿田回家...因為剛好三張全日通ma...

>>January 3, 2007 at 4:21:16 PM GMT+8

2006 年 12 月 28 日 星期四 【晴】

今日呢.....老闆一定要我寄出曬d 領比上面做野...
而我只好早一點回公司...做野...
不過因為公司d 野都好多...我就要慢慢攪佢....
主要都係perry ellis 那個人..約左十一點...
我等下佢又一個鐘...等下又一個鐘...
最後做曬d 野等唔切佢..我就出左去荃灣啦...
因為我d 野都趕....不過因為遲左去...就買左d 野食先過去...
去到就要開始攪d 領...不過最近因為阿麗有返工...
所以我o既工作就只係得前期剪紙...分野....同最後o既睇領...
分碼...包裝.....入箱....最少...阿麗幫我做少好多野啦....
而我食完野..就要睇下佢o地做成點啦...
要一路做....好彩最後出貨那時....都比到五百幾條出去啦...
唔係都唔知點算....而最後收工那時....終於做好曬d 貨...
終於做好曬d 野啦....以後唔洗過黎趕貨啦....
回公司...做o地d 野...好快就走啦....
回到元朗..就到處行左一陣.....行行下...
又比我見到阿星, 同kitty 呢...真係特別的一天呢...

>>January 3, 2007 at 4:27:57 PM GMT+8