2005 年 5 月 12 日 星期四 【微冷】

大 結 局

琴晚ＥMILY唻左,, 所以我冇訓晏覺。
近排好興差唔多５點幾就睇書,, 睇睇下就訓左。
已經成左種習慣,, 琴日冇訓到所以琴晚好早訓。
其實都唔算話好早ＧE.. 差唔多１點幾ＬA...
聽絕情谷嘛,, 有時聽到人都慶就好難訓得著。
今朝鬧鐘響左都繼續訓~ 訓到１1 點先起身。
起身果陣已經做緊《神探阿蒙》。
琴晚睇錄返唻ＧE《心靈感應》喊到豬頭咁。
搞到今朝早起身對眼恐怖到.. 痴肺。
死ＬA.. 已經講到里見要醫佢老媽子,, 應該差唔多完。
但又ＭISS 左喎,, 死火...
唔會大結局阿ＦA.. 最衰今晚要ＯRAL...=﹏="

冇理到,, 走左去煮公仔麵食。
ＳHIT.. 好難食.. 冇精神真係煮乜都同「飯」冇分別。
激死之下開始睇我ＧE 小說...
個男主角都冇淳一咁正... ＧOD...
睇左一陣,, 開始驚驚地就唔睇ＬU
走左入去開ＧAME玩
鬼咩,, 之前恩恩ＳEND左一咋ＧAME俾我玩
玩到手指爛都未玩完=﹏="
後來又上左一個有好多ＬIVE同ＰV ＧE網..
大開眼界.. 睇到ＳMAP ＧE ＬIVE簡直喊咁口
木村型到丫.. 人都癲!!!
怒ＳEND俾我家姐睇...ＸD" 好型
不過如果中居可以唔出聲就好ＬAR.. 把聲同鴨差唔多
仲睇左幾個W同ＭORNING娘ＧE ＬIVE... 真係好可愛
點解日本咁多可愛ＧE 女仔ＧE呢...

睇左陣諗住去識下短講,, ＢRAINSTORM下
無ＬALA樂樂話我知阿珧嬲左我!!!
嚇死!!! 點解？?？
我剩係識問呢個問題...
好彩都唔係好大件事,, 阿珧唔會嬲ＧE...

見差唔多時間,, 打去問老豆點搭車去ＬA..
佢又... 我都唔知點形容佢ＧE行為...
總之... 我無奈地都係打去搵阿娟求救。

去到李炳先果６:1５倒ＬA...
坐左係個ＣANTEEN到,, 冇俾蚊咬喎...
ＡNT~ 真係同人唔同命...ＨOHOHO~
呢Ｄ就係冇拖友ＧE好處... ＸD"

上到去,, Ｄ位都差唔多ＦULL哂
下？! 竟然係果之英文ＯRAL 果個男阿ＳIR!!!
又係佢負責做ＷAITING ＲOOM ＧE???
仲見到幾個好熟口面ＧE物體。

第一輪冇我份呀,, 仲俾我見到隻巨蟲係我前面
我喪縮呀,, 好驚呀大姐
又唔敢嗌出聲喎,,

都唔知係咪玩野,, 今日真係明乎其實黑色星期五
我竟然係第五個呀!!!! 死火ＬAR...
一味係度祈禱.. 千祈唔好係ＹES ＮO ＱUESTION呀!!!

可能習慣ＭISS ＹU係考果時會點頭
果兩個阿ＳIR ＭISSY冇樣嫁!!! 搞到我勁尷尬!!!
完左之後到小組... 唉.. 我好慘呀!!!!
頭四個都一致睇法,, 我唯有.. 反對佢地...
我覺得自己好慘呀,, 仲要扮強硬..
好想死呀,, 俾人怒打.. 一味追住我Ｄ ＰOINT唻打
各位認識我ＧE 都知平時我只係做付和果Ｄ人唻嫁嘛
唉... 簡直想死...
第二同第四兩個都唔出聲
但第一同第三好似同我有仇咁怒打我...
完左個ＤISCUSSION後呀,, 佢地幾個一齊傾計
冇人理我呀!!!! 真係,,
俾你地逼做反方,, 仲要唔理我... 我喊呀!!!

出到去唔識返荃灣.. 打俾老豆
佢老點我ＧE!!! 於是打俾阿娟算數
拿,, 阿娟就點條明路過我行ＬAR...
我仲見到水母添呀!!
上到車,, 我見到果日係Ｍ記見到果個怪人!!!
即係無ＬALA問我拎旅行張程唻睇果個呀!!!
好驚,, 即刻唔敢望佢。

去左ＣITY 到等潤潤,, 買野俾媽子。
返到屋企,, 餓到痴線ＬAR!!!
我打從１2 點食果餐早餐加午餐之後都冇食過野。
但成身立痴痴,, 唯有沖左涼先
點知一出唻,, 俾我見到,, 張檯上面...
一碟苦瓜.. 一碟俾人「抄」過ＧE魚...
苦瓜我唔食,, 條魚仲要咁醜...
完全都剩返排骨冇分別,, 只好... 唔食ＬA..
雖然肚餓.. 但ＤADDY媽子都唔理人ＧE
午餐食公仔麵,, 我唔想再食呀.. 算ＬA
怒飲水.. 好肚餓呀,,
就咁到左１1點,, 媽子終於發現我ＧE 存在
「煮麵俾你食丫...」
我知我唔應該發嬲,, 但我只係好嬲咁ＳAY左聲ＮO就閂門唔理佢
唉... 我真係好肚餓嫁嘛,,
我知我好衰好任性,, 咁樣發媽子脾氣...
但我真係,, 考完個試已經勁失落,, 仲要冇人理
係由頭到尾都冇人理下我... 好慘呀..
踎底係地下畫圈圈過世算ＬAR...

終於等到佢地睇哂佢地想睇ＧE 野
我可以行出客廳睇電視
ＤADDY又唔俾人睇,, 放假喇...
成日都係咁,, 自己要訓就全家都要訓
理佢咁多丫,, 衝左出去睇錄左ＧE 心靈感應
原來大結局,, 先得果１0 集咋痴線...
又係喪喊ＬOR.. 真係好好睇呀!!! 個配音真係好掂!!!
個大結局好正呀...
上網睇先知原來男主角叫小田切讓,,
眼係覺得個名,, 好熟耳... 唔知呀
正呀!!! 好睇呀!!!!
遲Ｄ等阿蒙做完可以睇水著少年２呀!!!ＹEAH!!!

係呀,, 今期ＹES!有講小池呀,,ＨOHOHO...
好靚仔... ＸD"
乜ＦIONA俾人傳係ＬES嫁???
真係唔講唔知喎...

>>May 14, 2005 at 3:52:09 PM GMT+8

2005 年 5 月 11 日 星期三 【微雨】

無緣無故做左ＶIP ???

今日無程程有人打唻...
個人話咩我個ＦD 係個咩健身室到做左ＭEMBER
於是寫左我做ＶIP.. 叫我去拎張ＶIP咭
我都唔知咩事,, 仲要間野又唔係細野喎
係ＣALIFORNIA ＦITNESS ＣENTER喎
一心以為果個「ＦD」係潤潤ＬA
咁咪一路聽果個人係度講ＬOR
佢又話咩錢都唔洗俾,, 只係上去拎張咭咁大把咋喎
同佢傾完就即時打俾潤潤ＣONFIRM ＬA
佢竟然話佢冇ＪOIN過Ｄ咁ＧE 野!!!
ＧOD!!! 咁究竟乜水隊我做ＶIP??!
但部電話唔係我個名登記,,
如果佢係ＲANDOM咁搵我個電話
冇奶油會打唻嗌我個名嫁喎...
我眼係覺得俾人玩ＬOR..

返到去,, 等左陣ＥMILY就唻左
我又冇幫佢Ｄ乜,, 剩係睇住佢溫書咁ＬOR
我一尾係度睇《小偷，守得雲開》勁鍾意淳一
勁型喎,, 邊到有賊仔好似佢咁型嫁...

食埋個飯,, ＥMILY就溫多陣,,
到左十點倒佢就走人ＬU...
我就展開上網之旅~
ＹEAH!!! 樂樂整俾我個ＩCON好鬼靚呀!!!



好多謝你呀!!! 我超鍾意呀!!!
原來李炳好多蚊,, 我都係小心好Ｄ...

水母原來去北海道,, 唔知有冇手信呢
不過同佢不大熟,, 問佢拎好似唔係幾好
去屋企人去,, 我諗都幾開心
又唔洗度住度住Ｄ錢銀嘛~
不過我都係時候學自立嫁喇...

>>May 12, 2005 at 4:50:20 PM GMT+8

2005 年 5 月 11 日 星期三 【微雨】

有 夠 無 聊 . . .

我跟我的朋友...
擁有不同的優點...
與缺點。

**ＣASE 1
＋眾﹕「卡文對腳真係好白,, 又滑,, 又冇疤....」(充滿羡慕眼光...)
－ＪAY﹕「唔滯呀!! 唔同卡文游水呀!!! 會被比下去 ＧE... =﹏="」

**ＣASE 2
＋ＥMILY﹕「阿娟佢好斯文呀,, 我見佢成日好靜咁係度諗野...」
－ＪAY﹕「好驚嫁,, 有時阿娟呆左係度,, 好似靈魂出竅咁...」

**ＣASE 3
＋ＣK﹕「ＪAY真係好勁,, 唱低音好掂... 」
－調查員﹕「先生你好,, 我地係ＸXＸＸ電話訪問....」(ＪAY已經怒ＣUP線!!!)

**ＣASE 4
＋眾﹕「ＣK 係靚聲王!!!」
－ＪAY﹕「... 你把聲同林一峰好ＭATCH呀...」

................................
優點,, 隨時變缺點...
但只有在朋友的眼中...
朋友才變得如此特別,,
ＹEAH!!!!...

>>May 12, 2005 at 4:45:47 PM GMT+8

2005 年 5 月 10 日 星期二 【微冷】

龍一好靚仔呀!!!!

ＨAHAHA,, 一連兩ＤAY ＧE 活動由今日開始!!!
今朝遲左勁多先起身,, 最衰都係琴日絕情谷果個ＰK ＭANSON!!!
好心ＬA.. 男人之家咁鬼小氣,, 乜都覺得唔抵!!!
女朋友大左肚,, 你又唔知係咪你ＧE,,
一口咬定係人地ＧE,, 洗唔洗呀,,
又話俾佢生,, 但又要人地驗ＤNA
咁如果真係唔係你ＧE.. 咁你係咪要左個仔先
就咁冇左個小生命喇,, 賤人!!!

越聽越慶!!! 加上琴日又有訓晏覺,, 完全訓唔著咁滯
仲要發左個.. 好嘔心ＧE 夢,,
只係記得,, 同阿娟ＣK 仲有卡文同家寶一齊係個樓梯行
明明係室內,, 突然有Ｄ雨絲喎
我一話「ＥE?? 落雨??」突然成ＰAT野落左係我同ＣK 身上!!!
原來係上面有人嘔!!!! 勁嘔心!!!
仲要係成班死飛仔!!! 係度喪笑喎!!! 激死!!!
一起身,, 我都唔知做咩.. 心理作用掛
起勢聞下自己個身係咪有陣嘔野味...

就咁,, 精神滯鈍ＧE 情況下遲左起身,, 好彩都睇到《心靈感應》。
其實我想講呢套劇好耐嫁喇,,
因為佢就係我之前提過ＧE《被偷聽的人》ＧE 劇集版。
算ＬA,, 我諗好多人都唔知我提過嫁喇。
個故事真係好吸引,, 睇到人好開心。
可能因為心事俾人聽到,,
男主角ＧE 個性被描畫得好單純,, 好可愛。
睇呢套劇成為左我起身後ＧE 唯一消遣。
好正呀,, 而家先第八集就已經講到佢阿媽有病喇,,
咁咪好快完???

最衰都係個死人張君寶,, 又唔快Ｄ去搵思容喎
搞到我遲到,, 好心急嫁嘛...
死ＬA.. 都唔知今ＤAY係咪大結局... Ｔ＾T

衝住咁跑去搵阿娟ＬA..
死蠢ＧE 我竟然.. 唉~ 總之好鬼魚ＬA...

買埋飛入左場...
講真,, 唔係為睇Ｄ乜,, 真係純粹為左奧蘭度個樣咋。
有靚仔邊個唔想睇丫...
果Ｄ斬人呀,, 殺人呀,, 插人呀,, 我已經盡我能力忍住唔嗌嫁喇
唔信問阿娟,, 我最多「摺」幾聲嫁咋。
真係好嘔心,, 一唻就整個斬頭... =﹏="
搞到我滴哂汗... 好嘔心
ＣK 真係冇講錯,, 個女主角真係好醜!!!!
搞咩呀,, 同木馬屠城記個ＨELEN一樣咁醜。

睇完戲去左搵卡文,,
發冷呀我,, 著住件褸唔肯除..
唯一ＧE 解釋係,, 我太愛綠色喇...ＸD"""

去左新華,, 係新華呀ＣK...ＨAHAHAHA
成日都講錯,, 係唔肯ＵP 新華嫁喎
交埋個尾數,, 睇住個肥仔來回幾次,,
係ＧE.. 肥要做多Ｄ運動。

卡文趕住去見工,, 我同娟又係度ＨEA...
等時間過呀,, 佢要去ＯRAL嘛...
去到綠楊豐澤,, 俾我見到,, 見到.......
佢地竟然播ｗ-ｉnds. ＧE ２004 ＴOUR ＬIVE...
幾驚嚇呀,, 環視四周,, 裏面ＳALES全部都係阿叔級人馬...
估唔到阿叔都ＡRM ｗ-ｉnds. ...
最重要唔係呢豎,, 仲要佢播緊ＧE 係 ＥNCORE果度
大ＫEI 係度怒扯自己件衫果度呀!!! 睇到我幾爽呀!!!
[眾﹕你痴左線牙????]

冇幾耐,, 又係荃豐搵返卡文...
ＨAHAHA,, 講到好似汁返個仔咁添...
之後去左千色店睇玩具,,,
激死,, 阿娟汁起個豬耳繩叫我戴去ＧRADIN
講起ＧRADIN真係人都癲呀!!!
查實我都仲諗緊,, 著褲好定著裙好...
你咪話我諗得早呀,, 話說Ｆ.5就真臨先諗
搞到亂禁塞左Ｄ衫上身就算數,, 簡直亂唻。
我夠想著裙ＬA,, 奈何果日大家都著裙
我對.. 豹紋腿真係唔係幾好意思ＳHOW出唻ＬOR..
加上我又唔係愛靚唔愛命果挺人,,,
你要我著絲襪,, 咁熱,, 不如叫我去死。
唉~ 其實都係未知之數,,
可能到左果日我又會著住絲襪出場...
你知ＬA... ＷOMAN ＩS ＦICKLE嘛...
所以,, 我都唔知!!! 唉~ 好煩!!!
我對於成身ＧE 脂肪...
我對多毛手,, 火山口團積地咁ＧE 面
仲有豹紋腿真係,, 冇野好講。

睇到ＴHE ＩNCREDIBLES就諗起ＫAYAN
今ＤAY係佢生日喎,, 唔知佢點呢,,
查實都諗到佢唔會開心得去邊嫁喇...=﹏="
見到個銀包好想買呀,, 好靚呀~
不過而家個銀包用唔夠一年,, 做人唔得咁嫁嘛。
好,, 要令佢ＷORTH Ｄ... 我要用耐Ｄ!!!

送左阿娟去巴士站,, 我同卡文就返屋企ＬU...
你都咪話我唔好彩!! 我嚮巴士站唔記得左嗌站
於是去到吉之島先落車,, 一落車,,,
俾我見到王承馨呀!!! 琴日又俾我見到郭力行。
係呀,, 我仲要係學校門口撞到郭力行。
佢又望住我,, 唔通佢想我衝上去問佢拎簽名??
定係喪尖叫「郭力行!!!」.. 但我都冇咁做ＬOR...
就咁行過算數ＬAR... 睬佢都傻。

返到唻睇左陣小說,, 好鍾意淳一呀...
做賊做到佢咁醒咁勁,, ＬIKE IＴ!!!
睇完,, 食埋個ＤINNER就入左唻上網。
去左Ｗ-ＬOVE... 見到ＡRENA ＧE 龍一!!!
好靚仔呀!!! 超爆靚仔呀!!!
我一路對住個ＭON叫左幾十次「好靚仔呀」
嚇到我媽眼都凸埋,, 仲話我痴線...=﹏="
千葉寶貝嚮ＰATI PATI都正ＬA... 靚仔都丫..

好驚呀,, 頭先ＣK 同我講ＳORRY呀...
我好驚呀.. 我以為咩事...
你知ＬA,, 多數做錯事果個係我,, 認錯多ＧE 都係我
所以我都唔慣人地同我講ＳORRY,, 好似犯左罪咁...
總之好怪ＬA...

好開心呀,, 又同糖糖玩果Ｄ果Ｄ野ＬAR...
我諗係得糖糖先會同我癲,,,
但.. ＸD... 好開心呀!!!
ＨIROKI~~~＞３< "

>>May 11, 2005 at 3:58:54 PM GMT+8

2005 年 5 月 9 日 星期一 【微雨】

七乙人... 散沙

頂!!!! 真係火都唻埋。
我班ｄ人究竟死哂去邊呀???
拍拖大哂牙?? 返工大哂牙???
我唔信上一上個網,, 打果幾粒字要用佢地幾多時間ｌor。
仲要俾我見到ｄ人,, 一日廿四小時７-1１咁ｏnline
但就係唔肯上下７B個網到俾ｄ意見。
好野!!! ｄ人真好野,, 我都唔知俾咩反應好。
留言果度搞到我同娟好似唱雙簧咁,,
佢講完到我講,, 我講完到佢講
見到翎翎ｄ留言簡直喊出唻咁滯。
我地班終於有人得閒理下我地。

琴晚同佐治傾電話,, 知道好多人都唔去畢業典禮。
ｓhit.. 唔好玩ｌa..
今日聽ｃk 講,, 佢地班好多人去..
唉~ 我同ｍiss ｔse講話我地班冇乜人去畢業典禮
佢即刻叫我急ｃall ｄ人去...
咪玩ｌa.. 我ｄ號召力完全等於零,, 甚至－vｅ添呀!!
同佢地講十次都唔理人ｇe.. 佐治就唻俾人話佢煩嫁喇。
日叫夜叫叫佢地上個網都唔睬人...

心都淡哂,,
我又唔係想話ｆanny,, 但我唔明...
負責美術ｇe 人死左去邊?? 點解ｄesign 板面會要我做??
咁我都明白,, 我都死左去整２個ｓample 出唻
之後無ｌala 又會變左黑柴去叫我做野
我又唔明喇,, 咁當初我地揀陳ｏ做同學錄負責人...
佢死左去邊?? 果時又話信佢就俾佢做
好ｌa,, 信佢喇,, 咁請問佢去左邊??? 做緊ｄ乜???
而家亂七八糟,, 係咪應該出唻講句野呢
明明黑柴係冇ｐost ｇe.. 我又要聽佢ｏrder.. 真係令人費解。
ｆanny又唔知係咩ｐost,, 無ｌala 又好似負責哂同學錄咁
講真,, 呢ｄ真係要分明。
如果唔係當初我選陳ｏ做乜?? 搞咁多為乜??
究竟而家有幾多人真係做緊崗位上ｇe 野???
如果唔係跟足指示做,, 之前一切一切
佐治咁辛苦係度分ｐost又係唔知為乜ｌor...
自問同阿娟都盡左做記者ｇe 本份囉
但換取返唻ｇe 又係咩呢...

叫我地做記者即係果幾板ｇe 老師訪問就係我搞嫁ｌa
黑柴又好似幫我地諗好哂咁,,
唔知點解覺得個ｆeel好奇怪。
根本大家都唔相信大家
你又想我跟你ｇe 做法,, 但我都有我自己ｇe 諗法。
如果你係俾我做記者,, 就俾我搞ｌa...
我同阿娟ｇe 辦事能力未去到咁低掛。

我終於明白點解之前係班上面
一路問大家意見都冇意見
原來有ｄ人真係懶到咁,, 連自己個板都唔想畫
再過幾個月就係大學生~
但就連負責任都唔識...
我地冇義務去幫你嫁=﹏="
唉,, 呻完感覺仲差,, 都唔知為乜。

>>May 10, 2005 at 3:38:50 PM GMT+8

2005 年 5 月 7 日 星期六 【陰】

幼稚？?？

頭先响糖糖果豎玩左個測試精神年齡ｇe東東...
激死我！!！
我記得之前都有玩過嫁,, 個精神年齡都三十幾。
今次？! 得果２2 !！!

＊鑑定結果
　您的精神年齡22歲
　與您實際年齡差3歲
　幼稚度８8％
　成熟度１2％
　老化度１3％

激死我喇！!！ 我都叫幼稚？?
我不知幾成熟呀！!！
痴根嫁... 仲要成８8％幼稚度...
我唔係咁嚴重呀ｆa...
大家都去ｃheck下啦...

ｕrl﹕http://makibao.no-ip.org/age.htm

>>May 8, 2005 at 7:29:24 AM GMT+8

2005 年 5 月 6 日 星期五 【微冷】

奀媽來襲!!!

今日真係前所未有咁悶呀！
成ｄay都對於部電視，連入間房都冇入過。
因為奀媽唻左，媽媽將陪奀媽的責任就推左俾我。
一朝早遲過奀媽起身我已經勁唔好意思。
醒果時一聽到廳到有ｄ聲，知奀媽起左身咪即時起身洗面刷牙。
哇，原來先果九點幾，都唔知點捱。

早餐佢又食左，我就沖左ｄ麥皮食。
奀媽都冇乜野，普遍ｄ老人家都好奀皮。
佢又有曳嫁，但都唔會話煩到我ｇe。
最好笑係佢唔識用個電話，死都唔俾我幫。
真係好可愛ｇe 老人家。

都咪話我唔孝順，我成個晏晝真係房都冇入過。
同佢直落一路睇電影台，睇到眼都冤。
好彩中段時ｄ時間佢話累，去訓覺。
我即時撲去窗台到望風景。
成日咁睇電視，真係近視加深幾百度呀。

老人家真係好多人鍚嫁，我姨丈係３點幾時又拎左ｄ下午茶唻。
講真，真係食龍肉都冇味，冇胃口！
唔知呀，可能成日係屋企吽，所以冇乜胃口。
但奀媽又死ｌur住我叫我食，我好無奈咁ｄap左兩淡。
哇，甜耶耶... 好難食呀！

之後電視時間仍然持續，我都未試過咁樣睇電視。
一味去到五點幾，佢再訓，我就仆左去電腦果豎。
做咩？一路諗緊同學錄果板野呀。
整得超核突呀我！廢時ｌa,, 俾人話係成本最嘔果張就廢時ｌa。
整完一張又一張，都唔靚，ｄelete 哂咁滯。
於是轉頭去做ｂanner同ｉcon喇。
仲要整三文魚ｂanner 俾樂樂。
我仲整左好多好無聊ｇe ｂanner添.. 真係幾低能。

整下整下，媽媽就返左唻，帶埋奀媽去探姨婆。
終於都一支公係屋企ｈea下。
一諗起晏晝食果ｄ甜品，我即刻係屋企痴根咁起勢跑呀跳呀。
ｅe!!!! 唔想再肥呀!!! 我見到我個死人肚腩就想打人!!!
點算呀!!! 真係減唔切我就真係收擋喇!!!
果時又話ｇradin要著到點靚點靚，而家真係摺埋彈開啦!!!
唉... 發洩完喇。

睇埋個優秀選，掂呀!!!
ｈins真係超掂!!! 簡直係靚聲王。
香港真係冇乜邊個ｇe ｌive可以咁好聽。
終於領教果首「我們仨」,, 好難聽...
個人感覺姐,, 好普通,, 好難聽。
ｆiona好聽幾百倍囉。

ｄaddy返到唻,, 好煩呀佢!!!
成日問長問短!!!
可能係我偏見ｌa.. 佢一係我睇電視時搞我我就好唔妥囉。
算數，咩電視我都冇所謂。
但佢竟然係我睇鋼鍊果時搞住哂。
ｅe... 如果唔係配音難聽我都懶得聽日文。
聽日文又要追字幕，佢又係隔離嘈嘈閉。
老豆真係唔識ｄo。
仲要係奀媽面前投訴我!!!=﹏="
之後我就一路睇，一路聽住佢２個係度唱雙簧...
我真係火都唻咁滯... 激死我。
算ｌa... 聽日母親節，放過老豆一馬。
母親節關佢咩事??? 緊係關事ｌa。
媽媽開唔開心都係睇佢識唔識ｄo嫁咋。
睇你喇，老豆!!

頭先簡直係驚嚇，睇完鋼鍊諗住入唻打ｄiary。
點知，我一路以為老豆係洗手間，原來佢係我張床到訓覺!!!
我即刻衝左出去同媽媽求救... 好唔開心呀我。
佢... 佢訓住我個巴斯光年，踩住我ｄ ｍelody呀!!!
佢仲壓住我個ｍp3同埋我個電話呀!!!
老豆正衰人唻嫁!!!!
成日蝦我!!! 仲要訓我張床!!! 激死我!!!
可能發癲過度，頭先一路打ｄiary一路係度呻。
佢聽到喎,, XD"
即刻彈左起身﹕「得得... 訓廳訓廳。」
XD" 老豆真可愛...

聽日母親節，祝願天下母親ｇe 仔仔囡囡都咁乖。
好似我咁乖就ｏk 喇!!

>>May 7, 2005 at 3:52:09 PM GMT+8

2005 年 5 月 5 日 星期四 【微雨】

終於...
終於俾我搵到你喇...


>>May 6, 2005 at 3:37:21 PM GMT+8

2005 年 5 月 4 日 星期三 【微冷】

看到我想吐...

◤色慾少年地鐵後梯打野戰◢

【東方日報專訊】人跡罕至的地鐵站樓梯，竟成血氣方剛少男少女偷歡「性地」！一名十六歲中五男生，洞悉炮台山地鐵站近緊急出口樓梯位置渺無人𤂌，於放學後光天化日下，帶十二歲就讀同校中二的女友往該處非法性交，女友因意外懷孕誕下女嬰而揭發。他被捕獲准保釋期間，再在無避孕下與另一名十二歲女童在屋擥後樓梯性交。涉案男生昨日在區域法院承認兩項與十三歲以下女童非法性交罪，法庭將案押後至五月十三日量刑，以便為被告索閱報告作參考。

據案情顯示，首案事發地點為炮台山站內近緊急出口的樓梯，該處沒有裝設閉路電視，地鐵職員每日僅會往該處巡邏兩次。據負責調查的警員透露，該樓梯分為多段，每段之間有平台相，
被告是在從大堂步下的第三段樓梯後的平台犯案，期間沒有被人發現。案情透露，前年十月，正讀中五姓莫的十六歲被告，在校內結識讀中二的十二歲女童甲，後兩人來往甚密，被告曾多次到訪女童甲寓所，女童的父親曾警告他倆不可有親密行為。去年二月某日下午三時許，女童甲下課後欲乘地鐵返家，在炮台山站內遇上被告，被告便帶她到事發地點親熱並性交。

與另一12歲女童打真軍，去年十月，女童甲的家人帶她見皮膚科醫生時，得悉她已懷孕。經檢查後，證實她已懷孕八個月。女童甲數日後把真相告知父親，再報警求助。被告被捕後，否認曾與女童甲性交，但女童甲十二月誕下女嬰後，憑DNA測試證實女嬰父親為被告。

被告獲警方准許保釋期間，經友人介紹下，於去年十二月結識了讀中一的十二歲女童乙。今年二月十六日，被告邀女童乙陪同往外婆位於幸福擥的寓所取物，惟外婆不在家，故被告將女童乙帶往後樓梯處，在無避孕下與女童乙性交。女童乙事後深恐成孕，告知老師及報警。

法官拒信被告智商低貪玩

辯方求情稱，現年十八歲的被告，原有一兄長，但其兄於十一歲時去世，其父又拋妻棄子，自此失去父愛，母親要賺錢養家和進修，未有給予被告足夠管治，被告也因智商較常人低而有學習困難，當日僅因貪玩而與女童甲在地鐵站內性交，辯方呈上被告母親、朋友及社工的求情信，以及校方證實他有學習障礙的信件，望法官輕判。

暫委法官陳慶偉禁不住質問：「o係地鐵站內與女童性交只係貪玩？」亦認為被告在正常學校唸書，不相信他有智商問題期間，也索閱兩名女童的社署報告。

警方透露，兩名女童仍在學校讀書，女童甲誕下的女嬰由社署代為看管。

>>May 4, 2005 at 4:36:20 PM GMT+8

2005 年 5 月 3 日 星期二 【綿綿細雨】

訪問的第二天

今天比昨天還要遲上學
因為約好了ｍiss ｃhau 第四堂
回去後便到二樓找ｍiss ｃhau
成功的在ＭMLC完成了訪問
只是沒想到ｍiss ｃhau原來是香水專家
對於香味的研究可是十分深入
不由得令我跟阿娟目瞪口呆

後來在自修室待了一會兒
除了那小胖之外，那兩個女的根本不是溫書的
我跟阿娟大無私樣的聊起來

不一會兒，便到飯堂待了一會
在那兒碰到翎翎跟阿鼠
她們都在為明天的考試奮鬥呢
而我已經在為同學錄而忙錄了

明明約好了楊ｓir今天一同ｌunch
誰知等了好一會兒他都還沒到
原來他在愉景教排球
於是我倆便走到愉景跟他會合了
雖然難找位，幸有阿娟一雙利眼
我們很快便找到位子了

很豐富的午餐，但菜跟菇卻佔了一半
順便減肥，半碗飯沒吃
以高速跟楊ｓir一起徑步回校

回校後第一時間去找朱ｓir
被他騙了，在圖書館等了很久
終於他也來了，我們便火速跟他來個訪問
只是沒想到他跟ｍiss ｔse一樣長氣
當初跟我們說沒空，只給我們十分鐘
誰知聊個沒完沒了的是他
只覺得我們在跟一個自信心十足的人聊
他的本事實在令人讚嘆

跟朱ｓir訪問後便到方ｓir
但在找方ｓir時剛巧碰到城城
先跟城城做訪問
我就沒猜錯，跟他做訪問一定有糖吃
布丁綿花糖很好吃，好吃的東西一定肥
行了，我知道了，吃了一粒便收口了
城城真是與眾不同
之前跟每個老師訪問時，我都得把ｍp3放近他們
但城城渾厚的聲線，我恨不得把ｍp3放得遠遠的
翻聽訪問時，還差點爆耳膜

以高速完成了城城的訪問後，我們走到五樓找尋方ｓir
方ｓir... 真是童心未泯
他兒時的事實在有夠好笑
惹我跟娟笑得前伏後仰

最後，終於到楊ｓir了
但他真的很忙，我跟娟明白
在Ｇ03等了好一會兒，楊ｓir終於也來了
順利ｋo了今天最後一個訪問

在校門外還碰到阿ｙip
胡說八道一番便跟阿娟回家去了

回家後都在努力訪問的東西
要知道把說的變成一寫的是一件很難的事
尤其面對朱ｓir的訪問，我更是束手無策

努力了好一會兒，很累了
之後在努力設計著屬於我的那一頁
我設計得很白痴呢... 有點噁心
我好像跟粉紅色不大配嘛
ｄamn，放棄了
繼續看我的《三色貓歌劇院兇殺案》吧。

>>May 4, 2005 at 2:58:25 PM GMT+8

TVXQ - Love is... 廣告 讀者留言 |  路人留言   | 唐生d歌真係好好聽law! *v >>February 17, 2009 at 12:13:16 PM GMT+8 D故事可以向邊睇到架? >>February 17, 2009 at 6:12:33 AM GMT+8 今日條賤人聽到有學生要考TPC >>February 12, 2009 at 5:12:05 PM GMT+8 今日向日經被放逐一個半鐘頭睇紅白 >>February 10, 2009 at 4:11:56 PM GMT+8 我地ward都一樣有歧視scho >>February 4, 2009 at 4:35:50 PM GMT+8 仲有一日假期就完 <br>好好享 >>January 27, 2009 at 3:03:13 PM GMT+8 個老闆娘唔係話 <br>"唔怪之 >>January 2, 2009 at 3:54:16 AM GMT+8 jj，你有冇睇錯? <br>我冇 >>December 9, 2008 at 4:48:34 PM GMT+8 我o個人講野，真係咁有智慧??! >>December 4, 2008 at 5:47:17 PM GMT+8 The new hair sty >>December 3, 2008 at 2:33:29 PM GMT+8 哈哈哈哈........ <br >>November 8, 2008 at 2:14:08 PM GMT+8 I can't imagine >>October 30, 2008 at 6:24:29 AM GMT+8 JJ, <br> <br>我地今 >>October 11, 2008 at 5:05:15 PM GMT+8 你應該做埋代購 <br>隻隻扣都 >>September 21, 2008 at 3:56:14 AM GMT+8 TMH... 哈哈哈哈哈哈... >>September 8, 2008 at 5:58:18 PM GMT+8 哈哈 <br>你側邊d相我試過停 >>September 5, 2008 at 7:03:42 PM GMT+8 絕對同意... <br> <br >>August 11, 2008 at 10:06:33 AM GMT+8 wa... <br>原來你首 b >>July 24, 2008 at 11:27:15 AM GMT+8 JAYJAY，估唔到你會去我XA >>May 22, 2008 at 11:49:07 AM GMT+8 ME too... <br> < >>April 29, 2008 at 8:50:51 AM GMT+8 如果 <br> <br>我唔理大 >>January 30, 2008 at 4:48:50 PM GMT+8 無他既... <br>鬼叫o個個 >>January 28, 2008 at 7:55:04 PM GMT+8 我今日都係咁溫日文呀... <b >>November 27, 2007 at 4:51:38 PM GMT+8 你無事嗎?傻婆!!我同你都經歷過 >>November 7, 2007 at 7:40:51 AM GMT+8 都唔好玩既,俾你估到我係邊個ti >>October 2, 2007 at 3:57:18 PM GMT+8 雖然入迪士尼好似用錢買快樂 < >>October 1, 2007 at 1:34:32 PM GMT+8 真係無諗過...好耐無睇過你日記 >>September 28, 2007 at 3:42:49 PM GMT+8 真係對唔住呢... <br>我諗 >>September 7, 2007 at 3:45:37 PM GMT+8 買呀!年票係今年必買呀!!! >>September 1, 2007 at 4:45:01 PM GMT+8 錢錢? <br> <br>哈哈哈 >>August 27, 2007 at 12:12:02 PM GMT+8 ar~ 我見到la 【私奔到月球 >>August 21, 2007 at 12:18:50 PM GMT+8 hi jj~ 路過的 你blog >>August 21, 2007 at 12:14:33 PM GMT+8 halo, jj~ <br>so >>August 7, 2007 at 2:15:00 AM GMT+8 今次bg 好靚呀!!! =] >>July 31, 2007 at 6:03:31 PM GMT+8 真羨慕你有個快樂placemen >>June 25, 2007 at 5:57:59 PM GMT+8 jj,知道anna係好人真係令我 >>June 21, 2007 at 3:59:13 PM GMT+8 Jayjay <br>加油呀~ >>June 12, 2007 at 4:21:55 AM GMT+8 你去student page 咪 >>June 11, 2007 at 5:45:25 AM GMT+8 今日search自己個名 <br >>May 29, 2007 at 7:20:26 PM GMT+8 幫我整個logo阿!!得吾得>? >>May 3, 2007 at 1:47:07 PM GMT+8 哈哈哈 <br> <br>有咩唔 >>May 2, 2007 at 4:44:46 PM GMT+8 Nevermind ar! BA >>April 17, 2007 at 3:43:42 PM GMT+8 起碼o係我唯一一次叫到你地泥睇之 >>March 30, 2007 at 5:28:29 PM GMT+8 第一次留言。 <br> <br> >>March 9, 2007 at 6:01:34 PM GMT+8 我唔番學係因為我連企起身既能力都 >>February 13, 2007 at 7:15:06 AM GMT+8 咩心事呢... <br> <br >>February 5, 2007 at 7:12:18 PM GMT+8 你睇套DRAMA 咁多混合體既. >>January 15, 2007 at 6:40:20 PM GMT+8 SZE2 在看jj 日記 <br >>December 13, 2006 at 4:46:47 PM GMT+8 竟然俾vava旱我一步讚你個ba >>December 13, 2006 at 4:29:51 PM GMT+8 好靚呀! <br> <br>但係 >>December 12, 2006 at 4:47:19 PM GMT+8

人氣: 72254

Design & Scripting by ShowHappy.Net