2003 年 4 月 23 日 星期三 【晴】

聽日有mid-term呀. 幾日前我都睇過下其中一個chapter(total考三課), 不過而家唔記得晒lu.

究竟溫左書先訓定係訓醒先溫書呢? 如果溫書先, 而家又好眼訓, 溫左都唔入腦啦, 訓醒會唔記得晒架; 如果訓覺先, 我又驚唔知醒(醒左又唔想起身溫書>-<). 點算呀?...........我諗我考慮溫書先定係訓醒先所需要既時間足以夠我訓一覺or溫一課書. 唉.....依d咪叫優柔寡斷囉.

>>April 24, 2003 at 12:31:45 PM GMT+8

2003 年 4 月 22 日 星期二 【晴】

又到了"豉油"蛇出沒既季節, 請大家提高警覺, 敬請留意! >_<""

過左今日個mid-term, 星期五仲有一個等緊我地........

我計過喇, 係五月十四日study week前, 有五份paper要交(Research, DPSY, MIS, OS, Sexuality), 兩個presentation(MIS, Research), 一份assignment(MIS). 點解會咁架?

Terry, 依個日記唔interesting架. 你想interesting d, 我可以加d關於"奶"既野架, 哈哈.

唉, 妳食晒d notes落肚都無用, 佢會經過妳既消化系統走返出黎, 唔通妳再食咩? ........好核突呀!!!




>>April 23, 2003 at 4:06:11 PM GMT+8

2003 年 4 月 21 日 星期一 【晴】

Eva小姐, 如果我係妳, 我會去囉. 唔知呀, 我一直都覺得依d野無咁易中架, 當然最好要小心d啦. 依個係一年一度既exhibition, 難得有此機會, 可以擴闊眼界, 吸取多d經驗. 如果加強注意個人衛生, 勤d消毒, 我覺得問題不大. 當然, 如果妳覺得驚, 不安就無謂去喇, 費事無時無刻都提心吊膽, 咁樣會唔靚架.

我覺得依度有病毒架, 唔係病毒就係short short地. 點解人氣指數有178既? 前幾日睇好似無咁多架喎. 我又無咩朋友, 點解真係有人睇既? 唔通有d人咁無聊真係會上黎睇...........係呀, 講緊你呀, 哈哈.

死啦, 聽日有mid-term, 仲係勁唔識同勁唔明果隻. 我今晚一定要溫書........如果我未訓著既話.

>>April 22, 2003 at 12:11:41 PM GMT+8

2003 年 4 月 20 日 星期日 【晴】

點算呀?點算呀? 星期三同星期五都有mid-term呀. 我頭先仲係度睇"暗戰"VCD. 我應該要溫書架. 不過, "暗戰"幾好睇喎. 我一向都唔鍾意睇警匪片, 因為我嫌依d戲一定會邪不能勝正, 結局超老套. "暗戰"唔似其他戲, 個結局一d唔老套. 我覺得"暗戰"比"無間道"好睇好多好多喎. 我睇"無間道"只係睇四大影帝既卡士, 而"暗戰"有卡士, 有幽默感, 有劇情, 個結局又特別........點解你唔早d叫我睇呀?

今日, 我終於明白"趕到甩褲"係點解喇, 哈哈哈哈哈

經過我精心既計算, 我已經知道"元氣"既壽司拼盆抵唔抵喇.

兒童壽司盛 $45.....我計過原價係要$51, 即慳左六蚊.
壽司盛 $65..... 原價大約$70.5-$71.5, 即慳$5-$6. 點解唔sure呢? 因為我唔知其中一件係章紅定係油甘魚. 如果係章紅, 每件$6. 而油甘魚每件$7.
特上壽司盛B $85.....原價是$91, 慳左$6.
特上壽司盛A $100.....原價大約$108-$110. 我唔sure既原因同上.
元氣D $170.....原價$178, 慳$8.
元氣C $175.....原價$183.5-$186.5, 慳$8-$11. 我唔sure既原因同上.
元氣B $200.....原價$212.5, 慳$12.5.
元氣A $245.....原價$257.5, 慳$12.5

兒童壽司盛最抵, $51平$6, 即八八折; 而元氣A原價要成$257.5先平果$12.5, 只是九五折. 其他: 壽司盛(九一折), 特上壽司盛B(九三折), 特上壽司盛A(九一折), 元氣D(九六折), 元氣C(九五折), 元氣B(九四折).............對我而言, 我只會叫兒童壽司盛. 其他d拼盆散叫好過, 又唔係貴好多, 又有得自己揀, 幾好呀. 哈哈哈, 係咪覺得我好無聊呢? 我都覺呀. 死啦, 依個禮拜有兩個mid-term呀!

有無搞錯呀, Irene, 你夢見Vanness都唔夢見我! 哼!!! 不過算你啦, 係依度, 送多一次"沒有人"俾妳, 加油呀.

沒有人
曲︰伍樂城
詞︰黃偉文
編︰伍樂城
監製︰伍樂城

你怎樣看　亦像凝望我
那種不經意　卻洩露矛盾更多
怎可能　無聊之過　
平常稀疏　只因我心多

你守護我　但又迴避我
卻整天吸引著我　注意力無處去躲
不管如何　有人如此愛我
我亦暗裡練習　如和你告白講什麼

＊原來沒有　從來都沒有
　纏綿邂逅　完全虛構
　那一刻含情回眸
　原來是我妄想裡的　那點綠洲
　
＃原來沒有　從來都沒有
　教我緊張得心跳這麼久
　到了這一刻終於望通透
　其實愛情來過　半分鐘　也沒有

那感情戲　並未存在過
那小火花卻讓我　過敏地回應太多
心急談情　自然忙中有錯
錯在我太寂寞　隨時愛上未知什麼

Repeat＊＃

你說有句話難開口　很喜歡跟我成為好友
你卻沒有　故意偷偷碰撞我的手

原來沒有　從來都沒有
纏綿邂逅　完全虛構
我身邊原來無人　曾明示我　
暗戀我　很焦急　等我開口
原來沒有　從來都沒有
教我空歡喜心跳這麼久
到了這一刻終於望通透
其實愛情來過　半分鐘　也不夠


>>April 21, 2003 at 12:59:54 PM GMT+8

2003 年 4 月 19 日 星期六 【晴】

好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓好眼訓.............

唔得喇, 近排無時無刻都好眼訓.......我今日諗住溫書啦, 又唔知點解走左去睇電視, 發白日夢......唉....睇下notes, 又發白日夢, 又睇notes, 發白日夢.....睇左成日, 先睇左得9個pages既chapter1, 仲要係最淺果課.....有咩方法可以令到我唔眼訓架?

介紹個美食俾大家....將一支益力多放係冰箱雪至結冰, 用小匙"匹"出黎食就得喇, 好好味架...唔用益力多可以用檸檬茶, 橙汁等等. 不過唔好雪過夜, 小心佢會爆呀. 亦唔好雪玻璃樽或鋁罐呀!

唔用飲品, 用生果都得架. 將整個火龍果雪至結冰, 切開一半用匙食. 唔好用瓷匙喎, 會斷架. 亦可將切粒既哈蜜瓜, 蜜瓜, 西瓜雪至結冰. 要趁佢仲係冰果陣時食, 因為暖左會好難食. 如果不幸暖左, 雪返佢咪得囉.

>>April 20, 2003 at 2:47:55 PM GMT+8

2003 年 4 月 18 日 星期五 【晴】

我懷疑自己有渴睡症呀! 唔知點解無時無刻都好眼訓. 就算訓左好耐亦覺得眼訓....zzz....zzzz....

頭先睇左"異度空間". 如果唔係張國榮既關係, 我諗我唔會睇架. 套戲OK啦, 唔可以話唔好睇, 不過又唔算好睇囉. 唉, 下個禮拜有兩個mid-term, 我仲走去睇DVD.........點算呀?

好啦, 而家俾心機溫書啦! 不過.......而家...我好眼訓呀....zz....zzz....


>>April 19, 2003 at 7:26:54 AM GMT+8

2003 年 4 月 17 日 星期四 【晴】

昨日真係好眼訓....好.....眼....訓.......訓......zzzz......不過唔知點解咁眼訓都去左行九龍城

死啦, 我近排發覺自己有"強迫性購買症"呀! 自去年七月起, 我已經不斷不斷咁買果樣野. 就算忍住唔買, 我都會睇好耐. 雖然有好多"存貨", 我都會不斷咁買. 雖然果樣野我日日都會用, 不過有排都用唔晒呀.......昨日行九龍城我又入左新貨喇! 哈哈!

>>April 18, 2003 at 5:44:06 AM GMT+8

2003 年 4 月 16 日 星期三 【陰】

原來真係有人睇我既日記架! 我昨晚見到我既人氣指數有98, 而家我見到有109喇, 真係多謝晒各位對我既支持, 我會努力努力, 希望唔會令大家失望啦.

我今日第一次帶部NOTEBOOK返學, 原來佢真係好重架.....我今日做PRESENTATION呀, 個topic係frigidity, 即係性冷感. 不過.....唔知呀.....都ok啦. 唉.....我份individual paper都未做. 其他paper亦都未做......點算呀?

同埋呢....我五月十七號至二十五號都唔洗返學....咁都好d.....如果唔係就慘喇.......以下係我既考試時間, 唔該唔好係我考試前一晚約我去街or打電話俾我講是非 (講考試貼士除外)
26/5 10:00-12:00 Organization Studies
28/5 14:30-16:30 Dvelopmental Psychology
30/5 10:00-12:00 Sexuality
30/5 14:30-16:30 Management Information Systems
2/6 10:00-12:00 Business Organization & Management
3/6 14:30-16:30 Research Methods & Designs in Psychology


>>April 16, 2003 at 5:48:22 PM GMT+8

2003 年 4 月 14 日 星期一 【陰】

我而家有d明白俾人焗死既感覺............今朝係我第一次戴口罩既大日子. 戴左二秒, 我就知死喇.....嘩, 洗唔洗咁焗呀. 呼吸既input同output都係二氧化碳. 有左戴mask既經驗, 我非常之佩服其他戴mask既人呀, 真係辛苦晒. 不過我依然覺得身體健康既人係唔需要戴囉. 如果我有病(如傷風感冒), 我一定會戴. 而家無病戴住口罩, 無病都變病啦! 腦部缺氧會影響腦部發展架, 我已經夠白痴啦, 係唔係想我再低B d添呀!!!!!

今日上堂, 提及到"鍾意"同"愛"既分別. 其實, 有幾多人會真係明白呢? 究竟係唔係有必要分得咁清楚呢?

我聽同學仔講過, 佢話大陸有d人將d用過既衛生巾加工成口罩....>_<"....信不話由你...... (我就覺得誇張左d, 未用過就可能有機會.....>_<"). 今日, 我見到一位女仕既口罩幾靚架, 純白色, 有壓花, 不過我睇真d, 真係有d似..........當然似未用過果d啦.....

>>April 15, 2003 at 2:19:35 PM GMT+8

2003 年 4 月 13 日 星期日 【陰】

正所謂 "新屎坑, 三日香". 我今日已經第四日寫日記, 唔知我既恆心可以維持幾耐呢.....

我依然不斷係度聽緊"快樂王子"同"一人有一個理想" (咁會唔會聽到痴線架?). 我係到諗: "一人有一個理想"有四個女人唱, 每人唱一段. 咁我地邊個係邊段呢? 妳地又諗下啦, 睇下我d既睇法一唔一樣.

我諗住今日溫下書架.....點知.....唉......隨緣啦. 我真係想今晚溫BOM架, 點知我無端端心血來潮, 上網搵靚靚wallpaper. 嘻嘻, 俾我搵到d Iker Casillas既wallpaper呀. 原來佢都係81年出世架. 不過佢個樣點解咁老既......但係都好靚仔呀....唔洗妒忌喇, 你恨唔到架喇.

係依個突然假期, 我咩都無做過. 咁快, 聽日要返學喇. 唉.....放一個禮拜咪算囉, 放咁多日, 咩都無心機做, "side"晒d時間!!!

而家我食緊龜苓膏, 令我諗返起我鄉下街口果間涼茶舖. 果度d龜苓膏好好食架. 佢地有分普通同特效. 普通3蚊碗, 特效要18蚊. 我未食過普通版, 所以唔知兩者有咩分別. 不過, 佢真係好正架, 佢既顏色唔似我地食開果d咁黑, 佢係帶啡色架. 佢d質感好似蒟蒻, 好有口感. 哎呀...好想食呀....雖然我已經食緊一碗鴻福堂......

唔好俾引誘我呀, 我受唔住誘惑架~~~~

>>April 14, 2003 at 2:31:49 PM GMT+8