2003 年 8 月 28 日 星期四 【晴】

我最近(其實一直都係)好鍾意去馬莎試鞋.....唉.....我都唔想架, 馬莎d鞋款式娘娘地又普通, 價錢又貴........不過.....佢d鞋有大size.......唉.........我成日等佢d高跟鞋特價, 不過到佢真係特價時又無我size......唉......我又唔係好鍾意佢鞋款, 所以我又唔捨得用正價買佢.....唉.......

>>August 29, 2003 at 6:24:20 PM GMT+8

2003 年 8 月 27 日 星期三 【酷熱】

今日同freda返學交學費.....下次再踏足樹仁, 我地已經係yr4喇....時間過得好快好快好快呀.....

究竟add唔add科好呢? 上次add左Sexuality, 今次我想add Educational Psychology.....不過我又驚讀唔掂, 又唔知有無人陪.....最驚最驚佢會拉低我既GPA呀~~~

FOR FREDA: 係呀, 六蚊浸一次milk bath好抵呀......不過有"人"唔駛$$$就有得浸就仲抵添啦! ^_^
FOR IRENE姐: 不如下次我又試下"鏈"你隻手呀......痛還痛, 我當時最驚你"鏈""爆"我粒"卡界苗"呀~~~ 哈哈哈~~~
FOR MING MING: 哈哈~~ 係呀, 每次我去海洋公園or其他遊樂場, 我既負責都好重大架, 各位既財物(包括銀包, 相機, 麥記既炸雞, 汽水, 眼鏡, 假牙!?......)就會好理所當然咁落入我手中.....下次你地去玩, 就可以俾晒d野我喇! 我依個人肉locker好抵用架! ^_^
FOR MING MING AGAIN: 我係驚有毛既動物, 不過如果有cage困住or有繩索住佢地, 我又唔驚架! 總之, 如果可以確保佢地一定走唔到係我周圍五尺既範圍內, 我就唔驚架喇!
FOR MING MING AGAIN AND AGAIN: 為左你地, 我犧牲少少, 又何妨呢!


>>August 29, 2003 at 6:13:12 AM GMT+8

2003 年 8 月 26 日 星期二 【晴】

我諗我要寫返泰國既日記喇, 如果唔係我就唔記得架喇! 不過我又唔想打字喎......唉......
至於泰國之旅既相我仲未upload上我個相薄架....我諗住遲d等埋irene DC d相再一次過擺上去, 所以, 想睇相就等多陣啦, 我諗next week就可以喇.....開學前一定搞掂!

18/8/2003 (day 1) --- 香港-->曼谷
搭第一班E42去機場, 原本都好多人搭架. 六點半到達airport. 靚女們已經到齊喇! 當然要同"伊娃"姐講聲"生日快樂"啦!
我唔鍾意搭飛機果種感覺, 因為我覺得機倉內好密封, 我又有dd密室恐懼症, 我好怕逗留係d狹窄既環境, 好有被困既感覺. 再者, 我又覺得搭飛機好無安全感, 搭車腳踏實地, 搭船就水有浮力, 搭飛機就違反地心吸力....好彩兩個幾鍾就到達泰國lu!
第三次踏足泰國, 每次都好開心呀......(第一次: 小學四升五既暑假; 第二次: 中學三升四既暑假; 今次第三次: 大專三升四既暑假)......
第一日就去夢幻樂園, 我上一次都有去過, 不過我都唔係好記得....我一定唔會玩任何稍為刺激dd既機動遊戲.....so, 我只係周圍行下睇下野, 相都好少影.......夜晚去睇人妖, 個場好grand, d人妖都幾靚呀, 有個似yumiko+安雅, 又有個似鍾楚紅......哎呀....自卑添....>_<"

19/8/2003 (day 2) --- 曼谷-->芭提雅
今日要坐車去芭提雅, 到左老虎樂園. 我驚任何有毛and滑潺潺既動物, so, 我當然無同tiger影相啦....我記得上記我有同tiger仔影相, 我掂過佢條老虎尾架! 係依個老虎樂園, 我食左人生裡既第一條蠍子, 原本炸蠍子(100銖一條, 約HK$20) 好好味架, 雖然乾左dd, 不過好脆, 好正!
晚上同EVA姐出左去食宵夜, 補祝生日....雖然話食宵夜, 不過我地食量驚人(其實又唔係既, 我地DINNER時食左好少野之MA)....首先, 每人一杯ice-cream, 再每人一杯drink, 再叫一個炸芝士豬扒+薯條.....正呀....塊豬扒中間打橫"界"開, 夾住d cheese再去炸.....嘩! 好好味呀! 而那塊豬扒亦都變左eva既"生日豬扒"(birthday pork chop)...^_^!

20/8/2003 (day 3) --- 芭提雅-->珊瑚島
eva/irene+快艇=嘔......>_<"
今日好大風又大浪, 我地要乘快艇去珊瑚島....我同irene已經揀左坐船尾, 途中阿楊小姐不斷"鍊"實我左手, 係"鍊"到痛果隻>_<"......經過三十分鐘既"艱苦旅程", 我地終於到岸....唔知係阿楊小姐既影響or我真係有dd暈暈地想嘔既感覺...>_<"....好彩過左一陣就無事....
我地一坐低就食燒魷魚同燒魚.....超正呀! 我同eva花左一個鐘多d去"扎"辮仔同油手甲, 整完就差唔多食lunch喇.....不過我同eva都無行街買野, so, 我地為左各位既手信, 唔食野而走左去買野. 之後我地把握時間去玩左幾分鐘水, 無理由去到水清沙幼既海灘都唔落水架ma. 因為已經到左集合時間, 我地便懷著依依不捨既心情離開海灘.....此時有好消息, 可以玩降落傘喇! 本應我地到beach之前就可以玩, 不過當時好大風, 所以唔俾玩.....依家回程時可以玩當然好開心啦! irene同表妹唔玩, 我地就兵分兩路, 佢地返hotel先, 我同eva就去玩lu! 我上兩次去泰國都唔敢玩架, 係今次至敢^_^
我第一個玩, 雖然等緊玩時有dd緊張, 不過真係玩時就好好玩, 一d都無離心力, 係天上既感覺好feel, 好relax.....到降落時發生小插曲, 第一次降落失敗, 我條腰以下跌左落水, 之後再嘗試, 我條腰以下又再跌左落水, 接著, 我背脊撞左去墊左海綿既浮台度, 好彩我淨係feel到沖力而唔感痛啫, 當時我連人帶傘跌左落水, 要d哥哥扯返我上黎....哈哈...不過都好好玩.........因為我跌左落水, 出左dd意外, 跟在我之後玩既人玩時, 一定有一個哥哥跟住上去確保安全, 而玩既時間相對少左......我都唔知自己算好彩定唔好彩.....
返番到hotel, 梳洗完畢, 我極之肚餓喇, so, 我們向tea進發! 又去返昨既間cafe, d食物都ok, 又唔係貴, 不過出菜略慢......之後, 我地去"享受"泰國正宗古法按摩, 我同irene只掛住傾計同笑, 我地都唔接受他人咁大力去掂自己, 好正我上次去中山有過全身按摩既經驗, 有dd既心理準備啫. 不過最搞笑係d按摩姐姐無端端同我做拱橋, 我就勁笑, 雖然唔痛, 不過我覺得自己好似玩緊雜耍..哈哈哈哈......有好多團友繼續按多一個hr, 我同irene就走都走唔切..哈哈...
當晚, 我地發現hotel附近有一間24hr既supermarket(TOPS), 我地又去食野喇! 跟住, 我地竟然發現個商場內有一間SHOP有SPA呀~~~ 我本來想做一個2700銖既PACKAGE, 有齊facial treatment, spa bath, 香薰按摩, body磨沙等等, 不過當時已經係晚上十一時多, 間shop閂凌晨一點, 而整個package需時2.5hrs......所以我只能enjoy一個一小時既香薰按摩(1200銖)....我想做多個spa bath架, 不過full-booking....我揀左"looking good" 個名改得好!) 依種香薰....我第一次做香薰按摩咋, 好舒服好relax, 唔怪之得有咁多人鍾意做SPA啦! 第一次係陌生人面前光脫脫, 我又唔覺尷尬喎....總之好正啦! 埋單時我先知有八折, 好抵呀~~~
凌晨一點幾, 我全身香噴噴咁走返hotel, 途中, 在d露天酒吧中, 我見到有泰妹跳有著衫既table-dance, 有兩個鬼佬睇得好happy呀~~ 哈哈~~

21/8/2003 (day 4) --- 芭提雅-->曼谷
又要搭車返曼谷lu....今日去參觀佛寺, 四面佛....興趣不大....; 晚上行左一個好大好大既night market, 一開始行, 我地一行四人便走失, 我同表妹就自己行, 果度都有好多野睇.....我同表妹預左半個鐘頭去搵返我地架旅遊車泊左去邊, 點知果度d路牌好混亂又錯晒, 我地問左好多人先及時在集合時間趕到!
因為昨日無得做spa bath, 我地晚上就每人用六蚊港紙買一支一公升既鮮奶自製milk bath, 可惜買唔到鮮花....哈哈, 不過算啦, 用HK$6就可以享受milk bath好抵架喇! (真係妒忌T同學, 佢無時無刻都milk bath緊)

22/8/2003 (day 5) --- 曼谷-->香港
我平時去新城市, 我有時會買kfc外賣返屋企. 估唔到去到泰國, 我都會買kfc返屋企....哈哈, d kfc諗住係機上食, 不過大家都唔肚餓, so, 我咁當外賣拎返屋企囉....

>>August 27, 2003 at 8:56:47 AM GMT+8

2003 年 8 月 25 日 星期一 【晴】

好開心呀~~~~ 我今日終於見到孖仔BB喇!
佢地雖然唔似樣, 不過兩個都好得意呀~~~~
好好玩呀~~~~

今日我又經過新城市BIOTHERM, 我心虛到要兜路行........唉......

我已經決定聽日拆我個頭喇.....因為佢已經好散好散喇!

FOR MING MING: 你幾時改名叫MANDY架? 仲有, 那"奸人"已經俾我咀咒左好耐, 我諗佢已經得到應得既懲罰!

>>August 26, 2003 at 12:59:31 PM GMT+8

2003 年 8 月 24 日 星期日 【雨】

我昨日諗住用部decktop寫日記, 點知依度唔俾我login, 可能係個window既問題. 所以我會用都notebook去寫日記架喇!......................原來唔係window問題, 係microsoft internet explorer既問題, 可能version唔同, 要set返d野先用到(不過我唔識set >_<")
仲有, 部"半新"電腦螢幕有成17吋, 好大呀......有d唔慣.........不過最驚既係睇相, d相好大張......我又影左自拍, 用部新mon睇自拍相, 就等如睇一張12R既自拍大頭相, 塊面超超超大, 非常震撼and震驚......驚嚇度爆燈! 當然, 驚艷度都爆燈啦! 哈哈哈哈~~~~

我今日經歴左一件超瘀既事......
話說我妹攞左d BIOTHERM既coupon返黎, 換領時要出示學生証, 仲寫明"每人限送試用裝一份". 咁我下午就去又一城攞左一份先, 咁之後我就去新城市再攞過......之後我就行街街啦, 點知走果陣, 我又經過BIOTHERM, 咁就出事喇! 我受"奸人"唆擺, 佢叫我再去攞多份, 不過我好驚d sales姐姐認得我.....話晒我而家個look咁出, 盲既都認得我啦! 此時, 我見頭先俾sample我果個sales 姐姐行左去後面, 個counter內既姐姐唔係頭先個幾個. 咁我就好"聽話"咁走攞多份喇.....點知我今次遇著個熱情姐姐, 佢好詳細咁問我皮膚類型, 又好詳細咁解釋d sample用法, 佢跟住就俾份form填.....出事喇! 出事喇! while I was writing the form, I heard somthing....."頭先.....攞過"......雖然好細聲, 不過我都聽到, 咁我斜眼望過去, 我見到頭先果個sales姐姐同兩個同事望過我果邊細聲講野......嘩! 我超尷尬呀! 我幾驚佢行過黎呀.......搞掂之後我用極速離開現場.......

果張form要寫name, tel, ID, address.........我而家好驚佢打電話俾我呀~~~ 我覺得自己好似行騙....好心虛呀~~~ 佢寫明一人一份, 我一日之內就攞足三份~~~~
所以, 如果大家想打電話俾我, 唔該用你地既手提or屋企電話, 因為我近排唔會聽不知"名"既電話架喇! 仲有, 我諗我有掛都唔會去新城市BIOTHERM換sample架喇.....>_<"

可能大家會奇怪, 我個樣咁平凡, 點解人地會記得我呢.......這完全因為我個頭........話說我係芭堤雅梳左一個辮仔頭(寶黛麗頭) (total有24條辮仔), 我又戴左太陽帽, 我返到香港唔見有人梳我依個髮型, 咁我今日個造型咁出, d sales姐姐當然會記得我啦......

如果你地想見我個新look, 唔該好快d約我喇.......因為d辮仔就散喇, 我就快拆架喇.....我希望可以維持到28號啦(不過機會不大).......除左d辮仔就散, 最重要既係我驚生"蚤"呀~~~~ 雖然日日都洗頭, 不過好難乾 and d hair束住咁耐都唔好啦!

今晚同FREDA去左食糖水^_^, 住得近真係好喇!

>>August 25, 2003 at 3:26:16 PM GMT+8

2003 年 8 月 21 日 星期四 【陰】

我返左黎喇!
我遲d會補返前幾曰既日記架喇!

>>August 22, 2003 at 2:56:47 PM GMT+8

2003 年 8 月 16 日 星期六 【雨】

原來我部大舊電腦有超過一百種病毒呀! 犀利呢.....
今日我有新電腦喇!
今日同兩個表姨甥玩, 超搞笑!
我而家仲執緊行李呀~~~ 好煩呀, 唔想執呀~~~ 好想去玩呀~~~
我將會闊別大家五日, 我會好掛住你地架!

係依度預祝eva姐聽日生日快樂! 旅途愉快! 心想事成!

>>August 17, 2003 at 2:23:28 PM GMT+8

2003 年 8 月 15 日 星期五 【雨】

昨日飲左三杯咖啡, 訓唔著添...>_<"

嘩.....今曰堂秘書COURSE講IT呀......勁悶呀.....我咁低B都識識地整簡單既POWERPOINT啦, 佢仲非常詳細咁講d好易既野......悶死我同irene呀!

唔寫咁多喇, 我去執行李先

>>August 16, 2003 at 11:38:32 AM GMT+8

2003 年 8 月 14 日 星期四 【晴】

今日去左茶會喇, 即係話我就黎去泰國喇!!!
今次個新華袋都唔靚既, 上次果個好靚架...
今晚同其他五位表姐妹食晚飯, 以我記憶所及, 之前未試過架. 我地都傾得好開心!

>>August 16, 2003 at 11:33:17 AM GMT+8

2003 年 8 月 13 日 星期三 【陰】

今日去唔成長洲......算......我同FREDA去美食博覽一樣咁開心^_^!
係會場裡面好多人呀! 有好多太太AND小朋友, 又多垃圾(通地都係牙籤), 我地行左一個鐘就走LU
MING MING又話我地要決絕D, 點知我地決絕左, 佢又唔去.......都唔知佢係唔係去左觀塘......

FOR TERRY: 你放心啦, 就算我有登革熱(啋! 大吉利是!), 我都唔會傳染到你啦! 仲有, 我唔係當地女學生, 同埋, 我已經過左十八歲好耐喇.....唉......不過點都好, 我都要講一句"多謝關心喎!"

燈隔熱 (鄭希怡)
作曲：tit monstera
填詞：Physical Brother
編曲：tit monstera

情況太好　情緒超高
唯獨我怕他太即興　意外性太偏高
求你最好　臨場開騷
盡快到我的這一邊　帶備笑口棗

多幾個老友　加幾隻鳥獸
音響帶節奏　還確保大家見得到

＊燈光　照得到　一整晚　看得到
　男或女　不要醉　免得打掃
　光一光　好不好　睇得到　摸不到
　熱烈地　跳進節奏　放心起舞
　來避免一刻過多感性　與他擁抱＊

用上法寶　大慨猜到
長夜裡看他那德性　已被我拉倒
望見了他　愁雲慘霧
尋辨法盼他會知道　隔熱隔得好

不可以太遠　不可以太近
不可以太快　懷耐性或者會想好
Repeat＊

燈光　照得到　一整晚看得到
別誤會　計錯數　發出訊號
光一光　好不好　睇得到　摸不到
熱烈地　跳進節奏　各位安好
來避免一刻過多感性　亂去抱
Repeat＊


>>August 14, 2003 at 4:24:08 PM GMT+8