2007 年 3 月 21 日 星期三 【微雨】

機件故障,休息一天



昨晚開始好累好冇精神,
喉嚨痛...仲愈來愈咳...所以咪食埋咳水同消炎藥才訓...
點知今朝起身果陣...
手軟腳軟兼冇力...
經過一輪爭扎...最後都係撐不住,
決定要請日病假睇醫生,
因為真係好累....
兼且喉嚨都痛左成個星期....再咁落去都唔係辦法......
真係唔好意思喇各位同事仔...
要你地聽埋我d電話....辛苦晒....

>>March 22, 2007 at 11:39:44 AM GMT+8

2007 年 3 月 20 日 星期二 【陰】

愈來愈累 + 終於有新形象



今日都係咁...返工冇停手....
不過就變得更加疲倦...
因為一方面自己又唔夠休息~
另一方面喉嚨越來越痛,
仲好痕好想咳...
而且...一想起連今個星期日唯一的休息日都冇埋既時候,
真係當堂灰晒 v ___v
因此果日我地要上workshop,仲要係朝九晚五果隻,
晨早就要入屯門黃金海岸上課!!! 唉.......
好唔開心....

今晚本來好累,
不過由於自己太心急喇,
所以都係去左拎新眼鏡...
冇咩特別,紫色粗框眼鏡一副...
大家好快可以睇到~~~~

>>March 22, 2007 at 11:39:07 AM GMT+8

2007 年 3 月 19 日 星期一 【颳風】

好忙的日子



首先祝同事仔丹尼生日快樂啦～
依家應該好開心慶祝緊喇...

呢幾日Ｄ電話勁多!
就算好似昨日返足晒人，
都竟然繼續有waiting calls...
唉......都唔明白點解....
就算係復活節前都唔駛咁多電話丫!! >﹏<
聽到我真係完全冇得抖....
最慘就係好多電話都係問報關資料、查價錢、
又或者係對方客人付運費既柯打 一.一
「有意義」得很...

>>March 20, 2007 at 2:19:13 PM GMT+8

2007 年 3 月 18 日 星期日 【綿綿細雨】

前路茫茫



今朝一返工, 有個相熟既同事就話要搵我,
傾左成十分鐘...講左好多野...
聽完之後既感覺係...自己好白痴囉...
一直好像傻仔咁被蒙在鼓裡........
坦白講,依家大局已定,
都冇可能改變些甚麼......
不過,最少自己可以有個心理準備吧...
等自己有多點動力去做一些自己喜歡的事...

今日放左工,終"的"起心肝去配眼鏡...
去ALOOK試,貪佢任試唔嬲嘛~
試左好耐,終於都係決定揀左副紫色粗框既眼鏡...
好野~有新形象囉~各位拭目以待喇 ^^

>>March 19, 2007 at 3:04:04 PM GMT+8

2007 年 3 月 16 日 星期五 【微冷】

真的會這樣嗎?!



近來..接二連三見到之前離開了的同事返黎做...
係一般公司的確幾少見...亦係呢度既唯一強項吧...
呢間公司冇乜野好,
唯獨就係同事之間既關係比較真心和簡單...
做上司果d唔會無理取鬧...
我地撞板都係佢地幫手解決左d問題咋~
凡事都叫做有商有量囉~
其他野就.....認真麻麻喇... 一.一

聽講好多同事一出到外面既世界,
就好唔適應出面殘酷既現實,
要忍受俾老闆罵...又或者同事間既是是非非~
出到去做野比起以前係度做既時候仲唔開心,
所以有機會就返黎做....

聽完..我竟然覺得...心裡一寒...
因為我覺得呢度某程度上....
係一個養懶人既地方(可能係我既主觀感覺吧)
雖然呢度d同事真係幾好, 幾容易相處,又少爾虞我詐....
不過..點都好...再累積多點經驗先至轉工~
因為我始終經驗比較淺...依家轉工都冇乜太多選擇...

>>March 17, 2007 at 5:07:58 PM GMT+8

2007 年 3 月 15 日 星期四 【炎熱】

hurt so bad



今朝望住部ipod..
忽然間諗起好多唔開心事...
真的後悔...送左咁多野俾佢...
...jeans....ring......and other much valuable thing....
原來這對佢來說是一個心理負擔...
而且對我黎講...依家覺得好肉赤...
因為...我付出左咁多,
到頭來得到的...竟然是這樣的結果.....
............................................................
Hurt So Bad

詞/曲:張敬軒 編: Ronald Fu 監: 金培達

哭了 才發現自己真的受傷了
你曾對我說你永遠是我的。
為了愛情我把自己的幸福都忘了
你快樂 我就快樂

也許,是我們彼此都太年輕了
總是特別容易沉溺在愛情裡
每當我再次看到身邊美麗的花火，
你已離開我 我還是想對你說：

baby I love u so much, 你走了我的心在淌血
baby u hurt me so bad,想要你回到我的世界
baby I love u so much, 你給我的諾言已經瓦解
baby u hurt me so bad

只要我們都愛著無論多苦都值得 說好的你怎麼忘記了

>>March 16, 2007 at 10:48:07 AM GMT+8

2007 年 3 月 14 日 星期三 【炎熱】

原來,我真的好討厭...



今日,我突然發現...

原來,我真的好討厭依家呢度既工作...
原來,我真的好討厭一個人孤伶伶...
原來,我真的好討厭人地食煙...
原來,我真的好討厭那些不思進取既人...
原來,我真的好討厭那些堅持己見、固執、唔聽人講既人...
原來,我真的好討厭自己!
原來,我既內心...真的好傷...

原來......


今朝,一返到公司接既第一個電話...
真係令到我好"慶"...........!
話說貿易通(tradelink)一向都係我地客戶
佢搵我地派d密碼俾所有開電子報關戶口既客...
不過因為我地俾個價錢實在太低喇...
所以我地同佢之間係有一個協定...
就係只會派一次...如果冇人簽收就退番俾佢....

點知...有個自以為是,不知所謂既"董事"打黎...
話收到我地留卡,表示昨天派過冇人....
咁我一見到係tradelink既件,
就好自然咁話我地只會派一次,點知......
佢就發火係度勁鬧我,
話「你地呢間咩公司黎架?咁離譜既?
咁既服務態度都有既?
你地咁樣叫咩速遞公司呀?!
你快d叫你既上司黎!
豈有此理丫...你竟然咁樣同我講..
我以後唔用你TNT架! xyz@#$%...」
我頂!!!!!~~~~~~真係火都黎埋....
佢收線後我咪勁同其他同事"伸"囉...
激到我丫....今日第一個聽既電話就咁鬼勞氣!!!
董事? 咩董事呀?!你估大晒咩?
你間公司有著你呢d咁既董事...
都唔慌掂啦!@......
原來....正常如果去到冇人既話,
同事係唔應該留卡既...
可惜昨日負責呢區既同事放假...
所以搵左個替工派...
終於就出事喇....唉....
唯有講句自己黑仔啦!

***************************************************************
特首"亂彈"之 - 『黃金』煲呔答非所問

今晚有一套電視劇集要暫停,
就係為左讓路俾個特首競選"亂彈"
睇到兩人既辯論,
『黃金』煲呔既表現真係...令我忍不住爆笑:p


p.s.係呀! 我係沙官架 !

>>March 15, 2007 at 4:15:26 PM GMT+8

2007 年 3 月 13 日 星期二 【陰】

瘦田冇人耕,耕開有人爭 !



有時候...有些事情真係整定既...

今朝我突然收到一個電話...係公司同事...
佢同我講...另一部門有個空缺,
問我依家仲有冇興趣喎?!
跟住我就問..咁原本做果位同事呢? 佢去邊呀?
點知佢話...個同事想黎做CS囉!
我心諗:『下?咁攪笑?? 交換人手呀? 唔係呀嘛?!』

我忽然間覺得...自己咁犀利咩?! 竟然有人爭住要?
所以..有時條命真係...唔到你唔信..."
正如我今日同事叫我用微波爐要小心D,
我就即刻同佢講 :"生死有命"~~
我有時會諗...自己唔係呢個世上...會點呢?!
==============================================
活著多好 eason

遊玩時　開心一點　不必掛念我
來好好給我活著　就似最初
仍然在呼吸都應該　要慶賀
如果想哭　可試試對嘉賓滿座
說個笑話　紀念我

>>March 14, 2007 at 4:12:51 PM GMT+8

2007 年 3 月 12 日 星期一 【陰】

靈活變通?!



今日公司分別發生左兩件事...
都係令我覺得...件事本應可以大事化小的...
可惜陰差陽錯..結果攪到咁大鑊...
第一單就係由新加坡收件黎香港...
早上幫客人落柯打,
不過果邊因為有其他柯打要跟嘛...
所以就話下午五點前會覆...
不過香港收件人想今日內收到份件..
sales於是下午就打過黎追收件...
但是新加坡既同事就話嘗試call過兩次都call唔到個客...
之後我心諗...點解唔叫寄件人直接聯絡當地TNT者?!
既然依家時間咁緊迫,同事又CALL唔到佢既話,
不如直接叫寄件人打去TNT啦!
何必咁樣推來推去者?!
後來仲打電話去當地TNT搵負責收件果位同事....
我心諗 : 『冇用架喎』...不過..自己又唔方便插手...
所以...最終份件真係收唔到...攪到香港個客不滿之餘,
仲嘈到其他部門既人都知...我覺得無謂而且唔值得囉..

***************************************************
另一單就其實係我地CS呢邊既同事出錯在先...
事原係上星期四香港個客
收到匈牙利客人既消息落左柯打要求收件...
咁佢就上午CALL上黎,打算下午叫同事黎收啦...
點知同事唔記得放隻柯打落去SYSTEM,
收件同事當然睇唔到啦~
又碰巧個客遇到我地既收件同事...
咁佢就捉住同事要佢收埋三箱貨物啦,
但是同事當時兩手空空,
連車仔都冇架...三箱共36kg貨件..點樣徒手收呀?!
後來我地發覺落漏左柯打,
叫個客等陣啦..佢又唔肯等喎!!
之後就打電話上黎勁鬧個同事...
講明話要投訴添...
點知......
今日...就收到個客封投訴信...
仲要係send左去我地香港區既managing director度!!
幾大鑊呀!! 成個下午我阿頭就煩到死咁滯.....
去左阿寶哥度...公司d阿 ger 梗係緊張到震架啦!
不過今次攪成咁....一來個客玩野啦....
二來...當時其實....有冇其他辦法呢?
有時候一些事情可能當時要麻煩到其他人幫手,
但係...咁樣...會唔會減少左之後許多不必要既麻煩同誤會呢??! ......

>>March 13, 2007 at 5:02:07 PM GMT+8

2007 年 3 月 11 日 星期日 【陰】

燙傷喉嚨



今日食晏時,

諗住叮番熱杯鴛鴦飲...

不過可能自己太心急啦~

隻杯一d都唔熱呀,

可是一飲落去就…嘩…中招喇….好熱呀!!

"辣"親個喉嚨添 >﹏<

之後成個下午個喉嚨都好唔舒服呀.....

唉..真論盡!! ....

>>March 12, 2007 at 3:14:52 PM GMT+8

我叫彭婉妤(音愚)，愚人節出生，花名叫阿魚，個名倒轉讀就係魚丸「嘭」（簡稱「魚棚」），國語讀作彭鯇魚，成日俾人瘀，最唔怕瘀！！ 廣告 讀者留言 |  路人留言   | Happy Birthday T >>April 1, 2007 at 11:32:04 AM GMT+8 唔洗覺得, 今本呢到就係一個養懶 >>March 18, 2007 at 3:59:28 AM GMT+8 你係咪沙官人?? >>March 15, 2007 at 1:14:02 PM GMT+8 路遙知馬力、日久見人心 >>March 12, 2007 at 4:22:51 AM GMT+8 你認識TVB記者林小珍嗎？ >>February 28, 2007 at 12:55:45 PM GMT+8 要做一個成功和身心健康的人,就唔 >>January 28, 2007 at 4:15:51 PM GMT+8 乜妳原來咁感性架,真係睇唔出 >>January 21, 2007 at 12:08:32 PM GMT+8 Lonely Lonely Ch >>December 22, 2006 at 3:42:39 PM GMT+8 <br>Love Paradi >>November 22, 2006 at 3:39:12 PM GMT+8 你張相係唔係在屯門拍的呀？ >>November 9, 2006 at 4:35:10 PM GMT+8 You take more re >>October 2, 2006 at 1:10:17 AM GMT+8 真係病就要請假啦，其他人係唔係都 >>September 30, 2006 at 8:39:57 AM GMT+8 很久沒有留言了！我太忘了！ <b >>September 28, 2006 at 4:08:22 PM GMT+8 我相信呢個世界上真的有好人存在的 >>September 14, 2006 at 5:00:52 PM GMT+8 Take care! >>September 14, 2006 at 1:39:06 PM GMT+8 Me too. <br> <br >>September 12, 2006 at 1:39:01 PM GMT+8 秋天 使我想起這首兒歌 <br> >>September 11, 2006 at 3:20:57 PM GMT+8 我對你有信心，你一定得架！ <b >>September 10, 2006 at 6:57:02 AM GMT+8 How are you toda >>September 7, 2006 at 1:31:21 PM GMT+8 送一首歌鼓勵妳！ <br> <b >>September 3, 2006 at 5:08:31 PM GMT+8 彭婉妤，振作呀！Don't gi >>September 3, 2006 at 11:10:02 AM GMT+8 Wei, long time n >>August 30, 2006 at 2:31:20 PM GMT+8 Yuen Yu, what is >>August 29, 2006 at 4:37:43 PM GMT+8 Why do you need >>August 27, 2006 at 12:24:18 PM GMT+8 I never dyed my >>August 27, 2006 at 12:22:24 PM GMT+8 雖然我唔係好清楚你做的工作性質， >>August 24, 2006 at 4:03:50 PM GMT+8 多謝你的回覆！ <br> <br >>August 24, 2006 at 4:00:33 PM GMT+8 呢張相係你剪左頭髮之後的照片嗎？ >>August 22, 2006 at 12:59:56 PM GMT+8 別灰心，我替你加油，打打氣！ < >>August 18, 2006 at 1:01:06 PM GMT+8 Where did you wo >>August 16, 2006 at 12:56:35 PM GMT+8 我都有看魔盜王2！不過我覺得好似 >>August 16, 2006 at 12:55:03 PM GMT+8 首你一首歌鼓勵你！ <br> < >>August 8, 2006 at 11:06:06 PM GMT+8 http://hk.geocit >>August 2, 2006 at 4:02:37 PM GMT+8 Wish you recover >>July 24, 2006 at 3:04:29 PM GMT+8 Hi! How are you? >>July 16, 2006 at 2:49:08 PM GMT+8 我很喜歡約翰衛斯理寫的這個故事， >>July 10, 2006 at 2:20:25 PM GMT+8 剛剛先得閒睇下你的日記，好想知你 >>July 8, 2006 at 6:13:44 AM GMT+8 你靚左好多呀！ >>July 4, 2006 at 3:34:44 PM GMT+8 原來你做左"負離子"!!!張相都 >>June 15, 2006 at 3:33:03 PM GMT+8 Do you go to chu >>June 13, 2006 at 3:34:19 PM GMT+8 做個朋友傾下計丫~ <br>上面 >>June 6, 2006 at 10:38:39 PM GMT+8 你好! 吾有緣在sina遇到你, >>May 27, 2006 at 5:20:27 AM GMT+8 Katie, <br> <br> >>May 22, 2006 at 3:20:25 PM GMT+8 Katie, 呢排公司都好忙呀， >>May 18, 2006 at 1:22:02 PM GMT+8 http://www.pbase >>May 14, 2006 at 7:21:33 AM GMT+8 Hello! Long time >>May 7, 2006 at 4:18:06 PM GMT+8 hello nice to me >>April 27, 2006 at 2:55:48 AM GMT+8 我在 sina 看到妳妳的檔案， >>April 18, 2006 at 5:22:44 AM GMT+8 Hello, I find yo >>April 17, 2006 at 3:40:54 PM GMT+8 Katie, 您好嗎！ <br> >>April 5, 2006 at 4:19:01 AM GMT+8

人氣: 39219

Design & Scripting by ShowHappy.Net