2003 年 4 月 12 日 星期六 【晴】

我最初面紅 現在雙眼通紅........嗚嗚.....今日去左拜山, 烈日當空, 我曬到塊面紅卜卜, 唉.....咁即係話我又黑左喇......嗚嗚........

唔只我塊面黑左呀, 我仲好黑仔添呀. 今日打左大約四個鐘頭牌, 輸左三百幾蚊呀~~~~~

昨日, 我買左人生中既第一個口罩, 兩蚊個呀. 點解去買口罩....因為我驚返學規定要戴囉. 我去到藥房話買一個口罩, 個藥房叔叔驚死佢自己聽錯, 問多我一次: "吓, 一個口罩?". 咩呀, 未見過人買一個口罩咩? 我想買粉紅色架ma, 你個口罩係綠色既我都買, 你仲想點呀? 不過今日俾我係慈雲山見到粉紅色口罩, 嘻嘻, 我就買左19蚊10個. 不過我唔知自己有無買貴到呢?

>>April 13, 2003 at 12:52:22 PM GMT+8

2003 年 4 月 11 日 星期五 【陰】

希望詩詩快d好返.........祝大家身體健康!

今日我睇左"小裁縫". 周迅真係好靚, 好有靈氣. 依套戲係講文革中期, 兩個知青被送到偏遠山區插隊, 即係接受再教育, 佢地認識左小裁縫. 我唔講大家都會估到佢地同時鍾意左小裁縫, 究竟結局係點呢? 你地自己睇啦. 依套戲total大約90 mins, 不過一d都唔悶(我覺得...), 無靚衫, 但有天然既山水景色, 好清新, 好舒服. 佢唔煽情, 無大起大伏, 好流暢, 正!!!

睇緊依套戲, 我諗返起昨天既朝早. 我開電視睇, 亞視做緊星光伴我行, 丁子峻去到一d偏遠山區體驗生活, 行兩個鐘頭到市集賣雞蛋. 到廣告時間, 我轉台睇無視, 見到蔡瀾, 李綺紅同關之琳係到食魚子醬, 金萡, 龍蝦....., 點解大家生活係同一個世界, 大家既生活水平差咁遠. 係同一時間, 同一部電視, 俾我睇到兩個極端既世界. 我好慶幸自己生活於兩個極端之間, 我亦常常記住知足常樂(咁數碼相機.....). 唉, 一切隨緣啦.......

Irene, 我諗d所謂既人氣指數, 有一大部份係我自己架.....哈哈哈哈. 仲有, F4與你常在既相淨係calm down同深呼吸係唔夠架, 唔該叫埋我唔好飲水, 差d"濁"死我呀, 我可以告你謀殺架!

>>April 12, 2003 at 9:11:41 AM GMT+8

2003 年 4 月 10 日 星期四 【陰】

有無人一日會寫四篇日記呢? 有呀, 個白痴仔咪係我囉.

好開心, 今晚同Irene, Eva食飯呀. 我諗整間元氣最嘈就係我地, 嘻嘻.
不過我又好慘.....Irene同Eva一見到我就問我發生咩事, 因為我塊面有好多紅印&粒粒.....好慘呀
Irene話我可能敏感!, 但我又唔知對咩敏感喎...總之好慘啦. 話分兩頭, 可能上天覺得我太靚, 要加d缺陷美俾我啦, 哈哈哈哈哈哈哈哈.

以下既歌係俾妳地架......


有人 麥浚龍
曲/伍樂城 詞/黃偉文

不要哭 並無做錯事 動情沒有不對
要是錯 錯在難共你 天生一對
給我的 轉送下個吧 不要浪費你眼淚
老實說 為了怎麼婉拒 我都連夜沒有睡

『難得 有人待我這麼好
如此照料週到
何事我又要讓人 最苦惱
明明知 有人待我這麼好
如沒有信心接受到
難道詐不知道比較好
或者可以好友般 跳陣舞』

怎去講 極殘酷說話 並無字眼恰當
閉著眼 我亦明白 暗戀的苦況
知你好 當我陣腳亂 一向能有你護航
要是我 亦有心感激你 最好能讓你沒寄望

Ｒｅｐｅａｔ『』



沒有人
曲︰伍樂城
詞︰黃偉文
編︰伍樂城
監製︰伍樂城

你怎樣看　亦像凝望我
那種不經意　卻洩露矛盾更多
怎可能　無聊之過　
平常稀疏　只因我心多

你守護我　但又迴避我
卻整天吸引著我　注意力無處去躲
不管如何　有人如此愛我
我亦暗裡練習　如和你告白講什麼

＊原來沒有　從來都沒有
　纏綿邂逅　完全虛構
　那一刻含情回眸
　原來是我妄想裡的　那點綠洲
　
＃原來沒有　從來都沒有
　教我緊張得心跳這麼久
　到了這一刻終於望通透
　其實愛情來過　半分鐘　也沒有

那感情戲　並未存在過
那小火花卻讓我　過敏地回應太多
心急談情　自然忙中有錯
錯在我太寂寞　隨時愛上未知什麼

Repeat＊＃

你說有句話難開口　很喜歡跟我成為好友
你卻沒有　故意偷偷碰撞我的手

原來沒有　從來都沒有
纏綿邂逅　完全虛構
我身邊原來無人　曾明示我　
暗戀我　很焦急　等我開口
原來沒有　從來都沒有
教我空歡喜心跳這麼久
到了這一刻終於望通透
其實愛情來過　半分鐘　也不夠


>>April 11, 2003 at 4:06:54 PM GMT+8

2003 年 4 月 10 日 星期四 【晴】

好白痴呀.....一日寫三次日記.....不過我不吐不快呀(就算我講左都唔會好d).....

以下文字摘取於http://www.shueyan.edu/.............
由於非典型肺炎學校過去兩週停課，原定之考試將延期舉行，原有之溫習週照常上課。

咁即係無左考試前果個幾禮拜溫習週 >_<"". 五月二十一日係最後上課日, 二十二日就即刻考試. 咁我點知會唔會21號講d野, 22號就要考架.....收買人命咩.......有無搞錯呀! 五月二十一號仲要係星期三, 我要上Sexuality架, 放夜晚九點. 邊有時間溫書啫! 唉......都唔知點死......

>>April 11, 2003 at 9:44:21 AM GMT+8

2003 年 4 月 10 日 星期四 【陰】

原來而家都係四月十一號喎, 即係我一日寫兩篇日記.....夠白痴呢....

三月四日, 第一次食元氣壽司既凍豆腐, 驚為天人, 只售$9.

三月十二日, 好開心, 約左Eva係信德中心既澳門茶餐廳食luch, 我地食量驚人. 兩個人食左一個豬扒包, 一碟咖哩羊腩飯, 一碟瑞士雞翼椒鹽雞軟骨, 兩杯凍薑茶, 每人七十幾蚊. 好味呀. (Eva妳係咪奇怪點解我會記得我地食過咩, 哈哈, 我自己都唔知點解呀)

三月二十日, 我係又一城既百佳超級廣場見到有Churros賣呀. 我仲記得我第一次食Churros係係2002年6月24日係Gold Coast既Warner Bros. Movie World呀. 其實我係早好多個月前已經買過黎食, 不過我老人痴呆, 唔記得左係邊度買. 而家見返佢, 我一定唔會唔記得喇. 百佳既Churros有幾隻味, 不過我覺得都係玉桂味好食d. Churros中文名好似叫做奇趣棒, 每條$8.9.

三月二十一日, 壽司亨d凍豆腐仲好味, 一碟$15, 不過就多過元氣既好多, 亦都扺食d(依度有青瓜絲"戰"底). 炭燒番薯雪糕個外型好得意, 味道夠特別(雖然我食唔出番薯味). 下次唔該提我唔好坐bar枱, 都唔好坐既.

三月二十五日, 今日趕返屋企煮飯....是日菜單: 椒絲腐乳生菜+蝦仁韭黃炒蛋+鮮苗白飯+番薯糖水

四月三日, N個禮拜前借左d menopause既書. 當我發現自己唔記得續借, 仲要遲左要罪錢, 諗住盡快還左佢啦. 點知上左車先發現唔記得帶書. 果日我諗住快d還左書就去同我阿女麻麻雀耍樂, 所以趕住出門口. 我阿媽又不斷催我叫我快d. 我出門口時都講過"唔好催我, 如果唔係我一定帶漏野"........點知......唉........果日我仲要輸$$$.......唉.......

四月四日, 今日我返左學去locker攞返本書去還, 我好多謝Ming Ming幫我還果三本書. 我total借左七本書, 本應三月二十九日還.......七九六十三......罰左六十三蚊呀..............講返d好笑野, 今日下晝我去左皇室西武行街街, 有個sales姐姐遞張香水紙俾我, 我接左, 佢同我講:依隻香水新出架. 我好自然咁睇下張紙. 嘩, 一睇, 唔係嘛. 果隻係KENZO既Parfum.Eau De Toilette. 個香水樽係一塊好靚既樹葉(仲有一滴小水點添). 我F.2就買左囉喎. 佢連個包裝盒同埋香水樽同埋d香味都未變, 咁就叫新出. 我忍唔住即刻同個姐姐講: "我買左幾年喇喎". 個姐姐當堂無聲出. 我果支5ml既香水辨同埋支30ml既大香水仲係度, 都仲未用晒. 我個樣係蠢, 不過唔好呃我! 我以後都會留意下d所謂新產品. 今晚又行左Citysuper, 係博多屋買左原價十二蚊, 特價十蚊雞既ZARU TOFU SALAD(芝麻醬), 好好味呀......不過一次過食會"寡"左d, 最好分兩次食或搵人share.

>>April 11, 2003 at 9:43:39 AM GMT+8

2003 年 4 月 10 日 星期四 【雨】

頭先我去左Irene既日記到留言, 寫下寫下, 唔知點解, 我就好想寫返一個屬於自己既網上日記. 我諗住一陣會copy返寫俾Irene既留言黎依度, 希望Irene妳唔好介意.
我要事先聲明, 依個日記無野好睇, 有好多野我都會有所保留(依d叫私隱權,亦可以叫做秘密), 你地唔好話悶, 悶就close左佢, 無人迫你睇架!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

我第一次聽就覺得依首歌幾好聽.而家聽返覺得佢仲好聽,仲TOUCHING.我一路聽一路覺得首歌好似講緊我地咁: Eva+Helen姐+Irene+我=友誼永固.

一人有一個理想
黎瑞恩/羅敏莊/杜雯惠/Vani
作曲／編曲／監製：陳光榮
填詞：黃偉文

我 最嚮往是 日痴夜纏 情人身邊
為 熱戀生活 並不在乎 人生膚淺

我 最愛的是 盡握大權 立地頂天
事事要領先 怎麼可以 回顧心軟

合：你若投入 就有我支持
即使志願（決定）我們難一致
但理想（就算性格）再不相似
亦可一人一種舞姿
接近盲目地對你支持
多麼幼稚 任性也可以
若你想 你儘管試
想愛誰 想怎麼處事 未介意

我 最嚮往是 直衝直撞 潮流尖端
為 冒險生活 並不在乎 人家指點

我 最愛的是 為天下人 落力表演
但 願搏世間 衷心一笑 溶化積怨

合：這些正是朋友 那本意
若你要我的一票
只對人 即使不對事 亦賦予

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

依兩日我不斷咁聽兩首歌,一首係一人有一個理想,另一首係快樂王子,聽到我自己都唔知聽左幾多次.
講真,初初聽快樂王子時,我唔覺得好聽,仲覺得好悶添.不過我聽多一次又想再聽多次,越聽越有味道,越聽越有感覺.而家,我終於認同Irene同Eva喇,快樂王子真係好好聽呀. 仲有呀, 藍奕邦幾靚仔架, 哈哈哈哈

快樂王子 (曲/詞/唱:藍奕邦)

如果我很想快樂
我也許找個人祈求被愛
或者我先要了解自己是誰
才知道我需要甚麼

王子滿身的鑽石
也要燕子陪伴慰解寂寞
若果連他都不懂得快樂
我更要自甘墮落

@或者只需要那份單純的愛
並非一身閃爍的金箔
或者一首音樂 加一杯可樂
已夠我苦中作樂
連自己都不知我是好人一個
接受加冕都不知道為了甚麼
他給的愛我又如何裝載
那算不算教人太悲哀

重複@

王子也很想快樂
靜待燕子結伴暢遊天國
若果人存在是為了互相傷害
我的愛不如丟進大海

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

有無人會好似我咁白痴, 寫第一篇日記就寫到咁長呢. 趁我記得, 我要多謝Stephen俾我download依兩首咁好聽既歌.
寫日記需要有恆心(我非常缺乏), 我希望可以迫自己一個禮拜起碼寫一篇, 順便練埋打字(到而家我仲係一指神功, 唉....)
聽日我就會整理ICQ info提及過既美食, 等遲d我地一齊去食. 唔寫低我會唔記得架.

P.S. 當我就黎寫完依篇日記, Freda叫我寫佢喎. 咁好啦, Freda妳好靚呀!

>>April 11, 2003 at 7:34:31 AM GMT+8