2003 年 6 月 6 日 星期五 【陰】

For Wen Lau: 哈哈哈哈....妳要問返Terry先知喇. 或者佢飲住罐"忌廉"行山呢, 又或者等埋Ming Ming放工先行街呢. 哈哈哈.......Terry自己都講過同好朋友行街好平常咋. 哈哈哈哈~~~~~
For Ming Ming: 放心啦, 我既日記無mug人睇架咋, 唔會有好多人知架......哈哈哈哈~~~~~

今日晏晝搭車, 聽到隔離個太太教個仔點答小一入學試d問題, 而依d問題係無model answer架. 當小朋友答左一個answer, 個女人會話"唔係, 唔係咁答. 你要答...............". 我心諗有無正確搞錯呀! 個小朋友點答咪由佢答law, 橫豎都無答案既, 俾小朋友自由發揮咪得law. 個女人咁樣會扼殺左小朋友既創造力, 佢會無左自己既思考架喇! 咁樣教仔已經唔得架喇.

行大眾時, 見到好多胎教既CD/VCD等. 我心諗點解唔俾我媽早d見到.......如果佢"陀"我果時聽多d睇多d, 我諗我無而家咁蠢架...........>_<"

今晚終於食到Spaghetti House喇! 我好耐都無食過喇! 好感動呀~~~~

我睇左幾個星座分析, 好得意架......我好鍾意睇星座分析(係分析, 唔係星座運程), 我覺得好準架, 因為我有齊晒天秤座既缺點架......>_<"
-- 天秤座的壓力徵兆-- 心浮氣躁是天秤座的壓力徵兆，嚴重的情況更會優雅盡失，取而代之的是責罵的言語。(我一直都維持優雅架啦, 我唔講粗口架......^_^)
--「縱慾」是天秤座的發洩型式。天秤座在壓力當頭時，往往會不顧一切地去縱情享樂。(有無壓力我都會縱情享樂架啦....^_^)
-- 正面特質：機智、公平分析、優雅、具迷人魅力、美感與藝術稚子之心 (我唔覺我有bor)
-- 負面特質：猶豫不決、依賴、善辯、注重外在、懶惰散漫(Bingo! 中晒....哈哈哈哈)
-- 而所有的事情，不管能講或不能講的，都將無時無刻從這些天生模範公關的口中流洩出來，且保證不負任何責任。天秤座絕對死不認錯；就算你親眼目睹且馬上指出他的過失，天秤還是會告訴你，錯的人是你和爸爸媽媽，絕不是他。(又中lor....haha)
-- 天秤座愛整潔，也愛慵懶的顯現於世人。日常生活中只會對美食與個人興趣勤勞的天秤座，在什麼事都不做之下，也是個極其懶散的人，對於其他事的漠不關心，嚴重到幾乎不瞭解的地步。(我承認我好懶架)
-- 天秤座：愛美第一名，猶豫第一名，懶惰第一名，善辯第一名，公正第一名。(完全同意! 可惜係愛美第一, 而唔係選美第一.......唉....好可悲....)
-- 你是藝術家那一型對於現實很難自處。如果你是男性， 你可能是同性戀者。對於工作和金錢獲得的機會是零。大部份天秤座的女人是妓女。所有天秤座的人皆死於性病。(唔係掛???)


>>June 8, 2003 at 7:05:20 AM GMT+8

2003 年 6 月 5 日 星期四 【晴】

好耐都無試過咁健康喇......昨日行完山, 今日走左去釣魚.
西貢都有魚釣啦, 釣完又可以食海鮮, 又可以食糖水.......不過我唔係去西貢......
山長水遠去東涌釣魚......唉......要行一個鐘頭多d既山路小徑先到, 條路又多狗lor.....剛剛落完雨, d路又濕又滑.....不過行到去"所謂"既碼頭又超曬lor......我覺得自己完全係一粒蒸到干晒既干蒸燒賣.....哈哈, 不過我都釣到一條魚"mo"仔......
釣完之後又要行返原路出去......已經累到唔想再行喇.....

行山係一項幾好玩既活動, 有時見到d景色真係好靚好靚架.......如果我有DC, 就可以影低佢......
不過, 行山會遇到好多動物, 有狗啦, 有牛, 有馬騮.....超恐怖呀~~~
有d狗會訓正路中心, 條路又窄lor, 超驚呀~~~~
有時又會見到d狗既一家大細, 拖男帶女....勁驚呀~~~~~
我試過有一次o係一條唔夠三尺既路同八隻牛狹路相逢, 我地大家"相對"左一陣, 好彩佢地跳左落去下面個淺灘仔. 如果唔係, 我都唔知點算呀....不過佢地已經嚇死我喇~~~~~
我試過由東涌行去大澳, 行左五個幾鐘(計埋d休息時間). 依條路都ok架, 唔會有好多斜路, 行完之後仲可以去大澳食埋dinner先走....^_^
不過依d天氣行山, 我會中暑架.....最好都係秋涼先去行, 秋天先係郊遊遠足既好季節. d秋風吹埋黎超舒服架, 沿途又有落葉, d景好正架!


>>June 6, 2003 at 12:48:45 PM GMT+8

2003 年 6 月 4 日 星期三 【晴】

今日晏晝, 我被我阿爸拉左我.....既然我媽都去, so, 我都去law......
好耐無去行山喇......行左兩個半鐘, 我一路行, 一路打"喊""露".....勁頹......我都唔想架, 不過真係好眼訓......我既生活模式仲未調教好, 依然係朝早眼訓, 天黑先精神......

等我都抄下Stephen先, 我覺得佢"for XX"依個好正.....哈哈哈.....不過我唔會俾版權費你架!

For Ming Ming: 我唔係矛盾呀. 無野做先唔寫日記, 因為都無野好寫.....>_<"
For Ray: 份BOM我地個個做晒好耐喇......你剛剛finish BOM係你既問題咋........同埋我真係覺得無聊架!
For Wen Lau: 無論去幾多次k, 我都唔會唱架.......
For Stephen: 我唔係唔寫日記, 係我無時間寫咋!

>>June 6, 2003 at 1:16:21 AM GMT+8

2003 年 6 月 3 日 星期二 【晴】

今日終於正式開始放暑假喇!
如有意外, 今年亦係我最後一次既暑假. 出年已經Yr4, 讀Yr4完左之後就要搵工做.....咁....之後就無暑假放喇!

暑假其間, 我諗我會寫少左日記......因為我諗我既暑假會好無聊. 行街睇戲食飯之後, 又再行街睇戲食飯.....可唔可以有d新意呀? Will又唔係度......唉.....
上次SARS事件停左咁耐課, 令我有dd放長假恐懼添.....有時會放假放到好悶, 又無mug特別野可以做lor......今日先係第一日放暑假, 我已經覺得無聊喇........>_<"

今年夏天
唱﹕林志穎
曲﹕陳大力﹑陳秀男
詞﹕劉虞瑞
編曲﹕Ricky Ho

為自己找個出口
讓心情永遠能回頭
看時間匆匆地溜走
帶不走心中的夢

許個心願
留住所有青春的喜悅
找個空間
給我那段單純的歲月
我用我的真心 收集所有快樂
年輕的心像首歌
有夢就去追逐 有愛就有歡樂
回憶永遠不褪色


>>June 4, 2003 at 7:38:55 PM GMT+8

2003 年 6 月 2 日 星期一 【晴】

今朝諗住三點起身溫書, 我兩點半就起左身, 食左d消夜就再訓返過........>_<".......
"好戲在後頭"..........最後一科既考試, 有十條T/F完全唔明同唔識. 我想答晒false, 不過又驚太頹.......so, 我撞d True又撞d False...........30分有好大機會無左........>_<".....

終於考完晒試喇......唱K慶祝!
好耐無同Wen Lau去唱K喇.........^_^
之後唔知點寫好.......唱歌既人唱歌, 唔唱歌既人(即係我)依然唔唱歌......一路唱, 一路笑, 一路食!
我同Freda又係o係度笑, 笑到失晒控........^o^

見到Stephen同Freda部數碼相機, 我又好想買呀.........不過我又驚我三分鐘熱度, 玩完一陣就唔玩.......>_<"......二千幾蚊買樣玩具似乎過份左少少........
如果去韓國, 二千幾蚊只係團費&導遊費等, 仲未計其他吃喝玩樂......我估計唔到如果真係去韓國, 我會用幾多錢.........

>>June 3, 2003 at 6:36:35 PM GMT+8

2003 年 6 月 1 日 星期日 【晴】

Ray哥呀~~~ 你唔好嚇我啦, 問點算果個應該係我呀......
雖然聽日先考最後一科research(不過, 唔知點解鍾意叫佢做epsy多d), 我已經無晒心機喇.....雖然之前都無心機架喇....>_<......我諗我都係要等今晚or聽朝先溫......

好唔抵呀, 唔見左五月份果張Cosmopolitan換書卷, 蝕左一期添....>_<".......今期就係Twins做封面.....唉, 都唔吸引既....不過佢有SKII sample同一個袋仔送, 咁就算數啦!

唉......究竟用兩千幾蚊去旅行好, 定係買DC好呢? 又抑或唔好用, 儲起佢呢?.....唉......唔知點算好.....

今日係7-11俾我見到Haagen-Dazs出左隻栗子雪糕, 我依個栗子狂當然第一時間買黎試啦. 嘩! 超正呀...我鍾意佢既程度等同於Dreyer's既toasted almond呀! 牛奶公司果隻栗子雪糕同佢簡直無得比呀! 牛奶公司栗子雪糕好難食架.....不過Haagen-Dazs隻栗子雪糕就貴左少少(其實唔止少少), 牛奶公司栗子雪糕一公升特價$18個幾, 而Haagen-Dazs隻栗子雪糕一樣係$18.9, 不過only得120ml (已經係推廣價, 原價要$22個幾).....好貴呀!.....好食呀.....好貴呀!.....好食呀.....好貴呀!.....好食呀........>_<


>>June 2, 2003 at 9:34:57 AM GMT+8

2003 年 5 月 31 日 星期六 【晴】

唉~~~~~~~
今日又無mug溫過書添, 今晚又要努力努力先得喇.....
我真係無心機溫書.....頭先溫BOM時, 睇d powerpoint, 睇到最尾個page, 我先知d powerpoint係打直睇而唔係打橫睇架....>_<".......唉.......
Wen lau, 你好叻呀, 我已經唔記得晒之前學過d野喇........哈哈.........不過妳又講得好o岩喎....^_^



>>June 1, 2003 at 1:08:50 PM GMT+8

2003 年 5 月 30 日 星期五 【晴】

Ming Ming呀, 你唔好再幫Calvin Yu講好說話喇~~~~~
不過, 算啦, Ming Ming just俾人"飛", "失戀"既女人係心理唔平衡d架喇. 人地鍾意飲忌廉咪算囉, 唔好唔開心啦, Ming Ming, 睇開d啦!
仲有呀, 唔係拉唔拉curve既問題呀, 係原則問題, 又話唔出又出, 佢玩晒啦.....

以下這首歌係送俾一d黑仔既人

始終會行運 張國榮
作詞：黃霑　作曲：顧嘉輝　編曲：顧嘉輝

在情在理 他心我心
不必爭論也懶問
為人為我 不必區分
一切事幹開心要緊

順緣順意 嘻哈半生
歡欣自會接近
自然入世自己有自信
終此生　始終有鴻運

＊像風也像片雲　
樂得笑面對人
任上天引導我行
隨緣覓夢歡笑真

＃合情合理 開心稱心
一心想做快活人
未愁未怨實在有自信
終此生　始終都會行運

重唱　＊,＃


>>May 31, 2003 at 1:12:31 PM GMT+8

2003 年 5 月 29 日 星期四 【陰】

燒焦又燒焦.......我考試既表現一次俾一次差......由第一科既OS開始, DPSY, Sexuality同埋MIS一次俾一次差......下個禮拜仲要兩科要考......情況都唔樂觀得去邊......>_<"

算啦, 雖然昨晚無訓, 加上今日既兩科都唔識, 我咪當係enjoy溫書既過程law

Ming Ming呀, Calvin Yu都無講過solitude........仲有, 我肯定佢講過唔考dying(ch.19), 不過最後果條MC係關於dying架! 果條講如果一個講"why me?"係屬於which stage of dying..........佢自己話唔考架!
Ming Ming呀, 妳清醒下啦! 唔好盲目咁去認同一個人呀~~~~

今晚又食唔到Spaghetti House, 慶祝唔到我既考試表現又創新低添~~~~

>>May 30, 2003 at 11:22:32 AM GMT+8

2003 年 5 月 29 日 星期四 【陰】

諗住今朝唔再寫日記, 不過, 因為一首歌改變左我既想法.

我要多謝阿Ray sent左"勇氣100%"俾我呀! ^__^ 我好鍾意睇忍者亂太郎架, 依首歌亦都好好聽同聽完之後會好開心. 我頭先聽完之後即刻唔眼訓喇! 我連續聽左三次, 我諗我而家既勇氣指數係3%.......勇氣3%對我黎講已經足夠架喇! 多謝你wor, 阿Ray!

希望大家既勇氣同運氣都不斷上升啦!

>>May 29, 2003 at 11:23:10 PM GMT+8