2006 年 1 月 17 日 星期二 【晴】


黑

唉！！今日個計劃就咁就失敗左勒！！＞＜
仲搞到鬼咁唔開心添呀！！！＞＜
其實，我七點就起左身架勒麻！！只不過，一見到個sms，都唔知仲去唔去好。
最後，決定等人地打黎先再算。
點知，等左兩個鐘，佢都唔打黎喎！！！＞＜
唉！！

一直訓係張床到，完全唔願起身！！！！連肚餓都唔理！！！
ｔｏｏ　ｂａｄ～
接到電話，又係咁嘈！！！＞＜
心情指數直插谷底！！＞＜

最後，死死氣咁起身，去整左勁多野食！！
一路睇vcd一路係咁食食食，心情先好返d！！！
唉～

食完、睇完，返房想溫書。
不過，都係溫唔落。
最後，又一係一個完滿既結局。哼！！激死人激死人勒！！

夜晚開email，見到紫婷的新email，睇左陣。
哈哈！
好醒咁叫左C仔幫手！！！yeah~^^ 太好了。佢俾既意見的確好好多！^^
真係太thzzzzzzzzzzzzzzzzzzzzzzzzzzzzzzz佢勒！！^^

唔該晒！！靚靚！！！^^hee

>>January 18, 2006 at 4:34:40 PM GMT+8

2006 年 1 月 16 日 星期一 【晴】


大睡

尋晚趕左成晚，終於都完成左份勁煩既report！！哈哈！！
搞到朝早六點先訓！！！
所以，今日下晝就係大睡特睡既時候！！^^
連忠忠打黎都仲係矇下矇下咁！！^^heeeee
勁耐無見過佢勒！！^^

今日係屋企數毫子俾謝莉情。
哼！！佢竟然話唔要我d五毛錢！！！＞＜

夜晚，同紫婷傾左好耐，不過，其實我d意見都係....haha~
希望可以幫到佢啦。^^

p.s. 傾grand loan，果然有得著！^^hee
p.s. 聽聞謝莉尋日好威喎！！哈哈！！！！！

>>January 18, 2006 at 4:27:59 PM GMT+8

2006 年 1 月 15 日 星期日 【晴】


哈利

哈哈哈哈！！今日終於又睇左 HARRY POTTER II。^^
好睇！！不過，好似仲好過上次入戲院睇！！
可能因為個陣係坐A12既關係啦！^^Heeeeeeeeeeeeee

不過，我諗我都就死架勒！！
就黎考試，都仲日日係度睇碟！！！＞＜

>>January 18, 2006 at 4:23:02 PM GMT+8

2006 年 1 月 14 日 星期六 【晴】


教會x食白果x韓燒

朝早好準時呀！！九點起左身！！嘻嘻。
同謝莉傾到九點三就各自己沐浴更衣勒！！！！
點知，沖沖下涼，媽媽就好趕忙咁吩咐....................＞＜
結果，遲左三、四個字先出門口。＞＜

落到樓，第一時間已經打的飛去火車站。＞＜
可惜，都係趕唔切10:40‧‧‧遲左10分鐘！！！！！
原本仲打算今日唔會遲到架麻。＞＜嗚嗚。
好在都趕得切返11:00。^^

第一次返天泉。
要感謝 穎傑弟兄+莉雯姊妹 既帶領。
又一次返到父既殿當中。很感恩。
今日既主題：活著是基督。其實很貼身。
感覺，一點都不陌生，很親切。
雖然中途有打呵欠，不過，沒有打喝睡。^^太好了。

完左崇拜之後，就同大伙兒去左飲茶！！！
席間很愉快！！
「靚靚」既身份，完全咁曝左光勒！！^^heheheeeeeeeeee
不過，唉！！！由閒談，變成討論添！！＞＜其實，原本真的只打算當作閒話談談。
點知‧‧‧搞到原本輕鬆既氣氛變到好嚴肅咁。＞＜kut""""""""
幸好，大家都是神的兒女。^^ 不會介意吧！！^^

之後，就同謝莉急急腳咁去左長沙灣，會合她的豬妹妹。
唉。
長沙灣之行白行一趟。算了。反正那兒的東西，都唔見得好平。
一行三人又返回旺角，要尋找謝莉口中所講個對「黑粉紅」！！！
期間，我很好吧！！！哈哈！！（其實，我都唔太介意既，只不過，你應該一早就話我知。算啦～）

送走豬妹妹後，我同謝莉去朗豪坊既途上，竟然撞到 偉明。
哈哈哈！！！勁意外！！！！係勁耐無見過勒！！！^^
不過，我同佢竟然都互嘆，假若沒有謝莉，我地就相認唔到勒！！！嘻嘻。
因為，印像中，佢個appearance唔同左好多！！！^^哈哈。

到左朗豪坊，尋找洗手間之際，又竟然撞到係外國讀書既Cheezz！！！哈！
仲驚喜！！！
因為因為因為真係真係真係真係好耐好耐好耐好耐無見勒！！^^
咁岩佢返左香港，咁岩我地又可以係度撞到！！勁開心！！！
今次終於都見到佢既日本男朋友勒！！好好笑！^^可惜，只能短聚！！＞＜

行左一陣之後，同謝莉去左滿記Hea！！^^
Hea完之後，好搞笑地，join左洲同岡。哈哈！！！！因為佢地咁岩出黎買野！！
唉！俾阿岡激死我！！！！！

送左謝莉走之後，就同左佢兩個去食韓燒！！！
今次要等位！！不過，都係等左一陣就有位！！^^heeeeeeeeeeeeeeeee
全程都幾開心呀！！嘻嘻！！！！

今日又係食白果！！！＞＜





+...............＋...............+...............＋...............+...............＋...............+

>>January 16, 2006 at 9:55:27 AM GMT+8

2006 年 1 月 13 日 星期五 【晴】




朝早起身同屋企人去左飲茶。

原本今日係打算同媽媽出去買鞋+衫既，不過，最後都係決定係大埔買。
食完茶就同媽媽去左睇佢想買既波鞋同衫啦。
最後，買左對puma同一條褲。

之後，就出左去TW諗住買衫。
但係唔知做咩行黎行去，無乜心機睇。
結果空手而回。

p.s. 終於睇返第一集的Harry........^^
p.s. 因為早約左人，所以去唔到同Kenneth慶祝。＞＜唔好意思呀。＞＜


～～ｈＡｐＰｙ　ＢｉＲｔＨｄＡｙ　Ｔｏ　ＫｅＮｎＥｔＨ～～

>>January 16, 2006 at 9:54:17 AM GMT+8

2006 年 1 月 12 日 星期四 【晴】


有感

人　的確會
變的
還有　環繞我們的。

心境　隨經歷改變；
同時
將經歷的　又是隨著我們的心境而不同。

很神奇吧！
曾聽說：「命運改變我們的際遇，我們的際遇也就是我們的命運。」
對於玄學，我　其實一竅不通。
但於很大程度上，我是認同的。

然而，我更明白「命運在我手」。
很土的一句話吧！
不過，這並不錯。

心境　其實擁有改變一切的魔力。
縱然現實環境有限，從心境的舞台上，卻可給舞出無限。


+...............＋...............+...............＋...............+...............＋...............+

朋友
是實在的，也是虛無的。
實在的是，「人」真的在你身旁；
然而
虛無的卻也是，「人」真的在你身旁嗎？

>>January 13, 2006 at 12:46:43 PM GMT+8

2006 年 1 月 12 日 星期四 【晴】


我左眼見到鬼

今日執野既時候，先發覺原來有幾隻vcd係借左未還俾人架。
哈哈哈。

於是心血來潮，重看《我左眼見到鬼》。
不錯不錯。
因為，第一次睇，而經覺得好好睇，而且故事幾感人。
只少可以感動到我。

唔知係咪因為上一次睇，係同友人一齊睇，一齊傾下計咁，無太大感覺。
今次自己一個坐係度睇，竟然睇到係咁喊。
係經歷多左，感觸多左，定還是係因為早知箇中玄機，所以陪覺感人呢？

記得，最初睇個陣，只係以為一個好簡單既人鬼愛情故事。
以為只係好簡單咁講「何麗珠（sammi 演）既新婚老公意外過身，三年後sammi係一次車禍入面因受傷而左眼可以見到鬼。
咁就見到已故既小學同學 王勁威（劉青雲 演），不過係隻鬼，咁兩個人又相處左一段時間，一齊經歷左一d，但係sammi始終係好掛住佢老公，好想見返佢老公。」
以為就係咁發展d咩人鬼情呀咁。
點知，要睇到尾部份，先會知，原來同sammi一直相處既鬼，其實就係佢老公扮既。
佢老公一直都唔表露自己既真正身份，係因為想sammi好好咁忘記佢，而造就佢同王勁威既緣份。
又因為想保護、照顧sammi，而幾年都唔去投胎。
直至佢覺得sammi真係開心返，而且佢快要同真正既王勁威相遇既時候，就選擇去投胎。
當然，結局無咁膚淺啦。sammi見到真正既王勁威時，先知道，原來一年黎同自己日日一齊既鬼，就係自己朝思慕想既老公。
雖然，最後sammi都係會同王勁威一齊‧‧‧不過，真係真係好感人。

或者，因為早知咁保護佢、錫佢既係佢死左既老公，有一次仲連自己條鬼命都唔理去救佢，所以，由中段已經喊到落尾。
真係覺得勁感動。
加上，sammi 既愛‧‧‧

今次再睇返《我左眼見到鬼》，真係覺得好正。感動到爆。^^
而且，我一直都覺得sammi好好的！^^hee

p.s. 試問有邊個女仔唔想俾人protect？

>>January 13, 2006 at 11:56:50 AM GMT+8

2006 年 1 月 11 日 星期三 【晴】


元氣＞千之壽

由於尋晚同謝莉都未有結論，所以今朝無起到身。
嗚...............................

今日係「Kai子蛋糕壽司團II」既大日子啦。
其實，我都好想去。
不過，礙於蛋糕團入面，我就真係唔知去黎做咩，又唔係學、又唔係教。＞＜
加上，佢地夜晚去食壽司，我又要去補習join唔到。＞＜
所以，最後都選擇左唔去。（謝莉也說應該唔去好）哈。

夜晚，如常的補習，如常的遲到。
心中，仍是想著元朗的大大件和我的小昌子。＞＜

結果，放左補習，就同洲去左食心愛既元氣，補返數！！哈。
久別了，真的久別了‧‧‧＞＜
排隊的時候，打左個電話俾情情。^^heeeeeeeeeeeeeeeeeeee
原來佢地都仲等緊！！哈。（唔同音既「心心」........kut" 不過，笑死我。）
堅持之下，又坐到我鍾意既order位，唔駛同人迫！^^yeah~
很美味很美味很美味很美味。^^
p.s. 元氣三文魚頭湯【好味到震】
p.s. 元氣軟殼蟹手卷【極度美味】

夜晚返到屋企，知道佢地好成功啦！！哈。
原來佢地今晚無去到千之壽！去左另一間！！哈哈。（不過，抵d喎！40+咋。^^hehe 算啦～）
不過.............................................
同時都聽左一個「good news」！！！！＞＜【耿耿於懷】【唔開心到爆燈】
加上，大大的對比，就覺得好慘呢。＞＜【點解我之前要周圍走呢？謝莉情！！！嗚～＞＜】

結果，很多問題加埋，情緒低落到唔想同人講野。＞＜




+...............＋...............+...............＋...............+...............＋...............+


>>January 12, 2006 at 7:28:10 PM GMT+8

2006 年 1 月 10 日 星期二 【晴】

我的‧仙迪妹妹‧生日快樂！^^hehe
大個女勒！！！^^

>>January 13, 2006 at 12:06:21 PM GMT+8

2006 年 1 月 9 日 星期一 【晴】


腐壞了

朝早Joan打黎！！哈哈！
好耐都無同佢傾過電話勒。
雖然好似生疏左少少，不過，其實都好開心呀！！^^
最可惜，我仲未訓醒的！！^^hehe

下晝本來打算溫書，但係，結果都係繼續玩Game。
近排成日玩隻Game添。
所以，決定要收返埋隻disk，等考完AL先再拎返出黎打。
如果唔係既話，我應該死梗！！！哈哈哈

近排d情緒，起伏又開始大。
唔知係咪自閉得多呢？哈哈。
作為我既好朋友，你應該要對我好d啦！！哈哈哈！
要好好的照顧入微呀！！！^^hehe
事關，如果你再係同你越熟就對我越差的話，我寧願做你既半好朋友！！哈哈。
即係friend，但係唔熟個d！！哈哈！！
咁應該會最好的。
講緊你呀！！^^hehe 唉～
如果，我識你個陣，知你係咁，就一定唔會選擇同你咁熟啦！！！^^hehe


>>January 13, 2006 at 12:05:01 PM GMT+8

♂ 視 愛 。。。。。 廣告 讀者留言 |  路人留言   | hey~~好耐冇打日記wor你, >>June 1, 2007 at 1:08:34 PM GMT+8 http://blog.163. >>February 18, 2007 at 11:16:38 AM GMT+8 hehee....好開心！ <b >>January 26, 2007 at 6:15:12 PM GMT+8 thank you** my b >>January 22, 2007 at 11:21:39 AM GMT+8 多謝你呀!!!! <br>傻豬豬 >>January 5, 2007 at 6:47:47 PM GMT+8 仆親唔係小傷啦 <br>損左流血 >>January 4, 2007 at 3:55:42 PM GMT+8 得你地kai之ma~~ <br> >>January 3, 2007 at 6:48:10 PM GMT+8 Happy new yr 2~~ >>January 1, 2007 at 11:30:13 AM GMT+8 同昌子去&#21408;所有幾驚 >>December 28, 2006 at 6:17:57 AM GMT+8 心心~~我係小玲呀~ <br> >>December 8, 2006 at 6:46:35 AM GMT+8 喂...你同佢發生咩事呀?! < >>December 7, 2006 at 5:42:42 AM GMT+8 明天考試加油... <br>不能 >>November 27, 2006 at 3:22:38 PM GMT+8 呀...仲有...加油唷！ <b >>November 26, 2006 at 11:02:17 AM GMT+8 傻啦！ <br>放心打來吧！ < >>November 26, 2006 at 11:00:45 AM GMT+8 歧視不存在,世界更可愛! >>November 11, 2006 at 6:31:23 PM GMT+8 嗯！套衫幾好睇~!!! hee >>October 22, 2006 at 6:54:13 AM GMT+8 Toilet影的相好有氣氛喎! >>October 1, 2006 at 7:53:58 PM GMT+8 咪咁唔開心啦 >>September 11, 2006 at 3:01:44 PM GMT+8 傻妹 <br>記住睇自己幾時ad >>August 26, 2006 at 5:40:04 PM GMT+8 WING WING 25/8 晚 >>August 24, 2006 at 7:48:52 AM GMT+8 你點呀?! <br>幾時開學呀? >>August 22, 2006 at 8:03:46 AM GMT+8 哈哈~多謝你key 的相呢~~~ >>July 19, 2006 at 3:15:13 PM GMT+8 ^^行您想走的路~ <br>支持 >>July 7, 2006 at 6:43:16 PM GMT+8 又會冇啦啦記起 leo 既？ < >>July 7, 2006 at 9:00:24 AM GMT+8 hi cedar!! no ma >>June 24, 2006 at 2:56:44 AM GMT+8 Why you don't co >>June 15, 2006 at 6:32:12 PM GMT+8 嘩,我呢個電腦stupid終於研 >>June 14, 2006 at 5:59:04 AM GMT+8 哈哈！好耐好耐好耐無來過了！哈哈 >>June 12, 2006 at 12:22:21 PM GMT+8 Yes, the feeling >>June 6, 2006 at 6:25:39 AM GMT+8 HiHi Cedar ~~ Ho >>June 4, 2006 at 5:35:58 PM GMT+8 Cedar~ We are so >>May 26, 2006 at 6:23:03 PM GMT+8 Cedar, 你係日記裏講d咁不 >>May 20, 2006 at 1:52:19 PM GMT+8 Cedar ~~ This fr >>May 18, 2006 at 4:50:53 PM GMT+8 車~ <br>中間個張"骷髏骨" >>May 16, 2006 at 4:49:08 AM GMT+8 俾心機~ <br>你考完之後， >>April 20, 2006 at 10:34:47 AM GMT+8 LS俾心機呀~!!! >>April 19, 2006 at 2:46:53 PM GMT+8 ^^yeah~~~ <br>係呀 >>April 17, 2006 at 2:07:57 PM GMT+8 加埋油佢啦！ <br>功德圓滿！ >>April 17, 2006 at 9:55:28 AM GMT+8 ^^Cedar~ <br>我睇左 >>April 16, 2006 at 2:49:51 PM GMT+8 快d考完la~~add oil! >>April 16, 2006 at 6:06:06 AM GMT+8 Cedar~~ <br>係我呀~ >>April 14, 2006 at 4:32:02 PM GMT+8 Tomorrow Chinese >>April 11, 2006 at 4:45:16 PM GMT+8 梁小姐~~ <br>你錯過了我p >>April 2, 2006 at 5:22:31 PM GMT+8 WeiWei~ Exam is >>March 29, 2006 at 4:00:13 PM GMT+8 你一天一天比以前更加Lazy.. >>March 28, 2006 at 5:00:32 PM GMT+8 你好啊！ <br>咁岩我又係Ａ花 >>March 27, 2006 at 1:50:34 PM GMT+8 suk ching, <br>a >>March 26, 2006 at 9:40:11 AM GMT+8 為了理想、為了希望 <br>努力 >>March 24, 2006 at 5:09:23 PM GMT+8 death note遲下有fil >>March 13, 2006 at 5:06:40 PM GMT+8 原來妳都有睇死亡筆記嫁 <br> >>March 13, 2006 at 4:32:59 PM GMT+8

人氣: 66402

Design & Scripting by ShowHappy.Net