2006 年 2 月 15 日 星期三 【晴】

上年的diary
再post一次

<< 六 合 彩 >>

不知道大家有沒有買過六合彩，這是一種很有趣的玩意，共四十九個號碼。如果你買中了其中六個，那你便會成為頭獎的得主。

看似很簡單，但其實中獎的機會低得很，因為六合彩的中獎組合，共有一千三百九十八萬三千一百一十六個

我就試過，半個字也中不到．如果將六合彩變成「理想情人組合遊戲」，四十九個號碼變成四十九種擇偶條件，而每人可以組合六款作為自己的理想對象，再跟自己的情人比較一下，符合了一個條件，我們應該慶幸；符合了三個條件，我們應該酬謝神恩。全中了，那是個奇蹟～～～

人海中，當然不止有一千三百九十八萬三千一百一十六個組合，能夠遇到一個十全十美、稱心滿意的人固然是一件人間美事，但遇到一個只是稍有不足的亦屬難得，好好欣賞自己身邊的那個人，因為你們能夠相遇相戀已經很不平凡。

其實人的性格又何止有四十九種，一個人的性格可能比一組六個字的六合彩還要複雜，要找到一個真真正正符合自己要求的理想情人可不是一件易事！就算給你找到了，你亦未必是他心目中的理想。當然你有權利不斷尋覓那個理想中的情人，但不知滿足不懂欣賞自己身邊的將永遠沉淪在尋尋覓覓之中。

還有一個有趣的發現：理想對象的條件有些人會不停的改變，有些人則一直堅持同樣的條件，就像買六合彩一樣，有人每次都買不同數字，也有人就長買相同的。如果你真的能夠六個字全中，我極度強烈建議你不妨在街上大叫一聲：天呀！我中獎了～～～～啊...好難啊...

一個人中六合彩己經是那麼難了，何況是兩個人同時中同一注六合彩呢？
===========================================================================

驚心動魄的一夜....
不過開心！^^

是夜又有"突然"啦...
本想去睡.... 卻俾八卦的傻瓜問左一個問題....
之後就... 又一個鐘了..... 唉唉......

呢一個鐘呢... 真係..... 好傻瓜咁過左.....
哎呀... 又講得太多啦...........
好彩你都答番我唔少... hehee.... 算平手吧！^^"
驚驚... 因為無諗過個結果竟然係咁....

我們還是好朋友吧！^^

((中六合彩wor.....驚心動魄wor... 浪費時間wor.... 無諗過個結果wor...... 好朋友wor.... 哈~))

>>February 16, 2006 at 1:28:52 PM GMT+8

2006 年 2 月 15 日 星期三 【晴】

星期三同星期四好快又過左
點解日子過得咁快既？

星期三又坐counter啦
坐左一陣就祈禱會lu~
之後食埋野同會員玩左陣就返屋企

跟住又出街
食下野行下就過左一晚啦
有糖水食，好野~~

收到"叮噹超合金"呀~~!!!!!!!!!!!!!!!!!!!!!
^^ 好得意好好玩.... 好鍾意呀~~~

返屋企睇偶像，好耐無睇過啦
好好笑.... 懷念以前宿舍既日子
之後訓覺lu~
不過訓唔著.... 好似過番以前既宿舍生活咁... 3點幾先訓

朝早俾個電話嘈醒左.... 之後有d擔心，所以好早就醒左
不過好懶咁賴床賴到下午
都有3個鐘啦我估.... 哈哈~

之後去左食lunch
食pizza hut，食到好飽
then就去山頂lu~
對上一次去好似係3年前
山頂無咩好玩，不過d景都幾靚呀~
行左一陣，飲左杯奶昔就走lu~
搭車既時候訓到死左... 哈~

之後搭船返屋企啦...
點都要陪下屋企人既....

琴日今日都好開心！
有你對我好嘛~~~ ^^
==================================================

只差一點點.... 就是那最重要的一點點
唔可以過界

對於所做過既事
不後悔

>>February 16, 2006 at 1:08:30 PM GMT+8

2006 年 2 月 14 日 星期二 【晴】

星期一同星期二過得好快
咁就星期三lu~

星期日晚真係開心架
唔需要d咩特別野，只要覺得有人待我好就夠了...
滿足

星期一返早
發生過咩事？
唔記得左......
記性真係差...... 唉

放工之後就周圍搵野啦
都算搵到d既.......
咁算唔算臨急抱佛腳呢？
但係我其實諗左好耐架喇......
不過諗唔到d咩 ><
買左樣自己好鍾意既野..... 非常鍾意呀~~~~~

返屋企就整野啦....
發覺自己既手工真係麻麻
都整到12點架..... 不過咁又點？
預左第二日考試會fail，不過又唔可以absent wor......

星期二
返到中心坐counter
坐足五個鐘
做左d野啦..... 同契老細傾左d野
umm... 唔想做小人，盡量唔講佢既事，不過都要report嘛....
契老細聽到，唔開心，鬧佢wor... 不過係係我面前鬧佢 ><"
我又唔係想幫佢解釋，我都唔知點回應.... 無奈...........................

lunch就出左去買野食，仲買左張閃閃花紙
既然個內容唔得，就要包裝得好少少lu.........

之後同會員仔玩下棋，我又係銀行... 哈~~
再做埋份野就走lu~
在車上諗過下夜晚會係點... um... 係估過下....

去到等左一陣啦
見到solar同埋d人玩緊game
就諗起kitty女女了... 不過可惜我無帶相機在身... 唔係一定影相相俾你

一見到佢，第一個反應係：too bad....
哈哈... 因為知道成晚都要捧住個大小姐啦~~
不過大小姐好靚架，著住件綠色衫，又有我而家唔知點解無啦啦鍾意左既紫色同埋粉紅色
而且大小姐唔肥，又輕
捧住佢都唔住太辛苦既...

抱住佢行左陣
睇左陣書... ^^ 去左鍾意行既書局
仲有d咩？唔記得左lu又~
跟住食飯
嘩.... 食左好耐好耐呀.......
真係坐到好攰.....
坐到後期簡直想發下脾氣......
不過d野ok好食既~

講起星期四，我想一係去玩一係唔玩，唔想食早飯呀...
「今日唔可以嬲」
所以都無嬲無發脾四咩都無
我知請假麻煩架，所以我都唔打算發脾四，哈~

之前原本放星期日假，但係調左星期四
本來都有d唔開心，但係發現星期四都唔錯吖....
不過呢日真係只關我事？

走既時候
都係唔想睇成績住
因為怕肥佬俾老師話
勁怕

聽到五個字
有d唔開心添....
不過「今日唔可以嬲」嘛
算~

成晚大小姐大晒，個個都錫晒佢
抱佢返屋企既時候d人都要望佢兩望
想同佢影番兩張相，可惜相機無電
雖然要成晚抱住大小姐，但係其實都開心既~

晚上
有人陪真好

>>February 15, 2006 at 5:21:55 AM GMT+8

2006 年 2 月 12 日 星期日 【晴】

今日去左兩個大function
咁就一日lu~

今日真係好開心
好彩唔使返工.........

起身就梳洗啦
點知用得太耐時間，結果就返左中心
俾d傳道人見到，問我點解返呢度... 我好誠實咁答左佢地
希望唔會為中心添任何麻煩吧......

之後就去左婚禮
見到好多教會人
個婚禮好多人
諗緊第二時自己可唔可以請到咁多人黎自己既婚禮(provided that我嫁得出)
原來攪一個婚禮都幾麻煩
不過好開心，因為見番好多人，好有親切感
希望自己可以快d融入返呢個大家庭

then就返屋企
諗住休息一下
點知一返去到就要應酬
去到又見到好多親戚
玩下打下牌行下街就食飯啦
時間過得好快，但係唔悶

今晚食飯到以前既有d唔同
開心~~~

點解時間要過得咁快？

希望星期四可以去玩

>>February 12, 2006 at 4:38:50 PM GMT+8

2006 年 2 月 10 日 星期五 【晴】

睇番大約一年前既日記
覺得自己好傻瓜

原來已經過左咁多日....

>>February 11, 2006 at 3:37:19 PM GMT+8

2006 年 2 月 10 日 星期五 【晴】

星期五
day off

訓到夠先起身
下午去左行黃埔
住左咁耐先第一次去逛呢度既商場

行完返屋企同妹玩下
食下野
食左今年既第一餐年糕

晚上去搵人食飯
um.... 好似返左宿舍住飯仔咁
晚餐好豐富，食到好飽
之後睇哈爾，ok好睇但係唔明佢想講乜

mmm.... 有人好曳 =.="
都唔乖既................

之後返屋企
臨走前仲要去食宵夜....
不過幾好食架~~ 但係................
見到d唔想見既野....

雖然唔想返，但係都要返
跟住由火車站行返去，行到腳痛
點解要咁樣虐待自己？唔明

好懶咁返到去即刻訓覺lu~

(是日與小強好有緣，晚上不斷見到佢地走圍走....)


星期六
琴晚臨訓突然心血來潮校左鬧鐘
平時都唔會校，可能琴晚有預感今朝..........
好叻女咁起左身，之後仲整左最近好鍾意食既蛋治
返到中心都無遲到呀！

做左年刊d數據
見埋家長
同同事開會傾下野
一朝lu~

下午同表姐去食左好飽既日本野
表姐都話好食，不過d野太大件，食唔得多款
之後去行街，我地果然係兩表姐妹，大家都唔喜歡多人既地方
呀呀....同表姐一齊就會破費lu~
買左個袋袋，好鍾意呀~~~

之後返屋企
食上海外賣
好味~~ ^^
======================================================================

契老細問：「個更期....」
我：「我知呀，我一陣睇」
契老細：「無問題呀呵？」
我：「.... 無問題..... 不過想就唔係好想啦梗係....」
契老細(行開左，之後返黎)：「下次可以同佢講...」
我：「我講左我唔舒服，我唔想架，不過如果工作上要安排，我無辦法」
契老細：「佢無同我講過你唔舒服」
我：「我知，我預左」
契老細：「下次可以話唔得」
我：「我想架，但係佢話如果我唔得就會請AL，我怕我話唔得之後佢請AL要你返嘛」
契老細：「無問題既...」
我：「唔係咁好.... 不過其實返星期日唔係問題，唔舒服係佢唔請AL」
契老細：「下次你firm d，等佢知道有d野唔係必然，或者你可以話想同我商量下先」
我：「嗯」

我仍然好討厭呢個人呀！

>>February 11, 2006 at 1:41:22 PM GMT+8

2006 年 2 月 8 日 星期三 【晴】

今曰返10點~~
都幾喜歡返10點架~~

返去搵到d好有用資料
YEAH~!!

之後睇下野
同會員Youth Cafe
傾下計

一日lu~

d paper works仲未做好
下星期要交功課啦~~~~~~~~

之後同表姐行街街
買左d唔靚既野，yo~
心情差透了.... 因為俾同事激同埋俾人話，哼~

同表姐食飯飯好開心
多謝表姐餐飯~~~ ^^

之後網友call我
原來他也在黃埔
可惜"向左走向右走"
見唔到佢.....
總有機會吧！^^
好特別的一個朋友
=============================================================================

琴日仲希望同佢可以keep到好既關係
今日就頂佢唔順啦~~~~
幫左佢頂兩次星期日
第二次都有d唔順氣.... 一睇就知好番啦，仲攞咁多病假
黎緊又要我頂？有無攪錯~!!!!!!!!
如果幫創榮潘少其他人都無問題，幫你我就好唔順氣
藉口藉口藉口
真係好鬼嬲

返星期日唔係問題(我會記得有人比我更慘，要返更多星期日)
但係要我頂你既星期日然後俾你放假，就好有問題
勁想搵契老細講我唔想頂佢
如果契老細問我想唔想，我一定答唔想，我擺明針對人唔係針對事

「我都要問左你先可以講.... 如果你好唔舒服，好想斬我既話，我都會好唔舒服」
「我好唔舒服bor！但係我唔想斬你」(黑面兼離場)

「可以既話盡量唔好調啦...」
「我知，我明，所以我都問左xx先，不過佢唔得先要問你」
(我係非常唔喜歡你又用藉口唔返星期日lor，明唔明呀？又話明.. 但係我唔覺你明lor)

你以為你自己係咩呢？
想放星期日咪同契老細講lor
之後幾時安排番我放假到你話事咩？
至討厭你呢d自以為是的性格

睇完佢既日記同埋個留言
好想笑
勁想爆粗鬧佢
好心啦.... 唔係傻既都知發生緊咩事啦...... 仲以為自己好叻仔
超

如果因為呢次調更期而令我14號晚要返工
我實嬲死你

死人頭，我真係非常討厭你呀！
你這令人討厭的物體，好乞人憎呀！
超超超超超超超超超

(同叔叔一樣，超級唔喜歡自己咁諗野，但係無辦法... sorry)

>>February 9, 2006 at 4:14:47 PM GMT+8

2006 年 2 月 8 日 星期三 【晴】

to偉：
我想抱自己既BB同逼婚係兩回事

仲有
我想組聚呀！
你得唔得閒？

>>February 9, 2006 at 3:32:43 PM GMT+8

2006 年 2 月 8 日 星期三 【晴】

今日又返早
6點幾7點幾都俾樓下嘈醒左.....

返到中心就做年刊
成日都在做年刊

今個月無義工service呀...
班義工未能突破自己添......

同事病假回來後
自己好似不自覺改變左對佢既態度
都算係舒服既關係啦....
希望可以同佢keep到好既關係，舒服就好了

之後返屋企
食左好多野
勁飽~~

再執下野就一晚了
==============================================

謝謝你幫我拎註冊證啦~~
又謝謝你教我post相 ^^
有你真好~~~~

聽晚見表姐，好野！

kitty女女唔好諗咁多啦
要開開心心嘛~~~~
頹交功課咪頹交lor，反正都未肥佬
肥左都有得retake啦~~~
加油！

>>February 8, 2006 at 5:13:50 PM GMT+8

2006 年 2 月 8 日 星期三 【晴】

好罕有咁post左張相出黎
因為平時都唔喜歡呢度太花巧
而且我都唔識又嫌麻煩
不過實在太喜歡呢張相喇
見到佢就好開心(唯一美中不足既就係抱住果個唔係我既BB!!!!)

到而家仲好記得當晚既開心
雖然好攰、好殘，但係一抱住個BB、一望住佢就好自然咁笑左出黎
成晚最開心舒服既時候就係呢一刻喇！

我要快d同自己個BB影相相！

>>February 8, 2006 at 4:55:20 PM GMT+8