|
2007 年 6 月 24 日 星期日 【晴】
早一輪的教會聚會,與父母的合照
>>June 25, 2007 at 11:01:22 AM GMT+8
2007 年 6 月 23 日 星期六 【晴】
樹仁團契Ocamp開會
早上六點醒來,七點半到了跑馬地禮頓山,
早上派發6月28日下午四時至七時於跑馬地馬場內的回歸表演,
雄鷹翱翔跳傘慶回歸,
到了禮頓山,門口已排上大概八百人,
好勁,
為了市民的安全,大會提早放人入去禮堂裏面坐,
大概坐了四百人,
因為派入場票的時間鐵定了在九時正,不能亂改.
看到幾種人,
第一種,公公婆婆,他們拿到票後都好開心,
個個笑著拿門票離開,又贊我們安排得好好.
心想,做乜會咁開心?!.....最後的答案是,
在那們的生命中,已無乜幾多個"十年",能在生命最後路程看到特區回歸的活動,
對於日常無乜特別工作的老人家來說,不也就是突如其來的"迪士尼入場券"嗎
第二種,想睇又怕比人知.
跑馬地,有錢人地方,愛面子的人的地方,要威的地方,
有些夫婦,想睇怕比人見到佢地同D阿公阿婆一齊排,
帶備了"有色"太陽眼鏡,入場時用長長的頭髮擋著前頭,
不要比人認出...可笑可笑...
第三種人,木木獨獨唔出聲的人,
這種人,有男有女,我是負責進場維持秩序,
看到這些人,總覺得佢地好似無乜反應,心裏好唔開心,
我一定會笑著同佢地講早晨,
好的回應,會笑著對你打招呼,
不好的,冷眼走過,不發一言,
大佬...生活...放鬆D啦!~~
D公公婆婆都幾勁,拿到戰利品後,
他們在門口聚集,十人圍在一起,點算結果,
哈...真係好得意....
十一點半返教會,今天阿詩回來講道,
讓我繼續諗,我係咪會被差去澳門短宣...
要改丟死板的生活習慣,讓神再去建立祂想要的習慣...
一點,與小組組員跟MAVIS祝生日...哈..原來你都大過我...hahahah
四點,到了泳池,與文陞游水,
可能拉筋不足,差點抽筋.游了大概二十個塘
六點半,到佐郭FES,
繼續做我的團契Ocamp顧問...
哈..但榮少太誇張了,不可再說"有燒煇在,無問題啦.."
無神在才是最大問題呢...
開初見大家選擇外賣時,選了半個小時...真的有點不太對勁..
浪費了很多時間...
不過...都係輕鬆D啦..所以都無乜野...
我的意見時..做主席的要特別注意,將大家的注意力集中番.
>>June 25, 2007 at 10:59:56 AM GMT+8
2007 年 6 月 22 日 星期五 【晴】
ｇｒａ ｄｉｎ ｒｅ－ｕ
早上起來在家沒甚麼事幹，
與鄰舍的ｂｂ玩完後，
ｐｒｉｎｔ 埋詩歌紙便番教會了．
完教會後立刻去到太子等位食ｐｉｚｚａ ｈｕｔ，
因為今晚是我們畢業聚餐籌委的重聚日，
七點半全部入席，席間無所不談，
也很開心！睇下相啦!!
--------------------------------------------
你們都是我所喜歡,所愛的....畢業後,必時時刻刻掛住大家!!!>.<
>>June 25, 2007 at 2:24:32 PM GMT+8
2007 年 6 月 21 日 星期四 【晴】
若果連唔開心都被視作為小器的話,那怕許許多多的人要陪我一起小器!!!
我可以點?!隨了一個"算"字吞下肚子裏,
許有其他選擇嗎?!
你的出現帶來今晚最討厭的事情!
讓我在開場五分鐘內已想離場,
更讓我第一次在有人陪伴下自己一個睇戲!
你要知道你在電話中講過的話?!
誰自己一個坐,很清楚地說了出來,
去完廁所後,看到你喜皮笑臉地坐著,
心裏已十分之唔開心.....
我還能有心情嗎?
請你不要回應!
因為我只可以說聲"算"!
若唔開心也被視作為小器,那怕天下的男兒也只能講聲"算"~!
>>June 22, 2007 at 5:25:28 PM GMT+8
2007 年 6 月 21 日 星期四 【晴】
闖出版商電腦 黑客「揭」《哈利》大結局
其實我對這套電影或小說都無乜興趣，
見咁多人鐘意，曾試過迫自己去睇．
結果未到一半己經睡著了！
所以始終都係唔岩我！
最近，一名電腦黑客宣稱成功闖入出版商的電腦，發現了《哈利波特死亡聖徒》的內容，得悉了哪兩位中心人物在這本《哈利》第7集、也就是完結篇中雙雙死去，還在網站發布有關消息。
哈利波特》完結篇將於下月21日出版發行。編按﹕以下引述的所謂「黑客內容」雖難證實真偽，但若讀者不想聽聞有關《哈》書結局的任何猜測，建議在此停止觀看。
哈哈，你會忍得住唔睇嗎？！
>>June 22, 2007 at 4:04:02 AM GMT+8
2007 年 6 月 20 日 星期三 【晴】
議員辦事處選民登記助理
已知道自己的工作是甚麼了,
是做選民登記助理,人工不錯,
上班彈性,office裏工作!很好!感謝神!
早上在房收拾爛攤子,房間好亂..
最後執好了,不錯!
三點半回到office,最主要工作是處理文件.
沒太難的工作.
七點至九點補習..
太好了,嘉輝若沒意外,會入到想入的中學,
今次考得唔差,佢媽媽都方心了...我..都放心了!!真好!
Brian則要更加努力呢!
-----------------------------------
小睡片刻後開始打字,1.5小時完..不錯!
與winnie傾MSN,哈..在NY的生活好似settle了..加油!
>>June 21, 2007 at 7:54:36 PM GMT+8
2007 年 6 月 19 日 星期二 【晴】
選民登記助理
唔覺唔覺原來自己做左這一份工都唔知.
一點補嘉俊,
三點到青發做選民登記既野,
七點放工後與monica去左UA時代睇神奇4俠2,
都OK啦.
在時代門口有這麼的回歸東東
回家後擦牙,我真的太大力了..
我心愛的牙擦呀!!....
>>June 20, 2007 at 4:26:42 PM GMT+8
2007 年 6 月 18 日 星期一 【晴】
全天候補習...
昨夜四點睡,今早七點幾起來繼續準備補習的notes...
十點開始補嘉俊,
十一點半補朗逸朗賢,
兩點半補竣然..
四點半完哂......呼.....!!~~
回家後,幫媽媽做速遞員送糉子比表姐和表姐夫,
坐單車去,好似送外賣咁..
回家後吃完晚飯便去了游水,
今天再游三十二個塘.....呼...
晚上十點十五分到旺角,
同Natalie睇詹生的<<戲王之王>>..M...OK啦..
「世上最難演又演得好的角色，其實是自己。」
「演戲跟做人一樣，最重要是認清自己，發掘自己的優點，更重要的，是看清自己的缺點；要改變要轉變不是容易的事，所以我們要接納它，接受自己是個不完美的人。」
意義不太大,
老生常談,對於常常看電影的影詸來說,這一類電影是固定的格式,
但我覺得這套電影不夠完整,
哈哈,不知詹生係咪在電影裏面做番自己呢?
周杰倫好快會有套自導自演的電影上画,期待!
由於係坐在最前數起第三行,
睇得"辛苦"!
完後去食宵夜,再送埋佢去搭車,
到家都兩點幾三點了..很累,
睡在自己的床上,始終是最好!!!好舒服!
>>June 20, 2007 at 3:02:03 AM GMT+8
2007 年 6 月 17 日 星期日 【晴】
早上..再黎三十二個塘..
越游越好,
在泳池遇上水怪..有個人游得好快好快..
我想學佢..學到少少啦...
佢真係好勁!!
>>June 18, 2007 at 2:53:29 PM GMT+8
2007 年 6 月 17 日 星期日 【晴】
媽爸發功,包"傻子"!!
好勁,媽媽以前每年端午都會包一百隻傻子或以上...好勁架,
包咁多邊個食...我媽媽的朋友都會"訂"幾隻...因為實在太好食~~
太勁...
>>June 18, 2007 at 2:35:46 PM GMT+8
|
|
|
早一輪的教會聚會,與父母的合照
樹仁團契Ocamp開會
若果連唔開心都被視作為小器的話,那怕許許多多的人要陪我一起小器!!!
全天候補習...