2004 年 11 月 1 日 星期一 【晴】

新月新開始，繼續唔知醒起身......好大鑊~~~
真係要諗下方法救救自己~~~ 我可以點做呀？

今日忙到癲左，由 09XX 做到 1800 冇停過！
無啦啦又會咁多野做，仲要做極都做唔完，放工仲要開會添~
幸好 1915 開完就閃喇！之後過左 Facesss 呢......
初頭只係去 Sofina 換 Toner 既，但行行就出事喇......
行下睇下買下又放低左一筆，跟住仲撞見 Cherry 添~~~
原來大家都大出血呀！唉......呢個月要乖乖慳錢喇！

今晚撞見好多人呢又，先0係 Habour City 見到文文......
再0係 Facesss 見到 Cherry，最後0係海防道見到 Arwinna 添！
好犀利呀！一係就唔撞，一係就一日撞幾個，好攪笑囉 ~~~

呢幾日持續咁耳嗚，就唻嗚左一個禮拜喇！好辛苦 v___v

>>November 16, 2004 at 4:46:44 PM GMT+8

2004 年 10 月 31 日 星期日 【晴】

尋晚 YLT 完返到屋企都 00XX 喇！超級勁 "支力" 呢！
不過奉皇后姐姐既口喻，我返去都開機睇左佢個 diary......
睇完勁無奈囉，會唔會又俾佢起左個新 "朵" 先 -__-"

今日由 02XX 訓到 1530 先起身，超難得！
平時咁訓完之後第二日實好辛苦，今次反而冇喎！
訓醒之後，好似之前0的周身骨痛仲減左半添~~~

夜晚入左粉嶺同屋企人食飯，好耐都冇試過齊人喇！
每年除左過年同奶奶生日梗見兩次，其他都好少呢......
食完飯送左奶奶返宿舍後，我同家姐過左沙田逛左陣......
去左 H-D 食雪糕，勁多人！另外買左勁多零食囉......佢！
少 "支力" 的 2200 就撘車返家喇！討厭的臨落車訓著左......
不過幸好都知醒落車，如果唔係就行死喇......嘻嘻~~~

>>November 1, 2004 at 1:13:31 AM GMT+8

2004 年 10 月 30 日 星期六 【晴】

尋晚飲完過後超級勁 "支力"，返家洗白就訓喇.....
今朝依舊，超勁眼訓囉！起左身但隻眼都恰埋既......

成朝0係公司遊魂咁，食個早餐 C 既時候已經叫肉丁麵，
諗住食完辣野會醒0的，點知冇乜分別！幾經辛苦先捱到 1300！
點解星期六都會咁架？真係好好好眼訓呀......救命~~~

放工過左 Fuzion 食 Lunch，哈哈......好美味但好貴囉！
不過算啦！趁出糧食好0的......開心下！呵呵~~~ *o^
食完野遊左陣行左去尖東站撘火車，去到九龍塘搵埋乜都......
一齊入粉嶺，今年冇跟大隊入 YLT，發覺原來浸會園真係幾遠架！

入到去 1630，開始做夜晚 Red Cross Night 既 Preparation......
差0的連飯都冇得食呢！幸好最後都食左好多菜菜呢！呵~~~~~~
今晚好犀利，本應唔齊人但後尾皇上拎左 Permit 拎到呀！又齊人喇！
今次 sharing 都唔錯啦我覺得，除左冇預到班 member 會嗌之外......
不過都少 overun 呀！但 so far 都 ok 既~ 完左個 sharing 之後......
我地仲同皇上開生日派對添！咁0岩 112 班 Com. 經過，原來呢......
佢地有個小朋友 - 大頭係同皇上同一日生日架！哈哈~~~~~~
食過蛋糕、執過垃圾、同培正動物園班小朋友玩多陣就走喇......
因為已經 233X 喇！離開浸會園跟司徒 Van 出返觀塘轉的返家！
依然好眼訓 & 好 "支力"......哈哈......聽日可以勁訓！好野！

>>November 2, 2004 at 2:12:31 PM GMT+8

2004 年 10 月 29 日 星期五 【晴】

今朝繼續唔知醒起身，成 0815 先起.......
唉......救命呀！點解會咁架？下星期唔可以咁喇！

今晚去左 Louisa 既婚禮晚宴，好 high 的係去陽明山莊呢！
放工後約左 Hollie & Michelle 0係銅鑼灣等再一齊的上去~~~
見到好耐冇見既新娘子 Louisa + 伴娘 Stephanie，佢地今晚勁靚呢！
一開始新人出場既時候，佢地係著中式既禮服而唔係西式囉！
再加埋0的中式音樂會，好攪笑！不過都好 OK 喎，加上佢個場又正啦！
另外佢地0的小禮物仲好吸引！係一條水晶電話繩唻架！勁靚！

飲完我地 2300 走人，又飛返的落銅鑼灣再轉車返家！
好 "支力" 呢！聽日仲要返工再入 YLT ~~~~~~ 要撐住呀！

>>November 1, 2004 at 2:06:16 AM GMT+8

2004 年 10 月 28 日 星期四 【微冷】

尋晚 MSN 同 Keith 傾計，傾傾下變傾電話......
同佢傾完攪多陣 02XX 先訓，講真有0的擔心佢囉！

難得的呢兩個星期難得一朝知醒起身，都咪話唔勁！
不過返到去都冇乜心機做野，仲有成 3 個幾月呀......
進退兩難，究竟我可以又或者應該點做呢？好煩~~~~~~

放工約左嚴主任同黃主任食飯，撘船過去，感覺好正 ^__^
過到灣仔打俾黃主任，諗住約佢0係軒尼詩道間恆生等啦......
點知佢竟然問我：「恆生係咩唻架？」會唔會係咁先......

我地今晚去左灣仔既 Herpa Cafe ~ 0個度好正架喎！
0的位又舒服啦、個景又 OK 啦、又高喎，仲有好多飛機模式添！
0的野食都 OK 可以，又唔太貴~~~ Order 期間黃主任又玩野囉......
我地叫炒貴刁，佢叫炒貴 "燒"！跟住無啦啦指住嚴主任......
然後同個侍應姐姐講：「今晚佢請呀！因為佢今日『沖涼』(出糧)！」
明顯地姐姐被嚇親，隨即我同嚴主任即拎紙筆抄低，勁好笑囉！
我地食完傾完成 23XX 先走，臨走仲食左個好好味既拉斯維加斯呢 *o^

今日撘緊船既時候收到師姐電話，佢搵到新工喇！好開心呀！
希望佢做得開開心心啦！唔知幾時到我可以轉工呢？唉~~~~~~

>>October 29, 2004 at 5:33:15 PM GMT+8

2004 年 10 月 27 日 星期三 【晴】

而家日日都唔願起身，咁落去都唔係辦法......
真係要好好咁改善一下呢個嚴重既問題！

尋日整好屋企部電腦，今日到公司0個部出事......
其實一路塊底板都癲癲地，間歇性開唔到機咁......
點知今日，整佢的竟然開機開左半個鐘都開唔到囉 =.=
卒之開到發完脾４佢先開到，唔係唔想死呀化？
下晝 Dennis 唻左救佢，我呢......就周圍走下坐下......
好不容易先等到 1800 收工，乜都冇乜點做過......

收工落左旺角買星期六晚既用具，順便買左0的玩具......
跟住仲買左對鞋添！買晒野之後上左 HQ 做野.....
做做下發現原來有好多野做，不過其實今日上去呢......
主要目的係同師姐慶祝生日呢！話時話都幾好笑~~~
話說大家一早安排 Tracy 買個蛋糕上 HQ，點知呢......
個蛋糕上緊 HQ 既時候伍區長打俾我，話我知雪櫃已有蛋糕！
咁我即時去查探一下啦，發現......原來黎高級主任又買左呀！勁攪笑！
我一上到去就問佢做乜買蛋糕唔話我知，跟住佢又問返我囉......
得到0係佢地開開下 AU UO Mtg 既時候，我地彈左一個蛋糕入去......
上面插左 23 枝 Candles，等佢吹晒欣賞緊既時候，再拎埋第二個入去！
開心死師姐呢，超 surprise 囉佢個樣~~~ 我仲買左個小天使環俾佢添！
我玩到 2315 左右就走喇！今晚都冇乜點食野，食左少少打爐食物 + 1 格蛋糕.......

>>October 29, 2004 at 5:01:26 PM GMT+8

2004 年 10 月 26 日 星期二 【微冷】

尋晚返到屋企執電腦，然後同嚴嚴傾電話......
傾到差不多 0300 先訓，好勁！勁耐冇試過喇~~~

今朝又唔願起，0830 仲0係度懶床......哈......
冇法啦！鬼叫今日下晝放假咩，上晝更加唔願返啦！
不過最後都好乖咁起左身，返去冇停咁做左一晝......
Lunch 同佢地去左杏花樓食飯，試左個西米皮芋蓉湯丸~
幾得意呢個口感，又唔算太甜......但一碗成 6 粒囉......

食完午餐即刻飛返屋企，因為要抹左張電腦檯......
唔好講笑，部舊腦擺左咁耐冇乜抹過，今日一抹......
0的塵多到大到呢......全部都可以一舊舊咁拎起架......
超級勁糟糟呀！不過我抹完之後而家已經好乾淨喇~~~

抹完晒坐左陣 Dennis 就唻喇！佢仲帶左好多新野唻呢！
最緊要既梗係隻眼同個咪啦，真係好好玩的~~~ 呵呵......
部新機好快呀，個 storage 仲多左成 10 倍囉！哈.......
相比之下，我部舊機真係超級勁 "yap" 囉.......唉......
攪掂晒後我就不停咁裝返呢樣0個樣，卒之成晚就係對住佢.....
飯都冇食......直至 01XX，佢都仲好乖呢！實在太好喇~~~~~
不過我就......完全想死~~~ 個頭同兩塊扒依然極痛囉......

另外今晚又睇《Doctor Zhivago》呢！一連三個星期......
終於都做完喇！哈哈......唔使個個星期二都追到 0030 喇......

>>October 29, 2004 at 12:42:59 AM GMT+8

2004 年 10 月 25 日 星期一 【晴】

經過尋日一日勞碌，今日完全唔願郁......
加上膊頭0個兩塊扒又 "梗" 左，好辛苦~~~

今個星期將會過得 ok 閑，呵呵......正！
不過依然逃不過今晚既會，可惡的今晚仲要遲左開！
等候期間0係度周圍搵野睇，睇左好多 Xanga......
0的 Committee 將尋日既趣事打晒落去囉！睇到好好笑！

開完會做埋野成 1945 先走，仲約左 The Rock 1930 0係旺角......
當然係遲大到啦！今晚既聚會係同師姐預祝生日呢！哈~~~
我地去左食韓國燒烤呢，好耐冇食過喇！不過好不幸的......
我去到坐低冇耐，就隨即俾人淋油囉！好不高興呀 v___v

食完野都已經 2300，本來仲話約埋師兄食糖水，點知......
我地走既時候佢仲0係 Head 囉！卒之大家就散 band 返屋企喇！

>>October 27, 2004 at 11:36:35 AM GMT+8

2004 年 10 月 24 日 星期日 【晴】

為左今日，尋日早早返屋企......諗住早訓！
不過呢，到最後都係攪到成 0200 先訓......

今朝晨早起床，0815 出門口......向中環出發！
撘撘下巴士 Daddy 話叫我去買零食，唔使過中環！
過到金鐘極速去麥記 "dell" 左個早餐落肚，好滿足！
卒之0係買緊零食既期間得知 Daddy 地已經過左金鐘......
我要自己入赤柱呢！撘車期間去到深水灣既時候超 "火羅" 囉 ~~~

今日其實係油旺區既 Committee Gathering 呀！其實呢......
經過去年既睇袋經歷，今年既 expectation 都唔太高.....
人老左，唔願玩，所以一早約左梅佬一齊幫手看袋！Yeah *o^
1000 到達我 1600 早走，呢 6 個鐘都咪話唔勁呀！勁曬......
得到隻左手變左紅燒豬手，跟住塊面呢 ~.紅燒左左半邊，
最勁都係俾師姐攬濕左半個身囉！好明顯佢係跟阿朗哥風架下......
好慘呀！而家又紅又痛，我唔要曬紅／黑呀！可唔可以曬完但唔痛呢？
BBQ 期間同雞哥去左買野飲，然後0係個 Tuck Shop 入面隔離......
一個好舒服既地方坐左陣 & 傾計，好耐冇試過咁同 YU 傾計喇！
感覺唔錯！0個陣睇住佢 F.1-2，而家已經 F.6 仲要做第二年 HSL 添......
再睇下強哥，可能再過兩年又係咁！攪到我呢......好似好老餅咁呀 >__<

1600 同梅佬先走，撘 6A 出返金鐘，臨上車買左杯富豪既橙冰食！幾得意~~~
出到 PP 去左行 Wise Kids，見到好多 Playmobil 呀！好得意、好靚呀~~~
好勁咁忍住手買左一隻咁多 (Castle Guard)，個姐姐仲俾左本 Catalogue 我添！
行完 Wise Kids 撘返地鐵出去，先0係金地恆撞見曾致鋒同學！勁 "火羅" 的......
身為人地師兄既梅同學居然唔認得人地囉！都係我呢0的鄰居好嗟~~~ 呵~~~
出返九龍，再0係油地撞見 Mown 呢！勁高興呀！好耐冇見過佢喇......
我地一見大家都0係度大嗌囉，然後企左0係條巷度傾左勁耐，好開心呀！
離開油地，去左又一城買野！好犀利的......忍住手......只係買左支 Gloss 咋！
超攪笑的......走既時候又撞到人囉！今次係 Ben 唐呀！今日點解係咁撞人既？

買晒野後過左第一城食飯，同姐姐 & 婆婆慶祝生日！勁多人& 張檯勁大！
18 個人竟然坐到一圍囉！勁呀！今晚既飯局竟然食到 22XX 先散......
同平時既 "屋企飯" 比今晚真係好夜呢，加上我超勁 "支力".......想死呀~~~
如果聽日可以放假，咁樣幾好呢？唉......唯有今晚早0的訓發下夢把啦~~~

>>October 25, 2004 at 3:53:43 PM GMT+8

2004 年 10 月 23 日 星期六 【微冷】

嘻~~~~~~ 尋晚玩完返屋企已經 00XX 喇！
返到去為我部新電腦努力，期待著星期二呀！
不過對住部 1 個鐘 hang 幾次既電腦，真係好辛苦~~~

訓得既時候都已經報緊 0300 新聞，今朝嘛......
0745 起身，算係呢個星期最早既一日架喇！
返到公司叫早餐，食完再去入埋張票！好滿足！

放工後有人唻洗地毯，要等到 1500 先可以再返去.......
跟住 Hollie 唻左搵我食飯，0係呢個情況下我地選擇左唱 Lunch K！
哈哈......呢個星期第 3 次喇！勁勁勁勁勁滿足呀 *o^ 呵呵~~~

唱完剛剛好 1500，返公司執埋0的野就走喇......
之後同 Hollie 去買電話 & 行街街，好開心呀......佢！
我地周圍逛完再去 Tea，哈哈......傾左好多計呢~~~
Tea 完就各自返家喇！個 Tea 飽到我飯都冇食呢......

唔......如果我可以有多0的時間好似今日咁就好喇~~~~~~
可以同朋友坐下行下傾下計，咁既生活......好寫意啊~~~~~~

>>October 23, 2004 at 9:35:00 PM GMT+8