2006 年 3 月 20 日 星期一 【晴】

.....今日心情:
.....早上至傍晚,天氣開始轉晴;
.....晚上至現在,烏雲密佈,狂風大雨同雷暴.....

.....我快俾那個死佬激死了.....
.....ok la,我識做了.....

.....多謝阿暉同嘉儀的開解,尤其係嘉儀,其實本想同妳傾下,仲唔到妳會突然上來.....
.....多謝.....but,我相信所有野已不用煩了.....
.....i want to give up..........

.....唉..........

>>March 21, 2006 at 2:59:53 AM GMT+8

2006 年 3 月 19 日 星期日 【晴】

.....今日心情:
.....早上至傍晚,天氣晴朗,陽光普照;
.....晚上至現在,烏雲密佈,間中狂風大雨同雷暴.....

.....早上同阿暉影畢業相,d相會在這兩日內整理好,請等一下.....

.....以下幾句請不用理會.....

.....這世上,永遠唯有[自己]是可相信的.....
.....即使係一直值得尊重的長輩也好,還是多年的戰友也好,他們也可一個[唔該]就可以出賣你了.....
.....我相信,出來做野後其中一個最大的得著,就係叫自己唔好咁天真同睇野唔好只睇表面..........

.....我希望自己永遠只發惡夢,因我每次發好夢後那日,我一定會遇到d唔開心的事.....
.....今日...亦然..........

.....Sorry,晚上心情激差,如有得罪之處,請多包函..........

>>March 20, 2006 at 2:09:42 AM GMT+8

2006 年 3 月 14 日 星期二 【晴】

.....好凍好凍好好凍呀.....
.....but...我鍾意呀,凍凍地蓋住綿被訓.....正!

.....昨日細佬舊曆生日,阿媽7點打黎叫我買蛋糕.....
.....一落街.....落大雨.....
.....結果返到家放低蛋糕時,我已經成身濕晒.....
.....不過細佬講個藍莓jam芝士蛋糕好味(我仲未食呀),淋這場雨總算值得.....

.....前日聽了903的[不設劃位],聽劉華講電影節.....
.....訪問中提及他開設的電影公司,提攜班年輕電影人實現理想.....
.....他講了段話,講能夠將自己鍾意的東西成為事業是件開心的事,每日工作都對住自己鍾意的東西,感覺係十分之好.....
.....係掛.....
.....的確,最初入行確有這感覺,but過左4年了,這感覺早就幾乎變得淡如水了.....
.....雖然又未至於完全冇味.....
.....時間果然可以沖淡一切..........

.....這段野請又係睇完就算.....

.....發左個夢.....
.....我同G睇戲,好平靜,大家都冇出個半句聲..........
.....諗返起好多野.....
.....都過左成2年幾,有時都覺得件事好似昨日發生咁.....
.....當時真係好開心的,只係...最後..........
.....當日張飛仍好好保存.....
.....傻嗎?..........
.....but對我來講,真係一個美好的回憶.....
.....第1次約女睇戲,對象係自己暗戀左n年的女同學,仲有甚麼比這件事更值得慶幸.....
.....當然仲有la.....

.....好! 出去睇波! .....
.....國米必勝! .....

>>March 15, 2006 at 3:16:23 AM GMT+8

2006 年 3 月 11 日 星期六 【晴】

.....本打算早d訓,一陣同阿暉影畢業相,but他病了,so現在好得閒寫下diary了.....
.....但願真的如此la.....

.....同個朋友講過下[發達]這回事.....
.....講真這回事,想就想過下,but冇認真去想.....
.....以前都講過,有以前Kanto Hobby般我而好好好滿足了.....
.....是否好冇大志.....

.....近排轉左電話接駁鈴聲.....
.....好多人第1個反應係.....[...o下?!...].....
.....乜我咁做好出奇嗎?.....
.....其實我好快就揀了這首歌,因我都幾鍾意首歌,首歌好有意思.....

.....還記得那一天　在那一天　初次上學堂
從前渡每分鐘　身邊也有　父母在旁
終於天與地　需要獨自往
兩手必需放　但我不想放　邊哭泣邊回望

然後到這一天　在這一天
走出世界　早告別學堂
大人了我應當　一早慣了　沒有護航
偏偏很幼稚　一有壞狀況
就會想歸去　父母親的堡壘　不管麻煩事幹

不要走　大鐘即使敲響　你別放開手
成年後　什麼都不可再　有成人遷就
不要走　前去在人群內　會磨鍊到夠
可見將來　日子總會有　順逆流
不過此時　獲得的愛護
無私愛護　未夠

凡事也要小心　沒趣得很
請不要再　迫我做大人
年月卻太狠心　催促上課　學會獨行
幾千噸責任　冰冷像校訓
個鐘的嗒跳　課室鐘聲響了　雙手為何在震

不要走　大鐘即使敲響　你別放開手
成年後　什麼都不可再　有成人遷就
不要走　前去在人群內　會磨鍊到夠
可見將來　日子總會有　順逆流
不過此時　獲得的愛護
無私愛護　未夠.....

.....幼稚園 Twins.....

.....唉.....好累呀..........

>>March 12, 2006 at 2:33:24 AM GMT+8

2006 年 3 月 7 日 星期二 【晴】

.....今日放假,本plan好今日點點點(講下o者,其實只係打算夜晚食飯而已),but最後因某靚女唔得閒而告吹(她打來時我仲訓到傻傻地).....
.....後來夜晚同阿暉食飯時問我有否失落,有就有d,but她有事都冇法架,係嗎.....

.....整個下午都係玩貓同在街上發傻.....
.....本想過海走走,but碰到下班時間,人多到爆,so.....
.....在旺角行來行去,唔想返好景兆萬,又唔想過皆旺等玩具場,so去左火車橋那邊d寵物店行下,買左枝棒仔逗妹妹玩.....
.....but最後如阿暉所料(真不愧係我最好的朋友),我返左巴富街球場.....
.....睇下人踢波,多無聊.....
.....後來望下何官,見木工室有學生整緊野,又見教員室仲著燈,but人影都冇隻.....
.....忽然諗到樣野,唔知我地這一屆班同學中,有冇人現在做緊Miss阿sir呢?我都有諗過教書的,but好快就打消左了,會考不好呀.....
.....又望下對住操場那排檯凳,見到有個4眼長髮的女仔在看書,一望,突然覺得她好似Diane.....

.....之後落返信和,返Toyshobby找返欠的WCCF卡,but仍差20多張,集齊賣得好價d.....
.....返到home,check下日本返黎d貨.....
.....check元祖聖龍巨神時,發覺少左件part,激死我,咁就泄左幾舊水了.....
.....開盒舊版超級獅人鳳boxset,又保存得幾好,自己留返珍藏.....

.....夜晚同阿暉食飲,又例牌聽下他講公司野.....
.....之後又在我家玩winning了.....
.....咁又一日了,現在等睇波,明朝去打波.....

>>March 8, 2006 at 3:26:30 AM GMT+8

2006 年 3 月 5 日 星期日 【晴】

男人是愛情的動物，比女人更追求浪漫。


女生自小看愛情小說，對愛情有許多童話式的憧憬。女生感性，情緒化，容易哭。即使女生愛得轟烈，但卻不持久。女生長大了，就漸漸不再追求純粹的愛情。


女生一旦成熟了，便把男生帥不帥這個條件放得很次要。女生也漸漸不再追求那種愛情觸電，血脈賁張的感覺；或者說，女生會開始追求另一種感覺----安全感。你能否保護我？你能否照顧我？你是否需要我和你去捱？到最後，我們明白了，安全感基本上和收入有直接關係。


男生自小的波牛形象，粗枝大葉，對愛情似乎不太細緻。男人天生花心和衝動，而且比女人動物性，彷彿和月光下浪漫的愛情拉不上關係。然而，這些都只是虛晃。男人只是不善詞令，加上呈強，不自覺地埋藏自己的感覺。


女生擅於把浪漫現實化，男生卻喜歡把現實浪漫化。女生喜歡把陶醉中的男生帶到現實裡：我們現在算甚麼關係？我們將來怎樣？男生卻會把握許多萍水相逢的機會滲入曖昧，甚至加入許多一己的幻想和情愫。只是淺談幾句，已叫他心猿意馬。


年紀越大的女人，越不追求單純的愛情。女人首先考慮的，是條件而不是感覺。女人需要男人的愛，但這必需是非常實質的愛。你不能空口說白話，你愛我是要用行動去愛，而行動亦往往涉及金錢和物質。女人可以因為物質的條件，在愛情上妥協。然而，男人卻可以因為愛情，在物質的條件上妥協。


長大了的男生，拼命工作上位，把事業看為第一。女生以為男生和自己都一同改變了，在社會中都變得務實。然而，男生潛意識中領悟到的是，他必需先要有成就，他心中的女人才會看上他。因為他的女人務實，他也要變得務實。因為愛情，他才變得如此現實。


女人以為，逃避結婚的男人，是因為不想負責任，甚至不愛自己。而事實上，男人恐懼的是，一旦進入婚姻，他便會失去愛情。男生的確比女生更愛浪漫，當女人已經把全副心思放在成家立室，生兒育女時；他一輩子還在追求愛情的感覺。


中年男人在內地包二奶。女人嗤之以鼻，覺得男人嚮往肉慾，非常膚淺，獸味濃郁。其實，男人倘若只追求肉體，他犯不著養一個情婦。其實一把年紀的男人舟車勞頓，骨子裡頭，都只是可憐地追求昔日逝去了的愛情感覺。


女人通過愛情，追求歸宿、定局和保障。男人卻是追求愛情本身。


男人都嚮往有一個年輕的女朋友。那麼幼嫩和窈窕，有如一封剛落筆的情書，是一朵縹緲浪漫的彩雲。患得患失的輕狂，孤擲一注的表情，令他傾倒，躍躍欲試。男人永遠長不大，和一個仍會傻得火浴地去深愛的女孩子，世界是那麼廣闊，日子是那麼率真。

>>March 6, 2006 at 2:40:35 AM GMT+8

2006 年 3 月 3 日 星期五 【晴】

.....好窮呀.....
.....昨日出糧,大半俾了屋企作供樓+家用.....
.....餘下的又要過數去日本.....
.....今個月仲有唔少野出,又要買過個耳筒(好慘呀,壞左...),仲要找卡數.....
.....我準備跳樓都得了.....

.....本想休今個or下個週日,成家日一齊去維園睇花展.....
.....but今個週日鄭叔叔上大陸,下個週日輪到anntie上.....
.....so.....
.....唉...同新年時一樣,本想一家一齊去行下玩下的,but冇法la.....
.....唔通照同鄭叔叔講咩,實俾他罵死.....

.....今日魏大小姐殺到上黎.....
.....相對起以前,今次冇俾她玩得太死...不幸中之大幸,呼.....
.....講下講下,她都快19了,識她時她都未成年(好似講到d野過左好耐咁).....
.....個[殼]係變左,but[裏面]仍是.....

.....今次叫妳聲[靚女]已經好俾面了,我冇幾何會當面咁叫的(請考慮下我份人& d性格),妳好彩了.....

>>March 4, 2006 at 2:34:28 AM GMT+8

2006 年 2 月 28 日 星期二 【晴】

.....放孖days的第1日.....
.....有時真係唔太鍾意放孖days,如plan好有野搞還好,but好似今日咁訓到2點先起身,之後都呆下呆下咁過.....
.....悶死了...今日仲要落雨,出街仲死.....
.....but下午還是同阿興過左九龍城呆左陣.....

.....近來有兩套戲,[傲慢與偏見]&[天生一對].....
.....後者不用講la,楊千嬅fans當然要睇la,前者則因為對故事題材&女主角有d興趣所以想睇.....
.....but我想最後我還是買DVD睇算了.....
.....不過現在家中仍有不下10套movie DVD未睇..........

.....前日有線電影1台播[家有喜事].....
.....雖然已睇了很多次,but仍覺得好好笑.....
.....唔覺唔覺套戲都成過10年了(92年新年),有時都係覺得以前80-90年代d賀歲片是好正的,[家有喜事],[大富之家]等等,卡士一流之餘亦做得出新年歡樂熱鬧的氣紛.....
.....近幾年那些?! [0歷o古0歷o古新年財],[喜馬拉亞星]?! sorry,我覺得係接近垃圾(可能偏激了點...),不提也罷.....

.....算了,訓覺.....
.....又要諗一陣做咩好了..........

>>March 1, 2006 at 2:11:43 AM GMT+8

2006 年 2 月 25 日 星期六 【晴】

.....早幾日聽了903的[五天精華遊],講退休時應有幾多$在手先ok.....
.....計自己打算幾時退休,到時每天該有多少$使,然後計自己由現在到退休時每日or月該要儲多少$.....
.....計完...><...每個月人工唔使都唔夠.....
.....聽落都幾恐怖,更恐怖的係這條數還未計通脹&其他什數..........
.....help!!!!!

.....頭乾眼訓,還是不寫了.....zzzzz

>>February 26, 2006 at 3:47:15 AM GMT+8

2006 年 2 月 24 日 星期五 【晴】

.....今日細佬生日,本應是開心先對,but我現在卻不太開心.....
.....有d失落,有d憤怒..........

.....以下內容請睇完就算,唔好提,唔好問..........

.....唉.....
.....多次的偶然,一次又一次.....
.....我諗...這根本不是所謂的偶然了..........
.....有d野,我倒有自知之明的...甚麼也不用說了..........
.....本該斷的線,要斷遲早都要斷,無論有沒有補救也好..........

.....這是個幸福的回憶.....
.....thx! ..........

>>February 24, 2006 at 9:54:07 PM GMT+8