2002 年 7 月 4 日 星期四 【晴】

開心屎喇開心屎喇!!!!佢地終於都翻唻喇!!!!

我由人地個老公搖身邊做人地個家姐，真係好彩!!

佢地翻到唻，可惜我又要同媽咪食飯丫，於是就要又分翻開囉。食食下飯咪諗住問下卡文諗住聽日洗唔洗練自選嘛，打到去，卡文就話見到人地係對面馬路，我講笑話，咁你不如衝過去俾部電話佢聽，點知卡文真係俾左部電話佢囉，於是我就有得同佢見喇^@^
＊多謝卡文姐姐＊
不過...唉...都係唔好提....

>>July 16, 2002 at 3:13:31 AM GMT+8

2002 年 7 月 3 日 星期三 【晴】

不出我所料啦，今日一翻去個個都話我係咪唔夠訓，得卡文知我係喊過囉。

今日去左王少清有個唔知咩十大傑出學生選舉，唉...好心啦，特登要人去眼馮嘉欣拎獎都唔知有咩咁好眼，痴鬼線。

一去到我就同珊珊姐一齊坐，狂傾計囉，實在太無聊喇Ｄ人，所以一定要搵Ｄ野唻玩，唔係真係悶屎。突然唔知做乜個個都係度望住奸綺人，原來奸綺人喊囉，根據情報係話Ｄ人話佢個花生騷ge設計唔好睇。講真果句，我覺得佢Ｄ設計好鬼屎天馬行空囉，原全唔知用咩方法去整，只知個型係點，好虛無縹緲囉。其後都好多人都有點兒唔妥佢囉。

得罪都要講句，我覺得去清遠果Ｄ人咪執到囉，乜都唔洗佢地做，芬妮就咁將個責任隊左俾奸綺人，我覺得太堅囉，好不負責任囉，雖然自己係有好多野做，但唔代表可以咁嫁嘛。娟娟要執衫，要做banner，都變左我幫佢做埋，冇野好講囉。個個都係好自然咁抽身而去，完全係要我地呢Ｄ人揹黑鍋姐...

>>July 16, 2002 at 3:05:38 AM GMT+8

2002 年 7 月 2 日 星期二 【晴】

終於都到左分開ge一日喇，各位pc成員+子賤都走哂去清遠...
連最後都冇得送大家走，俾個林瀛欣硬拉走左我，拜拜都冇得講，我真係好掛住好掛住你地。上到去hall，個個都話我個樣好頹，我都唔想嫁，但我真係好想好想喊，唔分開過真係唔知係咁掛住嫁。

一路頭痛咁翻到屋企，翻到去即刻訓左係sofa上面訓，真係好頭痛，我都想知自己發生咩事。之後冇幾耐，醒翻之後，聽到則新聞話咩清遠水浸，有28師生被困又剩咁，嚇親我!!!嚇到我個心離一離，之後D眼淚就不停咁一路流一路流，停都停唔到。

「lin~~~lin~~~」電話響起，我諗住個個翻哂大陸都冇人會搵我嫁啦，所以叫家姐聽，但竟然係搵我嫁囉。竟然係去左清遠ge打唻報平安呀!!!一個電話真係令我放下心頭好多舊大石呀!!即時又感動到喊哂咁……

成日就係眼淚水中渡過左，屎啦，聽日對眼實腫哂咯。

>>July 16, 2002 at 2:56:02 AM GMT+8

2002 年 6 月 27 日 星期四 【晴】

唉…想我話今日開心都難啦!!!

今日去跳舞，真係好鬼屎無奈。同謝生一齊跳，我已經覺得自己好俾心機去跳，我亦都好俾心機去記果隻舞，但我ge記憶力有限，唔係咩時候都記得嫁嘛，真係痴孖筋嫁!!人家我已經好辛苦，因為整親腳，真係好屎痛，已經忍住痛咁跳完隻摩拉維亞，之後同謝生跳高form果時大大力咁dum落地，真係好屎痛呀!!痛到眼水標呀!!!

我同佢近乎次次都唔記得上次跳左d乜，次次都從頭唻過，我諗lim都就唻打我嫁喇~＊

之後到班低form煩，果度有10個form 1同3個form 2，我問佢地如果我想跳兔仔舞，但佢地又話低能又話白痴，咁我叫佢地提意佢地又冇聲出。諗住佢地好屎勁，lim咪俾隻簡單ge舞佢地跳囉，好野囉班人，連叫佢地跳ge時候要跟拍子姐，都唔得!!仲敢話兔仔舞白痴喎!!!痴很線ga!!
又話唔跳呢隻得唔得，咁好心d人咪鬼話人地d舞白痴啦!!咁叻你唻編丫笨!!!

教完佢地真係成個人都散哂咁滯，其實唔係好累，但只係
覺得佢地好煩!!

之後lim佢地係度跳，得我一個冇partner，果種感覺真係好難受，spoon佢都學哂，我就一半都未跳到。。ＯｏＯｏＯｏＯ

>>June 28, 2002 at 10:37:56 AM GMT+8

2002 年 6 月 24 日 星期一 【晴】

今日…今日真係好鬼屎開心呀!!!
今日一朝早就翻左去練舞喇。翻到去，真係好恐怖，見到馬馬同慢Ｄ，佢地好變態呀，人家一翻去就係度迫供喇!!幾恐怖呀!!o_Ｏ
之後楊sir唻左就開始教舞，Ｄ舞好似好易咁，但係陳曉偏偏就係唔識跳，無奈＊～分錯哂Ｄ左右腳……ｃhｅaｐ呀!!ＥＥｅｅｅ～之後就差唔多１１點就落左去唱k lu…

落到去，家姐同2個表姐都已經係度，唱下唱下，D歌又kick實哂。痴線嫁……
雖然發生左咁多不愉快事件，但係~☆家寶☆~拯救左我喇!!!

我同家寶好開心咁由●想不●→●荃廣●→●灣景●→●荃廣●→●新之城●→●綠楊●→●city●→●屋企●。。。開心屎我地咯!!
係想不我地吃左呢個好滋味ge█咖哩雞球飯█，yummy!!!之後去到荃廣果度買左個█情侶散紙包█，去到m記又撞到人喎，於是我地2個白痴好開心咁一味跟住佢地，點知跟甩左囉，臭臭噢~~~!!
之後去左新之城果度睇鍊囉，之後直落行左去city果度，於是買左我地最歷史性ge█定情信物█→→◤情侶錶◢!!開心屎咯!!!

真多謝家寶呢…今日真係好開心…希望聽日唔會喊啦我……

>>June 25, 2002 at 2:58:50 PM GMT+8

2002 年 6 月 23 日 星期日 【晴】

好例牌咁講句…終於考完試喇…真係幾開心ge ＯｏＯｏＯ
點知考完試娟娟佢要JAL…仲有中中 + 芬妮又係…卡文又係…家寶又係…無奈囉我。冇人陪我，我幾大都唔翻屋企住啦，傻ge咩，難得可以同娟娟行街，於是咪係靚女度等娟娟囉，點知靚女唔係度呀!!!!!!!!!!!!!!!!!於是我好辛苦咁求呀恩恩落唻陪我，於是我同恩恩去左魚蛋度行左一陣，點知差唔多4點娟娟打唻lu…所以咪拿拿臨上翻去囉。上去途中撞到人喎，真係好鬼屎喬ge jack~~恩恩同我個樣係變得好堅嫁，因為初頭真係睇唔到係定唔係嘛，總之好鬼屎高興呢~~於是之後咪一齊搭小巴，去到city我同娟娟落左車睇我ge翻學鞋，因為爛左呀!!!!真係想屎呀!!行左好耐好耐…停都冇停過，真係好鬼屎累。
翻到去…怪獸婷婷係度呀!!人家我同人傾電話又係度嘈住哂喎，痴線嫁，搞到都傾唔到。
之後因為我仲未買鞋，所以就叫婷婷陪我去睇，點知呢個人呢，一d眼光都冇，成日指埋d我最憎ge鞋款俾我喎。不過之後都買到。
唉，聽日又要練舞喇，條褲爛左我又唔記得買翻條，聽日實俾楊sir鬧屎喇，我又要早走喎ＯｏＯｏＯ唉………

>>June 25, 2002 at 12:36:07 AM GMT+8

2002 年 6 月 21 日 星期五 【晴】

唉…經過幾日ge考試…已經死過一半……

第一日中文…已經覺得自己唔係話特別好，猛唔到分ga喇……之後考oral，俾蚊咬屎咯，考ge時候勁食螺絲囉。
仲要一落到去成咋人等緊我。

第二日考maths，係唯一一科冇乜記憶ge一科，唔記得考成點咯，之後考listening……唔好提，衰左啦，可以點……

第三日打後果d就唔好提喇…衰哂…全肥!!!!!!

算啦…jj我只希望自己唔洗lum班就得ga喇……我唔想呀!!
琴日實在唔想再留係屋企溫書，所以就拉左媽咪出街食飯，直落去行左陣街。去左city果豎買衫，買左條裙裙同一件衫仔，條裙其實會唔會著都係一個問題……件衫仲離譜，著完之後果個都唔係我唻ge!!!成日斯文look出左唻喎，痴線ga~~!!叫我點著出街喎+_Ｏ
之後去左欣欣屋企吃印尼野(好飽呢)，仲同欣欣傾心事，原來佢係佢問小學都有咁多野發生嫁，嚇親喎……

今日冇呀，一早起身，就睇tino喇，好搞笑呀。之後諗住同家姐去拎BNO，點知媽咪冇睇清楚星期六係放假嫁囉，發瘟呢~~搞到人家著好哂衫冇得去囉。
於是就發洩係a.maths，一次過溫左5課，幾大都溫啦，我相信自己一定唔會留班嫁!!!
大家願意祝福我嗎???

>>June 22, 2002 at 1:53:06 PM GMT+8

2002 年 6 月 13 日 星期四 【晴】

原來我係咁唔了解佢…
我想更了解…更了解…
真係對唔住咯…陳曉，陳曉真係好想為你分擔……

>>June 15, 2002 at 3:53:56 AM GMT+8

2002 年 6 月 12 日 星期三 【晴】

好!!長話短說…希望各位同學都加油!!
考試喇~~只係有少少野想同一班friend講……
給恩恩﹕文科要加油!!為你作心靈支持!!
給娟娟﹕請加油!!陳曉會為你祈禱!!咪掛住睇波嫁~~
給芬妮﹕你ge問題大咯…唔好再咁遲訓，如果唔係會冇精神，唔好俾太大壓力自己…
給中中﹕考試就咪鬼咁屎大聲嗌啦，等陣d人話你嘈住佢地溫書你就屎。
給偉偉﹕考試就要早d訓咯，咪鬼日日溫到咁遲嘛。
給勇勇﹕考試要小心，physics D單位呀~
給雯雯﹕唔好喊咯，考得唔好有陳曉陪你呢~
給事般﹕你個樣好灰呀~唔開心呀??考試喇，有咩心事遲D先理啦!!
給毅興﹕唉~~咁死勁，都唔知同你講加油係咪廢嫁…
給子賤﹕考試咯~都要早D訓嫁…知冇??
給媽媽﹕多謝你為左我而熄左電視……

各位~~大家一定要加油呀~~
陳曉會好偉大咁為你地墊低嫁喇!!但我一定會努力!!

>>June 13, 2002 at 8:18:17 AM GMT+8

2002 年 6 月 9 日 星期日 【雨】

今日，我覺得自己好衰囉……

今朝落好大雨，仲要遲左起身喎，都唔知自己做乜，搞到要人地等我咁耐，我超級唔好意思囉。
翻到學校，個個一見我行入去就話「翻唻喇，終於翻唻喇!!」，我都知自己衰ga喇，但人家我真係唔想嫁，知道自己差d遲到我都好驚嫁!!
仲要個頭暈下暈下咁翻，我都驚大家會感冒呀，一唻今日又「踏」左咁耐雨，二唻我又感冒，好易傳染嫁嘛，驚你地都冇豎喎!!小心小心呀~~!!~

之後就真係慶喇~~D人丫，請佢食樂天熊仔餅D人唔要呀!!吧就，人地娟娟不知幾想食，唔俾你咪算囉，枉我仲同家姐係度研究應該買D咩俾你，我挑，以後都唔買野俾你食!!

上緊中文堂ge時候，因為史sir話任我地做乜都得，於是我同中中同英英就係度傾「女人野」。勁好笑囉我覺得，一諗起我地中途講到話阿邊個同阿邊個拖手會點ge時候，真係笑幾多個鐘都唔夠囉，而阿邊個就唔方便講啦……

放學想搭小巴翻屋企，真係可以咁橋撞到偉偉 + 勇勇喎，之後仲要見到家姐喎，家姐好搞笑，同我講埋D白痴野，但娟娟唔豬做乜鬼屎咁興奮喎見到我家姐，係度嗌話「陳曉你個家姐呀!!」又話佢靚左，又話佢瘦左。我都話我家姐唔似張婷嫁啦!!傻ge，我家姐靚過張婷呀嘛……
之後家姐講左d好搞笑ge野，笑左成日。

>>June 10, 2002 at 12:45:52 PM GMT+8

TVXQ - Love is... 廣告 讀者留言 |  路人留言   | 唐生d歌真係好好聽law! *v >>February 17, 2009 at 12:13:16 PM GMT+8 D故事可以向邊睇到架? >>February 17, 2009 at 6:12:33 AM GMT+8 今日條賤人聽到有學生要考TPC >>February 12, 2009 at 5:12:05 PM GMT+8 今日向日經被放逐一個半鐘頭睇紅白 >>February 10, 2009 at 4:11:56 PM GMT+8 我地ward都一樣有歧視scho >>February 4, 2009 at 4:35:50 PM GMT+8 仲有一日假期就完 <br>好好享 >>January 27, 2009 at 3:03:13 PM GMT+8 個老闆娘唔係話 <br>"唔怪之 >>January 2, 2009 at 3:54:16 AM GMT+8 jj，你有冇睇錯? <br>我冇 >>December 9, 2008 at 4:48:34 PM GMT+8 我o個人講野，真係咁有智慧??! >>December 4, 2008 at 5:47:17 PM GMT+8 The new hair sty >>December 3, 2008 at 2:33:29 PM GMT+8 哈哈哈哈........ <br >>November 8, 2008 at 2:14:08 PM GMT+8 I can't imagine >>October 30, 2008 at 6:24:29 AM GMT+8 JJ, <br> <br>我地今 >>October 11, 2008 at 5:05:15 PM GMT+8 你應該做埋代購 <br>隻隻扣都 >>September 21, 2008 at 3:56:14 AM GMT+8 TMH... 哈哈哈哈哈哈... >>September 8, 2008 at 5:58:18 PM GMT+8 哈哈 <br>你側邊d相我試過停 >>September 5, 2008 at 7:03:42 PM GMT+8 絕對同意... <br> <br >>August 11, 2008 at 10:06:33 AM GMT+8 wa... <br>原來你首 b >>July 24, 2008 at 11:27:15 AM GMT+8 JAYJAY，估唔到你會去我XA >>May 22, 2008 at 11:49:07 AM GMT+8 ME too... <br> < >>April 29, 2008 at 8:50:51 AM GMT+8 如果 <br> <br>我唔理大 >>January 30, 2008 at 4:48:50 PM GMT+8 無他既... <br>鬼叫o個個 >>January 28, 2008 at 7:55:04 PM GMT+8 我今日都係咁溫日文呀... <b >>November 27, 2007 at 4:51:38 PM GMT+8 你無事嗎?傻婆!!我同你都經歷過 >>November 7, 2007 at 7:40:51 AM GMT+8 都唔好玩既,俾你估到我係邊個ti >>October 2, 2007 at 3:57:18 PM GMT+8 雖然入迪士尼好似用錢買快樂 < >>October 1, 2007 at 1:34:32 PM GMT+8 真係無諗過...好耐無睇過你日記 >>September 28, 2007 at 3:42:49 PM GMT+8 真係對唔住呢... <br>我諗 >>September 7, 2007 at 3:45:37 PM GMT+8 買呀!年票係今年必買呀!!! >>September 1, 2007 at 4:45:01 PM GMT+8 錢錢? <br> <br>哈哈哈 >>August 27, 2007 at 12:12:02 PM GMT+8 ar~ 我見到la 【私奔到月球 >>August 21, 2007 at 12:18:50 PM GMT+8 hi jj~ 路過的 你blog >>August 21, 2007 at 12:14:33 PM GMT+8 halo, jj~ <br>so >>August 7, 2007 at 2:15:00 AM GMT+8 今次bg 好靚呀!!! =] >>July 31, 2007 at 6:03:31 PM GMT+8 真羨慕你有個快樂placemen >>June 25, 2007 at 5:57:59 PM GMT+8 jj,知道anna係好人真係令我 >>June 21, 2007 at 3:59:13 PM GMT+8 Jayjay <br>加油呀~ >>June 12, 2007 at 4:21:55 AM GMT+8 你去student page 咪 >>June 11, 2007 at 5:45:25 AM GMT+8 今日search自己個名 <br >>May 29, 2007 at 7:20:26 PM GMT+8 幫我整個logo阿!!得吾得>? >>May 3, 2007 at 1:47:07 PM GMT+8 哈哈哈 <br> <br>有咩唔 >>May 2, 2007 at 4:44:46 PM GMT+8 Nevermind ar! BA >>April 17, 2007 at 3:43:42 PM GMT+8 起碼o係我唯一一次叫到你地泥睇之 >>March 30, 2007 at 5:28:29 PM GMT+8 第一次留言。 <br> <br> >>March 9, 2007 at 6:01:34 PM GMT+8 我唔番學係因為我連企起身既能力都 >>February 13, 2007 at 7:15:06 AM GMT+8 咩心事呢... <br> <br >>February 5, 2007 at 7:12:18 PM GMT+8 你睇套DRAMA 咁多混合體既. >>January 15, 2007 at 6:40:20 PM GMT+8 SZE2 在看jj 日記 <br >>December 13, 2006 at 4:46:47 PM GMT+8 竟然俾vava旱我一步讚你個ba >>December 13, 2006 at 4:29:51 PM GMT+8 好靚呀! <br> <br>但係 >>December 12, 2006 at 4:47:19 PM GMT+8

人氣: 72256

Design & Scripting by ShowHappy.Net