2004 年 2 月 9 日 星期一 【晴】

開學己經有一個星期了，不知覺原來已經開始累積功課啊，要追的東西有很多，本來都好灰，
但現在己好了好多，至少我亦明白我要做什麼同應做什麼，原來有困難，同人分憂，可能對實際沒有什麼幫助，但真的好有用，多謝你陪我(雖然你都無理過，但的確都要靠自己)。
這陣子天氣都好凍啊，攪到成日想訓，還要從家拿張被來hall，今次回家就更覺得在家千日好，
因為財政問題，都為了省錢而頭痛，又要買ref book ，又要lunch 又要dinner，唉............
我己決定盡量唔同朋友出街玩啦，但當然咁決定時，就會有很多的朋友約出來玩，唉.............平時都唔會的，唯有好無奈地咁一一拒絕啦，其實我都好想出來玩，最近都被功課攪到個呆呆地，可惜...............，看來真的要快些搵份工先得。


留言﹕
乖女﹕我都希望自己追到啦，我亦會盡力的，謝謝你那份心意啊，但自己d note 都未看得晒，有需要的話，我再搵你啦，同意each step u move forward, each fruitful life u are suceeding，如果唔難又怎叫大學。
顏﹕我是一個樂觀，只是一時看不開的，無事的，謝謝你咁信我，我都相你一定得gei

>>February 9, 2004 at 6:08:57 PM GMT+8

2004 年 2 月 5 日 星期四 【晴】

這幾日的心情都不是太好，可能是天氣太冷掛，總是提不起勁，原來自己都幾害怕今個sem 的課程，害怕的原因是不明白，不明白今個sem 要讀什麼，害怕比別人差，起初都以為自己知，但今日去lab ，要用unix ，自己都不明做緊什麼，只是跟住人去做，自己的電腦底子真的很差，看見同學們都好快找齊d 參考書，自己卻連要什麼書都不知道，唉..........
道理知很多，但真正發生在自己身上卻是另一回事。
可能我真的不懂與別人溝通，越來越摺，想上莊，但卻畏首畏尾，就快連自己都唔知自己想點，甚至開始懷疑自己。
本來想參加 internship ，亦收到email 話clp會有internship，但個要求是成績要有b+，看到時，真是一盆冷水，上個sem 曾經以為自己考得唔錯，但原來都是不值一提.......................
最頹的是自己又開始看漫畫"火影" ，又下載了很多電影來看，唉...............

留言﹕
女﹕不是嚇死，是嚇呆，最慘是今個sem 都是1 字頭，year two 都唔知點。我都唔知點解個icq 發生什麼事，枉自己是讀電腦的。
顏﹕我都唔知明什麼，但卻有所領會，多謝你的支持，感情的確是一件頗傷頭腦的事。

>>February 5, 2004 at 6:27:33 PM GMT+8

2004 年 2 月 3 日 星期二 【晴】

開學了兩日，大致都明白今個sem 要讀什麼，但d 功課，我真的怕做不來，上個sem 我己用日來計算program ，今個sem 還有project ，想死，唯有努力啦，

我今日終於明白天地堂的慘，上完九點個堂，就要等到四點先有堂，好彩有hall 住，

個icq 又有問題啦，竟然一次過收了三十幾個message，而且有些是聖誕前朋友ｓｅｎｄ　給我的，我望住 D message ，真是勁無奈，點解 d message 都可以keep 咁耐先send ，攪到我都唔知覆唔覆好，=.=

今日終於一口氣看晒剩下的" 衝上雲霄" ，連續看了五集，都ok 感人啦，亦好似有些野明左d，生命真是很化學啊，究竟是 " 活著便精彩 " or " life is more than that "，感情又是怎麼的一回事 ??



留言﹕
顏﹕我明你講什麼，我會的，你自己都算啊

>>February 3, 2004 at 5:22:59 PM GMT+8

2004 年 2 月 1 日 星期日 【晴】

明天就要開學啦，心情竟然有點不知所措，可能是放假放得太耐了
希望明天會有個新開始啦，
今日下午就回左hall 度執野，無住一排，真是多野執，
好開心啊，今日是第一次用個無線keyboard 同 老鼠，本來買電腦時己經想買，但竟然隔了成個sem 先買，好like 啊，但有點美中不足，就是原來個keyboard 是無 caps lock 同 num lock 的指示燈，攪到我有時打password 都打錯，不過整體來說，都好好用，尤其個隻老鼠大了，都好用點。
諗起今個sem 有三科comp，就有少少害怕啊。希望可以追得到啦，今個sem take 左個lang014 是學中文溝通，原來有個朋友仔都take 左這個，可惜唔同ta ，唔開心，無得做langmates。

留言﹕
kinki ﹕你都要比心機啊，大家都努力，不用below mean 。 如果我染得好睇，就話你啦
女﹕我都唔會比自己太多的壓力，你亦是啊，大家努力啦

>>February 1, 2004 at 4:29:22 PM GMT+8

2004 年 1 月 30 日 星期五 【晴】

還有兩日就要返學啦，唉，今個假期可以講全部用來休息，全完無溫過書，勁頹，看來今個sem 我都有排辛苦。
最近都是留在家度過，看下電視，打下機，有心情的話，就去看漫畫，今次我又連續看了幾個鐘，如果溫書有咁的恆心就好啦。

不知不覺地，壓力又開始令我很辛苦，很想去逃避，很想致身事外，但無奈自己卻明白是逃避不到，唯有切實地面對，「其實盼醉下去醉下去，人生清醒眼淚，令人倦令累。」
很害怕那種明知不可為而為之的感覺，有些事是想不通就是想不通。
但地球一樣地轉.....................

留言﹕
heidi 媽﹕你想飲新抱茶，就要比心機幫你個仔搵啦，仔仔都祝你"身體健康! 愈大愈靚女/吸引/醒目。多左不是太耐的，你應唔識。
乖女﹕一個月來一次咁少架，有時我都會日日寫的，不過有心就得，我又怎會忘記自己個乖女。
顏﹕都不是好多，兩隻手都數得晒，大部份都是乾的，染髮的事，我還在諗緊。

>>January 31, 2004 at 6:55:51 PM GMT+8

2004 年 1 月 24 日 星期六 【晴】

我發覺這兒就快成了月記啦，我差唔多隔一段日子，才會寫番之前的事
記得第二日受訓，我本來想做多個電子琴出來玩，可惜唔夠時間，做左大半，可惜
之前就回屯門，途中heidi媽，話出來吃飯，但因武當要團年，只是陪佢在麥記等阿然，足足等個幾鐘，最後去了大快活食野，阿然染了個頭，到差不多九點幾，就到武當的約定時，可惜阿四唔來得，但竟然又可以碰到兩個舊同學。聽到佢同阿然的一番話，搞到我都好想染下頭來玩，可能佢講得好，如果這三年不玩，唔通出來做野先染．．．．．．．要好好諗諗．．．．

今次武當的活動是自助火煱，哈哈，又是好便宜，又可以一班人哈哈大笑一番，可惜最後食唔晒，之後我們就去得年宵，唉．．．．竟然無開到，得幾間，咁我們就去食糖水，又是食，好肥啊！，又再次一班人吹水，嘻嘻哈哈，不亦樂乎．
年三十，去了買個新ｍｏｎ，好貴啊，之後就同個朋友行年宵，同一個年宵，本來無人的地方，竟然有多人啊！之後就到市廣埸倒數，有名星表演。
年初一，就到個朋友家拜年，同隻狗影了勁多相，又拍動畫，
年初二，就回了鄉啦，今次我們一班親戚，更一齊去洗足，第一次有人幫我洗足，而且還有按摩，同班表哥表姐玩，好開心，又是另一種感覺，可惜住了一晚，就要走，好唔捨得．．．．．．如果可以玩多幾日就好了．．．．．．唔．．．．
同我最熟的一個表哥，話就快結婚啦，個準表嫂，我都識了好耐啦，但佢地唔比利是我，無奈。又覺得自己大了很多啦，由細玩到大的表哥都結婚，看見ｄ姪子姪女又好大個啦，自己還好似個細路咁，不過都好下年又多二封利是啦，哈哈



留言﹕
顏﹕新年快樂啊！！！我都覺成日打機唔好，所以開學前，我一定ｄｅｌ佢，我都好唔好意思我會訓著，可能真是太累。
ｋｉｎｋｉ﹕呵呵，新的一年，大家都要行個靚運啊，尤其是學業運，你就行多桃花運，請請，都算你有心，記得我要ｔｒａｉｎｎｉｎｇ，是的啊，完了，但我想去多一次，哈哈，恭喜，恭喜，記住比利是。

>>January 24, 2004 at 5:02:00 PM GMT+8

2004 年 1 月 16 日 星期五 【晴】

前晚約了christine出來食飯，隨手取回本書去還，好野有人請食飯。之後就回ｕｓｔ
今日是我受罰的其中一日，又要去理工度受訓啦，而且是教用電腦，令到我的大計無法實行，所以都是打ｙａｈｏｏ的ｏｎｌｉｎｅ　ｇａｍｅ，無奈之極。
之後就同個朋友去太空館看片，今次是我第一次入去天象室去看，好靚啊，整個天花板也是，但我竟然看看訓著，真是勁，之後就傾了一陣同食了飯就回ｕｓｔ，唉，都是最近成日掛住打機之過，看來ａｏｃ　是非ｄｅｌ　不可的。
唉．．．．明天又要去理工受訓啦．．．．．．．．．好眼訓．．．．．～～


留言：
顏　﹕你放心喎，我當然有去看你的日記啦，加了三篇了。加油啦！！！　

>>January 16, 2004 at 6:45:00 PM GMT+8

2004 年 1 月 14 日 星期三 【晴】

天氣開始凍啦，又就快過年，時間過得真快，今個假期，恐怕又會是白過啦，成日都掛住打機，又唔去溫書，一個字，就是頹啦

前一陣了，是八妹的生日，成班武當又有機會聚首一堂，今次我們決定去green box 唱通宵k，好耐都無試過啦，而且有蛋糕送啊，我們又鬥唱舊歌，好好玩，個晚我唱了很多啊，好開心。但知道家豪己經開始在自修室溫書，．．．．．．．．．．．勁無奈　

第二日就因為幫個親戚買野就回故鄉，隨手可以簽咭，今次同阿爸阿媽一齊回去探下阿公，同親友，同埋要處理一些勁煩的事，諗起都嚇人．．．．．今次回去我第一次同爸媽一齊去cut hair ，好便啊，二十元包洗剪吹。抵...

最近我有機會學照顧個bb ，原來好多野要做，但個bb 就勁得意，看著個bb ，又覺得自己都好大啦，又做人地的舅父仔啦



留言 :
顏 ﹕的確好掛住你.....的留言架，早一陣了，還以為你失蹤，你都要加油啊，你都要考好點回來見我啊

雅琳 ﹕我生活混亂時，你唔知的，我都覺健康是好重要，盡量都會休息多點，科大又不是好大，我們一定會見的，有時間就來多一點啦

>>January 14, 2004 at 5:14:54 PM GMT+8

2004 年 1 月 8 日 星期四 【晴】

好耐無寫日記啦，最近的心情好怪，可能是放假太多，都唔知有什麼可做，但其實是有很多書要溫，很多事要處理，但總是提不起勁，但個心就好亂，好似好多野煩。

今個星期要回科回trainning，本來以為在科大會有新的心情去溫書，但比在家就更頹，唉.....
日日都要八點幾起身，自己又夜訓喎，最慘是個trainning又好悶，我都無點去聽佢講，唯有prs問題時，才提神去諗，勁waste時間，其他同學都好醒，第二日training 就勁多notebook ，有人打機，有人看戲，真是各自各精彩。記得有日不用在LTA度上，去了學救火，教我們用滅火筒，還叫同學出來試試，可能我真是大無聊，竟然走出去試玩，不過感覺唔錯。

最近又迷上AOC 啦，差不多日日都打，唉..........，我決定開學前一定DEL 佢
今個SEM ，自己考得都幾好啊

>>January 8, 2004 at 6:40:49 PM GMT+8

2004 年 1 月 2 日 星期五 【晴】

一連幾個的節日，有很多的活動，聚會等，想靜靜地寫下日記都無時間，今日可能是我最近最得閒的一日，因為今日我訓到三點幾先起身，嘩 ，難以致信，好耐都無試過咁一睡不起啦
我發覺最值得寫日記的節目，我反而無去寫，反而只是呆坐的時候，才有心機去寫，真的無奈，今日我想了很多的東西，可能是以前太忙，無時間去諗，但今日真是好寧靜，我看了本小說，己經很久沒有看過小說啦，真怕自己又會上癮，
新的一年，新的我，但今年我要自立訂下什麼目標好呢 ?? 都是一個頭痛的事。
唔知點解今年少一種大時大節的氣氛??可能無點約到一大班fd 去來玩掛
看來我都要珍惜時間啦.....

>>January 2, 2004 at 7:25:26 PM GMT+8