2006 年 10 月 13 日 星期五 【乍寒還暖】

旺季


我地呢度係有季節性之分
年尾...又係旺季既時候
因為好多客要SEND一些聖誕禮品既樣辦~
又或者送賀禮俾外國客人,
所以近日來都做到手軟...
就連今天星期六,都忙到唔停手...
我真的不喜歡這樣的工作...
無奈~之前...想轉工...又失敗了
唯有暫時捱下去吧~唉...

--------------------------------------------------------------------------------

今日係我地一位收件既男同事,
同埋之前係我呢個部門做過既舊女同事結婚大日子~
好多同事都收到喜帖去飲佢地果餐~
有位人兄仲著到成身老西咁返工~勁誇張~笑爆嘴!

點都好啦...咁開心既事...希望佢地白頭到老啦!!

>>October 15, 2006 at 2:48:05 PM GMT+8

2006 年 10 月 11 日 星期三 【陰】

一公升眼淚


是我太過眼淺,
或是我太膚淺?
看著看著,
淚如泉湧的一發不可收拾...
尤其當我聽到主題曲...再將之與劇中人物連繫在一起之時...
我真的完全崩潰了....................
我很久沒有這樣痛哭過了......
竟然覺得...有點"愛上"哭泣...
哈哈...何以會這樣想的?
可能自己覺得...要像演員般哭得收放自如是非常難的......
所以...自己想學他們那樣吧................

>>October 12, 2006 at 4:43:41 PM GMT+8

2006 年 10 月 10 日 星期二 【微雨】

標題


我係度諗...我既title....係咪要改一改先至符合我依家既心境?
應該改為『既能知魚之愁...亦可魚眾忘憂』

>>October 11, 2006 at 12:14:20 PM GMT+8

2006 年 10 月 9 日 星期一 【乍寒還暖】

孤獨．感冒


又是一大堆問號．．．
電話簿裡有好多朋友，
曾幾何時聯絡過一排～～
然而．．．過左一段時間之後．．．
就好似消聲匿跡．．．

有時看著電話簿裡面的名字．．
真係．．唔知點咁．．
曾經相識．．但又唔多熟悉．．．
又唔敢打俾人地．．
自己感到孤獨～咁又點丫？
最終．．．都係剩低我一個．．．

＊＊＊＊＊＊＊＊＊＊＊＊＊＊＊＊＊＊＊
呢幾日忽然轉涼,又落雨...
所以好多人傷風感冒呀...
我都無一倖免...
最衰就係今日要補考升職試既其中一份卷...
病病地仲要溫書...唉...幾辛苦呀................
考完...睇番...原來自己錯埋d低能野囉....
唉............狀態唔掂...衰左都無計 !! >＿<

好彩聽日dayoff者...終於有得抖下喇～～

>>October 11, 2006 at 12:16:04 PM GMT+8

2006 年 10 月 6 日 星期五 【微雨】

Fw: 熱戀男女同居101協議...雖然我無福感受..不過睇下又無妨呀~


熱戀男女都是盲目的。

初初相識，大家都覺得「無所謂啦！」「你鍾意啦！」「讓我來遷就你！」
然而「相處好，同住難」，漸漸發現「就得一時唔就得一世」乃是同居的死症。所以，有心想過同居生活的熱戀男女，不妨先參考以下「101 條同居協議」。
筆者的同居生活，今年踏入第七個年頭。
女友是個極度需要空間（無論是個人空間或是實際空間）的藝術家，而我卻是個不甘寂寞的儲物狂……
她想要一個 Home Office，而我想要一個 Home Theatre…
她喜歡請朋友返屋企坐，我比較喜歡過二人世界…
她鍾意聽 Buddha Bar 那類 club music，我喜歡聽衛蘭唱《十個他不如一個你》…
似乎只有牙尖嘴利、不服氣、不認輸，是我們的共通點。
經過了一段日子的生活智慧＋實戰體驗＋誠意搭夠，現在二人四貓同一屋簷下的生活，算得上風平浪靜；間中濺起的浪花，反而成為情趣。
這篇「熱戀男女同居 101 式」，情商了女友仗義執筆，從同居男女的不同角度，列出同居 101 宣言，讓大家 happily living ever after！

What Woman Says:
1.不得在對方日間工作時間（home office）播放驚慄片、令對方極度討厭、反感的音樂影響對方的工作情緒。
2.但凡過大、過激、過分刺眼的掛牆飾物和傢俬，最好盡量減少或避免。
3.習慣有手尾，如垃圾不要亂放，或隨便丟出大門，有礙觀瞻。
4.兩人一同工作時盡量把不必要及多餘的聲浪如電話鈴聲減低。
5.了解對方的喜好，切忌擺放對方害怕的東西在屋內，以免發生無謂的爭吵及恐慌。
6.擺放用完的物品要妥當，盡量為對方方便安全而設想，如鋒利的餐刀要倒放、玻璃碗碟要安全疊穩，免生意外。
7.每星期例行家居清潔，各自負責清潔項目。
8.女的不怕爬梯踏高抹扇，男的也不應介意清潔貓咪廁所。
9.男的如廁後緊記把坐廁板及廁蓋放下。
10.要每天更換內褲（指男友）。
11.有朋友探訪，另一半要保持親切笑容及有講有笑。
12.兩人有權擁有私人物品、空間、時間，並且要互相尊重。
13.兩人要互相關懷對方生活以外的事情，不能收埋自己。
14.要多建立二人世界以外的社交圈子。
15.學習享受二人相處的寧靜一面。
16.在家時多跟貓咪玩耍，少跟對方說無聊話。
17.最好大家都有兩呎半的睡眠空間。
18.請學習認識與貓相處，不得強貓所難，愚弄貓咪為己樂。
19.睡房常備洋燭，不時搞搞情調，保持浪漫拍拖的氣氛。
20.不能說太多「我愛你」，也不能少說「我愛你」，要剛剛好。
21.不要過分依賴對方，也要適當的依靠對方。
22.同居不是佔有，要給對方有自己的私人時間及思想空間。
23.緊記不要過分認真吵嘴，免傷感情。
24.忌翻舊賬，解決問題，要一件事還一件事，發晦氣，只會愈演愈烈。
25.客廳最好有張沙發床，又叫「冷宮寢」，用來過冷河。
26.保持「我愛你」的新鮮感，多為同居伴侶搞點新創意。
27.同居不是婚前習慣，也不是拍拖完結篇，需要保持一定程度的興奮和浪漫情懷，不能預支婚後怠懶的惡習，如少來「你鍾意啦！」、「是但啦！」這些毫不積極的態度。
28.鼓勵對方實踐理想，一同向前走，各自在事業上爭取更好的成就。
29.事業型的女友要有作息時間，少對電腦，多對愛人。
30.嘴角常掛著甜美的笑容。
31.多說幽默的笑話，但一定要好笑。
32.一同參與小習作，如焗蛋糕、家具 DIY、甚至寫交換日記，享受一同歡笑投入的時間。
33.不要太早放棄，凡事得來不易，要加倍珍惜。
34.要常常記起初相識的好，吵架時記得喜歡另一半的原因，能降溫。
35.適當的小別，有助增進感情。
36.多為對方花心思，這是一種生活趣味。
37.男的偶然下廚，女的偶然陪坐打機，是同居生活的趣味。
38.男的就算甚麼都不懂，也至少要懂得用心說句「我愛你」。
39.吵架到白熱化時，終極降溫彈是「攬住你」。
40.想打圓場，男方不妨笑著講聲「對不起，是我做錯了」。
41.不論男方或女方，其中一方 EQ 至少比對方高半級。
42.要好好調節大家的生活時差。
43.同居第 43 式——「隱身術」，懂得在適當時候表現自己的存在；不適當的時候立即隱身，切忌在風頭火勢下，在另一半面前遮遮掩掩，不停發問題。
44. 和女強人同居，男的切忌過分小鳥依人；和「小鳥依人」同居，男的更不應軟弱無能。
45.同居不一定要晚晚同房同床，偶爾給對方一點距離，有助將感情拉近。
46.家中鏡子要放在二人都可照到全身的位置，不能出現男女不平等，男照到頭，女照不到腳的情況。
47.一個人一雙手沒有可能把所有家務都做得妥妥當當，自己看不過眼，便不妨自己大方些去做好另一半做不好的家務。
48.女方不時給男方四萬的笑容，勝過以千金贈情郎……（尤其在月尾時！）
49.既然同居，性生活不能忽視，也不能視性生活是理所當然。保持性生活的新鮮感是需要的，性生活也需要練習合拍才能達至無懈可擊的床上快樂生活。
50.冬天皮膚嘴唇乾燥，男友最好先剃鬚才錫錫 。

What Man Says:
1.同居是分享，不是分家，在小事上，譬如幾毫子的數，便不要斤斤計較。
2.屋租水電洗衫飲飲食食的洗費，除非事先講明由男人全包，否則人人夾一份，無論大份細份，還是 AA 制，大數目一開始便要清清楚楚，免生爭拗。
3.吵架時不要口口聲聲叫人搬走，後果可能一發不可收拾。
4.另一半去夜街，最好事先知會一聲，免得一時情急，報錯警。
5.帶朋友回家，最好事先知會一聲，讓另一半有時間執好間屋，又或者選擇留低或迴避。
6.每星期，甚至每日都要打電話返自己屋企，每個月最少有幾天返自己屋企食飯，要加倍關心家人。
7.如果另一半是儲物狂，兩人便要坐低慢慢傾，地方是共用的，不能太霸道。
8.如果另一半是購物狂，兩人更加要坐低慢慢傾，如果想換大屋、結婚、組織一個真真正正的家庭，除非你是富家子弟，現在便不能太揮霍。
9.同居不等於無私隱，如非必要，不要替對方拆信，聽電話，覆 email，甚至代對方發言。
10.男性的私隱還包括︰女人不要特登翻箱倒籠去搵男人珍藏的寫真集及 AV。就算「唔覺意」見到，都不要大驚小怪。
11.不要摷女人手袋，更不要摷女人抽屜。
12.人人品味嗜好不同，遇著自己喜歡的東西，亦不要勉強另一半接受。
13.同居意味兩人相處的時候多了，很多懷習慣將會無所遁形︰咬手指、亂發脾氣、大懵失魂、身材走樣……，除了「激勵」對方一改陋習外，更要記住「愛屋及烏」，看開一點。
14.無論兩個人幾夾，taste 都可能會不一樣。同居就是要學習互相遷就共融。
15.無論你有多不願意見家長，都要尊重對方的家人。兩個人同居，預了要見家長。
16.無論發幾大脾氣，都不可以掟東西，小至一個水杯，大至一迎張摺椅暴力，無論大小，都好恐怖。
17.無論發幾大脾氣，都不可以打女人。女人咬男人還可以接受，但最好事後識做，呵番！
18.記得另一半生日，利用屋企地形裝置佈下重重驚喜，精心炮製心形牛扒燭光晚餐，好過花一千大元去高級餐廳。
19.同居切忌習慣成自然，對多幾年，一日悶過一日，愛情好易自然流失。
20.女人對自己身材的變化天生敏感，女性更會當朝見口晚見面的另一半是一面鏡子。作為同居蜜友，有時候要懂得做一塊只會說「你最靚」的魔鏡，讓她在無壓力的情況下客觀地注意自己的體重。
21.性生活不能太頻密，亦不能太疏懶。
22.大男人主義在同居生活不適用，同樣，過份小男人亦會使另一半懷疑自己有沒有揀錯。
23.組織二人「政府」，共同立法執法行政，財政獨立，一個管外交，一個管內政，互相鼓勵，不妨每年發表施政報告，年終同居大事回顧，讓這段同居關係更加充實。
24.吵架的時候，男人盡量保持沉默，待女人冷靜後，才和她講道理。90% 女性都會在冷靜之後承認自己脾氣差。
25.不要令同居變成一潭死水，大家都要有進步，這樣同居才有意義。
26.給大家多一點空間。無論是識朋友的空間，還是儲物的空間。
27.男人不能把同居蜜友當成是妻子，一日未結婚，同居蜜友仍然是同居蜜友。
28.家務不一定要由女人來做，男人亦不應以「這都是家庭主婦的工作」來推卸責任。
29.二人共處一室，有人放屁對方一定知，但是放屁唔一定要認，這樣一個說有一個說無，尷尷尬尬，推說是喵咪口臭，放屁便成為了同居的小情趣。
30.任何一方財政走下坡，大家要互相鼓勵，不要互相抵譭。
31.同居容易有惰性，如「夜晚唔願瞓，朝早唔願起身」。同樣，同居容易激勵對方，如一個早起身，另一個都會唔好意思瞓得太晏。正所謂「近朱者赤、近墨者黑」。
32.間中一齊早起身煮早餐，一早有個好開始。
33.要學識煲湯煮幾味，「煮飯仔」是同居的生活調劑。
34.同居前要想清楚，忌與之前的生活比較。吵架的時候，更不要用「和你同居，我覺得好委屈」做彈藥，對方（尤其是男性）會好 hurt。
35.男人不願受束縛、監視，不宜結婚，更不宜同居。
36.請勿騷擾另一半入睡。如另一半的鼻鼾聲擾人清夢，臨時的解決方法是出廳瞓，長遠計最好還是去看耳鼻喉專科。
37.有心事，不要收收埋埋，朝見口晚見面，大家挑通眼眉一定知，要坦白。
38.偶爾放大家一天假，透透氣。各自去見見自己的朋友，做些讓自己愉快的事，refresh 一下。
39.正在使用的洗手間或浴室，是私人禁地，除非有 pass，否則非請勿進。
40.廁紙用剩一格時，要為對方設想，開定一卷新廁紙下一位用。
41.如果鄰居臭味相投，不妨做個好朋友，多一個照應，就算三缺一，無帶鎖匙，借油借鹽借貓沙都較方便。
42.交租，交水電煤氣費都要準時，免得沖涼沖到一半無水無電。
43.不懂得分享的男人，不宜同居，更不宜戀愛。
44.若有單身異性朋友單獨到訪，切記要事先知會對方，以避免不必要的誤會。
45.為激烈吵架及真的發生火災時做好準備，預備好「求生用品」、計劃好「逃生路線」、不妨有時進行「火警演習」。
46.工具箱、急救箱、日用補給物資要妥善存放，不要亂放，確保大家都知道各種物品的擺放位置，用完要有手尾放回原位。
47.萬一不幸分居，亦要有君子氣量，執好行裝，好來好去。
48.如果大家都想結婚，便要訂下進程表。一旦同居生活成為習慣，便會懶得去計劃將來。
49.對另一半的男性朋友，態度要客觀，要相信能夠成為另一半的朋友，總有他們特別之處。你看不到，只是你對她的朋友未夠瞭解。
50.戒妒忌，男人要有大將之風，小心眼，容易轉牛角尖，疑神疑鬼，只會令本來甜蜜蜜的生活變得又酸又澀。
後記︰第 101式常懷感激之心
感激我們沒有生於戰亂中，感激我們吃得溫飽，感激我們沒有生離死別的悲痛，還有甚麼好得過像現在兩個人在一起，你照顧我，我照顧你？

>>October 7, 2006 at 1:52:11 PM GMT+8

2006 年 10 月 3 日 星期二 【晴】

working spirit 跌到谷底


好唔開心.........................
自從兩個月前收夜遇到個麻煩客之後
今晚又再次黑仔到爆...
一做就做到十點先走得................累死.....................

話說個客上星期五send左份包裹去巴黎
打算係十月三日至五日既展覽會度派......
裡面果d全部係公司卡片同埋leaflet咁啦~~
點知..........份件原定二號到,
可惜中途又話唔知去左邊 ??!!
果邊就話三號派左其中一件.......
不過..........直到今日(四號喇) ~~客人就話一件都無收過 !!
佢實在好煩咁不斷堅持要我打電話去法國問究竟發生咩事~~
咁講落去實在冇佢辦法...我唯有順佢意思啦....
唉...打左一次加埋send email...
結果都未問到個真正既情況係點~~
之後佢又要求我再打多次~~
咁我又再追~~果陣幾乎差不多九點喇~
等左成個半鐘~~我都開始累喇...
咁我都同佢講得我一個係度額外幫佢跟~~
好彩果邊有d回應~
我再send埋email俾負責果位同事~終於晚上十點先走得!

今晚.......真係做到我好"慶"~~
點解每次都係咁.........一過六點之後就無人幫我?!!

>>October 7, 2006 at 1:20:41 PM GMT+8

2006 年 10 月 2 日 星期一 【陰】

OT... 做到我發晒爛"炸"呀!!


同事病左
結果又係我OT
做到五點半之後既order就開始麻煩到死...
個客發晒脾氣唔肯等...
仲要係唔止一個...
我一打去佢地就勁"炳"我.......><

>>October 4, 2006 at 4:43:17 PM GMT+8

2006 年 10 月 1 日 星期日 【陰】

意外．驚喜


今日本來無節目．．．
但係自己卻無心插柳咁擺左個烏龍，
攪到要趕頭趕命！：ｐ

意外 ---
我本來打算幫細佬買飛睇"穿PRADA的惡魔"
點知佢張卡就唔知點解好鬼麻煩,，
咁我唔忿氣喎，就試下用自己既卡去試下啦．．．
點知又好快攪掂喎！下？弊！！死喇．．．
個一刻真係呆左！
一個成身訓覺ｌｏｏｋ，又未梳好頭，只係得番半個鐘，
死啦！
咁趕，點算呀？！
不過．．自己又唔想浪費左張飛喎，
唯有拿拿林搭車出去啦！
不過．．真係勁狼狽～～～

驚喜 ---
睇完呢套戲，又覺得既幾好睇幾有新鮮感喎！
講事業與愛情之間既一個決擇．．．
幾緊湊呀，冇咩悶場．．．
一個意外發現既一個小驚喜！～

>>October 2, 2006 at 3:21:07 PM GMT+8

2006 年 9 月 30 日 星期六 【暴雨】

詹瑞文下集之 -- 男人之虎


今晚去睇佢第二齣舞台劇....
就係做左好耐既"男人之虎"
睇之前有好大期望...
可能呢d就係香港人既特色-人云亦云啦~
唔...睇完...覺得~有些悶場兼太多粗言穢語囉~~
果part可以玩少d囉...太多令人有些唔知點咁架~
尾段又有d唔知點...
不過詹瑞文本身都已經係一位非常優秀既藝術家~~
佢一人分飾十幾角...
真係扮乜似乜,仲要係極速變身......
男男女女都俾佢扮齊...

最攪笑就係有一part佢創左一個字出黎....
"Ｄｅｒｅｋｐｈｏｂｉａ" 中文即係"ｄｅｅ你恐懼症"
我即係諗起　Ｍｒ．Ｄｅｒｅｋ　ＡＡ　Ｃｈａｎ
嘩哈哈～～爆笑呀!!

>>October 2, 2006 at 4:08:08 AM GMT+8

2006 年 9 月 29 日 星期五 【陰】

# 多謝 #


睇到大家既留言,
首先,我一定要係度多謝 "win k" 撐我 !!! ^^
當然,我並不是覺得自己咁做係好應該架啦,
因為始終都要累到其他人工作量大左...
不過...起碼有人會明白我既苦況丫~
另外,我要多謝陳生封左一個名堂俾我今次既情況,
話我『自製五日假期』,
有人仲同我講「以為我唔知去左邊度玩添」~~ @﹏@無奈

今個月身體咁差,希望下個月唔可以再係咁啦!!..............

>>October 1, 2006 at 7:39:01 AM GMT+8

我叫彭婉妤(音愚)，愚人節出生，花名叫阿魚，個名倒轉讀就係魚丸「嘭」（簡稱「魚棚」），國語讀作彭鯇魚，成日俾人瘀，最唔怕瘀！！ 廣告 讀者留言 |  路人留言   | Happy Birthday T >>April 1, 2007 at 11:32:04 AM GMT+8 唔洗覺得, 今本呢到就係一個養懶 >>March 18, 2007 at 3:59:28 AM GMT+8 你係咪沙官人?? >>March 15, 2007 at 1:14:02 PM GMT+8 路遙知馬力、日久見人心 >>March 12, 2007 at 4:22:51 AM GMT+8 你認識TVB記者林小珍嗎？ >>February 28, 2007 at 12:55:45 PM GMT+8 要做一個成功和身心健康的人,就唔 >>January 28, 2007 at 4:15:51 PM GMT+8 乜妳原來咁感性架,真係睇唔出 >>January 21, 2007 at 12:08:32 PM GMT+8 Lonely Lonely Ch >>December 22, 2006 at 3:42:39 PM GMT+8 <br>Love Paradi >>November 22, 2006 at 3:39:12 PM GMT+8 你張相係唔係在屯門拍的呀？ >>November 9, 2006 at 4:35:10 PM GMT+8 You take more re >>October 2, 2006 at 1:10:17 AM GMT+8 真係病就要請假啦，其他人係唔係都 >>September 30, 2006 at 8:39:57 AM GMT+8 很久沒有留言了！我太忘了！ <b >>September 28, 2006 at 4:08:22 PM GMT+8 我相信呢個世界上真的有好人存在的 >>September 14, 2006 at 5:00:52 PM GMT+8 Take care! >>September 14, 2006 at 1:39:06 PM GMT+8 Me too. <br> <br >>September 12, 2006 at 1:39:01 PM GMT+8 秋天 使我想起這首兒歌 <br> >>September 11, 2006 at 3:20:57 PM GMT+8 我對你有信心，你一定得架！ <b >>September 10, 2006 at 6:57:02 AM GMT+8 How are you toda >>September 7, 2006 at 1:31:21 PM GMT+8 送一首歌鼓勵妳！ <br> <b >>September 3, 2006 at 5:08:31 PM GMT+8 彭婉妤，振作呀！Don't gi >>September 3, 2006 at 11:10:02 AM GMT+8 Wei, long time n >>August 30, 2006 at 2:31:20 PM GMT+8 Yuen Yu, what is >>August 29, 2006 at 4:37:43 PM GMT+8 Why do you need >>August 27, 2006 at 12:24:18 PM GMT+8 I never dyed my >>August 27, 2006 at 12:22:24 PM GMT+8 雖然我唔係好清楚你做的工作性質， >>August 24, 2006 at 4:03:50 PM GMT+8 多謝你的回覆！ <br> <br >>August 24, 2006 at 4:00:33 PM GMT+8 呢張相係你剪左頭髮之後的照片嗎？ >>August 22, 2006 at 12:59:56 PM GMT+8 別灰心，我替你加油，打打氣！ < >>August 18, 2006 at 1:01:06 PM GMT+8 Where did you wo >>August 16, 2006 at 12:56:35 PM GMT+8 我都有看魔盜王2！不過我覺得好似 >>August 16, 2006 at 12:55:03 PM GMT+8 首你一首歌鼓勵你！ <br> < >>August 8, 2006 at 11:06:06 PM GMT+8 http://hk.geocit >>August 2, 2006 at 4:02:37 PM GMT+8 Wish you recover >>July 24, 2006 at 3:04:29 PM GMT+8 Hi! How are you? >>July 16, 2006 at 2:49:08 PM GMT+8 我很喜歡約翰衛斯理寫的這個故事， >>July 10, 2006 at 2:20:25 PM GMT+8 剛剛先得閒睇下你的日記，好想知你 >>July 8, 2006 at 6:13:44 AM GMT+8 你靚左好多呀！ >>July 4, 2006 at 3:34:44 PM GMT+8 原來你做左"負離子"!!!張相都 >>June 15, 2006 at 3:33:03 PM GMT+8 Do you go to chu >>June 13, 2006 at 3:34:19 PM GMT+8 做個朋友傾下計丫~ <br>上面 >>June 6, 2006 at 10:38:39 PM GMT+8 你好! 吾有緣在sina遇到你, >>May 27, 2006 at 5:20:27 AM GMT+8 Katie, <br> <br> >>May 22, 2006 at 3:20:25 PM GMT+8 Katie, 呢排公司都好忙呀， >>May 18, 2006 at 1:22:02 PM GMT+8 http://www.pbase >>May 14, 2006 at 7:21:33 AM GMT+8 Hello! Long time >>May 7, 2006 at 4:18:06 PM GMT+8 hello nice to me >>April 27, 2006 at 2:55:48 AM GMT+8 我在 sina 看到妳妳的檔案， >>April 18, 2006 at 5:22:44 AM GMT+8 Hello, I find yo >>April 17, 2006 at 3:40:54 PM GMT+8 Katie, 您好嗎！ <br> >>April 5, 2006 at 4:19:01 AM GMT+8

人氣: 39218

Design & Scripting by ShowHappy.Net