|
2009 年 5 月 17 日 星期日 【晴】
 台灣之旅
>>2009年10月14日 Wed 22:40:05 (GMT+8)
2008 年 10 月 23 日 星期四 【晴】
主題：澳門之旅第一天
放兩日AL就過下大海玩下，選搭0930開金光船，搭地鐵到上環，望下船，見到隻珠江客運船喎，望望錶九點左右，再看看上緊客，應該唔會開0930，落到等船區，0900個班剛剛開了，等到九點半左右，我同老婆都上船，0935開船，恰下醒下，大約十點左右，遠處有隻白色船，諗下諗下咩船，諗緊是否上一班開0915的珠江客運船，要發揮部D80加18-200MM的威力，搭多個1.4X，望一望，真係上一班船，不久，我坐的AUSTAL船就高速過頭，到碼頭落船，上班仍然係海上，之後過了機場影飛機，想影長榮MD-90，之後過威尼斯人JOIN濠會，同四圍影相，之後坐車出返碼頭，再轉車過皇都酒店，CHECK-IN取房後，過了一陣先去搵嘢食，係澳門稍為晏少少都好似無嘢食，落去議事亭個頭，諗住去食一間麵檔，點知就話搬了∼∼搬了廣州天河區，再搵下啦∼∼諗住食黃枝記，點知話裝修，再行入ｄ舊區，就搵到一間南屏雅敘，好舊的茶餐廳，食完出返來先發現黃枝記的舊舖係一條街後，出返大馬路搭車再轉松山纜車上山，然後行山路落返酒店，係酒店一陣後，就出碼頭影相，之後搭新葡京車入大馬路，食嘢，食完就四圍影相，影完相就返酒店。
|
|
>>2009年02月13日 Fri 12:02:37 (GMT+8)
2008 年 5 月 15 日 星期四 【晴】
主題：泰國之旅第五天
起身，食完個早餐就搭車去皮革廠，睇兩睇就走得，之後就Baiyoke Tower食自助餐，好高呀∼∼食完四圍行，有個小丑扭氣球，再四圍睇風景，原來曼谷係一個平原無乜高山，之後離開Baiyoke Tower，就去蜂蜜廠，個SALES講嘢好搞笑，買了些蜂蜜就去機場，之後CHECK-IN，入閘，再買ｄ嘢，就等上機，坐CX702，派機係A330-300。上機食夜晚睇志雲飯局，但係睇了一小時後就轉極台都無嘢睇，又行07L降落，之後出關，等了好耐先至取到行李，之後搭巴士回家。
|
|
>>2009年02月06日 Fri 15:46:29 (GMT+8)
2008 年 5 月 14 日 星期三 【晴】
主題：泰國之旅第四天
起身，食完個早餐就搭車去蛇園，我諗會唔會係叢林地方，轉個頭話到了，原來係一個傳銷的地方，睇眼鏡蛇，睇全世界最毒的金光眼鏡蛇，傳聞識噴毒氣，中毒者三分鐘後瓜柴，又有千年巨蟒，睇見就怕了，我係怕蛇的，聽完一輪廢話傳銷就去動物園睇動物，之後就睇個西部牛仔的表演，然後就食晏，突然間好大雨，去到個飯堂，食食下就全場黑晒，隔了一陣先開返，原來得一邊開返，另外有半邊仍然黑晒，食完飯，四圍行下就去睇海豚表演，睇完就坐車出去行商場，行CENTRAL WORLD同SIAM PARAGON，之後睇埋一場關於海洋的4D電影，之後去一個夜市食飯同行夜晚，亞休好掂，不停幫我哋講價，之後行到好夜，就搭的士返酒店，亞休又講價，人哋泰國人都話$200泰銖，佢可以講到$100（其實老屈），去到酒店，個的士司機唔肯走，見咁慘，我俾多一點佢哋，之後就休息。
|
|
>>2009年02月06日 Fri 10:40:32 (GMT+8)
2008 年 5 月 13 日 星期二 【晴】
主題：泰國之旅第三天
起身，食完個早餐就搭車離開芭堤雅了，好快咁，首先去一間寺廟，話係途經，無拜，因為都唔知點，費時拜啦，之後就去海味市場掃貨，買了好多手信，之後去埋寶石廠，都係聽下廢話，不過ｄ職員好乞人憎，非常的白鴿眼，之後就離開，去了一個夢幻樂園食晏同玩，都OK的，之後就坐車入曼谷，睇人妖SHOW，之後就去一人一鍋食夜晚，食完返酒店，返到酒店後就我與老婆同亞休、亞生、亞斌、亞MAY、KENNETH同女朋友、亞昌同女朋友，一行多人組成B團落CHINATOWN行，係酒店大堂見到古仔(導遊助理)，佢見我們咁多人，就帶我們出去行，搭的士出去，去到四圍睇，睇下林珍香，睇下導遊有無收貴我們，因為佢係車上向我們收ORDER，不過CHINATOWN林珍香有多種SIZE可以揀下，之後四圍行同食，最係去食翅，食完搭的士返酒店了。
|
|
>>2009年02月02日 Mon 16:03:10 (GMT+8)
2008 年 5 月 12 日 星期一 【晴】
主題：泰國之旅第二天
起身，食完個早餐就搭車去海灘，之後上快艇到海中一些木屋，玩一些水上活動，但無乜嘢想玩，所以都係坐同影相，之後再上快艇去珊瑚島，落沙灘玩下水，ｄ水都唔差，玩到咁上下就四圍行下，食個晏就返上快艇轉巴士返酒店，沖完身就去食翅，食完去被人鬆骨，鬆了很久，之後上酒店食夜晚，部D50唔知咩事，壞了，個靚景就只有用A570IS影，依餐係咁多餐之中最好食，食完去睇真人SHOW，睇完就回酒店了。
|
|
>>2009年02月02日 Mon 15:36:50 (GMT+8)
2008 年 5 月 11 日 星期日 【晴】
主題：泰國之旅第一天
好早...好早…五點幾都出了門口，趕搭五點由馬鞍山開出的N42，據龍運係站牌講33分鐘就到海福花園，早一點好ｄ，五點七部車都到了，全車又多人又多行李，我預計都係企入機場，始終差不多成個都沙田區覆蓋晒，上緊城隧時，個師傅話上層有位坐，叫我上去坐。依條N線係先入機場，再入後勤，總站係東涌，所以好快到步，快過老婆到…等埋老婆就去搵領隊，搞埋登機手續，就去食下嘢，食漢堡王，之後就入閘，四圍影下相，包括影打麻雀咁款的甘泉B747機，不過天暗，都影得唔好，之後影下CX713航班，係用B747，第一次坐波音機，上到機，舊舊的內籠，算啦，相信CX比OX好好多，食下嘢，恰下，兩小時半就到泰國，個機場好黑暗，望下個天花好似咪完工，好似連假天花都唔裝，指示牌又唔多見，跟慢了領隊，就唔知去邊了，所以就話唔見了ｄ團員，原來他們已出了關，係禁區外等，搞完一大輪，終於上車了，部車都好似…之後就話一直落芭堤雅，經過間中式酒家，就入去食晏，食完就睇猴子表演，坐驢車同騎大象，騎大象時跌了個鏡頭蓋，係隻大象幫手執返，四圍睇下嘢就走，落到芭堤雅就去了MIKE SHOPPING MALL行，行完就落大雨，之後就去食海鮮做夜晚，海鮮就麻麻，但個景就唔差，食完就返酒店，返酒店條路好荒蕪咁，上到酒店放低ｄ嘢就出去士多買ｄ嘢，買完就返酒店，唔敢四圍去了。
|
|
>>2009年02月02日 Mon 13:01:37 (GMT+8)
2008 年 5 月 3 日 星期六 【晴】
主題：澳門一晝遊
五月一個日，諗住影CA2008，即係國航專載聖火個部飛機﹝B-6075﹞，點知泊到老遠，影唔到，所以就搏下今日係澳門影唔影到，船票就早一日出差個陣買定，乘搭金光飛航，搭九點鐘船去，未到碼頭已經見到B-6075， 雖然我並不第一個下船，但由碼頭行去檢查櫃檯都有一段距離，不自覺越行越快，所以係該班船第一個過關同出關，到我出關時，我後面的人仍未趕上，一出北安碼頭，就見B-6075在我面前，雖然有一網之隔，但都無礙我影部聖火專機，之後過機場影下飛機，心諗一層，一陣臨走前先係機場再影，容易預到時間，以免走船，之後就諗住搭勁兜的AP1去葡京轉車落媽閣，上車安全計問師傅經唔經葡京，佢話唔經∼∼我仍諗∼∼之前AP1乜地方都經晒坐到傻，算啦∼∼節省時間都係去黃色／黑色的士埋手，話晒一條天橋就到對面，上了部黃色的士，順便問下師傅黃色／黑色的士的分別，佢話黃色有公司經營，黑色係私人，唔怪得黑色殘到無人有。去到媽閣，新福利的長短金龍都影到，澳巴的五洲龍都有，諗住企到十一點半睇下有咩影啦，點知差不多到十一點半，連新福利唯一的黃海都返到，影埋黃海就搭澳巴10號出葡京附近搵MT1、MT2、MT3，出到去都唔見有個站頭，可能又無了，之後就搭3號出港澳碼頭，個邊車多，位置開始唔靚，下次都係唔到，不過都影到現代的COACH，新福利的舊金龍，澳巴的仿DESIGNLINE五洲龍，差不多點半，就搭AP1慢慢過機場繼續影，見到有新福利車先上，出港澳碼頭條條都差不多一個模式的行法，但部AP1點解無轉入回力場，返港澳碼頭，唔通搭錯方向返關閘，大鍋！到上友誼大橋就知道係無錯了，佢原來做了港澳碼頭與機場特快，都應該，咁AP1似返條機場線，坐車時，諗緊部經北安工廠區，內裡有車廠，反正多了時間，入去睇睇車廠外有咩影，都有好多退役車影下，之後再行出機場，影下，就行去碼頭預早上船，上到船都無乜人搭，一人擺兩個位，個窗口位就被個窗外標誌遮住了一大半，我都好，我見到有些得隻角仔睇下，叫個杯麵食，瞓下覺就到香港。
|
|
>>2009年02月02日 Mon 11:57:27 (GMT+8)
2007 年 10 月 1 日 星期一 【晴】
主題：台北之旅第三天
今日是最後一日，今日好遲先出發，今日主力係買手信，係酒店退房放低行李後，就過捷運站到台北101，日頭望上去就真係好高，今次無上到觀光層，反而係側邊頗大的新光三越行，行了陣就食晏，食完買ｄ手信，就搭捷運上圓山，搵緊維格時，聽到有螺旋槳飛機，但趕不及舉機就走了，本台灣書都騙人的，搞到搵了好耐，買完手信後，就搭捷運落台北車站，買埋胡椒餅，之後就搭307返酒店攞行李，諗住搭飛狗巴士過機場，15分鐘一班，等了45分鐘都無車，於是截部的士，問到機場幾多錢，一千台幣，即港幣二百五左右，無計啦，局搭啦，之後開得好快，到了機場，CHECK-IN有窗口位，坐啦，行多陣，買了本書就上機，係港龍廿年彩繪機，怪唔之得有窗口位，原來係門位，又無電視睇，之後好快返到香港，之後搭巴士回家。
|
|
>>2008年04月22日 Tue 18:05:39 (GMT+8)
2007 年 9 月 30 日 星期日 【晴】
主題：台北之旅第二天
自由行比跟團好就係唔駛咁早起身，搞掂晒ｄ嘢就出發過貓空，首先搭捷運到木柵動物園，之後就貓空纜車上貓空，全程都幾長，可以望到整個台北市，又可以望返第一次去台灣住個間酒店，不過現在已經改名同經手，影風景都算唔錯，上到貓空，又唔係買茶葉，其實係無乜嘢做，影到一部細輪，但個車身好高的巴士，之後就走，上貓空纜車，計埋我同老婆得四個人搭，另外個兩個人，就係第一個分站下車，之後全程由我同老婆包車，搭搭就落好大雨，但偏偏又有陽光，所以咁大個仔第一次見到彩虹，可惜影唔到，落返木柵，仍然好大雨，本來想去深坑豆腐街，但最後都係取消，之後就係木柵找一些台灣風味的餐廳食嘢，食完，微雨，接近無雨，都算啦，出返光華商場，睇嘢兼買嘢，買埋ｄ漫畫，坐低飲下嘢，之後發現間犁記好近光華商場，於是就行過去買手信，買完就諗住行返酒店放低嘢，行返上南京東路，好似真係頗遠，原來呢，台北巴士站有晒各路線圖，個站名都幾易睇，不過擺位有點亂，坐了幾個站就回到酒店，放低ｄ嘢，休息多一陣，再出去，去台北車站側的新光三越，我諗反正都係要由酒店轉車到台北車站，我已經唔想行去捷運站，又上上落落，於是就是但找了部巴士上，搭一兩個站落車再轉一程捷運直到台北車站，係方便好多，反正有TAPEI PASS，之後行陣新光三越，再係美食廣場食涮涮鍋，之後食完，就搭捷運行西門町，四圍四圍買嘢，之後想過饒河街夜市，但找來找去都找不到個巴士站，係非常累的情況下，都係搭非常頻密307回酒店。
|
|
>>2008年04月21日 Mon 17:55:10 (GMT+8)
|
|
hihi~我想問你倘�...