2003 年 12 月 5 日 星期五 【晴】

今日是今個sem 的最後一日，又點唔捨得啊，所以每科的最後一堂都拍掌，唔................
，也代表快就final 啦，唉...............。今日走左去申請張信用咭，因為贈品吸引，之後就去抽獎，可惜得個安慰獎，但也好，有得食糖。今日我決定入番cpeg 個soc ，因為我想自己要愛自己個department 才會讀得好，但又要百幾元，今個星期，我可以講，我破產啦................
上完elec 的堂，就回hall ，準備同exhange 的farewell ，大家都玩勁癲，食野時就狂搶，就算有點唔熟，之後就開始con 人啦，由一樓con 到 lobby ，再到 hall one front 玩火車con ，跟住就到d exhange 被人con ，不過佢地都好重，施丹還給我們抬到蚊池...............，玩曬科大的傳統，今日我都見過傳閒的con 法，連衝con 都玩，而且我還是第一個衝，之後就到tutor 被con ，由一樓到三樓，再上七樓，勁啊。
但快樂是要負出代價的，死啦，今晚又溫唔書啦，大件事，我估就快math 都要選擇性讀啦


留言
kinkin ﹕我會小心的，但你自己都要，記住我們之前講過，唔可以再below mean ，我都知你得的，一齊努力啦，支持你啊。但below 就請食飯。
顏﹕留得最多言就是你啦 thx~ ，比心機，一齊努力啦 。

>>December 5, 2003 at 6:26:34 PM GMT+8

2003 年 12 月 4 日 星期四 【晴】

唔知由何時的星期四開始，我就訓到中午，今日亦不例外，FINAL 都來緊，仍是咁懶，無奈。
今日我又知道什麼是機會只存瞬間，錯過了就沒有，還要體驗二次，心有少少不甘，整個lunch 都在想這件事..................................
但想下想，我又覺得騫翁失馬，任何事都兩面，點解自己要唔開心，這個道理我一早就知，但真的發生左，又會當局者迷。
咁又回到理性同感性的問題啦，所以到最後就是會心微笑地唔開心，希望下次我遇到問題能夠不用一個lunch 就能想通。
我越來越覺得同房好好人，有點閃爍得令我掙不開眼睛。好野，我換到M 記個日曆啦，我唔會又錯過的。

剛剛發覺原來我個ICQ 壞了，只可以SEND 出，但就收唔到野，所以如果最近有SEND MESSAGE 給我，而發覺我無回覆，是因為我收唔到，唔好意思，看來要SEND 多次，現在應無問題。


留言
COW 弟﹕我當然知你有看啦! 咁多年兄弟，我都有看你的INFO，但都只是寫給某人的
對於你的要求，經過我深思之後，我諗應.........................唔可以，果幾日我都唔得啊。
顏 ﹕放心喎，我唔會咁易病，反而你自己要小心 。

>>December 4, 2003 at 7:02:40 PM GMT+8

2003 年 12 月 3 日 星期三 【晴】

剛做完math 的功課，跟住唔想溫書就寫日記來當藉口，我怕這個final 我寫的日記都會勁多
天氣冷了，自己又唔小心，又作病，
我諗如果我真的病了，我一定會去投訴，話晒我都用了八十大元去打針流感針，都唔便宜的...
今個sem 的math堂己經完晒啦，這個星期是last week ，咁就一個sem 啦，咁我學過什麼??
學業上不多，反而興趣就好多左 ，為興趣定的目標比學業更多。
大件事，本來定下的溫書計劃，比趕功課打亂晒，又要set 過，但計來，就真的無可能溫晒d 書

>>December 3, 2003 at 6:54:38 PM GMT+8

2003 年 12 月 2 日 星期二 【晴】

今日走了半堂elec，無奈。
終於上完晒lang 堂，但好似無學過野。phys002 的midterm 又出了成績，仍是個mean，同上次一樣，今次好在d long qustion 易同我有抄下，不然就死緊。
之後去了magic的集會，見到很多很ｐｒｏ　的人，自己真是自慚不如，所以未練好之前，我唔再表演給人看，免得掉架，但我有信心我會得，又多一個目標。
今晚又要趕ｍａｔｈ功課　，唉．．．．．．．．．．．
原來真的有人會看我的日記
最近勁愛聽”身外情”


留言
顏﹕多謝你，我識諗的，有事搵人傾的話，一定搵你

>>December 2, 2003 at 7:29:58 PM GMT+8

2003 年 12 月 1 日 星期一 【晴】

天黑了，夜空上微弱地閃著一顆顆的星星，令整個天空也變得虛幻。
每顆星看似都靠得很近，彷彿伸手可觸，但實際卻是遙不可及，
她們之間的相隔很遠很遠，但彼此又牽引著對方，
構成一幅一幅美麗的星圖，讓人們對此充滿浪漫的幻想，留給一個思索的空間。
今晚又沒有心情溫書，只是忙碌一些瑣碎的事，竟然想到去看星，讀過天文去看，看星的感覺亦隨之改變，好寧靜的一個夜晚，每次唔開心我都會聽個首歌，唔..........
我時常會諗我是否一個自私的人，不懂得為別人著想，只顧慮到自己..........
思緒開始混亂起來，既然是這樣，我又會容許自己去任性，不去溫書，只聽歌同寫日記.唉.........

>>December 1, 2003 at 6:45:56 PM GMT+8

2003 年 11 月 26 日 星期三 【晴】

今日知道了elec 的成績，不是太開心，雖然mean 左，但是因為有些頗低分的形成，我估真正我應是below mean ，comp個lab 又要做唔到，要send email ，唉...............竟有點頹的感覺。
但又就快要final 啦，剛看過時間表，set了個溫書的日子，但看來都唔夠時間。
好多野想做，但又做唔到，唔．．．．．．．．．．．．．
要收拾心情，雖無ｗｉｎ的信心，但我有我的衝勁，33 。

>>November 26, 2003 at 6:28:22 PM GMT+8

2003 年 11 月 24 日 星期一 【晴】

今晚好開心，因為詠春果度無驚無險己經升上了第二組啦，雖然都有兩個項目要補考，但好快就補考完啦，跟住就去玩hall的活動，本來不是太想玩連步舞，但無人，無法啦，但原來自己的腰力都頗勁，捱到最後，可惜最後一樓都是得第二，回房之後，就開始做個ｐｈｙｓ００２　的report 啦，又是一件煩事。
最搞笑是今日個math 的ta 得兩個人上當，勁搞野，個ta 又用普通話同我們講，死啦，math又追唔上啦，唉..........
我諗我都要溫下普通話

>>November 24, 2003 at 8:22:15 PM GMT+8

2003 年 11 月 23 日 星期日 【晴】

前一陣子，無得寫日記，有很多野想寫，例如星期四晚，因無midterm ，跟了家豪去踼波，佢就勁啦，落場一陣就入了一球啦，最搞野就是有個人踼了個波落水，要搵人游去拾回，我就諗，是否應由我去呢，點我曾經都算救生員，但又好似不想下水喎，所以只是站在旁看，有事就出手，好彩最後都無事，但當我覺得踼波都幾好玩時，先知今場是最後，可惜.............無得踼..

星期五，我無回家，因為星期六要聽講座，同看show，但因為星期四又失眠，本來想在星期五訓番夠，唉....................，我個好同房啊，唯有看戲啦，看了"六樓后座"，又感觸起來，青春是什麼啊，我又在做什麼，很值得去想一想，看完之後有一種身同感受............

星期六，個show (lLTH)的位，好好訓，之後就準備回鄉啦，因為是我表姐結婚啊，好靚的表姐，可以結婚的女仕，都是最美。影左好多相，又有得三隻豬影啦，我諗會唔會有第四隻豬出現呢，期待中。個晚就勁啦，我一個人訓張兩人床，好舒服，亦是我今個星期訓得最多的一晚，十一點就訓，勁。

星期日 ，早上同阿公食過早餐就準備出來，買了些書同bag，回家一會兒，就要回科大啦，慘啊! 要format 部機。回來時，在車上有緣咁又遇到個同學，傾了一會，諗到我是否應去投票呢，四年一次，下次時我己經是畢業，我都覺自己無政治的心。 今晚搵家豪傾了些事，佢真的好....唔.......，又看到一個朋友關於幸福的日記，寫得好實在，唔..............
好多野要去諗，好多野要思考，生活也許太過擠迫了，彷彿連憂愁，靜思也是一件奢侈品，亦可能是我身在福中不知福，講過要努力去學習珍惜，但如果同時要學習放棄，兩者似是矛盾，但..........，可能真是想得太多啦，活在當下。

>>November 23, 2003 at 7:05:34 PM GMT+8

2003 年 11 月 17 日 星期一 【晴】

考埋今日果個phys002的midterm，我個midterm 潮終於完結了，但留下的是追不上的功課同課程。但有信心會追回，哈哈 。
昨晚又失眠啦，都唔知點解，自己都好眼訓啦，還是訓不著，無辦法唯有等天光，都好彩最後我估都有兩個鐘頭訓左，但今朝是九點堂，本來想走埋就算，但是comp 的堂又唔敢走，唯有死死地氣起身，comp之後是社交舞，仍是搵ｍｉｓｓ當舞伴，還是不太想請其他女生，因為自己跳得差，有ｍｉｓｓ帶好點，雖然應是由男仕帶，但無法啦，看來都要練好佢。
跟著就回ｈａｌｌ　訓啦，書都唔溫，飯都無食，訓到上ｅｌｅｃ堂，但去到都是溫phys002，死啦 elec 己經無正式上堂好耐，堂堂都做自己野or 訓，都是要靠自己啦 !
終於到phy002 midterm 啦，突然又繄張起來，好眼訓，個頭勁痛，無奈咁去考完，d mc 又勁考要諗的idea ，唉... 真的，好彩long question 都似past paper ，不然就......
考完就立即回hall 訓，但又給人嘈醒，無奈中的無奈。
死啦，最衰個同房引我睇 "衝上雲霄 " 現在勁追到十一集，緣份真是好奇妙啊! 亦叫人最感動!
我諗緊我好唔好上莊好啦 ???????
就快final 啦
我的目標﹕ 不用below mean ，策略是穩守突擊。


>>November 18, 2003 at 3:28:25 PM GMT+8

2003 年 11 月 12 日 星期三 【晴】

今日知道一個不是太開心的消息，我寄出的信寫錯了地址，好無奈亦好唔開心，只可以怪自己粗心大意，最慘的是我無寫回郵地址，恐怕這封信也會消失得無形，唉.............一切的心血也沒有了啦..........是否真的有天意............
明天就要 elec midterm ，頓覺好大壓力，又好煩，好辛苦啊﹗

>>November 13, 2003 at 2:23:29 PM GMT+8