2003 年 8 月 12 日 星期二 【陰】

好耐好耐無同joanne唱k喇, 耐到都唔記得左上一次係幾時....

我無ONLINE一晚, 我就"的起心肝"睇埋本"挪威的森林", 又幾好睇喎.....不過本書都幾消極, 村上春樹成日都寫D人自殺既, 仲有, 主角渡邊徹既生活都幾頹下.....不過本書又真係幾好睇, 我一路睇, 一路想快D睇到個結局.........我想睇多次添^_^"

如此這般想你 (張智霖)

曲:O. Quesada/B. Dasig
詞:林夕
編:黃尚偉

和誰過那晚 和誰分享歡顏
為何想找到你 這樣難
和誰過這晚 和誰人談心中憂煩
有沒有夜返

* 如此這般想你 誰可比
如此憂鬱的臉 也為你
如此關心的我 如知己
如此痴心的話 卻未說起
如此這般竟會 從不知
如此一心一意 你未看起
如此這般想你 如在日夜自欺 *

和誰接那吻 和誰講起新聞
和誰竟講起我 這份人
和誰看細雪 和誰談挪威的森林
有沒有動心
Repeat *

其實是我 幻想得到太多
還是你 從不想我太多
然而我這樣傻 如此愛玩火
如此這般想你 誰可比
如此這般等待 不歇地
如此關心的我 如知己
如果真的親近 偏偏顧忌
如此一心一意 誰可比　
如此痴心的話 怎麼說起
如此這般想你 如在日夜自欺 Wo...

如此這般想你 如在日夜自欺 誰能比


>>August 14, 2003 at 4:46:27 PM GMT+8

2003 年 8 月 11 日 星期一 【陰】

點解呀? 點解呀? 我今日想去捐血, 不過又捐唔到呀!!! "吉"完手指之後, 佢又話我血色素唔夠. 標準要起碼11.5克先捐得血, 我只係得11.......唉, 我之前已經試過兩次唔夠血色素而捐唔到, 今次已經第三次喇! 之前我都係得11.4and11.2, 今次只係得11.......so cheap!
我都唔明點解架, 之前佢話我唔夠血色素, 我就勁食牛肉, 搞到我生晒粒粒, 搞到我而家反而唔係咁敢食牛肉添......so cheap!
原來九隻細既蜆含鐡量已經有11.9毫克, 咁我要食多d豉椒炒蜆先....嘻嘻!

唔知大家記唔記得我想買泳衣呢?
我今日終於買左喇!
件泳衣原價係$399, 我上次睇只得八折; 我今日再去睇, 佢有七折呀!!! 即係$279.3......我即刻忍唔住去買喇........唉......我都唔知我仲去唔去游水.......不過佢又好似好抵咁喎.......

>>August 12, 2003 at 4:07:11 PM GMT+8

2003 年 8 月 10 日 星期日 【晴】

太好喇! 大好喇! 請大家為我地歡呼! 因為eva姐已經加入泰國之旅! yeah!!! 歡迎! 歡迎!
哈哈! 好開心! 好興奮呀! 我會開心到訓唔著架!
我已經可以想像得到泰國之旅有幾好玩喇........淨係諗都好好玩喇!!!
仲有一個禮拜就出發喇! 我地要諗定有咩野要帶去先........
我已經諗左d喇.......at least有68樣野.......點執呀........

>>August 12, 2003 at 3:20:49 PM GMT+8

2003 年 8 月 9 日 星期六 【晴】

我覺得今晚依埸皇馬對泰國最唔好睇........卡斯拿斯淨係打左上半場咋......

>>August 10, 2003 at 6:48:38 PM GMT+8

2003 年 8 月 7 日 星期四 【晴】

卡斯拿斯踢足九＋分鐘呀!
睇波時我既心情都幾矛盾架......一方面我支持卡斯拿斯, 不過我又支持中港聯喎.......唉......雖然卡斯拿斯失左兩球, 不過中港聯又入左兩球.......好矛盾呀~~~ 咁會唔會痴線架？

哈哈哈哈~~~ 唔止優雅同可愛, 我有好多野都係裝架, 包括裝傻, 裝彈弓, 裝假狗.....哈哈哈哈哈~~~~~ 你地唔好俾我"美麗"既外表所蒙騙呀! 哈哈哈哈(奸笑)~~~~

>>August 10, 2003 at 8:33:03 AM GMT+8

2003 年 8 月 6 日 星期三 【晴】

啱啱睇左一篇關於天秤女既文章:

一個美麗又有想法，理性感性兼備的女生，說她人見人愛當然不為過，但是，只要你情不自禁愛上她，並告訴她你有多欣賞她的才德兼備，多憐憫她的傷心往事，多包容她的種種一切，那麼，你就完蛋了，她便會開始得意忘形，以前在你面前的成熟懂事，善解人意，馬上通通不見，取而代之的是Baga斃的恃寵而驕，也不體諒你，也不關心你，管它現在幾點?颳颱風下大雨?如果你沒有應她要求，準時來接她，你就會看到全世界最難看的晚娘臉，因為她永遠認為別人對她好是理所當然天經地義的，怎可有理由拒絕她呢？還有，優雅是裝的，可愛也是裝的，只有懶惰是真的，屋內多數時候像垃圾山是真的，相信我，她寧可花三個鐘頭化妝也不肯花一分鐘整理家裡；寧願花3000塊買新球鞋，也不花10分鐘洗鞋子。這種女人你還敢要嗎？

哈哈哈哈, 我覺得佢有d講得好啱呀(尤其是第一行-第三&第四個字)! 哈哈哈哈~~~
仲有, 我真係"寧可花三個鐘頭化妝也不肯花一分鐘整理家裡"...>_<"....死得喇! 我真係好懶架.....我d野放得好亂架......我又唔鍾意執野......唉......
不過我覺得我唔算"永遠認為別人對她好是理所當然天經地義的"......係唔係呀???


>>August 7, 2003 at 12:48:16 PM GMT+8

2003 年 8 月 4 日 星期一 【雨】

For Ming Ming: 妳唔駛驚唔記得wor, 妳放心啦, 到時我一定會提妳架. 哈哈哈哈~~~

唉, 今晚無卡斯拿斯.....
希望星期五佢會出場啦!

>>August 5, 2003 at 2:36:14 PM GMT+8

2003 年 8 月 3 日 星期日 【晴】

我今朝真係去咗游水呀！ 好在今日唔曬, 我都無mug曬黑. 不過上次曬黑咗果d仲未退色呀！ 好惨呀！我唔mind曬黑, 不過都唔好曬到撻撻吖....唉......都知幾時先退色......唉.......

今日仲見到好多小朋友游水呀! 有個小朋友好得意架! 佢肥肥地, 皮膚又黑, 一下一下咁游, 游得好快, 好似D上鏈公仔咁.....好可愛呀！

昨晚同Joanne傾計, 令我醒起今日係一個我唔熟既朋友生日. 雖然佢唔會睇我依個日記, 不過我都係依度祝佢生日快樂, 心想事成!

Joanne亦提醒我仲有兩個月就到我生日喇, 各位識做啦! 哈哈哈哈~~~~~

許愿
曲 : 凌偉文 詞 : 何啟弘 編 : 黃中岳
主唱 ： 古巨基 / 梁詠琪

(女)我喜歡回味 記憶的美 讓人懂得感謝
(男)你現在讓誰 聽你喜悅 陪你掉眼淚
嘿 好久不見
(合)請你許個愿
(男)要感情不再那么容易變
(合)讓心不被距離拉得太遙遠

(男)我寄了張卡片
(合)地址是感覺 收件人叫永遠
像是你又遞來一杯熱咖啡
生活有了你的溫柔調味
(男)我寄了張卡片
(合)畫你的笑臉 寫祝福的留言
請把我的名字默念一百遍
好夢就會趁你睡醒實現

(男)我習慣感覺 記憶的美 能讓溫柔不滅
(女)你現在讓誰 吻你的臉 疼你的一切
嘿 好久不見
(合)請你許個愿
(女)要感情不再那么容易變
(合)讓心不被距離拉得太遙遠

(女)我寄了張卡片
(合)地址是感覺 收件人叫永遠
像是你又遞來一杯熱咖啡
生活有了你的溫柔調味
(女)我寄了張卡片
(合)畫你的笑臉 寫祝福的留言
請把我的名字默念一百遍
好夢就會趁你睡醒實現


>>August 4, 2003 at 5:14:19 AM GMT+8

2003 年 8 月 2 日 星期六 【晴】

今日我又去書展喇!
今日係eva, irene, helen姐同埋我一年一度既約會! 雖然helen姐在澳洲, 不過helen姐與我們同在!!!

今日既書展會場內比前日仲多人呀, 搞到我地無mug行counter....所以, 我地only由三點行到五點三......不過, "好戲在後頭", 我地又再投入"維港咖啡閣"既懷抱! 八十八蚊既自助晚餐! 當然唔好奢望有魚生or生蠔啦! 我覺得佢d沙律同cake最正! 佢d cheese cake同黑森林蛋糕超好食呀!!! 好濃既芝士......好濃既朱古力.......好好好好好好好好好好好好好味呀~~~~~~~~~

因為d cake太好味, 我諗我聽朝一定要去游下水先得喇!

>>August 3, 2003 at 3:39:13 PM GMT+8

2003 年 8 月 1 日 星期五 【晴】

我已經唔想返秘書個course喇~~~ 好眼訓呀~~~

今晚皇馬對龍之隊呀! 有卡斯拿斯呀~~~ 哈哈!
可惜龍之隊無mug攻門, 見唔到卡斯拿斯添!
哈哈哈, 不過有一陣係影住卡斯拿斯既大頭架.....當時係龍之隊射罰球, 個鏡頭影住卡斯拿斯架! ^_^! 不過, 難得個鏡頭影住卡斯拿斯, 有個皇馬球員竟然遮住個鏡頭呀! 豈有此理!

皇馬大勝龍之隊四比零!

>>August 3, 2003 at 3:14:55 PM GMT+8