2003 年 12 月 31 日 星期三 【晴】

好啦,新既一年又來囉~先來過新年快樂~
上年做過什麼?什麼也沒有~有的就是識到
了不少新的朋友~就是如此了,還有就是做多
了很多冇謂既事情,是什麼我不用多說了吧,
熟我的人應該知~希望新的一年大家都心想事成吧~
再次祝各位新年快樂~~~~~~~~~~~~~~~~~~~~~~~~

>>January 1, 2004 at 6:38:25 AM GMT+8

2003 年 12 月 29 日 星期一 【乍暖還寒】

這年....都不知做過什麼.....
前天又入去找她了...每次見她都很開心...
我對著她是又喜歡又畏懼,不知為什麼了...
剛剛打電話給may姐,她不說我都不知原來
已認識她兩年了,時間真是快得很...

>>January 1, 2004 at 6:39:05 AM GMT+8

2003 年 12 月 26 日 星期五 【乍雨乍晴】

我一出世就住係深水po,係度都住佐十八年囉,
話長唔長,話短唔短,因為的時間都過得幾快下,
睇住呢區一路變落去,由以前乜都冇,變到而家乜
都有,仲變佐香港既旅遊地點...因為呢度好多電腦野
買,有個黃金係度嘛...記得係六七年前呢度開佐個西
九龍,佢就變佐呢度唯一既大型商場la~佢九樓上面開
佐個比的細路去玩遊戲既地方,我記得個陣我係個度學
佐唔少衰野...多到記唔到...個陣時個度真係幾雜下...佢
下面有個幾大型下既美食廣場,都幾多野食架,我而家都
仲有去食~~~但成日都好多人,特別係星期六,但係我阿媽
就特別喜歡叫我星期六去食,仲要係夜晚,仲多人=.=,個度
的野食款式到而家都冇乜點變,多數都係四送之類la,之後
開多佐好多其他款式既野,但係都唔夠四送勁,so最後冇佐...
對落個幾層都係比人行街,冇乜野好介紹,深水po仲有一個
地方係必去既,就係鴨街la,個度真係乜雜野都搵到...買手提
電話去個度都幾好呀,因為平~仲有深水po交通都幾方便,乜
地方都去到,住到呢到都算唔錯啦~雖然係雜佐的...

>>December 27, 2003 at 1:37:08 AM GMT+8

2003 年 12 月 24 日 星期三 【晴】

好悶,so上來寫日記~昨天平安夜,一放學就同的fd去佐奧海城
打機,打佐一陣就去搵野食la,初初諗住去食pizza,點知23,24冇
得食平餐=.=,最後就決定佐去食ｍ記.....算啦.食完就係度諗下去
邊度好,最後都諗去尖沙咀睇戲,睇完之後就去佐海邊吹風加吹水
點知去到一點兒風都沒有=.=,大約吹水2:30到就走佐la,之後就各
自返屋企la...咁就過佐呢個聖誕節,都唔知做過的乜........................
仲有今日一早就比阿媽整醒佐去搞個個回鄉證,唉....我昨天五點
訓,今天九點起身,即係話我訓佐四個鐘啦,開心死...不過去到好快
就搞掂佐啦,其實最重要個part都係比錢佢,有錢真係差唔多大哂=.=
其實都有少少對唔住emily,我都有的想同佢出去,但係我驚太多人,
佢又要big來big去,唔想佢辛苦所以都係同的fd去wet好的,我唔知佢
係咪冇人約先叫我出來,真係好多謝佢叫我出去囉...雖然最後都冇去...
下次補返數入去佢個度食野吧...

>>December 25, 2003 at 3:46:02 AM GMT+8

2003 年 12 月 23 日 星期二 【晴】

臨訓前寫一寫~今日都冇乜特別,明天就係平安夜la,
原來約佐emily去睇燈既...但係最後都決定同的fd去wet,
佢都係同佢男朋友去睇好的~~明天要返足全日學,早上九
點半返到中午四點半...算la.......

>>December 23, 2003 at 4:16:20 PM GMT+8

2003 年 12 月 21 日 星期日 【乍暖還寒】

其實唔係太想寫今日既日記,因為冇心情...
算啦,都上佐來~好難得今日一家四個人坐
埋一齊食飯,真係好少有,可能做冬既關係掛...
頭先突然想起一件事,件事就發生係呢年既,
之但係幾月幾日就唔記得佐,但就好記得係件事發生係夜
晚既.個陣我同我個中學同學係石硤尾吹緊水la,咁就
見到個女仔係下面個公園度玩,咁我地都冇理la,
之後我地諗住走la,我地要經過下面個個公園先可以
返到屋企既,當我地走過之際,個女仔就突然走埋來我
呢邊,個陣我先見到個個女仔都唔細,但係佢有少少輕度
弱智...咁我個陣有少少驚,咁即刻行到好遠....我仲衰格到
叫個女仔行埋我個fd個邊,之後我同個fd當然即刻走佐la,其
實個陣我都有少少唔好過,好似好衰咁,明知佢有的弱智都唔理
佢就咁走佐...而家諗返走都.....唉....其實自己遇過唔少呢的
事情,但係永遠都唔夠勇氣去幫手.......真冇用...

>>December 22, 2003 at 3:14:55 PM GMT+8

2003 年 12 月 20 日 星期六 【陰晴不定】

個個同學都放哂假,我仲要返學,仲要返到24號=.=
不過算啦,可以返多幾日學,唔駛咁悶日日留係屋企,
而家我玩鎗game已經有的料到,成日練終於都有的成果...
一年一度的聖誕節就到la,今年又唔知有乜搞...
肥婆返佐來=.=頭先諗住約佢出來,
點知佢就話係觀tong,算啦,過多兩日先叫佢出來

>>December 21, 2003 at 2:15:52 PM GMT+8

2003 年 12 月 17 日 星期三 【晴】

今日放佐學就好快咁返佐屋企la,
好耐未試過咁早返屋企la,其實都
係唔想駛咁多錢,打少的機會好的既~
星期三上program堂個陣剩係諗個lab 6
都諗到我死死下,妖......個晚就睇佐陣
program書,的好有權威既人話寫程式都係
好有art既事來,有權威果然特別唔同的=.="
又話係1950年開佐第一個關於write program
既conference,唔讀電腦都唔知原來write program
都係一種art來,真係勁~~~

>>December 18, 2003 at 7:03:57 AM GMT+8

2003 年 12 月 12 日 星期五 【微冷】

今天同一班同學看了無間道三,都幾好睇ar~
睇完之後某同學就想過來深水po打機,我當然好樂意啦~
我地先去食飯,再去打機,之後回家,沖完涼睇報紙,看到某一段新聞
寫著八男女一齊去偷野,佢地由十三歲至到十七
歲都有,睇到那一段新聞令我想起以前自己做過的事...
我真是要多謝捉到我個個人,如果唔係佢,我都唔知
我而家會變成一個點既人,大家要清楚,當大家做錯
事的時候,而給人捉到的話,一定要對捉到你的人說多謝,
如果不是他,你也不會改過~~~

>>December 18, 2003 at 7:04:11 AM GMT+8

2003 年 12 月 10 日 星期三 【乍雨乍晴】

又唔知做乜事上唔到來寫日記.
算la,而家又冇乜事~~~今日test
完maths,做哂,但係唔知做得對唔對,
仲有阿sir挀佐dcn,但係得m.c分,睇得
個一半分=.=真是有點不想再理他們了,
我多知自己都係咪同類人,但係他們做
的東西我太看不起,他們好像天天都是
迷失一樣,難道那個世界可以幫他們找
到未來嗎?我也去玩過,但只是無濟於事的東西,
就算給你升到1000lv都沒有用,最終能找到自
已想要的東西嗎?是不可以ar,希望他們快些清楚
自己在做什麼就好了....

>>December 18, 2003 at 7:04:21 AM GMT+8