2003 年 7 月 5 日 星期六 【晴】

雨後總會天晴．．．．．．
我心情好返少少啦
雖然仲未有勇氣接電話
但係我識笑番啦
都話我叻過 F.5 果時o家啦　！！！
其實介唔介意都係睇自己．．．
客觀的事，主觀的心

但係呢兩日我喊得太厲害
喊到有點不似人形
成隻鬼咁 !!!!!!!!!
不過呢兩日心情差到連胃口都無埋，乜都唔想食．．．我瘦左呀yeah !!!!

仲有 , 如果有offer o既話 , 我可能會考慮一邊AD/ HD一邊 repeat .........
雖然唔容易 , 但係講意志力呢o的o野我一定挨得過o既
讀多幾個月, Bio , Chem 我諗點都有少少進步o既!!!
其實呢兩科只要進一個 grade 甚至事但一科進步少少下年就得o家啦
畢竟中英文已經過關 , 讀兩科o既 workload 應該細o的
唔知我咁o既 choice 好唔好呢 ?
不過都要睇吓我係唔係真係有 offer ...........
如果唔係就安心 repeat 啦 !!!!!!!!!

>>July 6, 2003 at 4:51:01 AM GMT+8

2003 年 7 月 4 日 星期五 【晴】

多謝大家o既關心
我知道大家都俾我哧親
但係我今本冷靜唔到
所以面對一個又一個o既來電
我都無勇氣去接 ..........

我剩係想跑上大厦o既 34 樓 jump 落o黎
一切o既煩惱都可以無哂
但係我唔可以辜負大家 ..........

>>June 4, 2004 at 10:12:59 AM GMT+8

2003 年 7 月 4 日 星期五 【晴】

看著自己o既女兒終日躺在牀上不停咁喊 ........
今天我爸爸也忍不住哭了起來
爸爸同我講 : 我好擔心你呀 !!!!!!!! 我知你一直也很努力 ..........但係考試呢o的野好講彩數
入唔到大學唔係你o既錯 , 唔好再責怪自己 , 千奇唔好做傻事呀 !!!!!!!!!!

我知道我令大家都很擔心 .................
但係我始終過唔到自己果關 ................


>>July 5, 2003 at 9:55:41 AM GMT+8

2003 年 7 月 4 日 星期五 【晴】

係我 25 個 choice 入面 , 我揾到兩個 HD
如果放係 Band A 就應該入到
不過我諗就算入到成世都會唔o甘心

大家可能會覺得我硬頸
有書讀好過博多年
HD 都好過無
但係我寧願無 offer 都要考多次 Alevel
辛苦左咁耐點可以而家先放棄 ?
做人應該有自己o既原則
我o既目標好明確


>>July 5, 2003 at 6:49:36 AM GMT+8

2003 年 7 月 3 日 星期四 【晴】

想了一個下午 ....... 我開始冷靜下來
我發覺而家唔係傷心o既時候
會考o既時候 , 我用了幾日時間先收拾到心情
幾年後o既今日 , 儘管再面對失敗
我一定要俾當年成熟
所以我而家要儘快收拾心情
我要戰勝自己o既心魔 .........

>>September 19, 2003 at 5:57:40 AM GMT+8

2003 年 7 月 3 日 星期四 【晴】

今日放榜 ......... 我今本無辦法接受到呢個成績
大家知唔知 Full Cert pass 而入唔到 U 係一件好可悲o既事 !!!!!!!!!!

係收到成績單o既時侯
睇到成績果一刻真係好想死
但我今本無勇氣
最重要係我唔o甘心

F.5 曾經失意過
果時 repeat 都係為左入大學
唔通浪費左幾年而家先放棄 ?
跟本無可能 ........
說真的，呢幾年我已經被折磨到乜信心都無哂
講真　．．．．　入唔到大學，我跟本無可能企返起身！！！！！　　
所以我已經作定最壞打算　．．．．．

一直以o黎 , 我都知自己同 Science 唔夾
一心一意諗住入到 U 可以同 Science 講 bye bye
點知 !!!!!!!!!!!!!

各位朋友，唔好意思，我今本無心情聽電話，多謝大家關心　！！！！　　


>>July 4, 2003 at 6:26:12 AM GMT+8

2003 年 6 月 30 日 星期一 【晴】

尋日我好叻呀 !!!!!!!!!!
由於公司就o黎攪展覽會 , 我吔o既工作亦突然起了重大變化
第一樣要做o既就係買水松板啦

由於時間緊迫 , 送貨都等唔切 ......
尋日我同 Betty 兩個唯有親自去銅鑼灣間宜家傢俬買同抬返公司 ...............
雖然有得撘的士 ......... 不過每人要拎 15 塊 25 寸x 19 寸o既水松板真係一o的都唔易o家 !!!!!!!!!!
哈哈 !!!!!! 果一刻我真係覺得自己好似女中豪傑 .........yeah !!!!!!!!

仲有 ....... 由於係宜傢買o野要自助包裝 .........
係吉之島傢俬部學過o既紮貨方法突然大派用埸 ..........
好感動呀 !!!!!!!!!

放工之後 ............ 我就約左 Eyore 去中環探 Purple
Purple 同佢o的同學係遮打花園擺賣親手整o既飾品呀
我買左條 1 條小粉兔電話繩同 1 條紫色手繩 , 好靚o家 !!!!!!!!!


>>July 1, 2003 at 5:36:40 AM GMT+8

2003 年 6 月 28 日 星期六 【晴】

幾日都無寫日記啦 !!!!!!!!!!!
等我而家快快報告返呢幾日發生過o既事先 .........

而家日日返工放工都有 Betty 陪 , 真係開心 !!!!!!!!!
平時要好耐o既車程竟然一陣就到目的地 ..........
可能途中我o也太多野講啦 ........ 時間過得o甘快都唔覺 .........

星期四本來約好左去 Hysan 探 Panda ........
其實 F.5 之後 , 大家各有各忙
雖然感情仍在 , 但係大家見面o既機會已經少之有少
所以我好珍惜每次見面o既機會
點知今次因為o的唔多重要o既原因而取消左
我真係感到好無奈
突然有感而發 .............
維持一段愛情難 , 維持一段友情更難 !!!!!!!!!!!

星期六唔駛返工
我難得咁乖 , 一早起身出去等Alfred 放工
諗住同佢去唱 Lunch K .........
點知 12 點幾已經係 Happy Hour 啦 ......... 唉 !!!!!!!!
Anyway , 唱 K 係 Alfred 覺得人生最美好o既事情
我就趁放榜前仲有心情就唱o下啦 !!!!!!!
如果唔係放左榜之後都 ...............唉 !!!!!!!

唱完 K , 我o也去尖沙咀行街
夜晚突登放棄至愛o既元氣去黃埔 JUSCO o既 food court 食飯
雖然唔係大埔果間
但係感覺都好親切

至於星期日 .........
哈哈 !!!!!!!!! 一定要留係屋企休息一o下
今日點都唔會出街o家啦 ........

>>June 29, 2003 at 7:59:35 AM GMT+8

2003 年 6 月 28 日 星期六 【晴】

仲有幾日放榜
我已經驚到死死o下啦
話就話一切應以平常心面對
又或者驚都無用
但係我完全做唔到呀 !!!!!!!!!

呢排第一次 F.5 放榜o既情景不斷係我腦海出現 !!!!!
真係好恐怖 !!!!!!!!!!

天呀 !!!!!!!!!! 保佑我呀 !!!!!!!!!!
我要上大學呀 !!!!!!!!!



>>June 29, 2003 at 7:48:59 AM GMT+8

2003 年 6 月 24 日 星期二 【晴】

尋日真係真辛苦到爆 ............
累到今朝幾乎想扮病唔返工

尋日 9 點幾仲係旺角中心等車o返工o既時候
Christine打o黎叫我過去登打士街
原來有同事唔記得帶回鄉証 , 佢已經撘車拎緊出o黎
( 因為公司呢排廠果面有問題 , 同事成日都要上去 )
於是 ........我一個人係30 度高温下係旺角跑o黎跑去 ....... ( 真係跑o家 ....)

11 點幾又收到係大陸o的同事o既通知 .......
由於形勢緊迫 ........ 連我都要即刻上去幫手
於是我就同 Joyelin 出發啦 !!!!!!!
我好似大鄉里出城o甘 .......
原來我上次上去已經係 F.2 o既時候 !!!!!
入境果面幾乎無我去過o既紀錄 !!!!!
攪到過境時攪左好耐 .........

6 點幾攪掂 .........
趕返落o黎同 Balls 佢o也食飯 ..........
11 點幾返到屋企 .........
疲累到 ......
今朝起身覺得自己似隻鬼 .......
不過大陸行程令我學會很多 !!!!!!!!



>>June 25, 2003 at 12:36:28 AM GMT+8