2003 年 7 月 31 日 星期四 【晴】

今日舖頭的氣氛很沉重, 因為個新人把客的書執錯左, 人地要的佢冇執,
人地唔要的, 佢就執左, 搞到 d 書要全部做 reture, 然後再執過, 再過多次機
個客就一路係度嘈, 一路問做咩, 老細解釋完又再解釋, 但個客就一直都係唔明 ( stupid ^(00)^ )
搞到老細好 " 憫 " ...... 加上又唔知邊個成日踢倒個主機, 搞到所有機都 hand 晒
又要 restart 過, 由於過程複雜, 令到佢憫上加憫......今日由朝黑面黑到晚, 又不停罵人
今日都未見佢笑過 .........
唉~~~ 今日個日子真係好難過呢~~ coz 個個唔敢點講野 and做錯野
阿勇今日就係第一個做左炮灰 >.<~~

maggie 今日煮左沙嗲魚蛋, 味道唔錯, but 我食就鹹左 d
都係o者喱煮的口味o岩我多 d ^(00)^

>>August 7, 2004 at 11:00:55 PM GMT+8

2003 年 7 月 30 日 星期三 【晴】

今日舖頭又多左員工(佢係長工) , 由和宜個邊調黎, 令人數升至14人
今次個新人個身材較為大份左 d , 令到所行的位置變得好窄
加上這個新人唔多出聲, 問一句答一句, 有時好似唔多想答我野 tim
佢好似有 d 難相處...... but anyway.....大家都係做野啫.....唔洗搞到自己咁 lonely
大家開心 d 咪幾好..... 原來做長工都幾好, 有 6千幾, 佢仲話唔多, 寧願做 part-time
唉~~~ 都唔佢點諗~~~

今日好肉痛, 自己打破自己的 ulterma II , 可能係自己太累掛, 一時鬆手, 掉左落地
個下真係好肉痛, 咁就冇左一日的人工, 大拿拿 200蚊就比自己掉左
唉~~~ 心痛 >.<~~~

今日我問媽咪, 我問佢 mind 唔 mind 自己的男朋友細左自己
佢竟然話 唔 mind , 仲同我講.....家下咩年代, 男朋友細自己一至兩年都冇所謂
最重要係佢好仔同鍚自己就得........我聽完都嘩嘩聲
原來我係咁古老石山架.....我真係唔係咁接受自己的男朋友細過自己
我原本以為我媽咪同我思想差不多, 佢仲封見過我喇, 真係估唔到佢係呢方面會比我 open
咁我係唔係應該改變下自己的思想呢 ????

男友 < 自己 = 同自己細老 ( 我之前係咁諗 )

>>August 7, 2004 at 11:01:45 PM GMT+8

2003 年 7 月 29 日 星期二 【晴】

今日個人好睏... >.<~~
本來要幫個客拿target eng listening and w/b 的
我竟拿了target 的 w/b and express 的 listening
唉~~~ 我究竟做咩呀.....咁都錯.....仲要 confirmed 埋, 出左單sin 知 (仲比老細見到 tim )
今日既我....實在不在狀態中.......力不從心

but 我並沒有因此而影響我食慾......我今日個 tea time 仲食左芒果果凍 tim
but d 芒果好酸...... 都係blueberry 好味.....都係基仔好 ^(00)^

>>August 7, 2004 at 11:03:45 PM GMT+8

2003 年 7 月 27 日 星期日 【晴】

嘻~嘻~ 今期我地書店有股整野食的旋風
自從我整了 cookie 返書店比同事食之後, d 同事就開始日日整 d 野食返舖
好似開餐咁, 有 sushi , 咖哩魚蛋 , 雞亦 , 車厘茄 , 遲 d 有同事話整o者哩糖 tim
嘩....嘩.....今年實在太開心啦......個個同事都咁好

but 美中不足的.........就.......是...... 今年男同事實在太少啦
得兩個....... >.<~~~~ 搞到我要做多好多野........ coz d 女同事實在太弱小了
都唔多搬得野........ so....... 唉.......想搵個男仔幫我搬下野都唔得

>>August 7, 2004 at 11:04:25 PM GMT+8

2003 年 7 月 22 日 星期二 【晴】

有好耐都冇寫日記 lu~~~
因為返工實在太累了, 估唔到d 人咁快就走o黎買書, 比起我上年做時
d 人提早左, 好多家長 ( s.1 )都怕買唔到, 舖頭日日都迫滿人, d 人好似係街市買菜咁
大聲講大聲笑, 仲大聲討價還價, 有個家長問舊書仲有無平 d 呀?? 我幫你買咁多 ......
我老細就企硬, 連一毫都唔肯平比個師奶, 可能係個師奶又肥又寸又樣衰掛 (我諗)

今日辰咁早就起身( 未到7 點 ), 因為約左同事一齊去打羽毛球
其實唔多願起身, 因為太累太睏了, 都係自己衰, 琴晚掛住睇電視 ( 做 神 ! 請給我多點時間 )
so.....最後我都係有去到.......打完返工......發覺對腳好緊........真係好想就咁係舖頭睡
嘻嘻.....雖然係咁累, but 我還是答應下次去游水呢, 因為有滑梯玩......yeah~~~

>>July 23, 2003 at 12:23:03 AM GMT+8

2003 年 7 月 17 日 星期四 【晴】

今日舖頭安裝了一部蔽露電視, 安裝時間偏偏在人多的時候安,
加上師傅肥伴的身軀, 令原本已經狹窄的路變得更加狹小
上年做o個時, 條走廊都已經是很窄, 兩個人同時打側過時已經叫救命,
今年條走廊比上年收窄左(老闆真是睇得起我地, 唔係又點會把條走廊收窄呢 =.=''''''' ),
當一個人抱著十幾本書行過條路已經辛苦, 更何況是兩個人
我諗今年一定會比往年混亂, 手腳較慢

不過.....今日個肥老師傅好好人, 又有 d 搞笑, 同佢都幾好傾
當我問佢點解唔遲 d 先裝, 佢話咁幾點好呀 ??>
我話最好就 7 點打後啦, 跟住佢答, 7 點真係好咩 @.@.......真係 7 點 ???
跟住我地就一齊笑, 佢仲讚我話, 今日返左咁多書, 咁快就上清晒, 你都幾快喎
哈哈~~ sure la...... i am prefessional 嘛 ^(00)^

>>July 17, 2003 at 11:49:27 PM GMT+8

2003 年 7 月 15 日 星期二 【晴】

今日到有一個 s.1仔比人呃左2千幾, 都係因為一 d 無良的人
聽講佢地把個 s.1仔份書單畫到花晒, 然後話 d 書計過喇, 大約2千幾咁.....
佢地收左 d 錢之後就帶個靚仔過黎我地度, 叫佢地自己慢慢睇, 之後就走左, 連人影都唔見
個靚仔已為選完就走得, 之後才發現原來佢比人呃左, 大拿拿就唔見左2千幾蚊, 我都"登"佢肉痛
個 d 人真係好黑人憎, 我諗個細路返到屋企實比佢媽咪罵

>>July 15, 2003 at 10:58:43 PM GMT+8

2003 年 7 月 13 日 星期日 【晴】

今日去深水埗泳池游水, 費用係.....全免 ^(00)^ wooo....好低呀
這個優惠好像是在7月份的每個星期日 ( 好似有限額的 )
今日都唔係幾似游水,我地只係游左4個直池, coz 我一直同 bobo 傾計多
游完返到屋企才發現有2條直痕係個額頭度, 極度樣衰 >.<~~ 都唔知幾時才會散去

唔知係唔係因為知道自己會返 bookstore 的關係, 今日竟然好放肆地食左3個拿破崙蛋糕,
一個蛋撻, 一碗雪糕, 兩碗意大利粉同一件西餅, 除了食 buffut 之後我都未食過咁多野囉
coz 我知我返 bookstore 一定可以減到肥...... so.......我就好放心咁食掛~~

>>July 14, 2003 at 12:13:51 AM GMT+8

2003 年 7 月 12 日 星期六 【晴】

嘻嘻~~
今日成功地做了12個蛋撻 和 7個肉鬆包 ^(00)^
雖然 d 包唔夠店舖買個 d 咁鬆軟, 但我覺得真的不錯,. 幾好食( 唔硬架~~ )
d 撻同 d 包個賣相也相當不俗, 我已把它們拍了攝片, 有機會希望可以把佢地放上網




>>July 12, 2003 at 9:06:59 PM GMT+8

2003 年 7 月 10 日 星期四 【雨】

今日去見老細, 佢比左張職員須知我睇
新職員開始有試用期, 試用期人工 $150, 完左試用期薪金由 $150 - $190不等
舊員工不設試用期, although 工資係高左, 但.....要求亦高左
遲到每分鐘扣 $0.33, overtime 15分鐘要 assign to 店長先有保水, 否則就冇超時工資
又唔比工作時間內傾私人電話, 放食飯時又話唔好係店面門前流連
點解而家 d 老闆咁o既 =.= ??? 越來越苛刻
唉~ 如果唔係因為搵唔到工, 銀行戶口又........我都唔會返去做

>>July 11, 2003 at 6:44:08 PM GMT+8