2003 年 5 月 23 日 星期五 【晴】

心淡喇.....我咁俾心機寫日記, 點知有人溫書溫到悶先黎睇下, 我本日記都有尊嚴架!!! 哈哈哈哈~~~~~~ 不過點都好, 唔該繼續支持我wor!

昨日下午都無mug認真溫過書, 早知去探孖仔BB啦.....好耐無見佢地喇! 佢地依家六個幾月喇......

既然大家溫書溫到咁悶, 我就送首輕快d既歌俾大家啦, 希望大家都達到自己既passing point, 預祝各位考試成功!

不一樣的夏（楊千嬅、梁漢文、陳奕迅合唱）

曲:于逸堯 詞:何秀萍 編:梁基爵

(楊)快些來 離開你所有老習慣
陪著我 炎夏裡 掀起處處青風
有空閒 從新看真每個夜晚
和白晝 晴或雨 欣賞每個空間

(陳)尋常事 如能移換佈景和調節腳步
也許很享受 重聚這地這段時光

(梁)悠悠長夏天 制服擺到旁邊
換個形式或顏色 發出光彩勝艷陽
悠悠長夏季天時 試試不依一向那任性
而去關心 而去參加 成熟的挑戰

(楊)這桑田 從滄海中片片幻變
容納你 容納我 真正是 我的家
這些年 環境已一再變又變
憑著信 憑著愛 都闖過每一天

(梁)原來是 熱汗流下發揮成忘我美事
獻出些本事 然後製造快樂時光

(陳)悠悠長夏天 制服擺到旁邊
換個形式或顏色 發出光彩勝艷陽
悠悠長夏季天時 試試不依一向那任性
而去關心 而去參加 成熟的挑戰

(楊)其實你我他都愛看新鮮試鹹甜
(梁)來突破往昔暑假的困悶局面
(陳)明日我與他都會踏上新旅程
(合)齊燃亮這夏季 讓人人都發亮

(合)悠悠長夏天 制服擺到旁邊
換個形式或顏色 發出光彩勝艷陽
悠悠長夏季天時 試試不依一向那任性
而去關心 而去參加 成熟的挑戰
悠悠長夏天 制服擺到旁邊
換個面色或儀式 送出心思暖洋洋
悠悠長夏季天時 試試不依一貫那惰性
(楊)而去關心 而去參加 成熟的挑戰


>>May 24, 2003 at 5:11:31 AM GMT+8

2003 年 5 月 22 日 星期四 【晴】

死啦....我既溫書進度停滯不前呀!!!! 一拎起本書, 就好眼訓......要睇好耐先睇完一個chapter呀. 睇完之後又唔知自己睇左d咩.......唉.......我係唔係有閱讀困難障礙呢?

向passing point前進!!!

"passing point"者, GPA=2.5是也. 希望可以維持到啦............

原來我之前寫既10部電影, 其中兩套既中文譯名都被用作流行曲既歌名. 我係依度送唔到電影俾大家睇, 咁唯有送歌補數啦!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

殉情記 古巨基

你愛看這齣好戲勇敢的茱麗葉
看到了生死的一剎這麼轟轟烈烈
其實我跟你演的愛情片
大概太膚淺

每晚最好的主角最經典的重逢
已過了很多很多次眼睛開始矇矓
難道我跟你演不了完滿的故事
導演都那樣失控 演出的最後失蹤

*如迷上了你會犧牲性命
像極你最愛看的殉情記
無奈你選我去演出你的好戲
做配角的戲
從前我倆愛看的天與地
末日到了世界也一樣美
其實說穿了這一齣對手的戲
沒我演的戲*

看過了一千齣戲那麼驚天動地
世界也都不顧需要這一刻的淋漓
銀幕上演的很多戲誰更加細膩
說很多偉大真理 我只想有人歡喜

repeat *

難道上演了最終的這一齣戲
沒我演的戲

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

閃靈 楊千嬅

曲：伍樂城 詞：林夕

黑暗中我再見這經典傑作
看著那 可笑的臉飛過大銀幕
突然懷念你 為可連外星人
也有你附身的感覺

#紅恤衫的魔影 藍天空的風景
所有主角逼我在填命
怎麼你陰森的一雙眼凝望我我只好蒙著眼睛

如今 我失去做女友資格
無法獨個兒看不速之嚇
唯恐 我側邊有人微笑
教我何以獨自活到五更
曾經 每一晚受過你驚嚇
害怕 漸變成你家中稀客

風聲之中聽候你的凶鈴
看著你就如 看透我的慘淡
我又哪敢睜開眼 懷疑所有戲院椅背後
誰抱著你欣賞這齣戲殭屍般作法
(誰抱著你欣賞這好戲我怎麼解答)

黑暗中 我眼見幾多宗罪惡
看著我 心愛的女主角被奚落
劇情然後會 為何男主角 如邪靈附身的感覺

Repeat #()

男生的雙眼都發光 我已經不敢看
不記得 你最愛看的希治閣
有沒有 真正給我驚嚇或娛樂
突然明白你 原來如外星人
能再會唯有於天國...


>>May 23, 2003 at 9:23:39 AM GMT+8

2003 年 5 月 21 日 星期三 【晴】

差d唔記得添.....多謝Ida係美國帶返黎既手信, 特別係支hand lotion同hand foam呀!!! 佢地好香同埋用完之後好滑呀! 我以前覺得raspberry等既berry好似葯水味, 原來唔係架, 佢地d味好香同好甜呀! 多謝!

昨晚(今朝)六點幾先訓, 不過cheap到訓唔著添......>_<''. 諗下諗下, 就諗到一d我好鍾意既電影同電視劇. 佢地百看不厭, 好好睇左. 咁我就列左一個我現時最喜愛既電影和電視劇出黎介紹俾大家, 我無介紹錯架! 個排列除時會變架, 因為可能有d好睇既我未睇wor.

十大至愛電影(因為套套戲都咁鍾意, 所以排名不分先後)
-- American Beauty (1999) -- 玫瑰花瓣輕輕飄落, 超靚! 超浪漫!
-- Legends of the Fall (1994) -- 靚仔Brad Pitt; 浪子回頭金不換, 可惜......
-- Romeo & Juliet (1969) -- 經典! 家傳戶曉的故事, 雖然知道劇情發展, 不過一樣動人
-- Saving Private Ryan (1998) -- 我唯一一套喜愛的戰爭片; 我好後悔無入戲院睇.....
-- Shining (1980) -- 鏡頭唔算恐怖; 不過整套戲的氣氛+積尼高遜的眼神+配樂.....好驚呀!!!
-- Some Like It Hot (1959) -- 經典喜劇; 片尾的積林蒙與船長的一段對白, 好有啟發, 讓我對愛重新定位
-- The Green Mill (1999) -- 一個字: "正"; 同埋佢有d "X Files" feel呀
-- The Sound of Music (1965) -- 首首歌都好聽, 故事感人
-- 花田喜事 (1993) -- 每年過年必重播, 不過次次都會追看; 勁爆笑!
-- 龍貓 (1988) -- 睇左超過十次, 不過凡一定會再睇; 好想試下坐貓巴士

五大至愛電視劇 (排名分先後)
-- Friends -- 唔駛講, 這是我最喜愛看的電視劇!!!
-- Malcolm in the Middle -- 都一樣咁好睇
-- 幽遊白書 (卡通) -- 無線幾時會重播呀?
-- 抵死泰山(卡通) -- 好白痴同搞笑
-- 流星花園 -- 睇住F4點樣扮型同扮靚仔, 係一套不錯的笑片!


>>May 22, 2003 at 6:52:53 AM GMT+8

2003 年 5 月 21 日 星期三 【晴】

我既生活模式開始顛倒…..凌晨五點我都唔眼訓(昨日我十點起身).

而家我邊睇波, 邊溫書, 邊icq(仲有Freda陪我….嘻嘻). 依場波下半場開波前有個叔叔裸跑呀, 哈哈哈~~~~不過佢好快就俾人捉左lu

Ming Ming搵到暑假工, 唔去得澳門. 但係, 我地仲去唔去得成澳門呢? 不過點都要恭喜Ming Ming, 努力工作呀! 祝妳工作順利, 工作愉快! 希望妳唔好"做到隻積咁既樣"啦! 加油呀!

半斤八兩
作詞：許冠傑　作曲：許冠傑

我地呢班打工仔　通街走糴直頭係壞腸胃
搵個些少到月底點夠洗（奀過鬼）
確係認真濕滯
最弊波士郁Ｄ發威（癲過雞）
一味係處係唔係亂黎吠
嗡親加薪塊面拿起惡睇（扭下計）
你就認真開胃

（半斤八兩）做到隻積咁既樣
（半斤八兩）濕水炮仗點會響
（半斤八兩）夠薑喳鎗走去搶

＊出左半斤力　想話羅番足八兩
家陣惡搵食　邊有半斤八兩咁理想（吹漲）
我地呢班打工仔　一生一世為錢幣做奴隸
個種辛苦折墮講出嚇鬼（死俾你睇）
咪話冇乜所謂


>>May 21, 2003 at 9:13:36 PM GMT+8

2003 年 5 月 20 日 星期二 【晴】

哈哈哈哈哈哈哈哈~~~~~~~
唔知大家覺唔覺得我係一個溫書溫通宵既人呢? 我都想自己係呀.....可惜.......唉......>_<"

昨日下午就係溫左d書喇, 約左大家上我屋企, 幾個同學一齊溫書既好處係大家可以討論一下, 遇到唔明既地方又可以即刻問d識既同學(雖然我聽來聽去都唔明...>_<). 不過, 有好處亦有壞處. 如果有d同學不停講野又講得大聲, 你只會覺得好嘈好煩. 學Freda話齋:"唔得喇". 唔駛我講大家都知果個人叫阿Ray. 不過點都好, 大家一齊傾完之後, 我覺得俾之前明d...(雖然依然唔係好明....). 不過好多謝Wenlau, 妳將個Likert Scale解釋得好清楚呀! 下星期一就要考試喇.....我今日既溫書進度算有dd進展啦. 不過依然有好多未睇未溫. 我要考果六科, 我都諗唔到邊科我最鍾意讀........真可悲!

其實昨日都算幾白痴, 我用左d廢紙既背面prient epsy notes. 跟住拎去影印. 個影印叔叔影左兩面, 即係話連廢紙果面都影埋........唉...........之後, 又係關於依份notes......昨晚(應該係今朝二點幾三點), Ray哥話收唔到我之前sent既file, 叫我send過, 佢叫我copy去記事薄再send. 大佬, 我點知咩係記事薄呀.....(記事薄係唔係即係notepad呀?)....好彩, 佢最後都收到............唉..........我係唔係要學下點用電腦呢?



>>May 21, 2003 at 8:29:21 AM GMT+8

2003 年 5 月 20 日 星期二 【雨】

早晨呀, 各位.......現在是上午五時零五分.....
我去訓覺先喇.....各位早抖!


>>May 20, 2003 at 9:03:31 PM GMT+8

2003 年 5 月 18 日 星期日 【陰】

昨晚我已經嘔心瀝血咁完成sexuality既paper. 個topic係child sexual abuse (我唔想再借過書, so, 是但啦). 本來諗住做晒d paper就可以溫書, 不過, 今日我又去左聽歌. 不過唔知點解, 每次都有好多歌可以聽, 我次次都只會聽幾個歌手d歌, 包括黃耀明, 張國榮, 張信哲, 古巨基....而家我先發現我唔多鍾意聽女歌手d歌("一人有一個理想"除外). 唔知點解佢地d歌愈聽愈好聽, 唔會悶架! 死啦, 不過我要溫書bor.....算啦, 二十六號先開始考第一科......同埋聽日又會同同學仔一齊溫書, 今日唔溫喇!!!

你問我點解我既日記有咁多"唔知點解"同"不過"......哈哈哈哈, 我都唔知點解呀.....哈哈....可能依個世界上有好多解釋唔到既野lor, 咁我咪唔知點解lor!

考試就快到喇, 不過唔好讀死書呀, 記住一句說話"死讀書, 讀死書, 讀書死"呀~~~~
所以讀書時都要放鬆, 唔好緊張. 而家送首歌俾大家 -- "考試近了(我們應當遊戲).....唔係, 係"天國近了(我們應當遊戲)"......算啦, 意思差唔多"傘"....

天國近了(我們應當遊戲)
作詞：林夕　作曲：黃耀明/Minimal

在　遊樂場玩與樂
信　甚麼也可相信
望　期望能被渴望
愛　曝那耀眼的光

甚麼　要不要都想要　愉快　比不快更加快
甚麼　也可愛可不愛　直到　沒氣力再分開
遊遍快樂場地　從此插翼難飛

從今天開始一切都變遊戲　認真的嬉戲　快樂到死
從今天開始相信天國近了　是再會無期　仍滿心歡喜

在　遊樂場玩與樂　快　將快感加快
甚麼　也想看多一眼　越晚　越要貪

從今天開始嬉戲　願快樂到死
從今天開始嬉戲　就算插翼難飛


>>May 19, 2003 at 7:22:08 AM GMT+8

2003 年 5 月 17 日 星期六 【雨】

餐餐都食”元氣”, 會唔會頹左d呢? 不如以後試下抽籤啦, 又公平, 又唔駛用腦諗食咩, 又刺激有新鮮感. 死啦, 我愈諗愈覺得自己食左好多野呀, 平均一個人就食左$150喇. 雖然元氣壽司唔算貴, 不過一個人食百五蚊就誇張左少少(正確d講係$150.9)……我都諗唔返我昨晚食左d咩, 只係記得臨走前都食左碟海膽壽司. 都唔知點解可以食咁多野架. 唉…….

試左碟針魚壽司, 不過都無味既, 得鋪係上面既薑味, 我唔會再食喇! 我又試左碟幾特別既蟹膏壽司. 佢特別在個買相. 佢地好醜樣架. 如果唔問d元氣姐姐, 我諗無人知係咩黎. 佢地鴨屎綠色, 真係好似鴨屎……我抱住大無畏精神踏出我既第一步…….不過, 味道ok架, 有d似曾相識既感覺, 幾得意架! 當然啦, 我又食左兩份凍豆腐, 凍豆腐真係好好味呀!!!!!!


>>May 18, 2003 at 3:51:58 AM GMT+8

2003 年 5 月 16 日 星期五 【晴】

我好想依個星期做埋sexuality既paper呀! 不過我仲未決定個topic呀......做child sexual abuse好唔好呢? 沙田中央圖書館有一個護苗圖書閣, 果度都有幾多資料架. 唉.....唔知呀.....

昨日睇返n年前係褔德幼稚園既手冊, 果陣我讀緊"下低B班"(哈哈, 好啱我, 夠低B), 我見到手冊上寫住中學期同全年既成績表. 中學期同全年我"唱歌"既成績分別係"丙+"同"乙-"..........三歲定八十呀! 我細細個唱歌已經好難聽, 你地唔好叫我唱歌呀....

上星期六去左APA睇舊同學既表演, 好舊無見依個同學喇.......時間過得真係快......好多舊同學都有自己既目標同埋理想. 有同學去外國升學, 有的讀完三年大學再繼續進修, 有的已經出黎社會工作, 而我自己呢? 我都唔知點算呀.......其實我係一個無咩目標既人, 其實唔係無目標, 而係我既目標好短視, 我唔鍾意下決長遠既目標. 因為今日唔知聽日事, 一個鐘頭後好多野已經改變, 所以我覺得下長遠既目標係不切實際. 況且, 希望愈大失望愈大. So, 無希望即係無失望lor.

依幾日唔想溫書又唔想做功課, 搵返d舊歌出黎聽...........愛既反面係恨.........我唔同意......要愛一個人所需既時間長好多架. 再者, 我相信愛同恨係並存.......如果唔係, 又點會有愛恨交纏依個詞語呢....

風雨夜歸人
曲:石田正人 詞:簡寧 編:盧東尼

* 破碎的一顆心 如午夜的暗燈
呆立夜雨裡 似一個落泊人
驟雨傾降 彷彿迫我今天不要等
無奈心裡 決意等那夢裡人
雨裡一雙身影 自遠慢慢移近
然後望見妳 傘裡緊抱著那人
熱熾擁吻 心中悲痛匆匆轉過身
零亂風雨 帶走當天足印 *

我恨妳 永遠恨妳
破滅了與妳終身相戀的希冀
妳話過 永遠屬於我
卻別去 留下我
冷雨裡呼喊著多麼愛妳
Repeat *

# 我恨妳 永遠恨妳
破滅了與妳終身相戀的希冀
妳話過 永遠永遠屬於我

卻別去 留下我
冷雨裡呼喊著多麼愛妳 #
Repeat #

>>May 17, 2003 at 6:51:09 AM GMT+8

2003 年 5 月 14 日 星期三 【晴】

終於可以寫返日記喇, 又可以同大家見面, 真係開心喇!

昨晚已經上完yr3最後一堂喇.....咁又讀完yr3喇(如果我唔駛retake的話....不過都無啦, PSYB都執左咯). 不過, 我依然有兩份paper未做呀~~~~~想溫書都溫唔到添, 哈哈哈哈. 其中sexuality既paper係individual架, 唉, 我而家仲未諗到做咩topic, 有無提議呀? 如果有的話, 唔該幫我做埋呀, 對我依種得吋進尺既人黎講, 淨係話幫我打字係唔夠架!

星期二果日終於著左我人生第一套suit去present喇. 不過唔知點解, 出去present果陣反而唔緊張....不過依然窒左lor....不過算啦. 果日諗住可以好OL咁返學, 點知俾部大舊notebook破壞晒. 我個bag一向都重架啦(內裡仲有火牛架), 部notebook又重, 連個notebook袋都好重架. 我陣日又要拎自己個袋又要拎notebook, 又驚勾爛絲襪wor, 搞到我好似走難咁, 一d都唔pro....>_<, 不過依然係咁靚, 哈哈哈哈哈哈哈哈哈哈哈哈哈哈~~~~~~~

>>May 15, 2003 at 5:08:44 AM GMT+8