2003 年 10 月 17 日 星期五 【炎熱】

今晚我又打邊爐喇 ^_^!

雖然九點後去稻香打邊爐係好抵, 不過我仲鍾意係屋企打邊爐! 尤其是自己去買火鍋材料添.
係屋企打邊爐, 我一定一定會買蘿白+烏冬+象蛂蚌, 再加沙爹湯底+蒜蓉豉油, 如果少左一樣, 就唔算係打邊爐喇!

係屋企打邊爐仲有樣好處, 就係我可以將我僅餘既儀態都放低 (哈哈哈哈, 抑或其實我根本無儀態既呢........), 超正呀!

我諗返起舊年既X'mas holidays, 同irene姐and eva姐一邊打邊爐, 一邊睇"流星花園"添.........咁快又一年喇.........等helen姐返黎, 我地又打邊爐囉?

for樹仁同學仔: 搵日大家無咁多野做, 不如黎我屋企打邊爐吖? 我唔想大家次次黎, 唔係溫書就係開會呀! 如果再係咁樣, 我相信大家好快就有"mandy屋企恐懼症"呀!

for樹仁同學仔again: 仲有呀, 我地幾時搞聯誼活動架? 好想去玩呀~~~ 由暑假到而家先搞左一個坪洲一日遊, 快d搞第二個活動啦! 每次我同freda都係得個講字......我地d妄想症愈來愈犀利喇!

今日有好多事都證明左我地依班樹仁group members好有team spirit.....下晝時, 大家都未寫好multi-cultural既summary.....到而家大家又一齊online....(除左ming ming and terry)....平時好少咁人齊架, 好多時只剩freda, ray and me.....而家兩點幾大家仲未訓.......我地真係一班"唔做野又唔願訓"既好同學兼好朋友! ^_^

>>October 18, 2003 at 6:46:33 PM GMT+8

2003 年 10 月 16 日 星期四 【炎熱】

今朝既presentation尚算幾順利, pre pre下仲變左係阿ray哥既talk show添 ^_^.
不過我地就企到腳軟, 企左兩個鐘.........

開左學個多月, 已經完成左三個presentations, 今個sem只淨兩個presentation(edu psy + abnormal psy)咋! 加油呀!
不過仲有大量既paper未做...............................................................>_<"

lunch之後又要無端端咁企左一個鐘.......我都唔知為咩.........debate唔似debate, 我淨係知道自己企左一個鐘........

唉......企左三個鐘, 行三個鐘都好d, 企定定三個鐘簡直係罰企啦!

我平時搭火車時, 頭頂有時都會掂到吊係上面d扶手. 今日我一時唔記得自己高左兩吋, 搭火車時就俾佢地撞左幾次, 幾次都撞到好應.........好痛呀~~~


>>October 18, 2003 at 5:55:31 AM GMT+8

2003 年 10 月 15 日 星期三 【炎熱】

今日又係開會既日子..........

唔知點解成日開會, 不過開會其間只係自己做自己既事.......(其實咁樣叫唔叫開會呢?)

今晚又同freda and ray去食飯..............我擺明唔想諗presentation d野, 係自己屋企開會, 有大把野未做, 不過都走左去旺角食飯.......哈哈......算啦, 留係屋企我都無mood做野架啦..........

唔知點解, 我由細到大都好鍾意將d功課推到最後先做......而家連聽日presentation果份稿我都未寫好.......

希望聽朝present順利!

>>October 16, 2003 at 8:03:29 PM GMT+8

2003 年 10 月 14 日 星期二 【微冷】

我好多晚都同freda一齊食dinner呀~~~^_^
我地又食炒栗子喇..........好味呀~~~

>>October 16, 2003 at 7:27:35 PM GMT+8

2003 年 10 月 13 日 星期一 【微冷】

估唔到一日之間天氣會變得咁涼架........希望星期五唔好咁熱啦, 仲有, 千祈唔好落雨呀~~~

for ray: 我未試過有mood做presentation架............唉.............星期五又有present喇, 大家加油呀~~~

for各位可愛既樹仁同學仔: freda同我已經諗左好多大家一齊去玩既活動: eg. 去南丫島, 去長洲, 去澳門, BBQ, 釣魚, 踩單車等...........我地幾時去玩呀?

>>October 14, 2003 at 1:23:06 PM GMT+8

2003 年 10 月 12 日 星期日 【綿綿細雨】

今日既presentation唔係幾掂, 不過算啦, 我地有俾心機做就得架喇!

好耐無上過美術堂^_^, 今日用泥膠整腦, 好好玩呀........雖然我無咩整過.........唔該晒你呀, freda!

今日同freda, ray and stephen食tea, 我下次一定會食+$9既米粉!!!

又係關係食野..........freda係佐敦地鐡站無端端問我係咪食栗子.......原來我地大家都好鍾意食炒栗子架! 當我地上左地面行左無耐, 我地竟然見到有炒栗子賣呀...........好味呀~~~ 我地係幾個字既車程中已經每人食左半磅栗子喇!

又話天氣轉涼, 不過我覺得今晚仲熱wor.

>>October 13, 2003 at 3:01:33 PM GMT+8

2003 年 10 月 10 日 星期五 【微冷】

又開會again.....聽日就present, 唔開會唔得, 不過今日都係rehearsal唔到......

for ray: 唔洗唔該wor, 搵日請食飯就得喇.....^_^......不過, 今日餐tea唔算, 因為wenalu都話今日果餐係慶祝你又遲到既.............我相信日後仲有好多慶祝你遲到既機會! ^_^

for ming ming: 哈哈哈哈, 你唔好激動啦. 我相信阿ray咁做係有原因架. 首先, 你果個已經唔可以再叫做"日記", 因為佢已經變左"週記", 甚至係"雙週記"(哈哈哈~~~); 其次, 你選擇係我依度留言都唔去寫你自己既日記, 你都唔支持自己既日記, 更可況阿ray呢? (哈哈哈哈~~~); 第三, 因為我依度人氣指數較高, 阿ray寫係度都係想多d人睇到之ma! (哈哈哈哈哈~~~); 最後, 亦係最重要既原因, 就係 -- 阿ray貪方便, >_<".......................................

>>October 12, 2003 at 7:29:29 PM GMT+8

2003 年 10 月 10 日 星期五 【綿綿細雨】

又開會喇...........
唔知點解d presentation傾黎傾去都傾唔完........可能我地掛住玩啩? ^_^

同freda去左睇魚, 見到好多好靚既魚仔呀~~~
我都諗過養架, 不過見到d魚係個咁細既魚缸度游來游去, 好似坐監咁.......我唔想日日都睇住佢地無晒自由..........

>>October 12, 2003 at 5:46:34 PM GMT+8

2003 年 10 月 8 日 星期三 【微冷】

TERRY生日快樂! 祝你GPA再創高峰! ^_^

for freda: 我都好想大家一齊去玩呀! 不過成日都約唔齊人既........>_<"

我終於買左馬莎對鞋喇! 而家係馬莎買兩對鞋, 其中一對半價呀! 雖然我覺得對鞋既鞋跟略高, 不過算啦, 我而家只需要擔心我會唔會仆親, 再無需要顧忌其他問題喇..............

我今晚又走左去游水............我要把握游水既機會, 因為過左10月, 個泳池好似會唔開架喇, 要等到出年4 月呀~~~

>>October 9, 2003 at 2:45:27 PM GMT+8

2003 年 10 月 7 日 星期二 【微冷】

今朝醒左訓唔返, 我竟然走左去游水..........哈哈, 我而家諗返起都覺得自己無聊.
我今次真係"游"水多過"浸"水, 兩個半鐘頭內, 我來回游左個swimming pool 17次. 我咁大個女, 我第一次"游"咁多水呀! 不過游完上水時, 我先發覺我雙腳好軟......好累........好肚餓.......

樹仁同學仔同我and terry搞左個birthday party^_^. 雖然無mug surprise, 不過都好開心呀~~~
不過我地開唔開party都一樣咁開心架啦!
不過一諗起presentation就好煩喇........>_<"

今日星期三, 又同左班漂亮可愛同聰明既樹仁同學食dinner..............我想問下呢, 我地是否每個星期三晚都一齊食dinner架?

for terry: 我無時無刻都想去打邊爐架. 不過你近排咁唔得閒, 又要去赤柱, 費事阻住你去街啦! ^_^
for ray: 我無時無刻都想去打邊爐架. 不過你成日都咁忙, 又要返公司, 無謂阻住你做野啦! ^_^

>>October 8, 2003 at 5:47:26 PM GMT+8