2003 年 11 月 8 日 星期六 【晴】

今個星期又是一個勁灰的，因為科math 113的關係，本來以為自己考得唔錯，但出來的結果是強差人意，全完接受唔到，唉................，無奈加勁唔開心，又再次自己一個走左去游水，頗喜swimming ，一個人潛到水底的感覺很好。
今個星期無回家，因為elec 有個堂要上，而且星期一就是math 100 的midterm ，一科自己勁無信心的一科，看住本書就想訓，但我知我唔好再係咁。
今日發白日夢時，突然想到失敗並不可怕，失敗了後就立不來先可怕，我甚麼都沒有，唯有一份信心，入了大學很容易就忘了自己的理想及信念，我要堅持啊，就算最後的結果是什麼，也不要緊，因我相信我一定得。
入世同出世，我既然選了入世，我就不怕自己執著，容我任意地去沉迷，讓我有一個不醒的夢，縱然是不理性的亦不要緊。

>>November 8, 2003 at 7:35:40 PM GMT+8

2003 年 11 月 5 日 星期三 【晴】

近來的心情都不是太好，應是因為考得唔好掛，我都想在final 追回來，但只怕有心無力，科科都話要追，唉..............
比個lab8 玩死，寫到會當機，我估我都幾勁。
差不多cut 晒自己課外活動，勁做摺人，但還覺唔夠用，
上個星期四，有個朋友來探我，本來想先到鑽山石，買番份生日禮比佢先，點知佢比我早到，咁唯有當接佢來科大啦，參觀了我個room，拍了些照，遊覽科大會，我就去了上堂，佢就去了拉巴，最後幫佢借ｄ書，就送佢走。
上個星期六日去了配了眼鏡，本來想配膠架，但好似大成熟，最後都只是半邊的，又到了中銀取禮物，有個新袋用，都幾好。借了ｄ書。
暫住我家的表姐終生了啦，看住佢個肚好大好大的。



越是想做好一件事，就會緊張，患得患失的感覺，令人每一刻都不能放鬆，我又開始失眠啦，最怕就是失眠，尤其明天有勁多堂要上，己經叫自己ｔａｋｅ　ｉｔ　ｅａｓｙ，道理我知好多，亦想到很多，但自己卻做不唔到，看來理性同感性之爭，暫時都感性為先，我真是不知如何在這者之間取得平衡。真不是想任何事也是理所當然。唉．．．．．．．．．．．


>>November 5, 2003 at 8:04:18 PM GMT+8

2003 年 10 月 16 日 星期四 【晴】

又過一陣無寫日記了，今個星期都發生很多事，考完個elec102，就只得一句盡人事，聽天命，星期六日，就參加了長春社攪的綠色導賞員的計劃，當中都學了唔少野，看到好多樹同烏，但都無左好多時間，星期六食左餐勁貴的午餐，星期日最攪野是兩個人乘車都會過站同見到一對幸福的小戀人，星期一就要math113的test ，自問考得唔錯，但原來勁多人full mark，現在有點怕，星期二是不幸的一日，炒了個phy002，人人都話易grade ，但.....唉.......灰了一陣，個晚差唔多無訓，因為要趕功課，更甚是個lcomp lab program ，我寫到七點幾都寫唔好，又好灰，唔理，去訓，星期三早上十點幾被電話抄醒，訓了三個多鐘，但個program 改了少少，就run到，開心死，勁興奮。
今日星期四，去了bu 度探個病了的christine，隨手取書去還。bu 的食堂的食物便宜同好食，唉.....。 去到個hall ，真是好嚴格，不像科大。個room又是勁靚，表演下魔術同拍下照，我就走了，回到科大還書同上堂，今日是我第一次走堂，雖然果堂我就算去上都會訓，但走了的感覺總是怪怪的，下次我應該唔會再走堂，我信自己。
　看見朋友們都好緊張自己的學業，自已雖然都摶，但明白天資所限，有些事是勉強不來的，問心無愧就算了。
　越來越想了解自己的過去同想法。看來我又要回到過去．．．．．．．．．．

>>October 16, 2003 at 7:27:23 PM GMT+8

2003 年 10 月 8 日 星期三 【晴】

　　今晚又溫到三點幾，但還有很多未溫，今日己經無去學詠春，但ｄ時間都唔夠用。
　　昨晚是檸茶的生日，可惜我都是無時間去同佢慶祝，真的有點唔好意思，個晚最終都去了看ｍａｇｉｃ　ｓｈｏｗ，又是好多勁人表演，我自己都想學ｄ魔術，覺得有點意思。但都幾難搵到人教。
　　近來都是忙，連比自己發白夢的機會都無，看見身邊的朋友都好努力去溫書，自己都好大壓力。不知不覺己經是秋天，開始涼，自己亦開始多愁起來，無意中看到自已以前在另一個網站的日記，令我回憶又重現出來，那種感覺亦又一次出現，尤其知道又有朋友散了。
　　好想睇　”戀之風景”　，特別是聽緊林嘉欣唱時，好好聽，亦好感人，氣氛完全是我喜的感覺。



>>October 8, 2003 at 7:56:14 PM GMT+8

2003 年 10 月 4 日 星期六 【晴】

近來因為快要考試，時間極度唔夠用啊，好多功課同書要溫。
前幾日出門口時，被個門夾到隻手指公，好痛，成隻紫左，好鬼得意。
星期六早上五點就成身，因為回故鄉掃墓，行出科大時，個天好黑，還以是夜晚。
果日就勁多人番，架火車去到九龍塘就滿了，直到羅湖，但中途，好多賤人用力迫上車，有人更下不到車，要遲幾個站才下到，無奈。
今年掃墓就舒服好多啦，因為搬晒一度有車到的地方，記得以前，上山掃墓就真是上山，好似看戲的，要帶鋤頭，大刀等等工具，遇草剪草，遇樹砍樹，因為沿途都是樹木同草，要自己開條路出來，而且要有好記憶，記住個墓在那兒，因為上年開了 ，今年d 植物又長出來，好辛苦的。今年又不用啦 !
今年是由我抬隻燒豬，今年個隻又是最大的，成百磅，抬死我，而且有車到，但因為勁多車，入唔到去，最後都要自己行段頗長的路。
今次我都有去阿婆個墓，原來有些痛是很長的。
拜完之後，當然是幾家人食同分燒豬，隻豬好多肥啊
而且好多脂肪，吃到成口都是油。
再去埋探阿公，我們就晚上出來啦。

就快要mid term 啦，好忙啊，心情不是太好啊

>>October 5, 2003 at 4:01:40 PM GMT+8

2003 年 10 月 4 日 星期六 【晴】

近來因為快要考試，時間極度唔夠用啊，好多功課同書要溫。
前幾日出門口時，被個門夾到隻手指公，好痛，成隻紫左，好鬼得意。
星期六早上五點就成身，因為回故鄉掃墓，行出科大時，個天好黑，還以是夜晚。
果日就勁多人番，架火車去到九龍塘就滿了，直到羅湖，但中途，好多賤人用力迫上車，有人更下不到車，要遲幾個站才下到，無奈。
今年掃墓就舒服好多啦，因為搬晒一度有車到的地方，記得以前，上山掃墓就真是上山，好似看戲的，要帶鋤頭，大刀等等工具，遇草剪草，遇樹砍樹，因為沿途都是樹木同草，要自己開條路出來，而且要有好記憶，記住個墓在那兒，因為上年開了 ，今年d 植物又長出來，好辛苦的。今年又不用啦 !
今年是由我抬隻燒豬，今年個隻又是最大的，成百磅，抬死我，而且有車到，但因為勁多車，入唔到去，最後都要自己行段頗長的路。
今次我都有去阿婆個墓，原來有些痛是很長的。
拜完之後，當然是幾家人食同分燒豬，隻豬好多肥啊
而且好多脂肪，吃到成口都是油。
再去埋探阿公，我們就晚上出來啦。

就快要mid term 啦，好忙啊，心情不是太好啊

>>October 5, 2003 at 4:01:15 PM GMT+8

2003 年 10 月 1 日 星期三 【晴】

我又嚴重渴睡，今朝十二點幾先起身，好彩今日是沒有指定的活動比自己，但原來自己錯過了一堂社交舞，我竟然唔知道原來星期二就開始上堂，無奈，看來自己都要成日check下自己　ｓｃｈｅｄｕｌｅ，而且要寫多ｄ先得

>>October 2, 2003 at 5:00:57 AM GMT+8

2003 年 10 月 1 日 星期三 【晴】

原來自己都好耐無寫日記啦，可能由於開學時在hall 無電腦 ，就開始無寫，之後就當無左件事，唔知點解，今日好想寫日記，但又覺無野比我寫，所以都是回想番一些舊事。
我九月一日就開學啦，第一日返學的感覺好怪，有點唔習慣，話晒都無返好耐，d 時間不是太多運用，但原來都返了一個月啦，時間真是過得好快，印象最深是我參加了很多的課外活動，先有magic 跟住就是ｓｗｉｍｍｉｎｇ ，又參加理詠春，現在還有網球，多到我都唔夠時間用，功課方面都可以追到，但現在開始覺要溫書啦。
這個月來，我亦開始明白自己原來都幾失敗，無法同別人比，但我知我一定再次站起來，一年的時間，我一定得。
我己經編好我自己的時間表啦，我會盡力去實行的。
同朋友看了 "向左走，向右走"，覺得好有意思，尤其是同這個朋友去看。
　亦都同朋友看了　”大隻佬”，同想像中不同，更加有意思，真的要我去思索，感覺好特別。
　我終於在朋友幫助下，砌左部電腦出來用啦，好開心，好ｌｉｋｅ自己的電腦，當佢仔一樣，而且有電腦用的確方便好多。因為我最近勁ｌｉｋｅ　影相啊，影左好多啊，好好玩的。
但同時又要學寫ｃ＋＋　啦，ｄ　功課有點難，但做完好開心
　個兄弟又要英國啦，前一晚來科大玩，我們燒野食，又燒貝又燒蟹，好搞笑。
　有很多都忘了啦，記得就再寫

>>October 1, 2003 at 6:19:54 PM GMT+8

2003 年 8 月 26 日 星期二 【晴】

終於玩完連續七日的o"camp ，首先是cpeg 的三日 o"camp，跟住就是 hall one 的 四日 o 'camp ，玩到真是好累，時常都唔夠訓，但的確好開心，好值得回味。
第一日 ﹕ 我要提早入科大reg hall 同交學生証，但reg hall 時唔記帶影印本，要hall two 走到library影，走到死，跟住就是分組，同時知道一個好震驚的消息，原來我個組是無組女，全部都是組仔，都好的，成班男仔可以玩開心d，我們要諗口號，又要諗手勢。去到sport hall dance，原來cpeg 的exco 好鬼like con 人，短短一個活動，都ｃｏｎ左幾個人，玩了幾個活動，就去hall four 休息，個晚就跳camp fire，跳得好顛，好勁，出晒汗，玩完就休息。
　第二日﹕就玩orienteering ，個ｓｐｙ好識做咁帶我們走來走去，好快就玩完啦，跟住就到玩水戰，又是一個勁好玩的ｇａｍｅ，成身都濕晒，有五個水ｇａｍｅ都玩得好開心，最後是大混戰，個ｅｘｃｏ比百多人玩。跟住就玩pub night ，同女優之夜，搵ｄ組仔扮女人，好搞笑，好好睇，我最記得是一句「大唔一定有用，但細就一定唔夠用」，我第一次飲咁多酒，個個人都玩得勁顛。慢歌時，男仔就到處搵女仔跳舞，快歌時，就勁跳，可惜全個ｃｐｅｇ都得幾個女仔。
　第三日﹕又是玩集體ｇａｍｅ，我個組本來最低分，但追回，不用給人罰，寫完紙後，我就要到ｈａｌｌ　ｏｎｅ到報名啦，今次我個組終於有女仔啦，而且多個男仔，跟住又要諗口號，同手勢。


>>August 27, 2003 at 2:53:57 PM GMT+8

2003 年 8 月 16 日 星期六 【晴】

昨天個拍擋請食飯，咁我就叫了個三色飯，點知原來全是生的東西，我一向都唔食生野，但朋友請到，又唔好意思話唔食，咪食。之後就同梓健去看錄影帶，再同家豪商討入hall。
回家先知道昨天來多了四個親戚，咁就一齊去食飯，個時己經覺得個肚有d唔妥，食完就更覺
，咁我就先回家休息，都不知去了多少次洗手間，之後更發起燒來，我都唔記得自己有幾耐無病過，昨天真的好辛苦，全身發熱，但隔一會就會打次冷震，最終我整晚都無訓，今朝起身就覺得個頭好痛，就咁樣呆在家一日，好彩今朝個身都無咁熱，但個肚仍然有d痛，而今晚還要學英文拼音，唉............
最近真的不知發生什麼事，任何事都不如意，一件一件壓過來，現在我還病了，看來我真的捱不住啦。

>>August 18, 2003 at 5:20:38 AM GMT+8