2003 年 12 月 25 日 星期四 【颳風】

今日又在家看書....下晝有人來左我地屋企,我見個小朋友好似好鬼悶,咁arm又買左套gundam seed返來,所以咪同佢睇dvd睇左成個下晝....個小朋友問d我唔識的野,都唔知點答佢,不過佢都睇得幾開心,hehe...
夜晚出左去食飯.....
個手電突然好番....佢壞得突然,好得又勁突然,真係俾佢玩死....搞到我冇得用阿媽抽番來個新電話,真係沒趣....

>>December 26, 2003 at 3:35:38 PM GMT+8

2003 年 12 月 24 日 星期三 【晴】

今日都係是睇下書,打下機....阿媽尋日係佢公司抽到份禮物,咁arm係部手提電話,實在太好了,唔駛買電話啦,yeah!!!
夜晚去左牛皮沙踢波....因為是豐聯的聚會,唔可以唔到...雖然受傷,但都係頹踢啦....跟住我地成班好左打邊爐.....又係原仁發揮的時候啦....今次我坐左係原仁隔離,只見佢大殺四方,見野就夾,如入冇人之境,生定熟都唔係問題,最緊要係夾到去自己個碗先算.....最厲害係佢筷子功係百發百"夾",一夾就夾到,果然係平時訓練有素^^
當然我都唔可以執輸啦....就係咁,我地就好似班野獸係到開餐....我地d食相重俾lo shing影埋相,做左犯罪証據tim,哈哈.....
食飽就走lu.....我都想去打機的,但無奈太夜了.....還是返歸啦.....

>>December 26, 2003 at 3:39:11 PM GMT+8

2003 年 12 月 23 日 星期二 【晴】

12月24日,平安夜....所以我都很平安地在家渡過了一整日.....下晝kit話上來打z wor.....一開始佢都唔多識玩,點知佢玩左幾次已經好鬼勁啦,我諗再打幾次,我都未必夠佢打,我都要練多d先得^^...
夜晚出左去睇無間道3....係一套好麻煩,又多破綻gei戲...d時間亂哂龍,唔留心d都唔知佢做mug...跟住有又好多事交代得唔多清楚,一路睇一路要諗野.....最離譜係個大陸黑社會大佬的真正身份係公安....真係完全亂來,咁樣佢d手下唔通全部都係公安....咁咪即係公安團走私軍火....同埋劉德華唔駛死又係離哂譜.....等我返hall問下隔離果兩個med仔點樣救個開槍射頭的人.....
返到去arm arm好12點.....係利到同大家講句聖誕快樂!!!
好高興能在今天見到你......
哈,夜晚在荷里活撞破了原仁,hheeh
應to的要求,加插佢尋日發生gei一件事:
尋日to踢波,分別有一球助攻同一球入球.....果球入得十分漂亮,笠死左龍門,令全場目定口呆....佢自言利次係佢近一年來第一個goal....佢話利個入球對佢非常重要,因為佢要重拾待射門觸覺....而都係佢利個入球同助攻,令佢係豐聯homepage的球員積分榜排名跳升至頭二十名內(不過仍然比第一位gei kit大比數拋離).....

>>December 24, 2003 at 5:14:13 PM GMT+8

2003 年 12 月 22 日 星期一 【晴】

今日繼續要比賽....晨咁早去到,點知kit同我講我地gei對手冇來到.....原來我地今日的對手係大魚腩,昨日都俾同組兩隊(即係昨日我地的對手)大炒8:0....兩場失左16球.....今日唔來,真係死得....唔來我地贏2:0,咁d得失球橫計點計都輸啦....咁樣出局都有d冇奈......
不過與其怪人,不如怪自己第一場對住隊cheap友,大把機會都入唔到波啦.....經過利次比賽,我發覺左我地有d mug野問題....除左我地久疏戰陣,狀態真係麻麻,默契都好似有d...組織不嬲都係一般...可以一讚就係防守真係唔錯....最大問題係冇一個有把握力gei前鋒....其實機會多的是,以我同kuen係前場破關能力真係唔差,但過哂d人入唔到波係沒用的....kuen狀態低沉,好似俾其他人講得太多,射波都冇左信心....我就更加唔駛講啦,埋門真係唔係我強項,因為我本來就是一隻翼...唯一可以講就係hold住個波有d進步,但表現時好時壞....好的時候很好(當然好身的時候都係入唔到波啦),差的時候很差,極唔穩定.....全隊最有把握力的就是kit,但如果中場冇左佢,全隊就會失去重心.....
經過今次,我覺得真係要諗下計改善下.....如果唔係就只會做個入唔到波的前鋒...
冇比賽,唯有跟隊啦,反正換左衫......走的時候,佢地話去打機wor,本來想去的,但唔係太想去咁鬼遠,所以都係冇去....
返到去又睇書.....細路買左成套gundam seed,又有排睇啦.....
又搞到成身傷,坐又痛,行又痛,我果然係玻璃腳......

>>December 23, 2003 at 12:32:21 PM GMT+8

2003 年 12 月 21 日 星期日 【晴】

今日要去摩士到比賽啦....一早就起身....約左to, kuen同chun kit係新港城等,順手食野.....點知to同kuen再顯遲到之鬼的本色....遲左成個鐘.....我同chun kit食埋野佢先來.....
去到好在未開波,如果唔係以ka him的為人,to 同kuen有排講.....今日要踢兩場....第一場贏唔到有d不值....我同kuen夾埋有3球中柱中楣....重有無數射門,但竟然全場冇波入law....加埋我果球廢廢單刀,全場贏左形勢,但贏唔到比賽,有d無奈....最後0:0完場
第二場對city EE....我諗間間u的ee都好鬼勁,city都唔例外,聽聞之前果場大炒人地8球....同佢地踢有d驚,都有d興奮,因為又可以同勁野踢波啦....一開波佢地帶著上場炒人威勢,強攻我地,但都冇mug用...一開始都有d怕,但踢落都同耀安果d差幾個level,所以上半都表現ok的,但上半都係打d守勢波多....雖然完半場前俾人射入一球(雖然都好靚),但其實都係有點幸運....
下半場我地好似癲左,輸左一粒踢得重勁,同ee拉成均勢.....雙方都組織唔到d有威脅的攻勢....雖然以一球落敗,但我地踢得很好,最少冇俾人炒啦....咁我相信我地豐聯都有實力係city到立足wor...
跟住去左荷里活行左陣就走lu....
明日要入多d波,如果唔係出唔到....to同kuen唔好再遲ar....to快d還錢ar....
電話冇啦啦壞左.....係我咁窮的時候再次破財,除左my god可以講,我都無話可說....

>>December 22, 2003 at 2:11:01 PM GMT+8

2003 年 12 月 20 日 星期六 【晴】

又係睇書的一日….下晝同kit去左樓下再挑戰過…..當然都係冇得贏啦….都係去儲經驗值….聽日要比賽,但我都覺得我地好似太耐冇踢,踢得唔多好…..
點都好,聽日爆發小宇宙啦….要入波ar…..

>>December 21, 2003 at 2:36:19 PM GMT+8

2003 年 12 月 19 日 星期五 【乍雨乍晴】

今朝好凍....好難起身....
下晝出了去買野,終於搞掂啦,唔該你.....
返去睇下書....sor ar,今日冇來踢波....聽日一定踢如果有人^^

>>December 20, 2003 at 12:52:42 PM GMT+8

2003 年 12 月 18 日 星期四 【乍雨乍晴】

今日要返屋企啦...起身執好野後歸家....
本來話踢波的,但太寒冷啦,而且d人唔得閒,所以踢唔成...
成日就係到打機,睇書渡日lu.....
休息左一日,聽日又可以去玩lu^^

>>December 19, 2003 at 2:18:15 PM GMT+8

2003 年 12 月 17 日 星期三 【晴】

今日起左身就去左香港中央圖書館借書睇．．．横掂有兩個星期，都冇理由淨打機gei．．．順手係果度睇埋書，咁又１日ｌｏｒ．．．
夜晚又同ｋｕｅｎ食野．．．佢都考完試啦，但就病了．．．希望你快ｄ好啦．．．
返到宿，冇啦啦有班人來佈聖誕佳音ｗｏｒ，佢地成廿幾三十個走入來我地文林到，不過迎接佢地ｇｅｉ只係得７個人．．．梗係啦，ｄ人全部返屋企，依家成座宿得果唔夠１０人．．．
同房小ｄｉｃｋ　ｄｉｃｋ返左來，終於唔駛咁悶啦＾＾
ｄｉｃｋ　ｄｉｃｋ都考完試啦，諗住出去文林停車場睇星星，點知唔知點解，望哂成個天都淨係見到一粒星．．．我同ｄｉｃｋ　ｄｉｃｋ都勁失望＞＜
冇法啦，唯有同ｄｉｃｋ　ｄｉｃｋ一齊睇ｖｃｄ算啦．．．
聽日就返屋企啦，得番ｄｉｃｋ　ｄｉｃｋ係到，唔知會唔會悶到佢呢

>>December 18, 2003 at 4:13:40 PM GMT+8

2003 年 12 月 16 日 星期二 【晴】

今日好早起身，重早過平時考試溫書．．．梗係啦，約左原仁落樓下射波ｍａ，下星期就比賽啦，都係時候練下波啦．．．同佢踢左成朝．．．
下晝同佢出去買野，原來我地大家出去都有共同目的，ｈａｈａｈ
夜晚補埋習，今日終於冇唔識啦，ｙｅａｈ．．．之後同ｋｕｅｎ食ｄｉｎ．．
ｋｕｅｎ好像小病，快ｄ好ａｒ，聽晚考完試重要同你同ｔｏ豪番次ｇａ，哈哈．．
同人講左兩句，覺得點忙都唔會連聽電話都冇時間掛．．．都係靠自己最實際．．．冇問題，難唔到我＾＾
已經有人俾左我ｈｉｎｔｓ，唔該哂，姑娘，哈哈
今晚同房小dick dick唔係到,我又住三人房啦,但總覺得很冷清…點都好,你冇事就好了…..聽日就考完試ga啦, ar dick俾心機ar….聽晚我係到的話不如睇星啦^^

>>December 17, 2003 at 5:12:29 PM GMT+8