|
2004 年 6 月 14 日 星期一 【颱風】
今朝訓訓下無喇喇出面落狗屎~
勁大雨囉~hum hum聲~
俾d雨聲嘈鬼醒左~稔住繼續訓~點知訓唔番..shit..>.<"
無幾耐老豆就打番黎..話佢飲完茶...冇帶遮.......番唔到黎....
咩意思呀!!???即係想我出黎拎遮俾你呀....!??
唔係牙fa.....朝早9.30am喎...係am喎!!!!!!
妖~算~今日心情好~又訓唔番~今日又冇野做~
好!!~就起身出去拎把遮俾佢~呵^^
唉~俾著係平時~我彩佢都傻呀~自己等停雨喇!!!!~
今日真係唔知食錯咩藥..心地勁好~
打多個電話俾亞媽~問埋佢駛唔駛番遮俾佢番黎~
真係乖女到我丫~哈哈哈哈^^
不過佢話有帶遮~仲崇擁我唔會出去拎遮俾老豆tim....
但係佢咁慘........唔係好忍心喎...=.="
都係出去喇^^
嘩~出面個環境真係冇黑雨都有紅雨喇~落到勁大~
好不容易先搵到我老豆....稔住佢未埋單....可以入去飲個茶食個包..
點知佢已經企定係門口等我...早餐冇望...//.\\
同佢行番屋企喇~番到去又唔想訓住..
係度睇"小肥肥一族".....好耐冇睇卡通片....=.="
今日真係反哂常........咁早起身都冇發脾四~
如果耶穌復活係一個奇蹟....咁我今日所做既野..都可以叫做另一個奇蹟囉^^
呵呵呵呵呵^^
hea到12點幾~頂唔順~訓陣先^^
點知訓到點幾...俾人叫醒.........
唔係牙fa...出去飲茶...!!??
唉.....出去囉~搵位囉....//.\\
嘩~今朝出去同晏晝出去真係兩個樣~
勁陽光普照囉出面....勁曬tim仲要~
去明星飲~果度今日勁多細路~哈哈~
勁撩d靚仔玩~呵呵^^
飲完~同亞媽去買送~跟住又番屋企~
hea~hea~hea~睇下書咁囉~冇咩好做~
今日太勞動喇~有d支力.....
>>June 15, 2004 at 4:57:09 PM GMT+8
2004 年 6 月 13 日 星期日 【酷熱】
今日係我個日記版既一周年紀念日呀~~
話咁快就寫左日記一年喇~
勁開心喇^^
前排無聊睇番前年一開始寫果d日記~
哈哈~由好無聊既暑假生活~
寫到人生第一次放榜~第一次repeat~
回復番以前無無聊聊既中五生活~
再寫到第2次考mock~考ce~
到而家~又寫番一個好無聊既暑假生活.....
一年既時間~等於一個循環!!???
哈~好似乜野都係度repeat~repeat~再repeat~
唔通...人生就係咁!!??
anyway~希望我d個日記版仲可以有兩周年~三周年~四周年......^^
今日又要去補習~好似連續補左好多日~
哈~覺得自己真係有d犯賤.....
有習補果陣就覺得日日都要去補習....好似好悶~好慘~好支力~
不過...冇習補果陣~又好想快d搵番份補習過下日神~
...........唉~唔知自己稔咩....可以真係犯賤喇~
不過....人本身唔係就係一種犯賤既動物咩...!!??
可能係.....=.="
今日補maths~兩粒鐘...=.="
講d野都係好無聊~d數好無聊~
係連個student都覺得好無聊....
不過我就被一題compound interest難倒.....//.\\
明明係岩gabor....點解會同佢俾既answer唔同既呢..??
係真係我錯..定係answer錯呢...???
冇理由丫....點會咁ga.....
唔開心...計唔到......嗚>.<"
好想問爸爸鐘~kakakaka^^
補完~d個carmen就話想買gup去旅行喎~
咁就同佢去喇~
出到~佢未食野~(即係呢..佢日日唔到4,5點都唔食lunch囉....)
去左椰林閣食喇~個waiter....好搞笑....
副眼鏡可唔可以托高d牙.....//.\\
今日創造左一種新既語言———手指語....
哈哈哈哈哈~好難講點樣用~下次有機會先教下大家喇^^
食完~去左大中間野買佢想買既gup~
新幹線~成舊藍色的~有d似小學生拖番學果d書包~哈哈哈哈^^
買完~周圍兜一兜喇~例牌會做既事~
行下吉吉島呀~大中呀~大眾咁喇~
係大眾"玩"左勁耐~係度睇人地d日本菜書~
d野食好搞笑~哈哈哈^^
行到6點幾喇~走喇~番屋企^^
即係呢~明明佢個gup係好重囉~
但係佢拎住行左咁耐街佢都唔嗌支力~好野!!!!!!!!!!!
行番富亨~一路行一路笑~
笑甩下巴喇就黎~^++^
係就番行到富亨既時候~係大路上面~
俾我撞到d個"大威叔叔"~剪左新頭髮......
不過...雖然"頭髮全非"...但係.."條眉依舊"呀下~kakaka~
佢一路行一路拖住條女.....神色有d凝重....
望一望佢隔離個女人.....帶住帽既~
eee??好似....唔同左樣咁既...???
點解好似...唔多似"tina姐姐"既....!!???
下...........???望到我頭頂有好多問號...可能睇錯喇.....//.\\
見d個"大威叔叔"神色凝重...冇叫到佢~打左眼色咁喇~
就繼續行lu~
番到屋企~今晚英格闌對法國....
唔睇lu~打左個電話俾好耐冇見既亞魚....
真係好耐冇見.....唔知呢~
放假咁耐...一路覺得佢會好唔得閒~一定有人約喇~
咁就冇主動打俾佢~但係到而家~
放左假都有成半個月lu......大家都冇搵到大家...
係咪應該搵下佢呢......!!??咁就打左個電話俾佢吹吹水喇~
umum....maybe...太耐冇見喇...覺得彼此有d陌生左.....有d唔同左....
哈~唔知呢......可能真係耐冇見掛......
嘻嘻^^
講左粒幾鐘電話~講到亞珊同亞春~
oh~好耐冇見佢地喇~
不過又唔係既~見就唔係好耐冇見~
係大家好耐冇坐低食下飯呀~傾下計咁囉~
其實上年大家都ok fd ga~
仲記得4條友上年放榜前一晚去我屋企打麻雀打邊爐~
不過放完榜之後....就冇再有d咩聯絡囉....
成個學期都冇食過飯or傾過計~
變左做hi-bye fd~um....都有d遺憾既.....//.\\
我都唔知點解會變成咁gabor...
因為唔同左form??定係...仲因為上次搞學生會d野??
唉....真係唔知...
雖然唔可以話同佢地好fd好fd~不過以前都叫做ok ga~
好想珍惜以前4條友一齊癲癲喪喪既日子囉.....=.="
唔知仲有冇機會呢.....!!??..........
希望有^^
**係咪我唔搵人...人地就唔會搵我gala...!!??
>>June 14, 2004 at 5:42:27 PM GMT+8
2004 年 6 月 12 日 星期六 【酷熱】
今日又要同乖乖妹妹補習~
不過好彩今日補3點~呵呵呵~可以訓晏d囉~^^
去到~佢亞媽係度~哈哈~
我覺得佢媽媽好搞笑~
.....講唔出有咩好笑~不過真係好搞笑~
有d人流星花園入面...衫菜個亞媽果類喇~
哈哈哈哈^^
今日講少少英文作文~umum~
都唔知講咩好~拎左我d英文notes俾佢~
我稔佢都係作下故仔果d咁喇~
講少少喇~
之後就講maths喇~
哈~佢d maths好搞笑...
中一教埋d單位....既係area就用咩~volume就用咩....
有d無聊~佢都話好無聊....//.\\
講到過哂鐘先走~
佢亞媽出黎送我~
同我傾左陣~
又問讀書辛唔辛苦..又問我而家做咩~又話做野好辛苦....
唔知佢想講咩...
是旦up再兩夠就有lift~走人^^
番到屋企hea陣咁喇~
夜d亞媽仲未番~
咁就即係冇飯食喇...
唯有我出去買飯盒喇....
哈哈~我屋企一年都唔知食左幾多個飯盒~~
唔係話唔鐘意既~不過如果要我去買既...我就寧願唔食囉~
哈哈哈哈~係咪現實左d呢...!!??
**今日聽日話今年又有七一遊行~
妖~好無聊呀...玩左一年仲唔夠皮咩...仲要玩第二年...
駛唔駛以後法定逢七月一號就係遊行日呀...!!??
都唔知點解d人成日都話要"還政於民"
就算真係"還"俾你呀~你估你又會做得好過之前政府d人咩~
話哂人地都係professional丫~你地係咩jei!!??
咪又係普通市民~咪又係果d淨係顧住自己利益既市井之徒~
如果政府真係"還政於民"呀~我稔香港既政治仲會亂多幾錢tim呀~
都係多一事不如少一事喇..................和平共處咪幾好...^^
**夜晚同carmen傾左陣電話~哈~
條友話佢去台灣喎~超~>.<"
手信!!??唔該買個真人版F4番黎丫~
一係買個衫菜番黎丫~
一係買個馬英九番黎丫~
一係.........
kakkakakaka^^
算喇~我係冇得去~我又唔驚我成世都冇得去呀~
我信有一日台灣會回歸中國ga!~
我又信有一日台灣會大解放ga!~
我又信.................
哈哈~都係講下jei~
我都係比較愛港gala~台灣~哼>.<"
我要高呼我愛香港~i love HK
低b..........><"
>>June 13, 2004 at 12:35:58 PM GMT+8
2004 年 6 月 11 日 星期五 【清涼】
今日又早d起身~要幫乖乖妹妹補習~
太開心喇~佢真係好乖乖ga^^
起身~換番張新既電話卡.....
oh shit.....d fd既電話number.......冇哂.............
點算好呢.....shit.......=.="
算喇~番黎先搞喇......>.<"
遲左少少去到~oh~今日又係教佢果科"IH"
講下d geog野咁喇~開正我果飯喇~呵呵呵^^
不過後面就好嘔心喇...中史..............加西史........
不過好彩中史都唔係好駛點講既jei~
都係要佢自己背gala~西史....都ok既~
話哂都上過下albert堂~佢要讀果d仲係china jei~好彩~呵呵^^
今日補一個鐘~
原來佢都鐘意睇星星gabor~
早知叫佢一齊黎玩camp喇~哈哈哈^^
番屋企....稔下有咩辦法整番部電話既電話number喇..
唔係真係要抄低哂舊果張卡d number...再set入新果張度牙...
係一個好on9既行為.......=.="
好彩俾我發現左可以將張舊卡入面既number copy落部電話度~
再將電話度d number copy番落張新卡度~
wowow~太聰明喇~kakaakakakakaakakakakaka^^ <-------------傻左....
>>June 12, 2004 at 10:01:08 AM GMT+8
2004 年 6 月 10 日 星期四 【酷熱】
琴日夜麻麻俾人一個電話嘈醒~
今日唔多好老脾呀下~
好彩今日冇出去~唔係就真係.....
好支力~早到好晏先起身~
睇下電視咁喇~
琴日冇睇到烈火雄心tim...
今日唔知佢講乜..//.\\
不過都照睇~呵呵^^
今日都冇咩好做喇~
hea下咁囉~下晝亞婷打黎囉~
話raymond約人開會喎~~呵呵~
睇下點喇~去唔去到時先算喇~
應該都唔會去gala~係唔想去囉~(除左係人迫喇.....)
唉~都唔會幫手搞活動喇~去黎都係得個坐字~
咁不如係屋企嘆下冷氣睇下電視仲好喇~^^
琴晚條友又係咁打黎....
頂...我唔聽你電話已經知咩事喇...
仲係咁打..真係有病冇呀你???!!!???
激死我激死我激死我>.<"
想打番d日記ga今晚~
點知打打下~打到一半.....shit~hang機~
d野都未save.....shit.....//.\\
算~見都2點幾lu~
訓喇~聽日仲要去補習~^^
>>June 12, 2004 at 9:50:55 AM GMT+8
2004 年 6 月 9 日 星期三 【酷熱】
今日終於有得去睇"明日之後"lu~
之前睇戲果陣睇到d片頭已經想睇~
而家終於有得睇lu~wowoowow^^
同埋sunny去睇~睇早場~
勁抵喎~$30咋喎~仲要有張50蚊既cuopon送tim~
抵抵抵呀~^^哈哈哈~
sunny都唔會去唱k gala我稔~所以我就拎走張cuopon lu~呵呵呵^^
套野好正~講地球既天氣因為發生突變~
反哂常咁~氣溫急劇下降~
搞到地球可能會再次進入冰河時期~
講下d人既無知喇~唔信d氣象學家喇~自以為是喇~
令到好多人死喇~仲要死得好無辜tim~
其實搞成咁~咪又係因為人類對地球既破壞而造成既~
唔好以為地球上既天然資料真係free good先得ga~
其實都咪又係要付出代價~只不過佢係deferred payment jei~
一次過找數果陣~就知有幾和味喇~
**真係果句：保護環境~救救地球！！^^
kakakaka^^
睇完上左去連城上面果間"越棧"度食越南野~
幾好味喎間野~下次再去食先~呵呵^^
食完~行再去hmv睇下碟咁喇~
睇完就番大埔喇~冇咩好做~
唔通叫佢陪我行街買衫咩........=.="
番到去~我去左大中~join埋嫻~就兜陣喇~
冇耐佢就要去補習~好忙囉我覺得佢...
唉....其實係我得閒jei....//.\\
我就去買送番屋企~^^
今日其實就冇乜做過d咩囉~
係早左勁多起身jei~
但係就勁支力~勁眼訓~
所以12點就撻落床度hea下聽下收音機咁喇~
點知聽到1.30am~係exactly 1.30am~
有條友就真係買棺材唔知掟咁打黎~
頂佢.....佢冇野牙......即係呢~如果唔係佢呢~我都冇咁興囉~
果陣已經係凌晨一時三十分喇~
就算我未訓都唔想有人打埋d無聊電話俾我囉....仲要係識gabor~
邊有人半夜三更打黎約人ga~唔係變態都係傻gala~
唔理佢~等佢自己收線~
oh shit..............
>>June 12, 2004 at 9:41:41 AM GMT+8
2004 年 6 月 8 日 星期二 【酷熱】
今日1點就起身lu~^^
好早呢^^
冇法喇~要同乖妹妹補習嘛~太開心喇~
真係太乖喇佢~雖然只係見過佢一次咁大把~
不過已經ok鐘意佢喇^^
佢個樣有d似..小蔚ga~我覺得..呵呵呵^^
補兩點~本來今日就同埋老細一齊補既~
不過呢...有人就"病"左囉~
咁就得我自己一個上去...=.="
有d怯場場既知道左之後.....因為..都係見過個乖乖妹妹一次.....
怕羞!!??唔知喎~不過都係要去的!!^^
上到去~就開始喇~嘩~原來佢有一科叫"IH"~
入面有哂d geog喇~hist喇~大埔史喇~好雜gabor~
我都係第一次見~不過冇所謂喇~
學黎學去都係果三督屁既jei~^^
geog....開正我個范......學d好basic既野~
basic到...根本學黎都冇用....不過都係要教~^^
對住個咁乖乖既學生~兩粒鐘~好快又過左lu....^^
走喇~去銀行幫亞媽入$$~
shit......點解又會係咁...//.\\
去左恆生...排到差唔多到我既時候...
先發現原來亞媽個a/c係匯豐.....=.="
我頂~有冇搞錯牙....//.\\
第2次喇....
then~去番匯豐喇~點知行到去...
岩岩好...刪門....我企左係人 地門口睇住佢鎖個門..
唔好咁黑仔好冇jei.....=.="
算~聽日先入喇~shit..................
去幫亞媽買送~好多野買~又不停地消費.......=.="
夜晚同老豆去搞轉台d野~
我唔想再見到orange d舊野呀!!!>.<"
激死我激死我...>.<"
而家轉左去新世界~多左好多分鐘...
其實都唔知要咁多分鐘黎做咩....雖然成日傾電話....
不過d sms就好抵囉我覺得.....同台就一定唔駛$$喇~
send唔同台就勁平~平過我以前用orange~
而家真係抵抵抵抵抵抵~呵呵呵呵^^
以後可以勁send sms俾d fd囉~呵呵^^
**原來吳卓羲以前做過"智勇新警界"ga~
俾我發現左呀~呵呵呵^^
>>June 9, 2004 at 5:49:06 PM GMT+8
2004 年 6 月 7 日 星期一 【炎熱】
琴晚好死眼訓~
本來稔住早d訓~聽住絕情谷~加睇埋書~
好enjoy咁訓係張床度~
呵呵~有人lin我囉!?
咁夜既??
哈哈哈~聽完佢講咩之後覺得佢好好笑~
佢個fd好好笑~好熱心咁幫佢搵工囉.......
但係尷尬既事.....就係咁發生左.....terrible.....//.\\
佢miss又係爆笑~反轉豬肚就真係.....
佢學校個同學又又又係爆笑~請你食tea..??係咪咁好死呀...
如果我唔係講緊電話~
我真係以為我做左鐘竟輝~做緊"尋找樹渠的故事"tim呀~
爆笑~不過講到兩點幾~急尿急到肚子痛~
加上又好眼訓~頂唔順~收線痾尿訓覺lu~^^
今日趕得切起身睇"烈火雄心"~
wowow~古天樂唷~wowoowow^^
睇完~!又睇番琴晚錄左既"智勇新警界"
睇爛哂d電視就又睇下vcd咁囉~
下晝~ning老細打黎~話上次果個乖妹妹仔覺得我ok喎~
wowow~勁開心喇~總係覺得我教佢佢會唔明...
不過佢話我都ok~都開心gala^^
仲有~佢問我仲咩唔去太空館睇金星凌日~
係喎~我真係冇稔過d個問題喎...咁得閒...點解唔去睇呢...??
算喇~果陣出去我稔太陽都落左山喇~
真係上網睇live把喇~//.\\
**今日整天都invisble~
我就冇invisible list ga囉~
基本上就冇人見到我gala~除非有人稔住send off9 msg俾我囉~
點知就有條on9仔send個msg黎叫我~
仲要同我講話佢check到我係invisible~check埋我ip~仲話好好玩~
頂~真係火都黎埋~
diulasing~你真係冇野牙..??---------------------->唔爆大粗都唔得囉...==.=="
你check到我invisible~check埋我ip都算喇!~~~
即係呢~你check到你唔好同我講丫~你唔好當我傻先得假~
check人dd野已經好唔尊重人地~check到你自己知咪算囉~
仲要話番俾人知~仲話好好玩?????
我真係唔知話佢咩好囉~都咁大個人喇!!~
"尊重"兩個字都唔識~真係唔該自己檢討下喇~
好嬲好嬲好嬲好嬲好嬲好嬲
>>June 8, 2004 at 5:47:59 PM GMT+8
2004 年 6 月 6 日 星期日 【炎熱】
唉~今朝10點半就起身lu.....
約左george拎部headphone俾佢~
不過....好眼訓囉....唔多想起身...>.<"
想叫佢都係上黎我屋企拎...
但係發現自己冇佢電話...shit....=.="
唯有乖乖地起身出去~
約左係大百佳等~
拎完~同佢一齊行去大中~
要交電話$$$呢....唉...又冇幾左兩舊幾水...//.\\"
真係學carmen個老闆話齋...係度燒緊我d銀紙呀~
哈哈哈哈^^
交完~又行左過去library~
借番幾本書番屋企睇下先~^^
真係考試都唔見我有咁神心呀~呵^^
借完~行番去大中~
無意中係間ok門口睇到今日份新聞頭條~
oh siht~話："窪塚洋介離奇墮樓"
唔係牙fa..........窪塚喎!!?日本果個窪塚喎...??!??
有d難以置信.....=.="
衝入間ok拎份黎睇真d先!!~~
oh shitshitsihtshitshitshit~~真係窪塚喎~
話佢琴晚係屋企跳樓.............
.................................................唔係牙fa...........
有d驚囉~
就係目及左兩行報紙就走喇~唔敢睇咁多~
係估真係唔驚俾人打咩~唔俾$$就睇報紙~
走喇~拿拿聲打個電話俾考試中既嫻知~
原來佢都唔知~好得人驚呀~
窪塚都會跳樓...唔係牙....
行番去大中~去番大百佳~
買下送咁喇~番屋企玩煮飯仔^^
一路行一路同嫻講電話~
oh shit~家偉真係...........爆笑~
番到屋企~即刻上網睇新聞~
哦~原來窪塚o拍左丸~跳樓~自殺!!??
不過好彩未死~重傷jei~嚇得我丫.....u_u"
食下野~下晝係度睇"烈火雄心"
wowowowwoow~~勁正~~~好耐冇睇喇~
古天樂勁勁勁勁黑囉~wowowowowo^^
睇完~又整下我個日記咁喇~
琴晚想整既picture最後都係整唔正~算~
不過換左我最鐘意既snoopy做background喎~呵呵呵^^
整番靚d字~wowowowwo~太kawaii喇~^^
以後我d fans入黎睇就唔會再睇到眼花喇~yeah^^
**今日學識左一個字————爽
>>June 7, 2004 at 11:56:14 AM GMT+8
2004 年 6 月 5 日 星期六 【炎熱】
琴晚激死我..><"
人地send個file黎~send左兩次都hang機~
激死我~reload左兩次之後又hang.....shit....
激死我激死我激死我!!!!
如果我有$$$~第一時間掟爛部電腦佢~
再買過部新既~呵呵呵^^
今日好晏先起身~
無聊地睇"我老婆未夠秤"
鄭伊健爆笑~即係呢~佢個樣已經好爆笑~
加埋佢講果d野~真係笑到嘔哂電~kakaka^^
不一場話亞sa溝仔~點知俾人玩~
好慘~係度淋雨........
講左一段野~有d身同感受呀下!~^^
夜晚係度睇雷霆救兵.....
基本上我冇一次係可以成齣睇哂....
次次都係睇少左一段~跟住就唔知佢up乜.....
最後就會冇心機睇落去....今晚都係一樣....
可以真係宿命.....注定我唔可以睇哂成齣野...><"
搞搞下~又好夜先訓lu...
本來想整d靚靚pic訓落個日記度~
不過搞左勁耐都搞唔到~
算喇~都係訓覺把喇=.="
>>June 7, 2004 at 10:58:47 AM GMT+8
|
![]()
我不是一隻縮頭烏龜~
我是一隻擁有堅硬外殼~
能承受沉重生活壓力的開心烏龜^^
currently playing：I Miss You
|
廣告 |
|
|
讀者留言 |
| 路人留言
|
 你好^^
<br>我現在就要升f
>>August 25, 2011 at 9:40:31 AM GMT+8
路過留個言先
<br>你快d攪組
>>August 9, 2010 at 5:22:24 PM GMT+8
陳子豐!!!!~
<br>你快d
>>July 20, 2009 at 7:09:09 AM GMT+8
喂陳jarb好耐無見喎.
<br
>>June 19, 2009 at 6:52:55 PM GMT+8
re人地：
<br>我想睇褲哥條
>>December 11, 2008 at 3:21:32 AM GMT+8
o~
<br>亞褲哥真係好正wo
>>December 9, 2008 at 5:27:33 PM GMT+8
RE人地~
<br>邊有仙樂色機
>>October 13, 2008 at 3:35:53 AM GMT+8
咩叫仙樂色機處處聞
>>October 10, 2008 at 1:26:04 PM GMT+8
唔好響我全朵
>>September 28, 2008 at 5:10:53 PM GMT+8
梗係記得喇~大魚旦~哈哈~^^
>>June 9, 2008 at 4:59:07 PM GMT+8
好耐無上黎突然路過探下妳呢
<b
>>June 9, 2008 at 6:25:51 AM GMT+8
我想講..
<br>就係因為太長
>>February 1, 2008 at 5:58:29 PM GMT+8
re penny:
<br>如果
>>January 31, 2008 at 5:11:27 PM GMT+8
點解你可以日日diary都咁長.
>>January 30, 2008 at 3:38:52 PM GMT+8
好多野都解釋唔到,不過你既問題咁
>>November 27, 2007 at 3:25:50 PM GMT+8
baby~我都日日黎睇你日記ga
>>November 27, 2007 at 12:23:09 PM GMT+8
覺得辛苦既時候,閉上眼,深深吸一
>>November 20, 2007 at 10:25:06 AM GMT+8
你係咪學風帆？
>>July 19, 2007 at 3:46:55 AM GMT+8
你應該叫ｅｍｉｌｙ快ｄ執多幾塊”
>>June 26, 2007 at 6:13:27 AM GMT+8
唉．．．我夠又一早ｓｅｎｄ ｓｍ
>>April 9, 2007 at 1:16:05 PM GMT+8
jarb~ 好耐無上黎la
<b
>>March 25, 2007 at 8:54:55 AM GMT+8
條link無喇喇死左。
<br>
>>March 3, 2007 at 6:13:25 AM GMT+8
你終於delete左隻歌喇~~好
>>February 22, 2007 at 3:46:48 PM GMT+8
RE：mr.hei
<br>你唔
>>December 13, 2006 at 5:01:49 AM GMT+8
我飲左半枝都唔知有冇，我冇醉到嫁
>>December 12, 2006 at 2:16:56 PM GMT+8
RE：苗姨
<br>wt's t
>>December 12, 2006 at 11:24:44 AM GMT+8
"我同苗同george咁乖~~梗
>>December 11, 2006 at 3:56:47 PM GMT+8
好炆呀～～～好炆～～～好炆～～～
>>November 25, 2006 at 3:51:14 PM GMT+8
咁夜笑真係唔健康
<br>不過,
>>October 28, 2006 at 1:28:24 AM GMT+8
我識一個poly天文既人，我依邊
>>September 23, 2006 at 2:57:22 PM GMT+8
^^
>>September 17, 2006 at 8:28:36 AM GMT+8
原來29/8你在梅窩呀？我都係呀
>>September 4, 2006 at 10:13:47 AM GMT+8
乜黎美食博覽都唔黎探下我呀~
>>August 26, 2006 at 6:34:42 PM GMT+8
just暉~
<br>點解要既?
>>August 26, 2006 at 10:37:33 AM GMT+8
我要中六七ECON書連noteS
>>August 24, 2006 at 4:40:19 PM GMT+8
你真係貼d相上來...
>>August 19, 2006 at 1:04:50 PM GMT+8
jarb你呢排攪咩-.-
<br
>>August 17, 2006 at 7:16:59 PM GMT+8
通勝有解夢既專欄嫁！你不如買本睇
>>August 17, 2006 at 1:56:01 PM GMT+8
喂~何生~唔該哂你wor~
<b
>>August 17, 2006 at 9:53:50 AM GMT+8
好彩我話你知咋！
<br>
>>August 15, 2006 at 4:02:57 PM GMT+8
support到~
<br>一切
>>August 3, 2006 at 4:57:35 PM GMT+8
我都好想要$3000 ar...
>>July 25, 2006 at 4:02:23 PM GMT+8
RE：杰宜
<br>ohh~睇黎
>>July 25, 2006 at 3:23:41 PM GMT+8
jar b,
<br>我都有搵錢
>>July 25, 2006 at 8:28:33 AM GMT+8
加油加油~
>>July 1, 2006 at 9:05:43 AM GMT+8
唉,留在家中好悶
>>May 18, 2006 at 6:17:00 AM GMT+8
你叫kathy真係好嘔心wor.
>>May 7, 2006 at 10:59:03 AM GMT+8
你做果間小學係我同學間母校黎嫁~
>>May 3, 2006 at 1:44:30 PM GMT+8
哈哈！我係禧少！
>>May 2, 2006 at 11:46:10 AM GMT+8
我而家係學校a~,,,,'
<b
>>May 2, 2006 at 2:55:39 AM GMT+8
|
|
今朝訓訓下無喇喇出面落狗屎~
今日係我個日記版既一周年紀念日呀~~
琴晚好死眼訓~