2004 年 6 月 12 日 星期六 【晴】

咁熱仲去踩單車？？
搞錯呀？？！
越望條裙越普通，呢ｄ色，太難搵袋襯，煩！
首飾，鞋都應該ｏｋ．
個妝都諗好晒喇！！仲指甲油個色都襯掂！
定係著黑色呢？
如果轉黑色又要轉晒成ｓｅｔ
老豆又同姑姐煲ｉｄｄ．長氣！
見到朱古力，荔枝，煎ｃｈｅｅｓｅ腸都唔可以食
好慘！！

>>June 13, 2004 at 10:08:18 AM GMT+8

2004 年 6 月 11 日 星期五 【晴】

今天出了街
試了８條裙
最後買了一條普普通通的
本來喜歡粉紅和粉藍的那個款，高貴ｄ
但穿上身普普通通，
可能自己沒身材吧！！
但鞋子和手袋都沒買
找不到合襯的！
逛了幾個小時，回到家就頭暈了
好像貧血的感覺

>>June 13, 2004 at 7:43:23 AM GMT+8

2004 年 6 月 10 日 星期四 【晴】

每天天氣都很好，很想出街！
但只能做的是：
早上洗傷口
回家吃早餐
陪哥哥看NBA Finals
看看報紙
睡午覺
醒了聽森美小儀
洗澡浸藥水
上一會兒網
呆在窗邊望一下街
看電視摺衫
吃飯看電視
傾電話sms
浸傷口
睡覺
今天增添了一項新的消閒節目
找尺量度手腳三圍
比想像中瘦,其實還是肥

>>June 11, 2004 at 10:19:25 AM GMT+8

2004 年 6 月 9 日 星期三 【晴】

今天天氣很好呀！
她們約了一齊去買衫去ｇｒａ－ｄｉｎ
我還是不去了．．．太熱了
呆在家裡休養比較好
雖然傷口還沒好，但起碼今天精神多了
沒有頭暈發燒
每天去洗傷口，和護士長好熟
喜歡她，除了她盡責的態度，把我的傷口洗得轍底外，她還教了我很多東西！
雖然她洗得比較痛，但我卻喜歡她給我，因為其他的都是馬馬虎虎的！
經驗豐富的還是不同

>>June 10, 2004 at 5:19:49 AM GMT+8

2004 年 6 月 8 日 星期二 【晴】

變了質的我

什麼是變了質的我？
不是思想精神的變質，而是實實在在身體健康的變質
這是媽媽給我取的，的確很貼切！
每天一直咳，流鼻水，頭暈，流汗，即使吃藥比吃飯還要多，也不見效
藥丸在口中溶解，我已沒有苦的感覺，似乎失去了味覺．
藥水快喝完了，還是咳！
藥物對我而言似乎失去了功用．
面對著美味的食物，不感興趣，即使想吃，也吃不下
想吃水果又怕咳嗽，鮮奶也沒飲了，怕拉肚子．
每當洗完澡總會發燒，體溫計成了我的好朋友，每天我也要它替我量度幾次體溫．
我的抵抗力跌至最新低位．
藥丸成為我的食糧，醫院診所我一點都不陌生
很辛苦，我被打敗了！
這幾天，我還想：如果我死了，會怎樣呢？死的滋味是怎樣的呢？
有點恐懼，吃了這麼多藥，還不復原，我什麼時候才會好呢？
如果可以的，我寧願多住幾天醫院，讓我快快好！
我真的很辛苦！很想哭！
一向健健康康的我怎麼變了質？

>>June 9, 2004 at 11:08:53 AM GMT+8

2004 年 6 月 7 日 星期一 【晴】

今早傷口發炎了，原來昨天姑娘在傷口塞了紗布，
但紗布太短，我竟沒發現，今天才拉了出來，恐怖！！！
原來傷口只有點血水，相信快痊癒，現在功虧一簣了．慘！
７點多我自己搭上的士戴住口罩又到princess margaret急症登記了．
等了很久，戴住口罩的我就快要窒息了
因為我又感冒了，鼻子塞了，透不過氣
在等待過程中，看到病人一個個推進去，心想究竟他們發生了什麼事呢？
還有ｃｉｄ在落口供，我８卦地站在旁邊偷聽，似乎是普通毆打傷人案．
看完醫生買粥回家吃了，再吃藥又睡了．
我的人生就是這樣過了．

>>June 9, 2004 at 10:39:38 AM GMT+8

2004 年 6 月 5 日 星期六 【雨】

尋日問姑娘洗少日可否？點知佢２話不說話：你個傷口，你話得唔得？？
今天是星期日，全部診所得荃灣既戴鱗寺開，於是出荃灣洗傷口，
果間野又多人，又冇冷氣又污糟既感覺，仲有美沙銅中心，恐怖！
洗完好辛苦咁搭ｖａｎ仔番歸，唔知點解今日傷口特別痛．
番到屋企食左止痛藥，訓覺．
之後沖完涼竟然占寒占凍，發燒既感覺．好辛苦啊！！
於是又啪左之前睇醫生食剩既藥，原來仲有兩袋
點解會咁潺？我都唔知．唔知幾時先好番．好慘！
我真的累了

>>June 6, 2004 at 3:04:23 PM GMT+8

2004 年 6 月 3 日 星期四 【晴】

今天的畢業典禮，本來訂好位，但冇得去
最後一次著校服的機會也錯過了
見到江ｓｉｒ，想叫佢，不過佢見我唔到，走左．
電話費過期ｎ年仲未交，岩岩先哎小巫幫我交，個個月三舊幾，你都咪話唔甘
今個月一定又勁爆，我副身家淨係用黎交電話費都夠喇

>>June 4, 2004 at 3:28:59 AM GMT+8

2004 年 6 月 2 日 星期三 【晴】

入院了這些日子猶如上了寶貴的一課
使我懂得健康的可貴,
沒有它不能活動自如,不能工作,
先前馬會的工作和補習全都落空了
自己給家人好多麻煩,爸爸一大早去排定隊等我,感動!(其實是不用排的)
每天除了洗傷口外,就得呆在家中睡覺.無聊極了
哦...還得感謝一個在我熟睡時拿著對little twim stars去探過我的人.

>>June 3, 2004 at 3:49:14 PM GMT+8

2004 年 5 月 31 日 星期一 【晴】

我在瑪嘉烈的日子
偉大的姑娘：
係醫院照顧病人絕對唔係平時係診所ｏｒ健康院ｄ姑娘咁粗聲粗氣
要應付病人既素求，細至喂飯，喂藥，針茶遞水，打針，量血壓，
厭惡至換片，抹身，倒屎尿嘔吐物，有時仲要受麻煩病人玩
好似我個房有個阿婆勁煩，日日哎個唔係停，一時又話坐又話訓，訓又話高又要低，又話凍，又要食野，又話痛，又話自己好慘，真係未停過．最慘都係佢講野唔清唔楚，冇人聽得明！不過姑娘都搞掂佢，仲話佢有時都幾可愛，醒目，有禮貌，我有時見到佢ｄ行為都係度偷笑．
另外一個就仲難搞，成日怨天尤人，三更半夜係度喊，又成日無理要求，有晚自己拆晒ｄ喉，要生要死咁，明明唔可以落床，死都要落床，唔俾又係度發出悽厲哀怨既聲音，因為佢太多無理要求，有晚姑娘冇理佢，佢好似哎我個名呀，嚇死我呀！最後都俾個姑娘ｔｕｍ掂．做一個姑娘真係唔易啊！要了解病人，表示理解病人感受，溫柔體貼，俾人老點仲要笑住口，由早做到黑咪想停．．．．我成日都疑問點解有人想做姑娘架？？但最好果日，見到個姑娘好幽默，簡直視工作於誤樂，又好手勢，搞到我地個個都不知幾冧！最後想講，瑪嘉烈ｄ姑娘質素都幾高架！
病人的期待：
由我睇急症果晚冇都諗過要留院，點知醫生一睇就話依家入得院，嚇得我吖！咁大個女第一次睇急症，第一次入院，不停諗，點解要係我？！！好慘！！夜ｍａｍａ要自己訓係張生保床，冇人陪，仲要打數支針，吊晒鹽水，一邊諗就一邊喊！好想番屋企呀！半夜痛到訓唔著，哎姑娘幫我打支止痛針自訓左陣間，第日藥力過左，又痛到苦不堪言，扯住醫生問幾時先做得手術幾時有得出院！佢只可以答我一定係今日內，不過唔知幾時．我唯有等！！！等到晏晝，姑娘黎叫我換衫做手術，好怯啊！除晒身上全部野，著上一件紫色袍就訓上床俾人推去手術室，好恐怖啊！係咪好痛架？要做幾耐架？好多疑問一齊湧出黎！我既視線又模糊了！一覺醒番原來我已經做完手術．探病時間到左，因為爸爸媽媽黎左．見到人地出院，我有幾咁百般羨慕與期待．原來病人期待既係探病時間，最期待既係好番出院．
眼見一個個出院又一個個入院，原來我呢ｄ只係小ｃａｓｅ，難怪幾日就俾醫生踢出院，因為政府醫院床位短缺呀！見姑娘咁忙就知喇！

>>June 1, 2004 at 2:19:47 PM GMT+8