|
2007 年 2 月 5 日 星期一 【晴】
>>February 6, 2007 at 4:04:42 PM GMT+8
2007 年 2 月 5 日 星期一 【晴】
感謝天父,我很感動...真的很感動,
昨晚的懷疑,你今早都暖我心田了...
縱有朋友說我好好,仍這讓對著一個不喜歡的人,
縱有朋友說天父你很愛我,
縱有人說我的付出是有效的,
但也真的不及你今早給我的說話:
"你們的天父是知道的"--太6:32
你幫助我用聖經去解讀我的人生,
求你幫助我能用你的眼去看自己,免得自己的思想高過於你...
"父啊,是的,因為你的美意本如此"太11:26
其實我常有一個無謂的念頭,
就是覺得你會不再愛我,因為我真的不配被愛,
和更不配去領受這麼多的恩典,
最近幾次,每次你感動我,都是在我疑惑的時候,
讓我可以看清自己所做的,所想的,重新定位....
我只能用生命去回謝天父~~
真的很感動~
>>February 6, 2007 at 4:04:36 PM GMT+8
2007 年 2 月 5 日 星期一 【晴】
To....you:
今天晚上不太開心,
以前,我唔開心時,第一時間是想起你,
想對你講出我心中一切的不安或憤怒,
你離開...快五個月了...
原來日子過得這麼快....唉.....
我今晚的心情真的不太好...以前,對你說出我心裏的難受,
說完了,也不期然開心了~總想與你傾訴....
總想...看見你
時間,將我的思憶像日曆,一頁一頁地撕走,
我好不容易才能留著幾頁,
可惜,為了能更看得清自己的日子,不得不撕下來,
快五個月的日曆,也快一年了,一年後,
相信我的記憶便會淡忘,流轉在憶記裏.....
=====================================
前塵.........
>>February 5, 2007 at 4:52:15 PM GMT+8
2007 年 2 月 4 日 星期日 【晴】
今天上ethic堂,
道德...價值..到底是甚麼?
甚麼叫做"好"?
當你面對著蠻不講理,毫無自省能力的人時,
對於講道理的人,的確是不易的事,
我家便有一個...
永遠只係懂得想自己,
永遠只係由自己出發的人,
自省能力其低...
我真的很辛苦,
很不相面對這個人....
在家中,永遠是坐著的一個,永遠是只求玩樂的一個,
永遠是不懂得想別人感受的人....
真的很可怕,
要在家中忍...沒錯,咁多年來都只是忍,
所以我永遠不會受這人的恩惠,因為我知道當發脾四時,
她會拿這無聊的最後的道理去跟我對質,
我會對她好,可惜,她覺得是應該..
今晚,我狠狠地教訓了她一大頓,
我對她說,若你能在我身上找到一件事情是對你不好,
是自私的事,
一件賠一百元給你,再跪在你面前,
當然她是一件也想不到,
可惜,她仍是那個不會反省的人...
被人指責仍覺自己是對的人...
要拿我的教會出來說,
我只對她說這個招數已用過,沒有效的,
因為一些批評的字句出自一個沒甚價值的人,
會有甚麼影響呢?
上帝在我心中說她是有價值..
可惜..上帝,我在家中做了咁多年見証,
家人又能看到我多少做得好的地方呢?
我會懷疑,也真的很懷疑,
我願意為你持守道理,
但,方法也有很多種,大概今晚我真的想狠狠地教訓她,
因為溫婉的說話我也用過了,
她曾對我說她一句也聽不入,
請問你,如何去改變呢? 我不著急,因為我根本就急不來,
真的很辛苦,~~
我不要成為自私的人,因為這樣我也會厭自己!!!!!!
>>February 5, 2007 at 11:59:30 AM GMT+8
2007 年 2 月 3 日 星期六 【晴】
心情.........
其實講真,我有點不太想回家,在家中,
只有我的床是最舒服,因為好多野都睇唔過眼,
好彩...現在就算幾唔鐘意都好,
都仲有力氣去祈禱,求天父能祝福我屋企~~
==================================
早上番教會,獻詩,做指揮,
祈禱: 天父,若果我的侍奉會令我驕傲至跌倒,請不要讓我侍奉,
詩班員問我做乜咁緊張,
係因為我想自己帶著這種心情,不容許自己在思緒中有半點差錯.
結果今天的獻詩是咁耐以來...我覺得都OK好的一次,
大家進步了很多,和音也成熟,睇我指揮也睇摜了~~不錯~~
多謝天父給我們機會,多謝你給我這可愛的詩班.
由於知道自己今日超唔得閒,
午餐回家吃,陪陪家人,
與爸媽聊天,他們很擔心我踩單車會出事,因為元朗剛有男子被車撞死.
我都係果句...會小心的了.
兩點半到香港仔,在基福堂集合,
然後出隊第一次街頭佈道,但其實主要目的係關心街坊與建立關係..
由於一整個早上都處於精神極度集中的狀態,
結果與街坊溝通時沒有精神,
好彩partner補上....
推了嘉俊的補習至明晚,
七點到又一城與敬拜隊成員吃飯+分享
今次又再深入多一點了~~
可惜大家都有點疲態,分享.....也盡力了.
十一點半走,
到CWB,與嘉賢吃糖水,
不錯的時間,其實由第一天認識你,已覺得和你會係好好傾的~~
哈哈哈...
回家,又係做大家姐的私人秘書的時間...
只好努力..和祈禱...天父,求你祝福我屋企人...
>>February 4, 2007 at 5:24:24 PM GMT+8
2007 年 2 月 2 日 星期五 【晴】
早上十點去了竣然家補習,
出了糧...
十一點半坐車出CWB,microsoft 在時代攪大型發佈會,
推出07windows vista,超正的新設定,
但整體而言,我覺得只改善了用家享受,
因為本身的window也不是太差,
沒有打算要轉!!
拿了很多禮物,
探完三位在這裏工作的同學,monica,kennix,tiffany,
哈哈...有個介紹新列印功能的女仔好....靚女~~~~呼....
我走左去同佢傾計....哈.....佢話我可以影張相試下D新功能,
我影左佢...我問可唔可以印出黎睇,佢話可以,
結果印左佢自己張相出來,
然後.......
我送番比佢...........哈哈哈...............^________^
兩點等車回教會上佈道法,
結果等了十五分鐘....三十分鐘......無車...
原來剛有大型遊行開始.....唉...
完全無人通知,
在鵝頸橋等了三十分鐘,塞左過百人在等車...超唔掂.
打掉了想回教會的念頭,電聯組長,
組長問我係咪唔番....我話........此時有車到,
我便說番來..
第三堂的佈道法...很實用,講員李先生教我們一招殺手簡..
好快的福音於三分鐘內完成,
完教會後,與淑華姐,菌姐,kris,邦邦食tea.
然後便上107去城大,
車上,上層,隔離坐在個阿嬸,我學李先生佢,
成日都祝福人,我心裏說: 神啊!你祝福佢啦,祝福佢啦,若果我無感動,就唔好要我講野啦.
結果坐了二十分鐘,無乜動靜,突然佢打個噴嚏,有舊鼻X在她手指,
她沒有T巾,我便拿給她,
她便開始多謝我,又話我好好人...
結果便開始聊天...
心裏想: 死啦..唔通真係黎料....
傾傾下原來佢都有番下教會,還帶左兩個女番...
但原來她是未信的,只是想去聽下道理...
一路傾...一路傾..到了海底隧道,過埋就要落車,
這時心裏掙扎好唔好同佢講福音..
最後一個念頭,若果我唔講就會後悔...結果我講了..
因為李先生話要我地最少同一個人講..
又叫我地同對象說: "我老師要我做功課,要將成個福音講比一個人聽,你可唔可以聽我講一次"
對方基於想幫你便會去聽,
結果她乖乖地聽了全個福音,
最後我問佢信唔信,可惜,佢開始又堅持自己..
唉...要下車了,最後我說: 耶穌祝福你...便大家分散了...
希望她會繼續思考啦..
到城大開生活營E會,7-10點...OK開心..
可惜人不太多..
最慘既係hiriko在desktop打的所有記錄...save左,
但..電源突然無左,因為時間夠了會自動cut 電..
無save出來...結果乜四小時的功力無哂...
唯有大家再黎多次吧~~~哈哈哈..
回家,與山山一起走,
傾談都OK,~~
累了,明早還要做指揮獻詩..加油..為天父,繼續努力~
>>February 3, 2007 at 4:57:43 PM GMT+8
2007 年 2 月 1 日 星期四 【晴】
開心日子..
今天是樹仁校的歌唱比賽,,
參加者都好落力,也很有水準,
最後金堅勝出,可喜可賀^_^
另外亦好開心能夠有份演出,
樂韻社越做越好,我玩足四年,佢地四年裏面有經歷過好多風雨,
希望你地能夠越做越好啦^_^
多謝你地比我有個咁開心興奮的樹仁歌唱比賽的回憶.^_^
後與natalie去了食M記和滿記,
哈哈...好開心~~
多謝浩文借件戰衣比我著,
多謝有份支持無伴奏合唱的廣大市民...哈哈~~~
>>February 2, 2007 at 5:51:19 PM GMT+8
2007 年 1 月 31 日 星期三 【晴】
平平淡淡日日亦都慣....
其實都唔知乜係平淡,一個好相對既問題..
上學,business writing..好多同學仔仍在游雲,
philip講到已經轉左頁數,他們仍在看同一頁,
笑死我........
放學,自己一人,好耐都無試過自己一個人走了..
回家,高速準備補習,
1.5小時並不難過,
冼太對我真的很好很好,每次上去都有食有飲,
還有野帶走,真係......我會努力補好你兩個仔的了,
回家,只有半小時吃飯,
8點補嘉俊,途中打電話比nat nat,
分享,冼太兩個仔剛過的考試,
每科不是頭二就是頭一名高分,
他們花很多時間溫習,考得好,其實是自己的功勞,
再反,嘉俊要再努力一點了.....
但你的數學已經比以前進步了很多..
回家,睇突圍行動,很好看,好耐都無試過會靜靜地坐著看完一大集,
哈哈......但我唔會比自己睇落去的了~~~
因為太浪費時間..
溫習..
>>February 1, 2007 at 3:24:12 PM GMT+8
2007 年 1 月 30 日 星期二 【晴】
今天...平平無奇.
早上番學...李嘉大遲到,
然後又攪唔到個PPT...同學不滿...
上左一陣.唉.......自己睇其他野..
放學,與alan,tiffany,kennix,dragon食飯..
下午沒有堂,本想走人,但最後都走左去sit tax planning..
OK啦..
放學回家立刻準備去補習..
補習時覺得有點空虛和辛苦,
以前辛苦既時候都會想起妳,然後想到補完習可以立刻見到你,
就會好開心,
見到妳的時候,我可以將自己完全投進妳的世界裏,
享受那種安全的感覺,
當失去了這種感覺後,我只能自己去平靜內心的不穩....好一會....撫平了.
-------------------------------------------------------------
有好幾天沒有靈修,
昨晚臨睡前,拿著靈修書,
心裏問神: 你可以給我答案,對我說話嗎?
果然,我一打開,每句經文,每個反思都是自己生命中正在經歷的景況,
感謝神~
>>January 31, 2007 at 3:36:11 PM GMT+8
2007 年 1 月 29 日 星期一 【晴】
唉.....大件事...要幫大家姐手做JA (job analysis)和JD(job description)
好彩上年HRM讀過...
先無咁驚..但初步黎睇,我係唔知點入手,
因為,我唔係幫你打工,我點會知道你公司D野呢?
只係講左幾句就要我開始"自由發揮",我暫未做得到..
更加利害既係,你每次都係夜晚十點幾十一點先同我講,
然後要我第二日交....咁樣....仲慘過有要幫組員補飛做野...
唉.......打從心裏沒有怨言去幫你,
但.......可唔可以make sense少少呢?
---------------------------------------------
後記: 本想回家好好的溫書,
因為明天李嘉果科無乜好備課...
點知就跑來這件令我震驚的課外功課.....
>>January 30, 2007 at 4:41:54 PM GMT+8
|
|
|
感謝天父,我很感動...真的很感動,
今天上ethic堂,
心情.........