2003 年 6 月 17 日 星期二 【晴】

我又upload左d相去yahoo相薄喇!

>>June 18, 2003 at 5:47:25 AM GMT+8

2003 年 6 月 17 日 星期二 【晴】

昨日終於好天喇! 無落雨, 太好喇! 希望一直好天啦!
晴天既感覺完來係咁好既!

昨晚聽Irene講, 知道有個秘書實務既summer course. 我想去讀呀! 因為暑假實在太悶喇!
個暑假依家先過左兩個半星期, 仲有兩個半月呀!!! 我悶到發"毛"喇!!!
個秘書實務summer course由28/6-8/9, 逢星期六下晝上堂, 二千幾蚊(嘻嘻, 我咁好學, 一定會有人贊助既)
我可能聽日去報名呀! 哈哈!

又係二千幾.....數碼相機......唉......

唔知點解我部大大部電腦run唔到呀! 仲開唔到機添....>_<

晴天 　 (朱孝天)
O.C.：Hiroyuki Matsugashita
中文詞：鄔裕康

我看著那片晴天　用你和我的昨天　風慢慢吹　吹乾你臉上的雨水
我走在那片晴天　把你再好好想一遍　我身邊　溫暖的感覺沒改變　再遙遠　再多變
你的愛　一直跟著我　在我的耳朵　小聲說你愛我
你的信還留在　鐵灰色信箱裡　但是我需要雨季後窗外空氣　我拿著你握過的傘想念你的手心
失去你的難過　這次我不會帶著走　就沿著城市中我們曾牽手　經過的每個街頭
那些歡笑　那些擁抱　讓我們這份愛　走到哪裡都有陽光
我看著那片晴天　用你和我的昨天　風慢慢吹　吹乾你臉上的雨水
我走在那片晴天　把你再好好想一遍　我身邊　溫暖的感覺沒改變　再遙遠　再多變
你的愛　一直跟著我　在我的耳朵　小聲說你愛我
你愛的咖啡店　藍天一大片　就好像我的想念　那些紅綠燈　那些路口　還是一點沒變　我們怎麼可以改變
我看著那片晴天　用你和我的昨天　風慢慢吹　吹乾你臉上的雨水
我走在那片晴天　把你再好好想一遍　我身邊　溫暖的感覺沒改變　不會變
我看著那片晴天　用你和我的昨天　風慢慢吹　吹乾眼底的落葉
我走在那片晴天　重溫你靠在我的肩　我身邊　溫暖的感覺沒改變　再遙遠　再多變　你的愛
一直跟著我　在我的耳朵　小聲說你愛我


>>June 18, 2003 at 4:39:09 AM GMT+8

2003 年 6 月 14 日 星期六 【雨】

Happy Father's Day! 今日亦係我既family day呀!
我今日既日記可以用遊記來形容. 我好耐都未試過一日內去咁多地方呀! 我平時行旺角已經會行成日啦. 我今日大致上去左半山, 中上環, 灣仔and銅鑼灣. 我都唔知點寫好添.....因為今日做左好多野呀......如果要寫晒出黎, 有排我打呀! (我既打字speed依然好慢>_<")......

09:00 -- 自從開始放假之後, 我都未試過咁早起身喇..........我當然唔係自己醒啦......我爸不斷嘈我叫我起身........zzz......zzz......好眼訓呀!

10:00 -- 落好彩飲茶.....

11:30 -- 返屋企先

12:00 -- 向警隊博物館進發! ............(我唔想去架, 無奈今日係父親節, 點都要俾下面; 我仲未去過沙田既文化博物館呀, 咁近都唔去, 而家要去個咁遠既警隊博物館添.....)

13:30 -- 都唔知點解個警隊博物館咁遠架! 不過又有好多參加一天團既人呀. 有好多小朋友呀, 警隊博物館又細, 佢地又嘈, 我完全無心機睇......臨走時, 我係警隊博物館出面條樓梯俾一隻白紋伊蚊咬添........唉.......

16:00 -- 去蓮香樓飲下午茶. 蓮香樓fit晒我爸既style....焗盅+懷舊+dirty.....我上到去, 我覺得自己去左老人院(咁講會唔會太衰呢?). 大部份既茶客and茶博士都應該過晒退休年齡; 雖然清潔嬸嬸拖緊地(好勁漂白水味), 不過個地下都好多廁紙and骨頭and用過既牙籤.....>_<".....d點心又無晒, 食唔到大包添.....

17:30 -- 去到灣仔我就精神返晒.....有街街行喇! 我幾鍾意行灣仔d成衣出入口店架, 摷下摷下好好玩架. 雖然好難先搵到心水貨品, 不過搵到會好開心and滿足架!

19:00 -- Sogo九樓特賣場既主題係"父親節心意獻禮". 我爸無買到野, 反而我買左對特價波鞋, 哈哈哈......點解"父親節心意獻禮"有女裝賣既? 唔通, 阿爸係........哈哈, 心照啦!

20:00 -- Dinner Time. 我提議泰屋(有泰式生蝦呀), 寧記(食麻辣火鍋), 金百利(有好多choices), 唱K, Spaghetti House, 麥記, 大家樂.......etc. 我爸都唔知食咩好. 咁我地就係條街度游盪. 我醒起銅鑼灣都有間Jo Jo's. So, 向Jo Jo's Indian Restaurant進發!

21:00 -- 去到Jo Jo's門口, 準備入去. 我唔知癡左邊條線, 忽然間講有間巴西燒烤d宵夜only$58, 我爸勁想試, 佢就即刻轉軑......So, 向維園進發!

21:25 -- 間巴西燒烤門口已經有好多人. 不過果度都幾大, 等左一陣就有位. 我見到d waiters哥哥拎住一大串肉周圍走, 我見到都飽喇! 點食呀? 大半個鐘後, 有燒菠蘿呀! 超超超正呀! 我一個人即刻食晒一件. 之後請個金毛waiter哥哥拎多d燒菠蘿出黎, 前後兩次. 我total食左四件(即係一整個菠蘿). 我食埋側邊d菠蘿肉添呀! 好好食呀! 下次燒野食一定要燒菠蘿呀!

00:45 -- 返到屋企已經差唔多一點. 我諗我爸會知道點解我行街可以行咁耐(雖然我次次返到屋企佢都訓著左).......哈哈哈~~~~

For Ming Ming: 我唔記得提你添. 我都試過好多次無左d日記(仲係就寫完果d). 寫寫下, 如果唔小心襟錯制(如"上一頁", "我的日記"等), 再返黎"寫日記", 之前寫既野會無晒. 所以, 你最好開左個Word, 一路寫, 一路copy and paste去Word度(最安全係寫一句, copy一次), 再save(一定要SAVE!!!). 寫完晒篇日記, 再post埋先, 睇到篇日記係你既日記裡面, 你再去洗左Word果度既file都唔遲. 咁就唔驚啦!

>>June 15, 2003 at 8:28:58 PM GMT+8

2003 年 6 月 13 日 星期五 【雨】

天氣報告話今日直至下星期四都會落雨......唉.......

研製馬碲露成功! 好味呀~~~~

>>June 14, 2003 at 4:35:09 PM GMT+8

2003 年 6 月 12 日 星期四 【雨】

今日又落雨喇~~~~

For一燈大師: 我同趙敏去搵無忌哥哥, 所以咪唔叫你囉. 我地費事阻你靜修啦. 下次啦, 下次我地開武林大會一定預埋你!

>>June 13, 2003 at 3:24:14 PM GMT+8

2003 年 6 月 11 日 星期三 【雨】

哈哈哈哈~~~~
好開心呀! 今日我同Freda去行街兼食野呀. 香草三文魚好好味呀~~~~~~
估唔到我同Freda都咁受蟑螂歡迎架......無法啦, 我地咁有吸引力, d蟑螂都俾我地吸引住, 忍唔住親近我地, 哈哈哈哈~~~~~
不過d蟑螂鍾意親近Freda對腳, 而佢地就鍾意我個頭. 哈哈哈哈~~~~
Freda試過用佢隻美腿直接踩死蟑螂, 我就試過用我既"肉"手去捉蟑螂.....哈哈, 我地真係好夾呀!
我地just玩左個算命game, 我係周芷若, 佢係趙敏.....哈哈, 我地都鍾意埋同一個男人(無忌哥哥)呀! 超夾呀!
依個算命game超準架~~~~
準到有d恐怖~~~~
佢可以講中晒一個人d main points架~~~~

我好高興識到Freda依個同我一樣係傻傻地既朋友.......^_^

我會像你一樣傻 -- 黎明

回頭浪子當想起你的愛
別離後方知所欠更多
這世上誰人像你一樣傻
像你所給我這麼多

為何上天將希望交給你
在期待之日不見結果 我盼望
從前像你一樣傻
願愛得比你更加多

要怨怨我以往 我沒有替你想過
默然的你寂寞中渡過 回頭時沒法見面
未到失去最深的愛 永不清楚

為何在今天想到你一個
自然地隱隱感到痛楚
這世上誰人像你一樣傻
像你所給我這麼多

祈求上天可將你交給我
讓平淡生命譜上新歌 我盼望
從前像你一樣傻
願愛得比你更加多

要怨怨我以往 我沒有替你想過
默然的你寂寞中渡過 回頭時沒法見面
讓我可以 你會知道我將愛你更多
要怨怨我以往那裡有愛惜你
悻然將你願望都踏破
唯獨我欠著便是你一個
啊……


>>June 12, 2003 at 8:02:33 PM GMT+8

2003 年 6 月 10 日 星期二 【雨】

又落大雨~~~~
天氣預告話而家至下星期一都會落雨..........落到幾時架!!!!!
好悶呀~~~~~~~~~~~~

今日, 我搵返d好耐之前買落既十字繡出黎玩. 哈哈, 幾好玩lor. 我覺得自己似古代d淑女係屋企剌繡, 哈哈哈哈~~~~~~ 我覺得自己好賢淑呀! 哈哈哈哈~~~~~~~
我諗我唔會半途而廢, 我一定會繡完個公仔架!!!

For明強: 你想多d頁數好易架o乍. 你可以自己係"每頁日記篇數"果度校架. 你想一篇日記用一頁都得架!

>>June 11, 2003 at 6:03:41 PM GMT+8

2003 年 6 月 9 日 星期一 【雨】

好無聊呀~~~~~
唔知係唔係當一個人覺得無聊時, 佢做咩都咁無聊既呢?
我諗唔到可以做d咩有意義既野, 做咩都覺得無聊.......睇戲, 行街, 睇書, 唱K, 食飯, 行山.........好似無樣野有意義既.........
加上落雨, 唔想去街添~~~~
唉......落雨.....落雨就去唔到澳門喇. 希望d天氣快d好轉啦!
而家先放左一個星期既暑假, 不過我悶到寧願返學喇........>_<.........可能之前SARS停課停到悶晒掛.

For Wen Lau: 哈哈哈~~~ 當我睇到明強同T同學既留言, 我第一個感覺亦都係覺得佢地兩個係度耍花鎗and打情罵俏. 哈哈哈哈~~~~
For耍花鎗的兩位同學: 依度話晒都係公眾場所, 唔該你地檢點d啦!
For T同學: 你係明強本日記度講"好期待你既新髮型呀....快d 剪俾我地睇喇", 你究竟想快d睇佢既新髮型, 定係想快d見到明強呀? 哈哈哈哈~~~~~
For Terry: 唔駛恭喜我喇, 有咁多既人氣指數即係表示有你依d無聊既人黎睇我本日記law......^_^

>>June 10, 2003 at 7:22:21 PM GMT+8

2003 年 6 月 8 日 星期日 【雨】

我今日俾個七歲既o靚妹"蝦"呀~~~~
我既自尊已經跌落谷底喇..........>_<"

哈哈哈.....似乎大家都對天秤座既男性係唔係同性戀者好有興趣lor......你地可以問下當事人架.......哈哈哈.......

For Wen Lau: 我地已經懷疑T同學同妳細佬好耐架喇.....^_^

>>June 9, 2003 at 12:18:15 PM GMT+8

2003 年 6 月 7 日 星期六 【陰】

我終於諗到有咩好做喇! 希望我既暑假可以充實dd啦.

去澳門啦! 大家有無d mug野時間係去得架. 有既話唔該提出黎啦.

唔知大家覺唔覺得明強串左好多呢?

>>June 8, 2003 at 4:07:30 PM GMT+8