|
2021 年 3 月 11 日 星期四 【晴】
其實自己心情都好差
但係,真的可以放假嗎?
有假可以放嗎?
我想放假!
我想咩都(暫時)唔理住.
>>March 12, 2021 at 10:38:21 AM GMT+8
2021 年 3 月 9 日 星期二 【晴】
舒祈HBD
同咗舒祈、suki一齊去尖咀食韓燒,去到尖東一間韓燒店,
點知午市係無燒牛肉. 午市竟然無燒牛肉,
唉~ 我哋諗係咪因為唔想啲office人食到成身肉味咁走,
所以只得Set lunch呢？
但其實又唔係喎，因為我哋無食到, 轉戰另一間,
有得燒牛肉, 仲有人幫你燒埋,同埋坉蚅l嘅抽風好勁,
食完個身都無乜味. so good.
- - - - - - - - - - - - - - - - - - -
由於晚上有個追思禮拜,所以我就一早帶埋電腦出嚟,
搵咗間...唉...pacific坐低,真心辛苦,
地方細,但,
為求一個電掣位和可以長坐嘅地方,
真係無辦法.
但其實都唔係好做得到嘢,因為張枱實在太細,
我杯咖啡同埋電腦電話要疊住咁用,
超辛苦.
失暈魚,有好多嘢無記住要帶,上咗車先發覺,
無帶鞋. 結果在花園街一間一眼望落去係好多年舖嘅鞋舖,
買咗一對250羊脂皮的黑鞋,
好靚,好鐘意.希望你係好襟著架啦.
>>March 12, 2021 at 4:24:18 AM GMT+8
2021 年 3 月 6 日 星期六 【陰】
唉~
今天開執事會,最後我領禱,
我叫大家先花一分鐘時間,
續個人的面容都望一望,
心裏面諗住,要守望�,
記念�,祝福�...
之後...
唉...我一開聲祈禱就爆爆地喊了...
好唔捨得,好多說不出來的心聲...
好...傷心.
>>March 7, 2021 at 6:54:39 AM GMT+8
2021 年 3 月 6 日 星期六 【雨】
CH歌唱比賽
昨晚剪完片返到屋企,
休息之際聽CH, 有歌唱比賽.
聽咗兩個人,嚇親,那裏來的勇氣,
走音都嚟玩, 這也不是問題,
誰說走音不可唱歌,
問題是那些在他們唱完後,
大叫「好好聽啊」...
其實,真心唔好害人好嗎?
唔大力去讚就已經係如實講比對方聽架啦,
不如唔好叫做比賽啦好無?
到第三個, 嘩,真係一唱就即係退群,
嚇死人.
>>March 7, 2021 at 6:51:46 AM GMT+8
2021 年 3 月 5 日 星期五 【晴】
「我要做網紅」
因為要寫文比聯會,所以做了一些搜集,
在香港,其實好多基督徒都好努力,
希望可以以自己的見證,
去影響身邊嘅人.
好多努力,但寂寂無聞,
但亦默默地影響住一小撮的人.
看了很多人的努力和見證,
真的覺得自己要再花上數百倍努力先得.
希望我不是以一種「追趕」的心態去服侍,
而是希望自己能享受每個moment,
看到每個成果,好與壞,都會快樂和滿足.
- - - - - - - - - - - - - - -
一大朝早同caleb issac挑戰玉桂山,
再落埋鴨脷排,真係玩命.
其實已經少少攰,也不知道自己會唔會無貨,
但只要走埋一齊,應該會有啲嘢睇,
就算少少都好吖.
7點9個字上山,大概8點8個字落到鴨脷排,
跟住極速拍咗三次就完成外景拍攝,
caleb就急急腳離開,
坉n十點返到學校, 9點開始落山,最後9點28分落到利東,
都幾快.
之後我就同issac兩個人趕路.
其實issac已經到了極限,本來落鴨脷排都唔係好得,
但都一齊堅持埋落去.
回程時,我大概有4分1嘅路係秤住呇�,
希望可以行得快啲, 同埋我都要趕十點返到教會拍埋室內嘢.
最後都10點零五分左右返到田灣,
又快快手同晢、融、旨悅一齊夾稿對稿, 練習對白,對話.
很短的時間,但做了好多嘢,
希望每個小伙子的生命, 可以慢慢被建立出來.
- - - - - - - - - - - - - - -
聯會篇文,我仲未改好. 因為覺得自己寫得好廢. ha~
>>March 6, 2021 at 6:21:15 AM GMT+8
2021 年 3 月 4 日 星期四 【暴雨】
彼此相愛
是屬靈群體的
標記，
同樂同哭
當然。
今天，
有弟兄姊妹怒憤填胸，
市民大眾焦慮難鬆，
我們都一起
經歷著，
感受著，
此時此刻的心情，
就像
吃了辣椒會辛，
吃了苦瓜會苦。
然而，
有一類弟兄姊妹，
每天只單顧喜樂常常，
不懂/想同樂同哭，
他們自然而生的憤怒，
竟是建基於要喜樂，
喜樂
竟
折射出
對懷怒者指罵，
你們是
錯誤的，
失見證的。
原來，
這樣單顧的喜樂，
反倒是
羞辱主名的
記號。
吖！還有，
他們那
刀槍不入的
信仰，
好癌重！
要同樂同哭。
補返句，
求主憐憫！
>>March 5, 2021 at 7:36:51 AM GMT+8
2021 年 3 月 4 日 星期四 【暴雨】
余灼均弟兄安息禮拜
感謝弟兄,不單是你的生命,
你的安息禮拜,其實也成了每一個心痛香港的人的一個聚會,
安息禮拜的詩歌與氣氛,
竟巧妙沒造作的安慰著人的心靈.
這也是我按牧後第一個主領的火葬禮,
願你此刻與父在一起,好得無比外,
請也記念我們.
- - - - - - - - - - - - - - -
>>March 5, 2021 at 7:36:07 AM GMT+8
2021 年 3 月 3 日 星期三 【晴】
Celia真係一個好強勁嘅女仔,
旲H人脈到底可以有幾闊同埋幾深,
難以想像. 然而,最令我為妢P恩嘅係,
夆策n多嘅決定前,
妢|考慮多啲關於信仰的事,
真的很欣賞和佩服她.
而,她每天的生活也是密密麻麻地與很多很有才能的人傾偈開會,
到底坅Y點樣生存的?
- - - - - - - - - - - - - - - - -
然後一整個下午到晚上就是GPOWER會,
講真可以見返咁多人一齊聚係幾開心,
現在呢個camp會如何發展,
真的要求主恩領,
我們都覺得係要變,
但要變成點,不是我們能控制,
只願我們無論方向啱唔啱都好,
都要在主的手中.
- - - - - - - - - - - - -
9:30pm同monica去了睇狂舞派,
不知為何我沒有大多數人看完後的那種熱血的感覺,
套電影都是不錯的,
當然,在今天香港的氣氛下看這一個題材的電影,
是幾有勇氣,幾為人加油的,
不過我睇完的確無乜太多的心領神會.
本來仲諗住去熱血一下之後,
立刻回教會寫埋篇文比聯會,
點之都係點唔著個火頭,
咁就唯有返屋企瞓覺.
- - - - - - - - - - - - - - -
>>March 5, 2021 at 7:33:21 AM GMT+8
2021 年 3 月 2 日 星期二 【晴】
話說即將要外出講道,
對象是青年人群體,
講一篇有關成長的信 .
結果我又跑回這個我的回憶紀念館,
看看自己從前的日記,
當然,我是想找回那一篇想當年又日記上寫出小組的問題,
及自己內心的不憤,
看著看著也挺搞笑,
當年網絡未普及,我已在網上這樣發佈自己的想法,
如果我遲十五年出世,可能今天我也一樣在教會這樣講,
可能我也是一個出走的人....
吖...不會,因為我教會不會這樣待人的.
我當年這樣說話, 但這裏仍給我空間去傾談,
不過我認為,不單是教會本身,而是我自己也需要去改變,
聽別人, 也調整自己的心態.
今天嘛, 出走的人都只是覺得別人沒聽他們,
其實, 出走的人,又有幾多個真的肯接納別人對他們的評價?
大概,如果真的要說,他們也接受不了.
至少,我認為每個離開的人,
沒可能全部是留下的人有問題,只不過,
我只是在想,他們是否有空間可以接納到別人對他們的想法,
可能他們真的肯聽一聽,情況不會是這樣.
------------------------------------------------------
今天是以前一位朋友的生日,3月3日,很容易記. 生日快樂,願你一切安好.
>>March 3, 2021 at 7:16:44 AM GMT+8
2021 年 3 月 1 日 星期一 【晴】
今日同阿龍食生日飯,慶祝�19歲生日,
但係勁搞笑嘅係,我哋飽到食唔落個心太軟,
所以結果都係無叫到.
好開心地傾咗個半鐘,都好似仲未傾完咁,
好想繼續傾,但係只可以坐個半鐘,
所以只好埋單走人.
分享咗好多關係人際相處嘅事情,
講咗好多自己過去撞板同埋做得唔好嘅嘢.
我梗係想每一位年輕人在教會裏面都有自己嘅小組,
有自己嘅同行者.
但奈何,今時今日要有這一個局面發生,
真心不是自己一個人想就可以.
大家嘅人生階段同步,
並同時發現這一個階段都對彼此有需要,
互相都看對方是重要的人,
這樣才可以有機會一起在教會再成長多一里路.
-------------------------------------
晚上聽返某名教會的崇拜講道,
本來也對這位講員的為人抱著一點點都疑問,
唉...大概我覺得他的問題是
(因為我自己本身也有這方面的問題,所以我會覺察得到)
就是容易踩低別人,枱高自己. 我認為他未必是有心的,
但絕對是需要下意識去留意自己的言行舉止.
他在講道中講了甚麼？
他讀了一封別人對他講道講得好好的稱讚信,
然後對著大家講:「我明白有好多牧者講嚟講去都係三幅被」...
聽到這裏,我真的感到不太舒服.
而其實,這間以查經、思考為招來的教會,
當中有多少自命思考的人,發現了他們的問題?
追明星,就會出現這樣的情況. 求主憐憫.
>>March 3, 2021 at 7:06:38 AM GMT+8
|
|
|
其實自己心情都好差
舒祈HBD
唉~
彼此相愛
今日同阿龍食生日飯,慶祝�19歲生日,