2007 年 3 月 3 日 星期六 【晴】

今日起身那時呢....一睇個鐘...
都成十二點啦....之後就起身回聚會啦...
因為再唔行就遲好多嫁啦....
而我目標都係去到掰餅聚會...所以都可以差唔多十二點先去到...
我入到聚會處...先知又轉左位坐...好彩見到平哥..
之後就搵左個位坐........又見到國健..就一齊坐啦...
聚會完左先搵返d 弟兄姊妹呢....
跟住大家傾左今個月會做咩之後....就去左食野啦...
分開左弟兄姊妹食野...我o地就七個弟兄搵左d 野食...
好似大家都唔想講野咁.....成程都冇咩野講....最多都係講波...
而馬少....決定左今個月會受浸....真係好啦....
咁我食完野都回家啦....
因為都約左阿mike 去溫書....而就就阿田..去左山景....
不過我回家拿左本書比阿mike 就出去啦.....最後都係遲左...
而我去到都好似幫唔到咩手.....因為阿mike 主要都係捉住阿田傾...
我就坐左一邊睇書...睇下有咩幫到手...
講到尾...讀書都唔係我強項....之後大家見時間都差唔多...
就走啦...行到去市中心...我o地就別了阿田...去搵野食啦...
點知阿mike 就搵左間勁平o既野食....真係勁平...不過就唔係太環保囉...
生意仔...都係咁....之後同阿mike 行左一陣...就回家啦....
回家之後.....主要都係計數....因為之前太多野做....所以一路都冇做好佢...
依家考完試好好多啦.....而盤數...足足用左我四小時...終於做曬....
其實都係之前做左好多...所以先可以咁快做完....
如果由頭做....都勁有可能做成日先做完一年o既數....
當然我今次主要都係做分析啦......
經計算...2006 年....平均我係用左38% 存款嫁...即係...我有38% o既錢係冇洗到係銀行嫁...
而當中用得最多支出都係放學費....足足有27%....真係唔睇都唔知....
不過都差唔多啦....而今年....都唔洗點交學費....應該好好多啦...

>>March 4, 2007 at 5:59:13 PM GMT+8

2007 年 3 月 2 日 星期五 【晴】

今日起身那時......明顯係有病嫁.....
所以就打回公司...請病假啦.....
以我經驗睇...呢個病係香港好普遍.....
我定義呢個病就叫..." 不想返工綜合症"..
應該好多香港人起身那下都有呢個病....只係今次我敵唔過病毒呢....
因為打左電話回公司...所以...我就決定比自己訓多兩個小時...
so...係十點先起身嫁....而之後...起身就check下email...
睇下報紙....之後先hea下hea下咁溫書....
因為都真係唔想溫....知道自己都死緊嫁啦....
又唔知溫咩好...咁多野....最灰係...到到都好似好多野問....
勁多個分支....攪到都唔知可以點......唉....
最後都係用自己能力去溫啦.....溫到咁上下先....搵車回學校...
因為怕有咩事...所以早左足足半小時出去.....
回到學校都冇咩意外...好彩.....之後同d 同學傾計...
先知...原來可能會出書本以外o既野....唉....算啦....
一入到課室....唉......開卷.....勁灰.....唉....
足足呆左五分鐘...都唔知點做好....因為識d 又唔識曬...
真係好難做.....寫題號呢下真係勁灰....一寫就25分....
又唔係識做曬25分......唉.....呢個決定足足呆左好耐....
不過點都要做.....就係咁做啦..........幾多分....
要睇主耶穌啦.....最後......做左差唔多兩小時都走啦...
因為都真係唔識做曬......let if be 啦...
之後就係青衣城行左一陣再回家...食左個大家樂下午茶...
去o米圖書館還書...再去左睇醫生....雖然冇病...不過要醫生紙ma...
睇完醫生都七點啦.....就再去食野....聽醫生講...食粥...
食完野....就回家睇....睇林海峰o既dvd.....訓左一陣..
睇左一陣電影節o既目錄...再出去銀行入錢...
再回家計下數.....咁又一日啦...

>>March 4, 2007 at 6:10:44 PM GMT+8

2007 年 3 月 1 日 星期四 【晴】

今日最後一日溫書啦....離考試唔係有好多個小時...
不過除左要溫書考試之外...我都係要返工嫁...
而且都係要做....唔會因為要考試可以例外唔返工呢....
回公司之前...就係快加好買左個蛋治拿回公司食...
雖然間野真係好貴....不過又冇咩餐廳係正公司下面...
咁就只好係那到買野食....快ma....貴都要食嫁...
真係好肚餓嫁ma....而且想飲奶茶ma...
回到公司...都係做下perry ellis d 野....唔...
計下用料.....做返張單......有時間就出左工場執布...
因為都好多野做........就係執布都真係唔知執到幾時...
依家攪到warehouse 2 幾時先執到6 呢....
唉......公司野...真係到死那日都有野做...唉.....
想起都灰....而之後食野那時...就出左去食老麥...
因為真係勁多優惠卷....唔食又好似唔係咁好ma...
而且我又咁like老麥...食左成個星期都係咁正...
不過今日就唔係坐係老麥食...
就行左回ive 附近公園食....原想係ive 食o既...食完去圖書館溫書o既...
不過...太多人啦.....費事啦....就係公園溫書算啦...
.heeh....而我下午回公司都係做差唔多o既野....夠六點就即走啦...
因為都想早d 走去溫書....而我地點就係ive ...
不過就係附近買左野食...食完先去ive 圖書館溫書...
而今夜都冇咩人.....係下一層o既自修室中...
基本上都係得我一個.....到我溫到閉門之前...
都只係得五個人...加上我....閉門之後...我就回家...
再溫啦....溫到兩點就頂唔到啦....訓啦...聽日先算...

>>March 7, 2007 at 4:48:07 PM GMT+8

2007 年 2 月 28 日 星期三 【晴】

起身那時....又係因為返工....
雖然有一個起身o既理由比好多失業及無所事事o既人好...
不過有時真係想hea 下...休息下...
可惜....生活....不可能....
都係灰住回公司....當然回去之前...
要食d 野獎勵下自己....再回公司hea 一陣...
再做野啦.....今日成日主要都係工場執布...
有時見到d 布....一下一下疊高.....
執到比之前更加整齊都好開心o既...
o米當係係無聊o既工作上...加小小動力啦...
而且呢d 工作...係唔係都要做o既...
唔做又唔得...唉....可以點丫...唔通可以唔做咩...
得....打信啦.....而我又唔想呢....
不過今日因為吳生黎左...老闆搵o米佢去左飲茶...
而我o地一班員工就出去一齊食...比比面啦...
因為咁...我就可以等到佢o地比左錢...先走啦...
回到公司都三點左右啦....hehe...又可以做小一個小時...
不過...都冇咩野好做嫁啦....除左執布....
六點....就閃啦..因為要去荃灣上堂....
所以早左走....不過因為一去到小巴站就有車...
都唔買野食...就閃左啦.....去到荃灣...幫阿田交左錢...
就回去上堂...因為今日第三季第一堂....都唔好意思遲啦...
而今次係個miss教.,.,...佢就講到係威係勢...
教成點....到最後先知....不過....暫時第一堂ok 囉...
佢基本上.....都好o既....係最後一小時...比我o地睇完片...
就放....就差左小小...不過放早都好...
可以早一點啦家溫書....我一回家...放低d 野,,,
拿左d 野...就出去老麥溫書啦....
原本好理想咁去到...希望溫到三四點嫁.....
不過因為那到太多人係到打psp 啦...
真係唔去唔知咁多人玩...而且個個比我大呢....
最灰係...隔離台有個好奇怪o既阿姐.......我都唔知佢拿左d 咩野果係到食...
d 味勁新鮮囉......草味極濃囉......所以我都唔知佢幾時..瘋左...
所以係老麥溫到一點就閃左回家再睇啦...
不過都係...兩點就頂唔到訓左啦...

>>March 7, 2007 at 5:00:20 PM GMT+8

2007 年 2 月 27 日 星期二 【晴】

今日比昨天晚左20分鐘起身....
而奇怪o既係...回到公司o既時間...
同昨天好似差唔多......雖然今 日就冇咩用時間等車...
因為一到巴士站就有車啦.....
算啦....今日回到公司...hea左一陣...
到十點....一聽新聞....恆指...一開市就趺左七百點丫...
我一開頭以為自己聽錯....就上hsbc 到睇啦...
點知真係趺左...真係shut 啦,.....我又唔見左好多錢啦.....
陰功....攪到今日勁冇心情做野....唉....
不過都要做....而我主要都係睇下perry ellis d 野...
而我就排下料.....做下其他野.....之後公司開會...
老闆指有可能會做hold sales....係柏麗大道...
so 有可能要開鋪呢......死火....聽佢咁講...
我又要做多好多野啦....唉.....開完會出去食野....
又係老麥...連續三日食老麥啦.....食完野....再回公司做野...
不過都唔知做咩好...因為一坐低就好想訓啦....
就出左去搬布....因為老闆想快d 出d 布版....
so...要快手d 啦.........攪左一陣...睇下d 版...
睇下d 貨....又一日啦.....又係時間放工閃人...

>>February 28, 2007 at 10:41:33 AM GMT+8

2007 年 2 月 26 日 星期一 【晴】

今日呢...因為要交功課呢....
就回到公司之後.....印好曬d project 之後...
就出左去啦....坐小巴回ive...
唉....今日又係勁多人坐小巴囉...
而且勁多乞兒...係到打尖囉.....
見到同學就扮曬野企o米去打招呼...
而且好無面咁企係那個位唔走囉...
明顯好多人都係唔熟囉....一睇就知係hi bye friend啦...
只係為左排前d 先企o米去又冇野講...
最憎呢d 乞兒嫁啦......小巴得16個位...
而且咁小車....真係激死我....
最後等左成六架小巴先到我上...
唉...回到學校...交左d 野比阿sir...
食完個早餐...就要回公司啦.....回公司好彩老闆都未返到來...
叫做可以扮下野...再做公司野....
o.....不過都係冇咩攪....去執布嫁....而且因為今日小左工作時間...
所以好快就可以食飯啦.....不過就行左一陣...見冇咩人先去食野...
而今日又係拿左d 優惠卷...去左食老麥啦...
食完野就回公司做野啦....而今日都係好快放工就回家啦...
因為要溫書...不過回到家中...又唔知做咩好...
攪左好多無聊野囉...唉....好似浪費左d 時間...
講到尾...都想交完final report....hea一下....冇計啦...

>>March 7, 2007 at 5:11:58 PM GMT+8

2007 年 2 月 25 日 星期日 【晴】

今日就係大年初九.....終於都要再返工啦...
唉....放左咁多日...真係唔係好想回公司做野...
不過都係要做.....而且要返公司搵一d 外快ma...
so......不過回公司之前都買d 個外賣回公司食野...
食住野...係公司hae下....而且坐係到收下利事...
都幾開心...同上年一樣....唔係好多阿姐比我....
最驚喜o既都係補衣文姑娘....
係我去洗手間那時...冇啦啦比我...真係咕佢唔到...
而我....今日好多時間都係工場執布...有一d 時間...
就會係自己個位到...做下公司野....
睇下d 網頁...hea下....而我今日下午就去左老麥食野...
食完野回公司.....夠鐘就放工走....
而回家之前就去左文具店.....買左d 野...
聽日回學校訂好個report 用呢...
而回家就係咁做個final report...
因為點講都好...遲左一日交嫁.啦...
盡可能都希望十二點先send 到比老師啦...
不過當然唔得啦.....只係可以係訓之前做完...
足足慢左個幾鐘呢....唉...希望唔好扣分啦...

>>March 7, 2007 at 5:18:00 PM GMT+8

2007 年 2 月 24 日 星期六 【晴】

年初八....今日因為星期日...就要回教會...
而且因為教會都唔會有弟兄姊妹派利事...
所以都會同平時回教會一樣.....
時間....o米就係就到o岩o岩好主日掰餅先回到去....
而且...時間真係o岩o岩好...
去到搵到位坐....就o岩o岩轉場.....當然次次聚會....時間都唔同..
只係今次咁o岩啦.....而我聚會完左...
都係好似平時咁...閃啦...之後就一個人去左kfc 食野...
食完野就回家....去左圖書館還書....
再回家溫書......成個下午就咁過左...
當然我好多時間都唔係溫書....就係做final report...
不過更多時間...hea左唔知去邊....
咁樣...又過左一日囉....唉...

>>March 7, 2007 at 5:22:04 PM GMT+8

2007 年 2 月 23 日 星期五 【晴】

今日星期六.....而且未洗返工...
就好晚先起身....可以訓到十點啦...
而我就係起身那時都唔知做咩好...呆下呆下咁...
不過今日就要返學上堂...
但又要去左葵涌ive 拿左d書先...
點知...去到葵涌ive ...個保安同我講....
圖書館關左啦喎....咁我都可以點丫...
只好返青衣啦....返去上堂啦.....
唔通...爆門入圖書館咩.....唉......
返到ive .....見到miss....以為miss 會講考試貼士啦...
點知又教書.....最灰係....miss 教左兩小時之後.....就唔知可以做咩啦..
佢就同一個同學請final report...咁我呢d 可以做咩丫...
唉...咁就出左去青衣圖書館搵書啦....
係學校行過去....再行回來囉.....都唔係好遠..
行下啦....搵完書....返到學校....先知...
miss 係我走左那半小時...講o米考試d 野...
聽到之後勁灰....而之後那三小時...都係比d 同學係學校做ip...
有野就問...我就勁無奈啦....ip 就放左係家中...
而且一心想聽貼士...點知咩都冇...
問左miss 小小野...check 曬d note....就回家啦....
唉....咁就上曬d 堂啦......呢個學位...只係得最後一關就係adb 考試啦...
加油丫.....就快完嫁啦.....
回家.....又要做ip 囉....而且ive d 書又未拿得...
我咕我都係星期二先交啦....等星期一拿完書...回家係咁做...
so......會遲交囉.....

>>March 8, 2007 at 5:33:30 AM GMT+8

2007 年 2 月 22 日 星期四 【晴】

今日呢....父親就係內地回來....帶左好多利事比我...
都係一班親戚朋友o既心意....講到咁...
我都唔理邊個打邊個啦.....睇左有幾錢先講其他野啦...
而我今日起身之後...就因為約左人出去...
咁就一早上左天水圍...而目的地就係我未去過o既濕地公園啦...
雖然都開左幾個月...不過今日都係第一次黎睇...
而且今日天氣晴朗....真係唔錯呢...
而呢到環境又好好.....風景又好靚....
未入公園...就係那個售票處附近行下喳...都好正啦...
而且又可以影好多相呢....
不過最好都係裡面d 野....因為入面o既大家樂又唔貴...
又有勁靚o既風景...就係食個景都抵....
而我們食完野就行左去睇....貝貝啦...不過條死魚就好似訓左咁...
去廁所前睇佢...同係廁所出黎睇佢....
都係那個位....都係那個樣...
都係睇到條尾....其他都睇唔到....
咁樣只好出去行啦......原本呢到真係好大.....
不過就冇太多時間...一個一個指示牌同教育牌睇曬....都係輕輕睇睇...
講到尾都唔係太大興趣.....而當中行行下都會見到d 觀鳥亭咁o既地方...
不過由於勁多人...又因為勁小雀仔....都冇咩點睇....
入去睇風景似d .....而有個位好攪野o既...就係一條浮橋...
我咕那到係最多野睇嫁啦...因為有紅樹林ma....
而之後我們行左一圈回到室內...睇o米室內展覽都閃啦....
而室內就新加左d 小海龜...生色不少......
行左一日......覺得呢個濕地公園可以再黎過....幾多野睇....
之後我們就去左元朗食野...食完野就要出香港那邊啦...
因為我們係朋友penni 身上拿左兩張南華對清水o既飛...
而去到都遲左d ....又唔比我們帶水樽...攪左勁耐...先入到場...
那時都o岩o岩開波啦....就搵左個位睇.....一路到完場....
而開心係...南華踢得好好....不過日本仔都ok....
之後又有十二碼睇....睇到勁high 囉...
最後南華十二碼小勝......完場就回家啦..

>>March 25, 2007 at 5:20:23 PM GMT+8