2006 年 6 月 14 日 星期三 【晴】

＜夢想中的名古屋＞

一直以來．．．

最想去的地方有３個．．．

不是巴黎．．．不是羅馬．．．

每每也期待她們的出現．．．

杜拜．．．悉尼．．．名古屋．．．

親愛的悉尼．．．到過了．．．感動得哭了起來．．．

沙漠杜拜．．．一直期待著．．．

夢想中的名古屋．．．我來了　！！！

>>June 15, 2006 at 12:21:27 PM GMT+8

2006 年 6 月 14 日 星期三 【晴】

CX502/503 OSAKA OVERNIGHT (13/6 - 14/6 )

<黃膽水 + 會心微笑>

今班機真係無奈 >_<

由於呀姐唔俾食飯 + 強勁氣流 >_<

我餓到胃抽筋 + 連黃膽水都嘔埋出o黎 >_<

唉 !!!!!!!!!!! 繼 ABC 年代 ( 第一水 ) 由架機嘔到去酒店 >_<

飛左 ８ 個月o既我竟然仲暈機浪 ．．． 真係撞鬼 >_<

來到關西機場．．．莫名其妙o既興奮．．．

真係好懷念大阪之旅呢．．．

可惜今次只是來機場酒店睡過靚覺．．．

談談工作．．．

今程機好似特別辛苦咁 ．．．（以日本機o黎講）

我個 PARTNER 有o的似扮做 DUTY FREE 而唔多做o野 >_<

佢自己都識講得一單生意 ．．．

但點解上至洗厠所下至 CLOSE BAR + 執 GALLEY 都得我一個做 ???

好啦．．．講起出 COCKTAIL ．．．仲離奇．．．

我同 Y３ 都慢到無可再慢．．．齊齊做左 １.５ 條 AISLE ．．．

人地果邊都話 PART 著 ABC 可以理解 ．．．

但係我呢．．．我都係 QBC 左無耐 ．．．

做左８個月o既我點可能唔質疑果個做左８年o既 Y２．．．

好啦！！！

講返o的開心o野！！！

今日收到讚揚信．．．仲要有兩封　＾＿＾

今班機又有個日本伯伯好得意．．．

雖然言語上唔多溝通到．．．

佢剩係猛咁 THANK YOU + 微笑 + 點頭．．．

點知佢落機時捉住我．．．伯伯摺左隻紙 "學" 俾我．．．

伯伯笑著和我 THANK YOU ！！！感動呢．．．

即使是微不足道．．．我也會心微笑！！！

聽日就係我夢寐以求o既名古屋 LONG STAY ！！！

剩係幫人買o既都成張 LIST 咁 ．．．真係好期待呀！！！

>>June 15, 2006 at 10:45:37 AM GMT+8

2006 年 6 月 13 日 星期二 【晴】

返工啦 ！！！

大假後第一班機！！！

大阪！！！我又o黎啦！！！

>>June 13, 2006 at 2:05:13 PM GMT+8

2006 年 6 月 11 日 星期日 【晴】

大假即將完結 ........

明明放到 16/6 先返工 ........

我又鬼咁 "勤力" 調多班機返o黎 .........

後日即係 14/6 就要開工啦 .........

其實好想放返班機出去不過又真係想揾錢 .........

如果我唔駛為左錢而工作又或者直頭唔駛做就好啦 .........

放大假呢o的咁寫意o既生活要 4 個月後先可以再o黎過啦 ^_^

o黎緊仲有嚴峻o既 STAND BY 等緊我......... 還是收拾心情上班吧 >_<

幸好 .......... 下一站是 ......... 我最愛的大阪 !!!!!!!!!!

>>June 12, 2006 at 3:17:18 PM GMT+8

2006 年 6 月 9 日 星期五 【晴】

<放大假之無奈澳門遊>

這次澳門之旅愁雲慘霧似的 ........

漁人碼頭 --> 落雨

金沙 BUFFET --> 太貴食唔起 >_<

豬扒包 --> 未出爐食唔到 >_<

大三巴 --> 落雨

對我來說 ........ 澳門一點也不吸引 .........

唯一高興第一次食鼎泰豐蟹粉小籠包 .........

我什麼也沒有買 ........ 連杏仁餅也沒有買 .........

我想以後我也不會再到澳門來 .........

>>June 12, 2006 at 1:50:17 PM GMT+8

2006 年 6 月 8 日 星期四 【晴】

<大阪之旅後遺症>

身在香港 ........ 心在大阪 .........

掛念著大阪的一切 ......... 怎麼辦呢 .........

我決定 .........下星期名古屋再掃貨 ^_^

>>June 9, 2006 at 11:42:50 AM GMT+8

2006 年 6 月 5 日 星期一 【晴】

＜放大假．．．破產大阪遊＞

十億個興奮o既大阪之旅又名為破產之旅 ．．．

環球片場真係好好好好玩．．．好玩過迪士尼十倍．．．

京都好多特色寺廟．．．好日本呢．．．

瘋狂購物 @ 心齋橋 + 必去o既 RINKU OUTLET．．．

令人回味無窮o既大阪之旅以商務艙作結．．．

不忘叫杯 CATHAY DELIGHT 俾家姐同呀媽飲．．．


DAY 1 向大阪出發

一早 5 點幾就起啦 ．．．傾盆大雨．．．
去到機場 ．．． 第一次享用呢o的員工褔利 ．．．
呢個平平機票員工優惠果然無厄人 ．．．即刻可以上機啦＾＿＾
好鬼抵呀．．．大阪機票＝＄１７０ja（來回 ＄３４０）
不過o的乜稅乜稅仲貴過張機票　＞＿＜

上到機一點興奮o既感覺也沒有 ．．．
一切都太熟識了 ．．．
可惜一向以 SAFETY 出名o既 CX 竟然 TECHNICAL >_<
我做左 8 個月都係試過一班 TECHNICAL >_<
最後攪到 DELAY 一粒鐘 ．．．



搭早機 CX 506 ．．．



呢架係波音 773 ．．．


DAY 2 環球影城 + 天保山

今日好開心 ．．．環球影城好好玩 ．．．
最鍾意 SPIDER MAN + TERMINATOR + WATER WORLD ．．．
正到呀．．．同學仔一齊 SWAP 去 LA 果個啦 ^_^



大門口指定照片 ．．．



x羅紀公園 ．．．好驚險 ．．．



好似去左 HELLO KITTY LAND 咁 ．．．


DAY 3 大阪遊 + 心齋橋

朝早大阪城天守閣．．．大阪標誌呢 ^_^
之後就 SHOPPING 之旅 ．．．心齋橋狂掃貨 ．．．
藥房狂掃 SOFINA + KOSE + PN + DHC 買左二千蚊 ^_^
之後係 UNIQLO 掃左幾件衫 + 褲 + 裙 ．．．
跟住就同 LING LING 姐去掃日本型仔 TEE ．．．
我呢o的衣著亳不講究o既人都係平平地 UNIQLO 算啦 >_<



大阪城天守閣 ．．．



我和媽媽 + LING LING 姐 ．．．



今日的戰利品 ．．．一部份而已 ．．．

DAY 4 京都遊

今日係旅程重點．．．遊寺廟．．．
金閣寺．．．銀閣寺．．．大阪神寺．．．清水寺．．．
買左o的京都鏡盒 + 小手信．．．黃昏去左京都巿中心．．．
終於俾我買到好多日本 CREW 返工用o既頭飾．．．
之後再去 UNIQLO 掃多幾件 T SHIRT ．．．
夜晚食居酒屋．．．美味呢 ^_^




好靚o既金閣寺 ．．．



京都銀閣寺 ．．．



入寺廟洗過靚手先 ．．．


DAY 5 狂掃 RINKU OUTLET

之前有兩個 大阪 CREW 都話呢個 OUTLET 值得去．．．
原來係超超超超級值得去．．．o的o野又平又靚．．．
可惜我已經無哂錢要問呀媽借 10000 YEN 呢．．．
諗住得果 10000 YEN 都買唔到o的乜．．．
點知都收穫豐富．． ．
$300 = 型仔 NIKE 日本版波鞋．．．
$170 = 香港賣四百幾o既 NIKE 褸 ．． ．
$140 = OLIVE des OLIVE 粉紅褸．． ．
$ 70 = EDWIN 牛仔裙．．．
最震撼係 $35 = 原價 $450 o既褲．．．
OUTLET 全部都擺得好靚 + 任試都唔會俾人白眼 ．．．
十憶個推介o既 OSKA RINKU OUTLET ^_^
下次換季調幾粒 G 去掃貨先．．．大阪我一定會再來 ！！！
(鬼咩　！！！我放完大假第一班機又係大阪！！！）



大阪再見啦 ．．．＞＿＜




商務艙o既頭盤

>>June 8, 2006 at 7:57:02 AM GMT+8

2006 年 5 月 30 日 星期二 【晴】

大阪之旅 ......... 正式出發 .........

>>May 31, 2006 at 1:28:19 PM GMT+8

2006 年 5 月 30 日 星期二 【晴】

<放大假>

一連飛左 N 班機後 >_<

長達 14 日o既大假正式開始啦 ^_^

聽日就展開我o既日本之旅 ^_^

不過比起上年去韓國 ........ 雀躍程度只屬一般 ........

莫非平時真係遠行得太多 .........去埋今次以後亦唔會點去啦 .........

一來去旅行o既慾望唔係咁大 ......... ( 平時成日都周圍去啦 )

二來想快o的儲多些錢 ......... 希望可以儘快買樓呢 ^_^

講返旅行 .........最興奮係唔駛自己搭 E41......... 可以搭商務艙 .........

最重要係今次上到機我真係唔駛做 + 唔駛受氣o家 ^_^

放大假 ......... 始終人生一大樂事也 ......... YEAH YEAH YEAH ^_^

>>May 31, 2006 at 6:13:44 AM GMT+8

2006 年 5 月 30 日 星期二 【晴】

<不再新鮮>

從別的空姐日記看到 .........

" 看著新人, 慌失失的在cabin 走來走去, 那臉緊張的表情, 恍忽看到那時自己當時junior的模樣. 身為"師姐", 我也傳受了一D Tips 俾她們, 幫得幾多得幾多. CX其實都有好多好crew, 好的senior crew 更大有人在.

看見她因為派錯special meal, ee 被老總"照肺" 同個客罵, 真係好慘. 之後仲要俾阿姐話, 做service, 派餐太慢....... 唉 ........ 看見她那麼慘, 作為她的partner, 我亦特意做快D, cover 埋她的Zone, 2nd wine, coffee, tea 幫佢做埋. 差不多descend 到香港的時候, 看見她眼濕濕, 唔開心... ... 看到也很心酸, 只是走上前輕輕安慰了幾句 ......

也許這就是每位crew 必經的成長過程和心路歷程吧 !!! "

隨著 PROBATION 的過去 ........ 我也不再新鮮了........ (雖然都仲係嘟嘟地 >_<)

>>May 30, 2006 at 4:11:42 PM GMT+8