2004 年 9 月 9 日 星期四 【晴】

　　上左三日堂，仲未決定揀咩course好，我現在有兩個可能的Timetable。
　　我終於知道甚麼是傷追人了！Course selection就是傷追人，他令我很煩惱，搶了我很多時間和精神，奪走我快樂的情緒。

>>September 12, 2004 at 2:04:59 AM GMT+8

2004 年 9 月 7 日 星期二 【晴】

　　今日開學了，自己變成了Year 2的學生了。今天只有一堂要上，第一日返學就遲到了。為左唔想返一堂就走，所以Sit了其他堂，及和比卡超到M記閒聊，夜晚就同眾同學去綠野仙縱吃晚飯。
　　今日，有個同學無端端話我勁，又話知道我D野，但係我完全唔知道發生了甚麼事。原來我和cx被我果個系揀左做peer tutor，主要都係幫下year 1 師弟師妹，我覺得做做也無妨，反正這是很撻的，而且也有少少錢收，仲多左個e-mail address添。
======================================================
　　看網頁說我或會在今年九月或十月在某方面有新突破，我現在充滿盼望，希望是真的，不想失望。
======================================================
　　我覺得，有好多野就算好想唔做，但係都要做，有D野唔想諗都一定要諗。

>>September 8, 2004 at 3:55:28 PM GMT+8

2004 年 9 月 6 日 星期一 【晴】

　　到現階段，主要的工作做完了，但還有一點手尾要做，但係呢D手尾都幾多野做，唔知幾時先會真正做完，我到現在也不知哪日才是我在公司的last day。
　　有D同事羨慕我開學，可是我不想返學，聽到「你就好啦！開學喇！」、「俾心機讀書喇噃！」呢D說話令我無奈，返學不是一種享受，返學也有辛苦、煩的時候，和工作差不多。
　　今晚先發覺我個同事（就是那個我覺得好好的同事）同我同月同日生，他比我大兩歲，太好了，一直想識D同年同月同日生或同月同日生的人了。我icq send了我約四個月廿前影的相給他看，他竟然話張相無我，他竟不認得我，我覺得我的改變並沒有那麼大，之後佢講果D野令到我好開心。他是姓陳的，我當左佢係我阿哥lu，他知道我一些私人野。
　　明天就要開學了，開不了心，我想個假可以長D。

>>September 7, 2004 at 4:11:29 PM GMT+8

2004 年 9 月 4 日 星期六 【晴】

　　今朝早就約左Alan一齊行山，由薄扶林行上山頂，記得中五冬天的時候都試過行呢條路。路牌上寫整段路程需時約四十五分鐘，但是因為我們行得慢，所以用了約五十五分鐘才到逹山頂廣場，我們在山頂廣場和凌霄閣逛了一會，便再登高，行多幾個字就上到香港島最高的地方了。今次行山都唔算辛苦，行山幾好，遲D有機會再行過。
　　行完之後，就搭巴士去到銅鑼灣食午飯，我就帶左佢去我同同事成日去食果間茶餐廳度食，食完之後就上左世貿打陣機，我太耐無打機了，我和Alan打Virtua Tennis 2 2P，兩次也在第二局就輸了，>.<，不過Alan好勁，係我差0者。
　　在山頂影左幾幅相，遲D Upload左去my photo album。

>>September 7, 2004 at 4:40:00 PM GMT+8

2004 年 9 月 2 日 星期四 【晴】

　　今天放假，上午去左灣仔會展間君悅酒店（上年利物浦球員訪港住果間）食lunch buffet，好high class，好貴，又唔係特別好食。
　　夜晚就去左睇903萬人迷大作戰最後一場，有得睇陳奕迅。成個節目只有兩小時，他唱了四首好正好正的歌，包括那一夜有沒有說、Katrina、小孩不懂怕及猜情尋，好耐無現場聽佢唱歌了，其實我只聽過三次（連埋今次）。節目裡面，佢仲分享左佢之前D相，張張相的姿勢都好Gag。總括黎講都幾好聽，不過有時俾人遮住左睇唔到，同嫌佢唱得太少歌。

>>September 3, 2004 at 4:52:22 PM GMT+8

2004 年 9 月 1 日 星期三 【晴】

　　今天有七個同事請我去時代廣場間酒樓飲茶，真係好。
　　合約到今天為止，過了今天，我便不是以鼠棋公的身份返這間公司。之後，仲會繼續返工。
　　出左糧lu。明天休假一日，Yeah!
　　公司明天就會有後生仔及女加盟了，真好。
　　我開始覺得自己唔再係學生了，因為我已習慣上班了。

>>September 2, 2004 at 11:48:52 AM GMT+8

2004 年 8 月 31 日 星期二 【晴】

　　九月一號喇，是大部份人開學的日子。而我今天也要回香港大學走一趟，是為了看看自己和同學有否被錄取修讀初級普通話課，暑假已經報了一次這課程，但因為要返工所以沒有一堂是有出席的。結果都被錄取了，所以要交deposit，要再一次從包兆龍樓出發，行山匯豐銀行交錢，再回到包兆龍樓交收據，這條路令我覺得香港大學很大，而且也讓我領會到這個夏天有多麼的熱。時間有點緊迫，請了兩個鐘頭假也差點兒不夠，幸好最後沒有遲到。
　　因為遲了兩個小時上班，所以要遲兩個小時下班，其間，好友來電，談了約三十分鐘，這三十分鐘我也一直只用右手打字。
===========================================================
　　我之前覺得好好果個同事原來都幾壞，今日是開學的日子，lunch時間有很多學生在行街，他常常看女學生。

>>September 2, 2004 at 11:32:33 AM GMT+8

2004 年 8 月 30 日 星期一 【晴】

　　經過兩度延期，今天我上司終於請我食lunch喇，除左我同我上司外，仲有我四個好同事。我們去了利舞台的客家好棧食，D裝修幾好。因為係位於高層，個View都幾好。我食左好多野，D野幾貴下，hehe...
　　今日又有個好同事要離開，他明天就要返學，讀Poly，在這不夠兩個月內，公司已增添六名新員工，走了四個員工，流動率頗大。有個不明文規矩就係離職的人要請全公司的人食野，今日下午佢就請左全公司人食西餅，全公司的人有一百多人，他大出血了，我食左兩件添。
　　我就黎要離職了，開始有點不捨得，我個好同事話如果我係女仔，我走果日佢會擁抱我，>.<。
　　2003年，我可以睇同參加一D特備節目，包括利物浦訪港，2004年已過了一半，心想今年不會像上年一樣節目那麼豐富，幸好，我還有機會參加，我現在太開心了，I will have a great time!

>>August 31, 2004 at 11:56:12 AM GMT+8

2004 年 8 月 28 日 星期六 【晴】

　　今晚去左香港仔參加7S Gathering，玩到差唔多十二點先返到屋企。

>>August 31, 2004 at 11:42:00 AM GMT+8

2004 年 8 月 25 日 星期三 【晴】

　　今日lunch之後因為某件事非常激氣，當我徬惶失意心情低落時，幸好我又可以搭公司車出街，因為塞車，搭左個幾鐘頭車只係做少少野，可以睇風景，心情都好番少少。越黎越鐘意搭私家車出街，同搭公共交通公具差好遠。
　　因為整個上午都是幫老細做唔屬於公司的事務，下午又出左街，我可以肯定我不能在九月二號或之前做晒我手頭上的工作。
　　雖然機會渺茫，依然希望明天有八號風球掛。

>>August 26, 2004 at 12:45:47 PM GMT+8