2003 年 4 月 20 日 星期日 【晴】

本來今個星期想寫d特別野..............但最後都係諗唔到..........
日記終放寫到兩頁，yeah!

點解我個日記叫流沙，因為.............
唔知道.........^^
係因為一次好偶然咁聽到容祖兒首<流沙>既歌詞:
有甚麼　放不下
　昨日如煙火　未來如流沙
　誰知道　下一分下一秒　會如何變化
覺得幾有意思!

流沙好似我個日記，其實可能自己寫完都未必記得，或者我好快又冇心機去寫，或者佢個sever好快又摺左，或者............
其實做人有好多事，就好似流沙咁，過左去就算，隨意一d，無謂諗咁多.........................
個流字係希望可以有錢有時間(有膽量?????)的話，去旅行，睇下週圍既野。

不過我覺得'廁所版'呢個字正d呢!

聽過一個說法，話愛情，好似手中既流沙咁，佢點都會流走，如果你握緊隻手，佢仲流走得仲快，放得太開，又抓唔住，所以唯有眼白白咁睇住佢一點一滴咁消失..................
你地同意ma?


>>April 21, 2003 at 1:17:18 AM GMT+8

2003 年 4 月 20 日 星期日 【晴】

尋日走左去睇戲，睇<我如此很好>，係一套印尼片，
只係一個好簡單既故事，母女係街頭尋人，追追逐逐......
我好少睇呢d戲，一路睇一路諗下野幾好呀!
戲裏面有句'what are you looking for?'令我想左幾次。
如果我有機會睇多d戲，我諗會明多d既.........
不過﹐行出戲院我忽然覺得<我如此很好>。^^
跟住走左去睇海，一直想睇海好耐，行左好耐先去到海邊，覺得自己幾無聊，見到個海，覺得好自然好舒服，心情都放鬆哂!如果可以既話，希望有機會去睇下其他既海。

諗起近個星期生活都很隨意，沒有給自己什麼期許，不想給自己太多壓力，無論學業上或做人上，生活都很悠閒，什麼事也懶理，懶想，懶做，但是都係一個字..........拖，但事實我又過得不算好開心(雖則日日都玩)。可能我都知道係時候做番d野啦!哈哈!
近期執屋，看到很多書，很亂很亂，有很多竟然看也未看過。升左上大學，近半年了，我居然未曾好好地看過什麼書，除左<為自己出征>，是否我對看書巳經失去左興趣呢!希望有時間好好地看書啦!




>>April 21, 2003 at 12:52:23 AM GMT+8

2003 年 4 月 19 日 星期六 【晴】

2002/04/21
尋日下午執屋，見到張書台d書終於唔見哂，感覺幾好!
跟住夜晚同fd食飯，66可能我講得唔好啦，居然同你有d argue(幾罕有呢) ,不過如果唔係咁，我呢個典型金牛座未必收到你個pt.呢!
不過同你出去食飯幾傷腦筋呢!
沙田? no way
荃灣? far away
又一城 仲易領野
觀塘 近牛頭角呀
因為負左，所以48小時唔可以洗頭，其實應該唔好出咁多街，但係我就日日都去，好彩最近天氣唔係太熱，都唔算辛苦。
to clavis:我冇整colour呀!因為我唔夠時間，唯有遲d再整!


>>April 20, 2003 at 3:06:40 AM GMT+8

2003 年 4 月 18 日 星期五 【晴】

今日睇左alice 19
唔知點解，好感動呀!
好耐未試過睇漫畫而覺 得感動!
原來言語既力量係咁大嫁，所以如果我地好坦白咁講出心裏面既說話，可能有好好既結果呢!
P.S.原來想寫經濟一週，但都未諗到點寫呢........................


>>April 19, 2003 at 3:59:33 AM GMT+8

2003 年 4 月 18 日 星期五 【晴】

2003/04/18
尋日下午去左去整頭，anna唔黎得tim!(希望anna唔好唔開心，頭髮好快長番嫁啦！）由於時間關係，走左去大圍整，我入去果時明明話整四個鐘，點知即刻洗濕左我個頭之後，要我等多左成兩個鐘，都唔知有冇搞錯，我話唔整，佢又話查左野唔得，搞到我勁灰，等到人都傻，唉！我至憎等嫁ｍａ！都唔知點解其他人可以等咁耐，真係無聊之極。不過佢又整得幾好喎！

跟手同班夜校同學去食飯，好耐都未試過咁齊人啦!真係難得!不過哥姐都唔黎，點得嫁!下次要去你屋企玩，睇你點唔黎^^
玩得好開心呀!真係多謝大家幫我同QUN慶祝生日，最衰我遲咁耐啦!都係個頭啦，攪左咁耐，你地話我個頭整得好呢!搞到我好開心!哈哈
去果間餐廳好有情調呀!對住個海，個景又靚，坐係度好舒服，仲影左好多相TIM! D野食都好好味!CAREY姐勞苦功高啦! 如果唔係你都冇餐咁正既飯食，栗子蛋糕呀!收到哂!到你個生日一定攪大佢!
仲有禮物同蛋糕呀!好多謝BAYAN同CAREY同哥姐呢!
之後去左海旁傾計，個個都掛住玩呢............................
之後諗住唱k，都係非典型累事啦!
遲d就考試啦!希望大家都順利過渡啦!放暑假都要出黎玩呀(E.G.唱K呀!)

切生日蛋糕果時好認真咁許左三個願望，希望成真啦!



>>April 19, 2003 at 3:52:35 AM GMT+8

2003 年 4 月 17 日 星期四 【晴】

今日係復活假既最後一日，返左兩日學，我都係上左一堂咁大把!有d慚愧tim!
今日d 同學話要我睇戲果日傾present，勁唔開心呀!點知原來我係星期日睇戲，而唔係星期一，仲唔係睇三級片tim。套戲叫'我如此很好'!，終放記得啦!
今日同art soc bbq ，幾好玩!但係點解我諗極都諗唔到上落山呢個問題，攪到我好想知答案tim!
今日bbq幾開心，佢地d問題好攪笑。好耐冇bbq啦!
打ps2時，仲未敢玩clock tower，因為我怕會瘋狂咁玩，日玩夜玩，書都唔溫呢!


>>April 17, 2003 at 5:51:09 PM GMT+8

2003 年 4 月 16 日 星期三 【晴】

今日過左平凡但滿意同開心既一日。(不過d工作就積住左)

今日走左去補習，個學生又唔問我野，又東張西望，都冇乜心機同佢補，不過聽個太太口氣
下次都係唔洗去啦!
算啦!我仲有錢洗，不過暑假就要搵番份工，唔係坐食山x。
跟住同ting ting行街，佢話冇上我日記，可怒也.....................
太耐冇見佢，可能朋友睇朋友，覺得佢瘦左同女人左呢!佢話我大洗左同貪吃左，都真係架，如果唔係佢話住我，我可能真係一路行一路食呢!有金龍船既泡夫(而家仲好想食)pie & tat ，有好運既小食........

唔知係邊個既info睇過以下呢一句話:
如果生命係一首樂章，就讓我們認真面對每一次的呈現
今日走左去睇鋼琴戰曲，一套我想睇左好耐既戲，佢用左好多音樂同鋼琴，幾難明，如果karen係度一定睇得明哩!(香港有個荷里活都仲未買到呢!)

>>April 16, 2003 at 6:03:25 PM GMT+8

2003 年 4 月 14 日 星期一 【晴】

今日幾開心lei!
太耐冇返學，一上堂就訓哂覺。冇計啦!
不過確實幾掛住city u呢!好耐未上過soc房啦!
今日開會員大會，得幾個人黎，發覺到原來都會有情緒不好的時候!不過閣下真係奇人一個!
老媽子生日，本來諗住同佢食泰國菜，點知因為太遲返到屋企，阿媽煮左飯，唯有抄幾碟送返去啦!不過仲有母親節有得食lei! (好像為食野多點)
一隻戴左個幾星期既尾指介指唔見左，有d唔慣tim!>.<

今天願望:
1.食早餐不遲到
2.食午餐不放飛機




>>April 15, 2003 at 4:02:00 PM GMT+8

2003 年 4 月 14 日 星期一 【晴】

上午 09:26 2003/4/15
估唔到show happy都上唔到真係呀!其實呢個係昨日的日記!
即時俾人complain tim!^^
序言:
今日我孤身走到天地盡頭，那裏風沙滾滾，四野無人，荒漠無邊。
陪伴著我的只有一個又一個的山丘。像傳說中的無機世界。走著走著，我覺得又累又喝﹐
但我堅持走下去。我一定要找到世界終結的情景...................
假若有一天，我真的去到了﹐那麼我一定回來﹐回到我最初及最終的時候。
誰能比這獸，誰能與它交戰。
from:沒有名字的怪物
內文:
本來呢度想寫好多野﹐但最後都係咩都唔寫.......
結尾:
忽然我都想感謝我既朋友，給你一首歌:
沒有你羸了世界又如何

曲:巫啟賢 詞:林振強 編:江港生/Robert Seng

塵世充滿競爭 光陰似趕路人
誰人亦全力上 只想勝於別人
朋友當你於心無愧了 不必計苦或貧

* 唯有好友的心 方可抹走淚痕
無論在何地裡 有著同樣聲音
如我不覺孤單 全靠你分苦與甘 *

# 而得得失失不必追究 得你願跟我做朋友
就似是得天獨厚
我珍惜得你跟我挽手 嬴了世界輸走好友
等於一切全部也飄走
而得得失失不必追究 得你願跟我做朋友
就算沒有仍足夠
我只想跟你可到永久 嬴了世界輸走好友
等於一切全沒有擁有 #
我只想跟你可到永久 來到世界得到好友
天空海闊全部已擁有
希望你們會看到更好的我.......



>>April 15, 2003 at 4:00:26 AM GMT+8

2003 年 4 月 12 日 星期六 【晴】

今日可以講係毫無建樹既一日，屋又唔執，書又少溫，功課又少做。
'牛'左係屋企。
好無聊咁食左好多我尋日買既零食。
然後又好無聊咁訓下覺。
醒左又好無聊咁發白日夢。
之後又好無聊咁上網同icq。
再黎又好無聊咁食飯。
之後又好無聊咁打陣ps 2。
點知又好無聊咁俾夏侯淵打死左。
而家就好無聊咁寫梗日記。
遲d就好無聊咁等訓覺。
唉!充滿無聊的一天.......................^^
希望明天可以冇咁無聊啦!

不過如果你睇到呢篇日記，你都幾無聊呢!
哈哈..........


>>April 13, 2003 at 1:15:02 PM GMT+8