2003 年 7 月 31 日 星期四 【晴】

我好耐無行過太古城喇! 下次我一定會再行過架!

今日同freda行書展呀~~~
我地食左lunch行走會展果陣好多人呀! 我去左咁多次書展, 今次係最多人一齊入場架! 我地要繞過去香港展覽中心呀! 好多人呀~~~
行左一陣, 我地都買左幾本漫畫. 我買左一書四冊既"藍寶石王子"呀! 我記得我細個好鍾意睇果套卡通架. 可惜而家都唔重播.....原來依次係我第一次買漫畫呀! 不過, 我唔like睇comics, 我覺得無想象既空間, 所以, 我like小記多d, 愈長愈好睇!
我再一次買過期雜誌, 不過今次唔算瘋狂喇!
今日, 我地先後係會展撞到stephen and his friends共六次. 哈哈, 真係"橋"喇! 第一次撞到, 大家都say hi; 第二次撞到, 大家都係say hi.....哈哈哈哈, 因為hi完之後都無野好講. 跟住大家都數住撞過幾多次.....好玩呀, 好搞笑呀, 哈哈哈哈~~~
行完書展, 我地搭船過尖沙咀. 去左citysuper買野飲. 等到大約九點, 我地又行左去"稻香"打邊爐呀! 哈哈~~~ "稻香"d野幾好食架, 又唔貴喎, 正呀!
食飽飽之後, 我地搭81c返屋企.......我地大約十二點幾去到大圍火車站附近, 我地竟然又撞到mei姐(stephen's fd)呀! 哈哈哈哈, 係會展撞到六次, 隔左幾個鐘, 返到大圍又撞到! 太有緣喇!
同mei姐say goodbye之後, 行左幾步, 我地又撞到stephen呀! 哈哈哈哈哈哈~~~ 佢地食埋糖水添喇! 哼! 唔等埋我地! 哈哈!

今日玩得and食得好開心呀!!!

>>August 3, 2003 at 2:56:24 PM GMT+8

2003 年 7 月 30 日 星期三 【晴】

Ｆ○Ｒ Ｊ○ＡＮＮＥ: 唔知點解, 我每次同妳去食野, 我都會食多好多野架！哈哈, 係真架, 依ｄ可能係我地之間既化學作用, 又或者係我見到妳會開胃ｄ啩！哈哈！

我發覺自己會鍾意一ｄ小說中奸奸地既角色多過ｄ主角架！例如: "紅樓夢"既王熙鳳, "射鵰"既梅超風, "神鵰"既李莫愁等等. 唉.....Ｋ型！

我諗住學倉頡架.....點知, 我而家懶到只係用速成+手寫板......唉......

仲有呀, 我諗住去泰國可順便睇下果邊body shop會唔會平ｄ, 哈哈, 我巳經準備去掃貨lu

聽日同freda去書展, 等我諗定有咩要買先.....不過, 如果真係漏野, 我可以星期日買返！哈哈！

睇左韓國片"快樂到死", 不過我get唔到點解套戲叫"HAPPY END".....我完全唔覺有HAPPY既成份.....唔通佢係用咗諷刺?

睇左"青蛇", 好好睇呀～～ 套戲拍得好靚呀～～ 人物造型又靚, 個景又靚..........不過佢同本小說都唔同嘅......

唔怪得之無人借"一碌蔗"俾我睇啦......都唔好睇嘅......

雖然已經知道"不速之嚇"嘅結局, 不過佢依然好好睇！

>>July 31, 2003 at 6:18:55 AM GMT+8

2003 年 7 月 29 日 星期二 【晴】

我今晚download左好多卡斯拿斯既相呀~~~ 我就黎失控喇~~~
雖然Casillas既photos唔算好多, 不過張張都好靚呀~~~ 我而家揀緊用邊將黎做wallpaer....張張都咁靚, 好難揀呀~~~
我已經將d相upload左係我yahoo既相薄, 唔該大家幫我揀下那張最靚最靚最靚吖.....唔該!

d傳媒好唔fair呀, 佢地淨係將皇馬既焦點放係"碧咸+朗拿度+施丹+魯爾+卡路士+費高"度.....完全唔提卡斯拿斯....唔制呀~~~

好耐好耐好耐無同Joanne食tea喇~~~
是日下午茶: 咸水角+X燒腸+蒜蓉吊桶+金菇牛肉+蟹子燒賣+三色水晶包
哈哈哈~~~ 好味呀~~~
仲有, 多謝妳送俾我條頸鏈呀~~~ 我會成日都戴住佢~~~

我愈睇愈鍾意一件泳衣呀~~~ 佢折左都要$320呀, 我又唔係成日游水喎, 我驚我買左又唔著呀, 咁樣好折墮架.....>_<".......
不如你地多d約我去游水啦, 咁樣, 我就會"的"起心肝買左佢架喇......^_^

今日我條粉藍色既水晶手鏈無端端斷左呀.....好慘呀.....>_<"

雖然無線播個套"神鵰俠侶"卡通唔好睇, 不過首主題曲好好聽呀~~~

真愛是苦味(卡通《神雕俠侶》主題曲)
作詞：劉德華　作曲：黃霑　編曲：杜自持

有時候　在掛念你
思憶　髮上那香味
昔日可　擁抱著你
心　暗地半喜

有時我　亦痛恨你
竟將愛情置死地
不願懂這個道理
不接受分離

誰願意誰願意不理
流浪在半生怎去預備
情義我一生銘記
留在世上全沒趣味

既然我愛著你
痴心也埋葬此地
生命中　主角是你
真愛是苦味

等到夢致死


>>July 30, 2003 at 3:40:36 PM GMT+8

2003 年 7 月 28 日 星期一 【晴】

我今朝決定唔去"浸"水喇......因為......因為我周身骨痛呀~~~
估唔到游兩個鐘游水仲累過行五個鐘既山架........>_<"
咁唔得架bor......我一定會再搵日去游水架!

昨日係泳池, 廿個人有十九個都有戴潛水鏡, 係得我一個無戴咋.....仲有, 好多泳客都好叻游水架, 我又唔係咁識wor, 我覺得自己好cheap呀.....人地d蛙式個頭會浸落水, 不過, 我就死都唔會浸個頭落水喇, 因為我好驚架......如果我浸個頭落水, 我要記住唔好用鼻呼吸, 又要記住上水要用口呼吸.....我一次唔可以記咁多野架.......因此, 我一路都係"曱"高個頭游水架...K型呢.....

今日發生左一件好奇怪既事呀~~~ 我之前未試過架......奇怪奇怪!

For Ming Ming: 日記既長短無所謂啦, 有野寫咪寫多d囉.......不過, 妳篇日記又真係短左d既....哈哈^_^
For Terry: 其實我唔怕曬黑架.....因為我已經好黑架喇, 再黑d都無所謂啦.....仲有, 因為我無milk浸milk bath, 所以唔似你咁又白又滑.
For Freda: 好呀! 我諗住早d去會少d人架嘛.....我近近地去沙田賽馬會咋.

>>July 29, 2003 at 1:34:43 PM GMT+8

2003 年 7 月 27 日 星期日 【晴】

哈哈哈哈~~~ 我今朝真係去左游水呀. 原來朝早都好曬架, 我由八點半"浸"到十點半, 我已經黑左好多喇~~~
聽朝仲去唔去好呢?

>>July 28, 2003 at 1:58:54 PM GMT+8

2003 年 7 月 26 日 星期六 【晴】

22/7-24/7去左中山+珠海+澳門.........都幾好玩呀~~~

我地係中山去左一個夏威夷水療中心........原來我好耐好耐好耐無去游水喇...>_<"
上一次游水已經係N年之前既事. 我一路咁諗返我之前游水既記憶.......上一次已經係七年前喇!!! 果時係我中三升中四既暑假, 我去左泰國旅行, 係泰國游水.......之後我就一直無游過喇....(我好後悔無係Green Island游水...>_<").....不過我仲著得落件泳衣.....哈哈哈哈......件泳衣已經"荒廢"左七年喇.......我只係著過件泳衣幾次咋, 不過我又想買新泳衣去泰國喇~~~
我咁耐都唔去游水係因為一個好核突兼恐怖既原因......唉........事隔多年, 我仲係記憶猶新呀~~~ 我內心掙扎左好耐, 我先夠膽去游水咋!
我依然仲係游緊半潛既蛙式, 哈哈哈.....點解半潛? 因為唔知點解我隻腳會沉落水架...>_<"
自從我這次游完水, 我就好掛住游水喇......我仲諗住朝日去游水添...^_^.....希望聽日知醒起身啦.....我下定個目標: 如果我得閒去游下水, 我先會去買新泳衣......因為我費事又係得物無所用......

講返今次既旅程, 第一日到中山好曬好好天. 第二朝有d天陰, 晏晝仲落大雨添. 我地攞住d行李經拱北過澳門果段路最狼狽......去到"京澳"我又去左游水(不過個swimming pool細到嚇親人>_<). 係果晚澳門已經掛左八號風球(比香港更早). 而係八號風球其間, 只有葡京同新世紀繼續營業, 而當時澳氹大橋已經封左....so, 葡京是唯一既去處......今次我無入葡京賭場呀......打老虎機好"頹"呀~~~(我只係掛住Crown Casino既老虎機, 佢有d機既minimun只係2仙澳幣咋, 好抵玩架! 果度d裝修又靚又grand)

第三天朝早, 早餐過後, 我地行去新馬路果邊. 成日澳門好似死城咁, 條街無咩人, d舖頭又無開門, 周街都係樹枝同樹葉, d招牌擺得好犀利呀~~~ 全部手信舖都無開(無得試食添...)
不過此時, 鉅記雖然落左閘, 不過有一道小門打開左, 有個阿婆掃緊地, 我地問佢可唔可以俾我地買野, 佢話自己唔識, 不過又俾我地十個人入去, 哈哈哈, 佢不斷call d後生返黎, 好搞笑!
仲有, 請大家盡量避免買手信舖透明膠櫃內的豬肉乾, 牛肉乾等. 以鉅記為例, 雖然d透明膠櫃有蓋遮住, 不過佢d透明膠櫃兩邊通窿架! 即係只遮住上面, 側邊兩邊無遮無掩, 唔係密封架! 佢地收舖只係將個膠櫃推入舖, 又閂晒冷氣, 咁d肉乾就係咁既情況下焗左成晚.......最攞命既係果度有曱甴架嘛, 我見到果個阿婆既垃圾堆起碼有七八隻, 咁d無遮無掩肉乾就.........哈哈.......如果大家買手信, 唔該買d獨立包裝既俾我, 唔該!

京澳附近既Landmark(澳門既置地廣場), 早排開左間新賭場呀, 以古埃及法老王為主題, 好靚好新架, 仲好過新世紀添呀!

我報左名去泰國lu....18/8-22/8...."新華"既"曼谷、芭堤雅 5天精選購物團"......不過美中不足既係唔齊人......不過我地將來一定有機會既!
我會開始諗定買咩架喇, 做定資料搜集, 因為我唔想好似去澳洲咁.....唉......
今次我會主力去睇Wacol同Converse, 如果大家有興趣, 我都會幫大家睇下, 格下價架. 如果大家知道泰國邊度有平靚正既野, 唔該通知聲, 唔該晒!
仲有, 唔該大家諗定想要咩手信~~~

>>July 27, 2003 at 2:53:50 PM GMT+8

2003 年 7 月 20 日 星期日 【陰】

今日我終於攞左results喇~~~ ok啦~~~
最衰係MIS同sexuality同一日考, 攪到我之前果晚都唔知溫邊科好, 結果兩科都係C+............
如果我無add sexuality, 我既GPA會高d架!
哈哈, 不過我BOM攞A-, business既科我竟然攞A-.....同之前d statistics一樣, 我都唔知發生咩事......哈哈哈哈~~~~

未來三日行程: 中山+澳門
(不過我個心已經飛左去泰國lu)

>>July 21, 2003 at 4:06:44 PM GMT+8

2003 年 7 月 19 日 星期六 【陰】

(都唔知上面果個天氣揀邊個好, 今日又曬又落雨.......所以, 我取中庸之道 -- 陰 and 今日掛一號風球)

經過今日既商討, 我地決定跟新華去Thailand!
唔知係唔係先入為主, 我覺得新華d哥哥nice d架. 佢地真係樂意答你既問題架. 至於永安同康泰就好cheap呀! 永安個叔叔就趕住收工咁, 你問一句, 佢就答你四份之一句; 康泰有個哥哥仔勁串, 個姐姐就唔識笑既, 只係背返個行程出黎......我識字架, 唔駛你講多次呀~~~~

聽日攞results喇~~~ 好驚呀~~~

For Freda: 我去泰國既主要目標係shopping, shopping and shopping, 再加陽光與海灘; 我應該就唔拜神架喇.
For Ming: 我都唔知我會唔會做秘書....我只係諗住報個course讀下咋. 同埋我覺得自己都唔似秘書既.
For Stephen: 係呀, 係同一間澳門茶餐廳呀(我就去尖沙咀既分店). 我都好鍾意佢架, 佢d雞軟骨, 燒大鱔, 薑茶, 豬扒包etc..都好正架. 我地搵日去食囉.
For Terry: 我一定會玩得好開心架! And我張張相都好靚架啦! ^_^

>>July 20, 2003 at 4:08:04 PM GMT+8

2003 年 7 月 18 日 星期五 【晴】

我昨晚都係無背到d野.......今朝先背.......是但啦.........不過都ok記得啦!

今日撘小巴, 聽到收音機講Defense Mechanism, 潛意識等terms, 令我諗返起就黎攞results添.....有ddddd緊張添~~~

唔可以唔提既係..................我今日又遲到喇! >_<.............我都覺得自己好唔掂呀............

今日秘書個course講marketing果4個P呀, 哈哈, 我終於都覺得我都識dd野架, 哈哈哈哈哈哈~~~~(弊! 我唔可以咁自滿架!)

真係好鍾意澳門茶餐廳呀! 好味呀! 如果佢係新城市or旺角開分店就好喇~~~

撘巴士就遇見囉唆阿伯, 佢坐係司機叔叔右手最近面個位(雙層巴士). 佢一上車就開左佢個"喃無喃無"既機. 之後就不斷咁講野....."九巴俾架拖頭害死", "屯門公路通車既第二日我就去喇", "我都係揸巴士"等等等等, 不過佢講得最多係"阿伯唔係囉唆", 佢講左六次呀(within 37 mins).......大佬呀, 你唔好係正司機叔叔隔離講撞車啦, 嘈住人地揸車, 唔撞都變撞啦!

"係咪真係去架?"-- 依句說話我今日已經講左好多好多次. 我真係好驚又去唔成呀~~~ 所以, 我決定我一定去! 就算無人去我都照去! (不過你地唔會丟低我個可?)
Thailand, we're coming~~~~

>>July 19, 2003 at 5:53:09 PM GMT+8

2003 年 7 月 17 日 星期四 【晴】

死喇! 死喇! 我仲未背我要背既野呀! 死啦! 唔想背呀! 我而家好眼訓呀! 救命呀~~~~

睇左之前錄左既"奇幻世紀"(雪地果part), 我記得我第一次係睇唔明架, 係戲院裡面又唔可以即刻同人研究一下, 睇完之後又會唔記得喎. 今次睇返, 原來好易明架咋, 這是因為之前俾佢誤導左之嘛!

最近, 我不斷咁"煲" "Friends"之前果幾輯, 我今日終於開始睇第五輯喇! 就快睇晒喇! 不過我睇晒之後會做d咩呢? 我仲未諗到呀~~~

今日freda打電話俾我, 我好耐無同佢icq喇......這全因為我個icq short short地........唉.......

唔得喇! 我真係要背書喇!.............>_<"..........唔制呀~~~~

-- Congratulations on your promotion..........Thanks. It came as a real surprise.
-- My God! It's hot in here.........It is, isn't it? I'll turn up the air-con.
-- This really is inconvenient for us........We're very sorry about this, Sir. We're doing all we can to sort out the problem.
-- We are not at all satisfied with the condition of the last consignment you sent us........We're very sorry about that. Would you mind giving me the details, so that we can look into the matter.
全部total24句呀~~~ 好唔想背呀~~~ 不過聽日晏晝就要背喇~~~~ 救命呀!

>>July 18, 2003 at 5:18:37 PM GMT+8