|
2006 年 1 月 28 日 星期六 【暴雨】
新蒸頭,祝大家新年進步,事事努力,樣樣開心.
不知道大家新年有甚麼願望呢?
能夠告訴我嗎?
昨晚當然是沒有睡覺啦,
年宵花市最後一天喎,
昨晚天斷斷續續地下雨,
但都沒有減維園的人流,
我的波鞋已經穿破了,
雙腳盡濕,
好辛苦.
早上四處買平野,
買左幾件野比教會的BB,哈哈哈......
六點開始收拾離開,本來可跟大家一起去飲早茶,
但因為要番教會,所以離開了,
只與monica一起吃M記做早餐.
我一路都以為今天要獻詩,
所以全晚在背歌詞,
還有點內疚,因為沒有好好的準備自己的身體(心靈是有準備架^__^).
到家,洗完白白,與家人分享年宵物品後,
九時便到田灣教會......
誰不知,今天不用獻詩,是我寫錯了記事簿.
哈哈,唔緊要啦,
因為知道今天可能要全日外出,所以零晨時分偷偷的睡了大概兩個小時,
期間,恐龍在觀塘年宵打電話比我,哈哈,其實果段我熟睡中,
不過都幾開心!
早堂,可以用一個"撐"字去形容,
不斷的中下中下,更甚的是我坐在最頭的第二排,
好在最後都頂過了,沒有睡著,
牧師所講的仍有個idea留在腦海,
都OK!
沒有去拜年,
在家中幫大家姐整蛋糕,
都幾開心,
我諗我都可以整了,其實都幾簡單!^__^
三時終於頂不住,要睡了,
起來時已是晚上九時.
開始做naskie的功課,
各位,新的一年,要加油呀!^__^
>>January 29, 2006 at 3:45:04 PM GMT+8
2006 年 1 月 27 日 星期五 【晴】
剛吃過團年飯,
但......二姐不在家!~
今晚尚算開心,
有講有笑,
從爸爸媽媽口中窺探自己的過去,
兒時的確幾開心,
話中帶點令我感動的事情,
甚麼都不重要,
最緊要一家人能開開心心吃一餐飯!~
一會要繼續出去年宵市場幫手!~^______^"
>>January 28, 2006 at 11:58:20 AM GMT+8
2006 年 1 月 26 日 星期四 【晴】
星期五.....依舊係做年宵既日子,
碰上教會一班的會有,
成班好開心咁一齊很年宵,
的確幾開心!~~~
做到清晨三點,到家洗埋白白,四點,
無計!~~~
>>January 28, 2006 at 11:55:32 AM GMT+8
2006 年 1 月 25 日 星期三 【晴】
等............寂寞到夜深.......
到了零晨二時才開始打日記,
今天都可謂辛苦了,
早上晨咁早就去左沙田一間呂明才小學表演無伴奏合唱,
之後便與sylvia一同離去,
番到學校剛好趕及上課,
可惜累已深,
睡得更真,
小瑛已經拍過我一次,但我只回光反照地醒了一醒,
之後便睡著了.....
醒來以為還要繼續上課,
原來已不用了,
與monica,仙姐一齊去維園幫手年宵,
超多人......吃了個下午茶便一起出發,
大家都好.......乖,好錫身,唔係太過落力去叫,
我就係咁玩,係咁叫,都幾開心!~
一直幫手至七時半,
離去,因要回華貴補習,
十時補完,拿了去年的自動充氣氣球的貨尾,
便又出發去維園了,
做了五十蚊生意,
不過都只是玩玩而已!~~
反而,把幾個氣球送給離去時沒買東西的小朋友,
我覺得這樣是更加開心,
那些已經滿手加埋成百幾蚊野既小朋友,
我唔想幫佢地錦上添花,
就好似......世貿,
世貿就係正樣原因,窮者越窮,
富者越富,若果我再把禮物送給那些幸福的小孩,
對我來說,這未免太過不公平了!~~~
回家,處理田徑事務,
很累!~~~~~
不要為明天憂慮,
但要為明天添一更多的色彩!~^_^
>>January 26, 2006 at 6:15:17 PM GMT+8
2006 年 1 月 24 日 星期二 【晴】
我看某朋友.......再看自己.........
某朋友,在我看,它很聰明,四通八達,
很好...好似乜都識,乜都得........
可惜的是.......這些都只不過是....talent..中文釋作"才能"
問過人,甚麼是恩賜,甚麼是"天賦才能",
哦....原來,"恩賜"是神給予你的本領,
又用番在神的身上,去榮耀祂,
才能,只是一般的本領,與榮耀神無關,
自己覺得....恩賜這家野,不像天賦的,你求既話,
神許可必然給你,即係話....無天賦?唔緊要,你可以求!~~~
今天,神給你的,你真的以為是自己好掂,
是天賦才能,我真的想講,
神一收番,你真係乜都無,
好多人以為我彈結他好叻,
有一排.....都幾耐,沒有彈結他讚美神,
我真的感覺到,神好像想收回我的結他的能力,
好驚,求神不要收回............最後..都無,
今天,我們好容易忘記一件事,
----->感恩, 最近經常不期然啍地"若你能看見"這一首歌,
歌詞內容,是一些人以為是必然,,是老"奉"的事,
環顧世上,不知幾多眼睛,
連自己雙手亦無從一見,若你抬頭仍舊見藍天,
"請緊記....凝望多遍";
環顧世上,不知幾多耳朵,
連父親聲亦無從一見,若你偶然緩步至岸邊,
"請多聽....潮浪一遍"
累馬書明明的說給我們聽,
福音本是傳給猶太人,這是神對以色列人的計劃.
只因他們 棄絕福音,救恩就臨到外邦人.
以色列人以為自己是選民,
犯罪不悔改,做錯又唔認,
結果.........有讀聖經,實知既........
再問大家,當今天上帝問你,
你愛我比這些更深嗎?
你真的會答..我愛祢?
哈哈..問心啦唔該.......
你知道十戒的第一條戒命是甚麼嗎?
今天,你以為真係觀音呀....菩薩至係別的神嗎?
請你思考多一個問題,
當今天把你的電腦拿走,
把你的娛樂拿走,
把讀書,電視機....求其乜鬼都拿走,
食物都無埋,水都無埋,(你真的一餐半餐唔食都得?!~~)
神同你講,我只係要你廿四小時對住我.
你夠膽咁做麻?
你話....咁係喎,上帝,我去做乜做物都係想榮耀你咋喎,
上帝咁...唔駛..你只係對住我就得了!~~
我諗你個心實係諗緊,
嘩...唔係呀,廿四個鐘點頂呀,你頂埋我果份丫.......
當你有咁既諗法,你所謂既榮耀神,
請再細想,真的是exactly去榮耀佢,
還是你自己? 假象黎架咋.....
其實今天,食物,水,電視機,冷氣機,
乜都好,其實都可以成為別的神,
因為.....當你愛這些比愛上帝還深的時候,
電腦神,跑步神,打波神,乜神物神都出哂黎!~~~
請再細思,你.......的恩賜,是在神身上,
還是在自己身上,
你用上帝的時間表去填自己的時間表,
還是格硬"塞",用力塞...先至塞倒番團契,
番教會...仲要聽果一段間道就訓到熟過自己張床....
這都是每個基督徒值得不斷思考的地方!~
願你....我....都一起思考!~~~
>>January 25, 2006 at 6:39:09 PM GMT+8
2006 年 1 月 23 日 星期一 【晴】
噴了香水的咸魚..........<有感>!
請大家先幻想一下,一條咁既咸魚到底係點樣既一個模樣.
相信大家從上面個題目都可以知道
一條噴左香水既咸魚到底係給人乜野感覺
其實我地現在身處緊既環境,
好多都係正正處於香水咸魚既況態.
例如愛情,
一段如死魚般的愛情,不論你噴多少香水落去,
始終都係咸臭味.
但你唔噴,又蓋唔過果陣味,
唯有就係不斷地噴,
大家都知,香水,好貴家麻,
係咁噴,結果咪又係自己辛苦~~~
又例如一個基督徒,
當你以為自己可以脫離罪惡,
不與罪惡共舞,
你以為自己係咁祈禱,係咁靈修,
"好似"同神既關係好到切肉不離皮,
結果,試探一到,乜都係假.
從網上聽其他教會的道,
某D牧師,可以因為妒火,而放棄唔請一個非常委身,
非常愛主,放棄年薪過一百萬,大好前途的工的愛主弟兄,
怕乜?就係怕請左佢,講道好過自己.........>.<
有人為左愛情,要得倒另外一個人,
結果得唔倒,最後用刀,強水去傷她的面,
結果終身毁容.
我想講,你面真正認識自己的咸臭味在那裏,
再對著它,針對它加以改正,
完全地去離開,
否則,你只不過係噴緊香水而已!~~~
呵呵呵,基督徒,你今日噴左未?!
>>January 24, 2006 at 5:07:45 AM GMT+8
2006 年 1 月 21 日 星期六 【晴】
火鍋心理測驗
我是...........
B 麻辣鍋：個性有點偏激，喜惡分明～
>你的性格比較火爆一點，好惡分明。遇到你喜歡的事情會馬上採取行動，一旦覺得討
厭，就想馬上脫身。由於你先入為主的歡念，因此交友類型往往偏向某種人，不過一旦
成為朋友，就會跟對方深入地往來。
>你很豪爽，當朋友遇到困難時，會馬上伸出援手，朋友都非常依賴你。因為你的個性
陰晴不定，有時可能會因為一點麻小事而跟朋友鬧得不愉快，或在五分鐘熱度後改變初
衷，這些情形都會讓你失去朋友的信賴，最好學習有條不紊地處理事情，堅持到最後。
>在與人相處的時候，不妨試著跟原本覺得合不來的人交往看看，而不定會因此發現對
方的優點，這樣的嘗試可以慢慢增加你的朋友類型，讓你自己變得更有魅力、更受歡迎
。
>>January 22, 2006 at 12:57:49 PM GMT+8
2006 年 1 月 21 日 星期六 【晴】
今天真的好可怕,
大家姐心情唔知點解勁差,
上次同佢吵架之後,
今天係第一次又有事,
我這些更係成為左代罪羔羊啦,
完全唔知做乜都被罵.
當然,我吸收左上次既教訓,
唔出聲,佢好似見倒乜都罵一餐,
我立刻將混亂的屋企執好,
免得比佢有機會出聲.
跟住我就過左隔屋上網,
佢過左黎,我見倒佢都好似有少少知道自己有D脾氣,
但沒有同我講野,
之後我再過黎隔離屋,
佢問我食唔食野......哈哈哈........就好似monica所講的一樣,
當你唔出聲,佢就會知道自己對你唔好.
跟手就會同你好番!^_^
-----------------------------------
晚上,
阿妹因出街沒有接家姐的電話,
回來被大罵一頓,
都好既....這個人,係要被教訓一下,
真的目中無人,想做乜就做乜...
係要被罵的,再唔罵又係死~~~
>>January 22, 2006 at 11:41:20 AM GMT+8
2006 年 1 月 20 日 星期五 【晴】
媽咪分享:
媽媽剛換了智能身分證,
但被細佬keep住左,
剛去了華富邨買完菜回來,
第一句就粗口,(佢地日都係咁)
我個身分證在你果度,
好在無被差佬查身分證,
跟住媽咪講番佢好耐之前,
在電梯內被兩名便衣查證,
無帶,兩個便衣大喝我阿媽,(媽咪條氣唔順)
跟住媽咪帶佢兩個在十六樓出左(但小弟家住三十四樓),
便衣問 : 你屋企住邊,
媽咪 : 下.....我唔知喎....
便衣問 : (好大聲)咁你點番屋企呀?~~
媽咪 : 下.....我四圍撞架咋....
結果,我阿媽就帶佢兩個由十六樓行樓梯上三十四樓,
番到屋企,
大家姐開門,(此時阿媽好驚,因佢玩差佬)
便衣問大家姐 : (大聲地)你阿媽成日都係咁架,連屋企都唔識番.
大家姐 : 哦 ! 係呀,佢傻傻地架,一日行幾十層樓梯,一朝早又唔見左人架啦~~~
兩個差佬無奈地走了~~~
----------------------------------------
講起身分證,
小弟昨天去星展銀行交咭數,
有位小姐係咁講 : 喂...送錢呀~~~
我就當然走過去哄下啦,
哦,原來係開咭,
幾好架,全職工作人仕,月入一萬以上,可以$80一個月,供十三個月得到一部ipod nano.
幾正.....噢....講番正題,
星展有另外一張咭比大學生既,
我咪想申請埋啦,
點不知打開銀包,身分證唔見左.........
死啦,咁大個仔都係第一次,
我地84年出世既,今年五月就可以換証啦,
唉......臨尾香........
返到屋企反轉自己個狗窟,
都找不到.......唉........死啦.........
四舊水......唉......決定左......等到五月先換,
自己少少肯定張證一定在家,
不過唔知在邊度........
今日起床,推開左張床,都係搵唔倒,
一路擦住牙,一路搵,
到最後,在一個已封住左既袋的暗格找,
打開,拿出來的是一本tammy之前去短期宣教的書仔,
上面寫著"為主來夢想".........
跟手,就拿出一張身分證.......是我的.....
頓然...無聲出,亦好感動!~
多謝上帝!~~^_____________________^
>>January 21, 2006 at 3:52:07 AM GMT+8
2006 年 1 月 19 日 星期四 【暴雨】
時間無多.....<坐小巴去香港仔有感>
今天早上約了TAMMY與她的媽媽一起在香港仔吃早餐,
約了8點45分.
我答8點半先出門,
落到街,首先沒有車,
出香港仔的小巴又大排長龍,
心諗:點算呢?我唔可以遲到架喎,
至少要早過aunti到,
結果我上左架去田灣既小巴,
諗住一上車,個司機開車,再由田灣跑過去會趕得切,
誰不知,個司機遲遲都唔開車,
仲慢慢食個早餐麵包,
好啦,食完.....再慢慢飲水...
救命呀~~~~~我簡直係心急如焚....
唔可以遲到.....
最後真的開左車,
到了田灣,我立刻下車飛跑去香港仔,
平日步行需要十分鐘的路我諗我大概三分鐘就跑完,
最後.........沒有遲到!~~~~
相信大家仲未知我想講乜~~~
大家平日一定係有超多機會在短時間裏面發揮自己既小宇宙,
突然工作能力大增,
如:考試前一晚可以將成個cellebus睇哂,
暑假快結束,明天就要交暑假作業......三本練習,一天做哂!~~
追巴士:巴士就快開......直路狂奔....結果....追唔倒>.<
就快要出門口,乜都未執好,衫又未iron,涼又未沖,頭又未洗,
洗完仲要set好先出街......結果...十五分鐘攪掂哂!~~~
今天,基督徒踢極都唔沃,
因為以為自己仲有好多時間.....
以為耶穌真的唔會咁快番黎,
以為仲有大把時間....明知就快要出門口,仲唔執野,
明知一個星期就考試,仲繼續打機,行街,同朋友吹水..........
我們不知道自己時間無多,
我相信,若果真係比大家知道基督在三個小時內會回來,
我諗絕大部人會立刻禁哂食祈禱law!~~~
係咁認罪law~~~~到時可能又可以"門徒若增了三千人"都未定!~~`
好似我咁,三分鐘之內做左十分鐘既野......
一晚之內溫埋哂所有既書........
尤其基督徒.....其實若果當你仍在賴賴閒時,
你根本就沒有將"主必快來"這個聖經的事實記在心裏.
小心......小心!~~~~
>>January 20, 2006 at 12:32:04 PM GMT+8
|
|
|
新蒸頭,祝大家新年進步,事事努力,樣樣開心.
剛吃過團年飯,
火鍋心理測驗