2007 年 3 月 23 日 星期五 【晴】

星期六....今日就定左唔回荃灣嫁啦...
因為都唔想d 野成日執係公司張台上面唔做...
而且d 野都係要做o既...
只好星期六用半日時間去做囉....
唔係都唔知可以點....
今日基本上係叫做....成個星期五日o既野..
一次過做好曬佢....又一次過睇曬佢...
不過其實都係冇咩特別.,...都係跟d 版...
好多野都未清楚....其實都真係冇咩可以做...
最多都係睇下隻版囉...因為昨天培哥應該都攪好比我...
出去工場一搵就知...做好曬...
唉...點知度一度先知....個胸大左...
就搵人問啦...最後先知...定死左...
一定要再攪...唉...比左師傅攪...叫左佢星期一好寄啦..
其他野咩都唔知...而老闆就搵我做o米sts o既野...
好野丫...老闆都數到我要做咩...
叫我用腦諗下應該點行...
可以點丫....燒到邊樣o米做邊樣囉...可以點丫...
一, 做好曬d 領比內地... (大限28/3)
二, 跟返曬anna 做好d 野...(大限4/4)
三, 跟好perry ellis三張單
四, sts 新單....
大佬您咕我係曾生丫...到處用人講..." 我要做好呢份工"丫...
我最多o米講我會唔做呢份工啦....咁多野點做丫....
四樣主要要做o既野....幾十樣....唔需要即刻做o既野...
我有幾多個人..幾多對手丫...點做丫.....開玩笑咩...
老闆講完呢樣野之後....阿邦就比左d 文件我做..
叫我做返好d 分析...跟返d 野做返好...最重要係平衡返...
唉...雖然d 野係我做開...那時冇咩做就做喳....依家幾萬樣野...
都唔知做咩好...唉......一點...放工...咩都唔理...
真係唔知做得邊樣....唉....
回家....之前返左ive 拿預借左o既書...點知個圖書館管理員講我知...
31日最後還書.....唉....張圖書館證咁快過期啦...
拿完書就回家啦...回家睇左一陣網頁就訓啦...
一訓就訓到六點幾啦....之後就係家中hea左一陣...
九點幾出去搵朋友仔食野啦...
因為今日當娜搵d 舊朋友食野...我只好出一出現啦...
食下野...吹下水.....食完回家都十二點幾啦...
打左陣機就訓啦....

>>March 25, 2007 at 1:21:08 PM GMT+8

2007 年 3 月 22 日 星期四 【晴】

今日起身一睇...心想死火啦...
因為起身睇那下都已經係九點八啦...
要好快起身出門口...
又要好快咁去西鐵站....去到印花廠...
那時都十點半啦....好彩大家姐唔係公司...
唔係比佢講我d 野出來都真係唔係好得....
咁我見阿姐唔係到...就叮左野食..食完先開始做野啦...
而今日決定左唔會返公司啦...因為d 野都做唔完...
大把野做.....今日又一定做唔曬o既....只好快d 做啦..
因為聽日都唔會有時間過荃灣印野.....
而今日都係咁做那d 野....而今日出多一箱出去...
咁就好好多啦....出左一千條上去...
依家只係欠兩箱野....希望快d可以做完啦....
而今日先知....呢邊那個大佬係大我六年呢...
而且知道佢老父有外遇...生多左個阿妹比佢...
而佢阿妹今年九歲係兒童之家住呢....勁慘...
不過算啦....今日做到六點半就閃啦....
而今日就要出去pa 拿返本recrod book
再去佐敦搵阿東...比d 野佢....再要去搵阿亮拿線..
最後先回奧運坐巴士回家....當中行左好多地方...
足足係行左十公里到啦...我咕.....
一路行都睇左好多野..見到好多人...又買左d 野o既...
咁樣行都ok 丫...好過成日係家中打機...

>>March 25, 2007 at 1:49:12 PM GMT+8

2007 年 3 月 21 日 星期三 【晴】

今日又要過印花廠印野...數數下都成兩個星期啦...
而且昨天回公司就好似比人批鬥咁....唉...又講做得慢..
又講做咩攪咁耐....又指無效率...呢樣那樣..
雖然老闆冇出聲...不過佢應該都係咁想...
大佬您唔去做下....做得慢我都唔想...
佢o地那邊d 人...一有其他客d 野做....我d 野都冇人做..
我自己一個做....咁我可以點丫....
咬佢o地食丫....真係丫....您唔做...又係到講....
我就慘嫁啦...係那邊做完d 領...又要回來做野...
想點喎.....唉.......不過就算係咁...我今日都係要返去再做印野...
可以點丫..........做做做都係好似平時咁.....
慢慢做...最緊要唔好做錯....因為做錯又要做過..
拿自己黎攪......
不過今日就定左出左五百條上內地先....唔好攪到好似拖好耐咁...
算啦...到今日止...應該都係得一千條左右....
基本上有排做呢.....唉....
而我四點左右係呢邊走左之後....就要回公司做其他野...
不過唔會做得好耐...因為我今日要上堂...
真係話之您死...都要閃嫁啦......又係坐返那條小巴線回荃灣....
唉....有時都覺得浪費時間...不過都冇計...
上堂老師講出入口文件....又from a 又from b...
又入白表又咩咩表...幾十樣野.....到最後都唔知講咩...
而佢順便又講左考試會考咩....
算啦d 野咁易......點都合格嫁啦...

>>March 25, 2007 at 5:19:07 PM GMT+8

2007 年 3 月 20 日 星期二 【晴】

今日起身回去印花廠....唉....其實都係好似昨日一樣...
基本上日日如事.....工作日日都做差唔多野...
其實可以叫做冇d 新意...
又可以叫做死板生活.....冇咩意思嫁...
正如徐步高講.....人活著為什麼呢?
係呢到工作.....好老實講...
緊係為錢啦.........唔通為興趣咩...
係為興趣我唔會做啦....
所以.....基本上...咁樣o米冇意義囉....
不過人往往都係最花時間係d 冇意義o既野上面....
所以....我就要返呢份工啦.....
我咕....我跟唔到曾生講....我要做好呢份工囉....
講到尾返呢份工都係為左兩餐.....
最灰係....係印花廠做完野之後....回到公司...
又要比人話d 野做得慢....而且d 版又比人指攪左咁耐..
唉....您咕我依家好多時間係公司做野咩...
返黎做手尾...人志義盡啦.....
最慘美寶哦左我一大輪.....我就搵左成個鐘o急鈕...
唉......返工真係辛苦命....

>>March 25, 2007 at 5:19:25 PM GMT+8

2007 年 3 月 19 日 星期一 【晴】

今日星期二呢....又要返工...唉....
都係去印花廠...都係做那d 野....都係趕...
都係冇人幫手...真係做死人...而且anna依家唔做啦...
好啦...老闆唔請人...我要做兩個人o既野...
唔通又識七十二變咩...又唔識分身...
點樣可以做到咁多野呢....今日想左好耐...
到底幾時辭工好.呢/.....因為真係好想做下自己野...
算啦...今日好似最近o既情況....去到荃灣西..那間七仔買野食入廠...
等下午食野那時可以叮野食....食完可以訓下..
日日都係咁...都有d 悶...而今日老闆係我做做下野那時打比我...
叫我下午回去...因為要同佢出去見客...
我呢....去黎做咩丫...我d 野都未做完...
又要我出去見客...我做緊o既野又會慢左...
又賴我得慢丫...大佬....得做得幾多野丫...
不過心係咁想....都係要去同老板出去見客...
只好係印花廠食完野...訓左一陣...兩點先走囉...
回公司...好慢執好d 野...就同老闆出左去啦...
而目的地就係sts 大角咀新o既office...
算啦我又未去過....咩office 對我都係新嫁啦...
基本上見到個客都知....我係冇咩機會出聲o既...
由頭到尾都係老闆同個客講野...而我只係可以點下頭...咁...
冇咩功能....直到佢o地傾左兩小時...傾完之後...
我就同老闆走啦....唔...基本上...老闆...見完客..
講我知要做d 咩就可以啦....我唔洗出現都可以嫁...
佢又要我黎...攪到我d 時間表亂曬...d 野又慢左...
回到公司...又比美寶捉住係咁講野....唉...真係灰爆...
最灰係...見到anna 係咁搵人講電話...
睇見就忟啦...唉...只係可恨....由佢啦...
而我做完d 野...七點半之後就回家啦...
回家....今日又上唔到網...真係唔知點解...d 器材都睇過曬..
都連到線...係唔知點解send唔到data出去...又收唔到...
不過條線都真係冇問題..嫁...真係唔明..最後打winning 算...
冇得上網...真係好唔方便呢...

>>March 22, 2007 at 4:38:12 PM GMT+8

2007 年 3 月 18 日 星期日 【晴】

今日星期一呢...又要返工...又係無奈的一個星期...
不過今日好d 可以入荃灣...可能慢小小起身...
而我都係坐西鐵...不過今日就見到好耐都冇見o既sara...
佢都係咁o樣呢...所以認到佢呢....而佢呢原來今年畢業啦...
我數數下都畢業左兩年啦....而我o地都係傾下搵工d 野囉...
佢就指想試下空姐喎....咩真係咁多人想做o既...真係唔明..
而我o地傾到荃灣西我就要走啦....回公司做野...
今日都係做那d 野....hea左先...再做公司野...今日就唔想做定型開少一部機...
只係做燙算啦....又久唔久數下度下d 完成品囉...
而係呢面呢...食野那時佢o地都會講我唔健康o既...
冇計啦...叮野食...點夠佢o地帶野食..健康丫...
算啦....食完野訓左一陣...夠鐘先開工...
再做下一陣...四點半就回公司....再食左個tea...
食完先回去...之後同老闆講左幾句...
佢就叫左我入房講野啦....先講anna 唔做..
好囉唔洗對住佢o既口面囉.....之後佢講唔會再請人...
那時我都知死火啦....最後佢講佢d 野我做曬....
我就灰曬啦...一個人點做兩個人野丫...
而且我依家d 野都已經做到年尾都未做得完嫁啦...
又插咁多野入黎...我d 野...做到幾時丫....真係唔知佢想點...
最後我想....我都定左五月之後唔做嫁啦....
由佢啦...都係攪個幾個....算啦....
之後攪o米perryellis d 版...就算啦...由佢....七點就放工回家...
回到樓下...個看更阿叔就比左包薯圈我請我食...勁好...
回家食完野...先知道唔知點解家中上唔到網...
明明d 線都插好左嫁啦...而且link到...係唔知點解收唔到data ...
由佢.....聽日先算...

>>March 22, 2007 at 4:38:30 PM GMT+8

2007 年 3 月 17 日 星期六 【晴】

今日呢...雖然係星期日...不過都好早起身...
原因係約左人出去環球嘉年華...所以早左起身...
買左平雜誌就上車睇...一路去到金鐘...再行去嘉年華等....
見到阿田之後佢就買飛入去...我就等...
而入到去....基本上都係o岩o岩開...咩都可以玩....
不過一入去就排錯隊...因為見條隊好似冇咩人就排啦..
點知一轉彎就見到幾十人已經排緊...而且後面又有人不斷入...
咁想走都冇計...最後足足排左半小時...先玩到第一個game...
都幾好玩o既...不過就快左d 完囉...唉....
完左個好似過山車o既轉轉車之後...就搵左其他野玩啦...
又玩左pod pod 車啦...玩左鬼屋啦...係鬼屋到見到舊同學雙A 情侶囉..
傾左幾句...又玩左動感影院....同滑梯...及好似海盜船o既船囉...
不過以滑梯最好玩...我覺得...因為長ma....
而當中我們一手o既三十個金幣...就唔係玩左好多...
我用左十個黎抽獎...抽左兩次....
用左六個射籃...三個打槍...三個拋球...其他都係抛左銀..
最後一份安慰獎都冇....真正o既不帶走一切....唉...
完左三點幾...就去左老麥食野...而路上一路都有好多人入去玩...
真係唔明有咩好玩...又多人...又成日排隊...真係唔明...
算啦...食完野我就回家啦.....回家就訓左一陣...到七點幾...
就去超市行左一陣....再回家食飯...食完野又開始打winning 啦...

>>March 22, 2007 at 4:38:55 PM GMT+8

2007 年 3 月 16 日 星期五 【晴】

今日呢...就係成個星期最早起身o既一日...
因為今日又要返葵芳公司啦....
星期六....費事入荃灣做半日啦...
而且我好多公司野都要做...o米搵一個半日...
做返一星期要做o既野囉...勁丫...
不過都係習慣上回到公司下面就去食完早餐先回公司...
回到公司...都係習慣上hea 一陣先...
睇完報紙之後就先開始做公司野...
那時都就十點半啦......目標係兩個半小時之內...
做曬一星期o既文件同跟曬d貨....不過慘左阿邦比左d doc 我出...
又加我工作量...不過d 野都習慣左啦...好快做好啦..
今次應該最後一次做jamie d 文件啦...
做完之後....就開始睇d貨啦...回曬d 客o既email...
再睇曬d 文件...及要求之後....夠鐘...
一點可以閃啦...我就去左行街...當然就一個人啦...
我都係like 一個人亂咁行下...去左葵涌廣場睇下有咩新野...
之後兩點幾先回家...再同家人出左去食老麥...
食完野再去圖書館行左一陣...先回家...真係做下自己野....
攪攪下又有d 眼訓呢...... 就訓左一陣....到食晚餐先起身啦...

>>March 25, 2007 at 5:20:05 PM GMT+8

2007 年 3 月 15 日 星期四 【晴】

今日呢....原來都唔想去荃灣印花廠印野o既...
不過呢...就真係唔想咁早起身...
就所以都係入左荃灣做野算啦....可以遲d 起身ma...
去到就hea 一陣...睇曬報紙十點半o米開工囉...
開工就好似機械人咁....燙領....定型....
檢查....分類....咁上下野囉....
日日如時...下下都係係做呢d 嫁啦...
重覆動作到食飯時間....食完野....就訓半小時...
起身又開始做過啦...又係呢個模式...
好似一個機械人咁....做到四點...
老闆就過左黎開會...傾下之後會點做...
點行...點行咁....最後佢同anna 走先...
就留我係到做o米d 野先走...主要都係對色比美寶做版囉...
唉.....算啦...好快 做好之後..就閃回公司...
食完老麥回公司做o米d 野...
就又係七點半先閃囉....唉...放工...
放工就即刻回家...啦....想食完野之後....就攪下自己野..
因為都好多日冇打日記啦...要打返..

>>March 16, 2007 at 1:41:57 PM GMT+8

2007 年 3 月 14 日 星期三 【晴】

今日起身...左右為難咁又要起身返工...
有時想...到底幾時先可以唔洗做呢...
真係要想想創業大計先得...唔係真係成日都係咁...
算啦...今日唔回公司...去左荃灣印野..
不過都係咁啦...十點返到去....hea 一陣...
了解下世界大事...睇完報紙之後就開工...
而且開工都係做那d 野...
只係要習慣左點做...就好似機械人咁...
係咁做...做到咁上下又食飯...
食完飯就訓一陣....訓醒伸下懶腰...又開始印野..
成日都好似唔洗用個腦咁...
有野就做....完全唔會有工作壓力....
不過最灰只係...走那時要回公司...做埋其他跟緊o既野...
算啦...回去之前可以入去吉野家食下野...
食完先慢慢回公司...回到去...係咁e send 個email比客..
見咁上下就放工閃人....而今日放工之後...
要入荃灣上堂....當然入到去都係遲左啦...
不過都好嫁啦...知道講咩....上完堂..
十點就回家...做其他野....主要都係打下機..減下壓啦...

>>March 16, 2007 at 1:41:00 PM GMT+8